Pjs
"Ehemz... a lo hawi dawn em???”
"Tunah..a lo hawi ang..Van chhelo veee..."
Chu hmeichhia chu a rawn hawi duh reng reng lo..a zak ve tho chuan ka ringa..nge a zak hauh lo zawk ang..
Ka thawhpuite chu nulâ chaih lamah chuan an phur ṭhin êm em a, kawng bula thawh nawmna a ni ve miau vaa..
Kei chuan
"A pro pic-ah chuan kha ai khan a chhe lo ang.."
"A Dp-ah pawh.."
"A nŏ ve khawp mai..han chul hiam hiam vel a chakawm khawp mai.. tiraw ..Fela.?"
"Nia..A thianghlim khawp mai, sil loha ei tlak a ni.."
Fela chu ka ṭhian kawm ber, kan hnathawhna hmun aṭanga inchhar kan ni nghe nghe..
Slap chhunglai e tilo chuan Kawnga nula lo kal ṭhin chu kan han chaih leh dur dur zel a..a mak khawp, hmel ṭha vak pawha kan hriat loh te pawh hi hmuhtaih mai an awl lutuk..heti ang a han awm takah chuan..
Thawk kan tam tham deuh ṭhina boruak kan ngam tlang ṭhin hle, thawk kan tam deuh chang chuan, hahthlak lutuk loin cement kan chawka, cement plate han inpass kual vel pawh a hahdam thlak hle ṭhin..Nitin kan thawkchhuaka, kan pawisa hmuh ve na chhun a ni a, a changin a hlawk ka ti a, a changin a hlawk lo ka ti ṭhin..ka taksa a chauh deuh chang chuan, mahse hemi lo chu sum hmuhna dang ka nei si lo..
Kan thawhna pâ a lo lang thut a, taima ber awm fahrana han phet suau suau mai te, vai mistiri awmawl lutuk te leh an helper te thatchhe lutuk chu kan nitin nun hmana kan tawn hnem ber pawl an ni a, hmun hran hranah kan thawk kuala, hmelhriat hran hran kan nei zel a, inpawh tawn pawh a awl ṭhin hle a, he tiang mi nih chuan ṭhian kan ngah duh ang reng phian a ni..
"Nam kya" tih hi vaiho hmaa kan zawh hnem ber a ni a, chubak thiam ka nei lo kei phei chuan,
An hming an sawi ve maia..an sawi zawh hnu minute khat hnu velah ka theihnghilh leh daih zel..Mahse chutia an hming han zawh chhuah ve chuan, han melh ila an nui reng tawh mai zela, an hlimna siam a har lo hle a ni..Vaiho phakar zia leh an hlawkna turah chuan taima tak an ni tih hi ka hrechiang tulh tulha, pawisa an hmuh tawh chuan an en ngawih ngawih a,an meng hru hru a, an mizia a dang nghal vek thei..mak tak an ni..
Vawikhat chu ṭhianpa Fela chuan kan thawhna vai mistiri helper pakhat chu a hming a zawt a, "Lukman" a nih thu chu a lo hrilh ve maia..Mizo ṭawng kawikhat pawh thiam lo hi a ni a..a la naupan hmel viau lehnghal, chhun chawlh kan neih lai chuan, mei kan han zu a, Fela chuan chu vai tleirawi chu meizial pek ve a han tum chuan a hming kha a hre tawh mai si lo..Luk tihlam kha chu niin a hre ve ngei bawk si.
."zahmawh rawnkai deuh kha chu ni mawle"..tih nung nung pah hian.."chhuman'' a han tita ringawt mai a...ani chu a rawn hawi ve hâ ha tho mai. Mezial a han hmuh chuan phur fahran hian a rawn kal pheia..zuk a han tum; Mistiri chuan a rawn hmu fuh hlauh mai, meizuk a lo phal lo chu niin..
A rawn tlan phei, a hmawlh ken chuan a rawn hawlh sawk sawk maia, a rak nawk nawk a..a mitmeng lah chu a senrum tawh mai bawk si..Lukmana hlau lutuk chu a ṭap ta rawng rawng maia..a ṭap ring si...a hahthlak duh ngei mai..
Kan thawhna pa'n a lo hria..a rawn chhuk,
"Ngati ta nge..?"
Mistiri..
"Pu keimah nau meizial an lo pe lawmm"
"Awww...i vel mai elaw..a zu ve chak a niang chu.."
