KA NU SAZU KA RAWH!
© Chhantea Pautu
Ka nu Keifanga awm ka han tlawh a, chhunah ka thleng a, ka lo mu mai mai a, ka Phon
e ka lo khal nep nep vel a.
Mipakhat hi a rawn lût a, ka nu hnenah, "Kha i Sazu," a rawn ti ringawt mai a.
Kei chu ka lo meng phawk hrû a, ka nu lah chuan, "E ka va lawm ve. Fridge-ah hian kan dah a nge," a ti mai bawk si a. Kei lah chu ka bo tulh tulh mai a. Sazu Fridge-a han dah ngawt mai chu mak ka lo ti deuh a; chi thlahna lam thil leh chuti lam ngawr ngawr ka han ngaihtuah phei chuan khawvawt hnuaia, Ar El Khawlhring tilte tawm ṭhin te ka ngaihtuah thleng a. Ka nu Sazu chu ka ngaihtuah ta viau mai a.
Mahse ka Sazu pawh ni hlei lo, ka nu Sazu ka lo khawngaih viau chu ṭangkai vak pawh chuan ka hre ta chiah si lo va, engmah sawi lovin ka ngawi liam ta mai mai a. Tichuan, chhun laiah ka lo muhil pek a, ka mumangah lah chuan ka nu Sazu chu ka lo hmu nasa mai lehnghal a. Ka mumangah chuan thangah a lo awk niin ka hria, a châng erawh chuan thang chu ka nu Sazu zawk chuan a lo seh a lo seh mai a. Mak hi ka ti a, ka mumang lah chu a buai nuaih mai bawk si a; a eng a pawh chu ni se, ka mumangah chuan ka nu Sazu chu a lo thi ngei mai. A lo thi ang sen bei mai lehnghal a.
Chutah, ka muhil chu ṭawng ring deuh hian mi rawn ti harh pek a. Ka nu aw rawl sîn ring ve tak chuan, "Mate, ka Sazu hi han rawh teh," a lo ti a.
Kei lah ka harh chîang meuh bawk si lo va, ka mit nuai nawk nawk pahin, "Ka nu, a chi dawn mi?" ka lo ti a.
Ka nu lah chuan, "Ngah nge a chi loh ang, a hmul kha rawh mâm hân ang che," min la ti ta deuh deuh a.
Mahni nu te Sazu han rawh ngawt mai chu thih hreh tak hian ka hreh a. Ka hnial ngam chiah si lo va, Fridge pawh chu hawng ngam lovin ka tawi hrut hrut a. Ka hawn ngam loh chhan hi thil lianpui pathum a awm- pakhatna: ka nu Sazu hi la la hmu lo hrim hrim a, eng ang hmel nge a put tih lah ka hre lo, ka hmu hreh riau a ni. Pahnihna: ka nu Sazu hmul rawh mâm kher kher chu ka chak vak lo hrim hrim. Pathumna: hmeichhe Sazu hrim hrim hi ka nel lo, ka ṭih tlat.
Mahse ka nuin, "Ka Sazu rawh rawh," a ti miau mai si a, ka rawh ngei chu a ngâi dawn a ni.
Ka nu Sazu chu ka han rawh sak ta ngei a. Mak tak maiin ka nu Sazu chuan tilte lianpui hi a lo nei tlat mai a, ka rawh puar pang mai a. Ka rawh zawhah ka sil leh nawk nawk a, ka nu Sazu chu Fridge chhungah ka dah leh ta thân a.
Ka nu chuan a Sazu chu tlaiah a ṭhet darh a, a siam ta a. Hei ka tem a, a tui khawp mai. Mahse, ka nu Sazu tilte lianpui kha ka lo paih daih mai a, ka nu chuan, "A til kha i lo paih daih a, a tui tehreng nen," a ti a.
Ka nu Sazu tilte lianpui ka lo paih chu a pawi hle mai.
Comments