DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

KA SONNET HMASA 7

-
I Ngâiin Chhùn Nî Ka Hman Liam Fo Hi!
© Chhantea Pautu

Khawhar hnèm rawh vala'n chawngfiang dungthul,
Zîngtian vaihna khûa a vàr si chuan e;
Sik boruak ang khêl lova khûa har thul,
Tlainémah ka kîanga'n lo lêng ta che.

 Nun thu sawia nun tak ka chhir si chuan,
Hlîng pal ang mai ka ni hrehawm pal kha;
Chêtah duh'sam reng a awm si loh chuan,
Beidawng lu dawm damdawi ngâi ka ni a!

 Mangang âu aw manganthlâk tak chu maw,
Ri chhûak lova thinlung àuhla ni si;
Sikthîang intan; lung a thîang lo maw,
Van Lal Fa ka àu khawng'e a awm si!?

Aww ka LAL, ka pa, i dûat i fa hi,
I ngâiin chhùn nî ka hman liam fo hi!

I Zâra'n Thim A Thim Hlen Ngai Si Lo!
© Chhantea Pautu

 Hmâkhaw suangtuah mangang ka buai em ni?
Miril ang maia dawnril buaina hi;
Sûlhlui ngâia khawtlàina mai em ni?
Maltlatin ka îang siar maltlat khi!

 A fûr a thâla lunglèn rûala mal,
Khûarèl zûn lo zâm rûala lungawina;
Khawhar hnèm rawh d'te- i thinlung sal,
Kàwl lova phûara i kalh...hmangaihna!

 Daipelh châng lo thlena mangang râwl chu,
Ṭawngṭai thawmín a chho chung vâna'n maw;
Ti hian i ngen ang aw Van Lal Fa chu,
"Isu nangin herna fawng chelh la aw."

 Aww...ka Lal, buai mangan ka cho ngai lo;
I zâra'n thim a thim hlen ngai si lo!




Inkàiin Kâi  Dùn Ang Aw Zâiin Tuipui Zâu!
© Chhantea Pautu

Duhna mei mit lo thinlunga rîak hi,
A her dang thei lo lunglâi rûk hi maw;
Siâr mal âu aw ka hria chhawrthla khi,
An dungthulin rìan khûa a séi dâwn maw!

 Tawn tirh thu di biakrema kan hlan kha;
Hnah hlui îangin nun hlui chang ta em ni!?
Hun hlui dâwn kir hian suihlung a lèn kha;
Tah-mûal pêl lovin lungtui hnâm em ni?

 Hmabâk kawngba sâma chempâi pàipàwn,
Tah-mûal pelh na'n dîptu hnim palin aw;
Nun khawchhuah tum vâl, thawvenna mûal lâwn;
Hringnun dîptu hlîng nei hnim hnawk si saw!

 Kan dai kâi dâwn lo'm ni tuipui lûang zâu;
Inkàiin kâi dun ang aw zâiin tuipui zau!


Lungtin Rualpuia'n Ka Sâwm!
© Chhantea Pautu

 Ka hmangaih, hmangaihna chuan a zui che;
Inhlatin mûal letliamah awm la maw,
Thinlung kîangah awmin ka chenchilh che;
Ka hmangaihnain a veng reng che aw!

 Ka tân awm la pawmin ka dawm zawm ang;
Kâr mah hla se ka tân i hnai em si!
Lungrûk dawhzawm ang dam te'n lo nêm ang;
I mi thlâkhlelh thlahlel thlâ a ngui hi!

 Khûain hûal che rawh se aw i dam na'n;
Hmangaih thudi hlan i ngai lo, hriat sa!
Ka thawk si i tân zângkhûa bungbut na'n;
Ka inchhûang ngam lo kei mirethei fa!

 Lungtin rualpuia'n ka sâwm ka hmangaih;
Kungtin parpuia'n ka lâwm ka hmangaih!




Ka Inthup Zo Lo Hi Min Ngaidam Rawh!
© Chhantea Pautu

 Ngaih lungrun nang ngaih puan ang bàn a har;
Lung a lêng, in rûnah i lo hmu em!?
Tuarhar sakhmêl maw mitthlâa'n i thar;
Lungrûk biahthù, kar dantu a ni em!?
Ngai zamin pawm dam la maw ka thinlung.
Lairil i fan, sàwn ka châk in khàrtung;
Lêngdùna suihlung rual châkna thinlung-
Lungrun a nghet si mi phuarna zûn zúng!

 Ka inthup zo lo hi min ngaidam rawh;
Nang i ni thinlunga ka hmangaih tawh,
Ngaitèa lêndun duh thinlung insawh,
Thinlung chavàiin rîakmaw kawng a zawh!
Liamin her mah la mûal liam mah la maw;
Laithin deng foin ka nghilh lo'ng che aw!


Lenkâwl Thlîra Suangtuah Khûa Ka Chùan Chuan!
© Chhantea Pautu

 Lenkâwl thlîra suangtuah khûa ka chùan chûan,
Ramri khám lo thinlung vâkvài chavài;
Laithin phàngin piallei thuah hnuaiah khûan,
Awmkhawhar vâl a zâl, pangti a dài!

 Hmangaih fei hmâwrin maw ka sâi ka dî,
Pârmâwi chhâla sakhming sak, 'Zohniar';
Lungrûkah veiin ka hmang liam chhun nî;
Vulmâwi ber a ni ka tân a sensiar!

 'Se maw, dàwnril suangtuah dî chang lo va,
Khawhara inngaihtuah vâl rîang ka lêng;
Sumpâi leh pianah duh'sam tling lo va,
Lungphang, zûa chang lo tur rilru ka sêng!

 Sakming chhâl na'ng pâr vâr thianghlim 'Lily';
Ka dampui kha a hmêl dam leh leili!


Lenkâwl Sik Ni Êng A Lang dawn!
© Chhantea Pautu

 Thinlunga rîang kha sîang ka lo lâwi a,
Tah lai fûra sûr khûangruah bângin maw;
Vàngpui lunglèn thotu pawh a liam kha,
Ka kham zo lo; tleitir her liam kha maw.

 'Se hun chhìar thla bi leh nî lo liam si,
En teh khûangchàwi thla a her chawhnu dawn;
Ih e, zîngtìanah borúak thîang ka hîp hi,
Mâwi ten lenkâwl sik ni èng a lang dawn.

 Ka lungrûk luahtu lungruni pawh khân,
Thinlung nat nghilha hlimna pâr khimin;
Buai leh lungnat pawhin a hnaih tawh nâng,
En teh, pheikhài zànga chàwn mâwi pênin...

 Sikpui borûak thîang hîpin tûal ka hâwi;
Tlàinèmah lungâwi dam te'n sîang ka lâwi.

Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more