Mistiri a lung ni ta lo..rak nawk nawk a, a hnu chuan thuthlukna siam ni awm tak hian,
"Pu haw dawn..mistiri dang zawng mai rawh.."
A ti ta..
Lukmana chu a nau chiah hi a lo nia..a han thlem leh hnuhnawh a, ṭah a ban hnu chuan an haw ta daih a..
Zia lo tak a ni..kan thawhna pa hmaah pawh inthlahrun awm tak a ni..
An liam hnu lawk chuan..kan thawhna pa chuan hlawh min pê a, min hawtir ve ta daiha..nuih a za si; a nuam ang reng viau lawisi..haw kawngah chuan vai mistiri kha kan tawk leh a..
Inthlahrun hmel tak mai hian, hnuailam hi a rawn melh ngur maia..hlawh la lo a a haw daih avang khan va lak leh a lo tum chu niin..nikhat lek an la chhawr a..chu pawh chawhma chauh leh nghal..a ngeiawm ve hrim hrim..
A liam hnu chuan..kan lo nghaka, engtin tak lo ti ang maw..kan tia..a liam hnu rei lo te ah chuan a rawn lang leh hlawl mai..a mittui hi a rawn hru phei mawlh mawlh maia..a rilru a ná a ni ngei ang...lainat awm ang reng a sin aw...
Fela thil tih avanga thil thleng chu zia lo angreng tak a ni..
Vai pahnih kan vel a ni ta ringawt mai chu a nia(h) zan lamah Labour Association group-ah kan sawi nasa mai a..Fela hlir chu kan mawhpuh ta hlawm a. A tukah chuan regular a thawhna tur kan hre fuh leh ta hlauh mai a, biakin sâ a inhlawh tur a ni..kan phur tlanghlawm hle mai a..ei a ṭhat duh deuhhlek avang leh a tam zawk vai kan nih dawn loh avangin..
Chutia a thawk tur kan han thlenkim chuan pa tar ve tawh lam hi an lo awm ve nuk mai peka..kan phur lo nghal rawih mai, a chhan chu cement chhawk turin an tar tawh a, cement pù turin an laktlak tawh bawk si lo..heti angho thawhpui hi a hahthlak a ni..tirh dawnin..an zahawm ve bawksi..hlawh inang rengah kan thawkrim bik thei lutuka..ṭhalai zawk lo nih ve na laiah kan chhawk zel an ngai ṭhin sia..
Kar tawp kan han thawh thlen meuh chuan a ṭhalai zawkte chu kan chau tlang a niang, thin hi a chhe hlur tawh mai a..
Pa upa ve tawh tak, intithu zet mai pakhat hi a awm a..chupa kan huat zia chu groupah pawh kan sawihnem ber a ni..kan zinga kan hotupa ve ber Zaulian a'n chumi ni chuan a khak ta lawm..
"Ka pu..kan chau ve tawh a nia..cement in chawk thei si lo..in pu ve thei bawk si lo, hlawh inang reng bawk si..nangni ang upa tawh te nena thawhho hi chu ṭhalai zawkte tan hi chuan hahthlak tak a ni..pawisa lakluhna dang dap mai rawh u.."a han tikhur ta hlak hlak mai..
Chu pa chu a ngawi renga..
Fela chuan a cement put rawn ngahchawrh pah hian..
"Nia dik chiah..a ṭhalai zawk ten kan awl cheu a ngai ve khanglanga..hlawh a in ang reng bawk si.."
Rawn tive ta bul bul mai..
Chupa chu a insum thei tawh bik hek lo..
"E ..naute u..hlawh kan nei ve hleinem..kan biakin sa hian tlawmngai takin kan thawk ve zawk a lawm..Kohran upa ka ni a..kan tihve theih tawkah ngaiin kan pui zawk cheu a nih hi.."
Dam thlap maiin a han timai chu(h)
Fela leh Zauliana ṭah hla a tan "Mi vakvai mai ka lo ni he leichinah..khuk ral chem chem chem mai ka va han duh em.." tih hi ka phuah sak lo thei lo...an sawi hma kha an ngai ngawtin ka ring a lawm.
Lehlam hawiin kan han insignal zauh zauha..ṭah vak mai an duh ngeiin ka ring..
Sawi tur dang an hre tawh lo, an ngawi hmak a ni tawp mai...Ropui leh pek..
Labour Association group a tight leh dawn mang nge......
Kut leh kê ah cement eina a kaw chek chuka..a fai viau emaw tih tawh hnuah a han ro a, a var leh phuk zel mai te chu ngaiah kan nei tawh a..zan reiah, phone ah games kan han khel ve ngeia, chauh nen kan meng rei peih meuh lo, kan rank a sang ve hleithei lo. Zing kan han thoa, zing tho 'til khawng' pawh a neih theih loh, hmai a mawm hlup a, chuzawng chu ni mai..Chawlhni tlaiah kan han intuai parh ve a, in ringtawk lo tak chungin nula kan han mitsir ve zauh zauha..kan hnathawk lai hmuttu te bak melh tur an awm leh chuang lo..hiptu neih a har teh e..A enga mah hmain mi a enhniam nghal a, mi ngaihsan hlawh chu sawi loh, an ṭawngkâ in mi an fak a, an chhungrilin min hmusit si.."pasal atan mi taima ka duh" ti mah se, fapa chawmhlawm bak an thlang leh chuang lo..bike chuan nuam ti hi a tam zawk an ni miau a..sawi tam lo mai ang..
Ni khat chu kan khawmchakah slap chhungin ṭhianpa Fela nen kan thawk leh lawm..thawk kan tlem si..hahthlak tak a ni..kan thawhna pâ lah chu mi taima, engkima lo inrawlh vek tum, keini aia ṭhahnem ngai ni bawk si..a hrehawm teh e..
Chhunah lah, chhangthawp zai lep leh plate tereuhtê ah chana an rawn suak hrang ve a, chu thlawng chu kan ei ve a la nizui..
Mahse ka khawngaih angreng kha pa kha..a chhan chu a nupui doctor a ni a..fa pahnih an nei tawha, amah chuan eng hna mah a thawk lo..a nupui pa te inah an awm a, a nupui lah chu khaw dangah a awm daih bawk si..a nupuia pa nen an intithiam lo a..a lo hmusit viau a ni awm a, a in tur sak zawh vat a duh chu lo niin..a thaibawih ve viau a niang..
Chumi ni chuan ṭhahnem kan ngaihpui ve êm em a, mahse kan chauh a hlauh em avangin tlailamah chuan ṭutchawlh pah hian an chhunkaw chanchin a sawi a, an inchhung a, a thu loh zia leh a thawnthu lungchhiat thlak te chu min hrilh ta luam..chutia a rilru kaptu leh vei a neihte a han sawi chhuak thei chu a lawm em em mai pek a..keini pawhin kan lainata, a puih a puih hial te pawh kan duh viau a, han ngaihtuah chian phei chuan a chan chuan lung a tichhe ve thei lek lek..
Mahse mi phakhar khawngaih thla la lo tak a ni..bân a hun dawn tihah chuan..
"Kei zawng ka chan a chhe emai..350 hi hlawh ta mai cheu..!" Zuk ti a..ngei viau dawnin..a insawi khawngaihthlak ve tawh bawk si, a mah han en ila, hnuailam a melh tlat tawh mai bawk si. Kan han nghak deuh a, a rawn hawi chhuah chuan ṭapder hmel ngawih ngawih mai hian; a dawr dap hmel nguih tawh mai bawk si...
"Min khawngaih mai rawh u.." rawn ti tihlawl mai...zah pawh a dawn tawh lo..
lungawi lo tak chuang chuan 350 chu kan hawn ta ringawt a...
Kan thawk chhunzawm lo chiang ngei mai..
Labour nitin, kartin, thlatin mai chu kan tê rawih rawih a ni ber mai, mahse hlim ruk riauna ka neih ṭhin chu pawisa kan thawkchhuak ve a, pocket money, net pack leh topup kan nghei bik lo, chak tak taka bike khalh tur nei ve lo mahila, kan lungawina a inzat, kan lungawina kawng a in ang lo mai a ni..Bialnu nei lovin, nupui neihtur pawh zawn fêê ngai dawn mah se, kar tawp hlawh lak dawn ni leh ṭheka thawha pawisa lak tur chiah ngaihtuah tawh chunga han nuihsang baka nuam hi a awm bik chuang lo...hnathawh laklawh laia, labour khawṭha tihlawhtlingtu ruah rawn sur kan lawm ṭhin zia hi midang hlimna nena a inthlauhna ka hre bik hek lo..
Thawhrim rah baka hlu dang hi a awm lo tih ka chhar chhuak ve tlat...
(Comment min lo hnutchhiat ve dawn nia..)
Comments