R E B E C C A
©Chhantea Pautu
Bung 7 Na
Ka han ngaituah vang vang a, chutianga a ṭawng chhan chu awm ngeiin ka ring ta a, zawh chi nge chi loh aw tia ka inngaihtuah fé hnu-ah zawh chu a pawi vak a rin loh avangin, min chhan duh loh pawhin a pawi chuang lo, ka ti rilru a. "A chhan a awm em? Entirnan, tunhma lamah i chungah thil thleng a awm em?" tiin ka han zawt ṭan a
"Awm hran lo e," tiin min reply a.
"Chuti chu mipa hlauh ngawt tur a ni hleinem," ka han tih leh hnu chuan a chanchin chu a sawi ṭan ta a.
"Awm hran lo ti i la, Leithumah khuan ka niin pasal a nei a. Ka ni chu a thi tawh a..."
"Chuan...?" ka lo ti zauh a.
"Kum rei fe hnu-ah ka ni te nupa lung an phun a; chu chu hmang turin ka u nen kan kal ve a. Kum 2007 nge kum 2008 ka chiang lo. Tah chuan ka ṭhiannu te chhungkua an awm ve a, kan khaw mi tam tak Ieithumah khuan an pem thla a. Tuna ka u pasal ni mêk, ka pa nau nupui hlui laizawnnu pasal te inah kan riak a.
"Zanah chuan TV kan en a, naupang mai kha ka la ni a, kum13 bak ka la ni Io. Intih nulat pawh ka la hre eih lo va. Ka ṭhiannu nen chuan TV enin living room-ah kan mu a. Kan riahna pa hi kan khua ami makpa a ni a, an nupuiin nau a neih hlim vel, thla 1 vel bawr a nih laia thil thleng a ni a.
"Khatia kan TV en kha kan lo muhil a. Kei bang lamah ka mu a, kan muthilh hlan chuan, in neitupa chu ka sirah chuan a rawn mu ve a, TV ena inlengte pawh an la awm avangin kei pawhin ṭhu chungin ka en ve Ieh a. Ka ṭhianu pawh chu a rawn harh ve leh mai a, Korean film lar Iai a nih avang khan an pek chhung kha chu kan en tluk tluk a.
"India sanah dar 11 vel a rik chuan inleng ho pawh an haw ta a. Keini pawh kan ṭhut hmunah chuan kan mu ve Ieh nghal mai bawk a, kan mutna tur hmun pawh a ni reng reng a. Engmah ngaihtuahna chang Ieh khatiang thil kha a thlen ka rin Ioh avang Ieh ka ngaihtuah phak Ioh avangin, ngaih ṭha deuhin ka mu mai a ni.
"In neitupa hi kan venga an rawn kalte hian ka nu hnenah, 'I fanu hi chu a hmel ṭha mawle, a fing reuh si. Fanu i nei ṭha bik," tih zawng hian min fak fo va. Bakah, min ngaina a, kei pawhin ka ngaina bawk a, ka û ang maiin ka en ṭhin a ni; ka ṭhianu nî pasal kha a ni miau bawk a.
"Chutia zan a han rei deuh hnu chuan Zipper in zip ri hrek hrek hi ka hria a, che chang lo chuan ka ngaithla ru ta reng a. A tir chuan in neitute zan lam che tur ri emaw ka ti ve mai a; mahse, khatih lai khan in neitunu khan mipat hmeichhiatna a la hmang thei miah Io, nau nei zo hlim deuh chauh a ni a.
"Ka thawm hriat chu ka bul hnai lawk ni-a ka hriat avang khan ka che sawn ngam ta eih lo va. TV chu ring lo deuh hian a la ri reng a, thawm dang hriat tham loh vela ring hian a la ri reng a ni. Ka ṭhianu lam hawia ka mut avangin muhil angin ka awm a, ka muhil der tlat a, in neitupa khan ka muhil Io tih a hre miah Io. Skirt sendâng hi ka féng a, ka Skirt hnuai Iamah chuan kekawrte lo chu engmah hak ka nei Io va. Khatih lai khan ṭhan thi pawh ka la nei hek lo.
"Chutia thawm kan ngaihthlak chian deuh chuan, ka sir lama mu, in neitupa hi a lo ni reng mai tih ka hre chiang ta a. Ani chuan min rawn hnaih hrek hrek mêk hi a lo ni a. A Zipper inzip ri chu a reh a, awlsam taka phawrh chhuah mai theih turin a insiam rem tawh a nih ka ring. Chutah ka banah hian min rawn zût ṭan ta mai a; mahse kei chu ka muhil der char char a, ka hlau ru hle bawk.
"A thil tih tumah ka la chiang ngam si lo, eng thil nge tih a tum tih kha hriat ka duh rualin ka hlauthawng ṭan tawh a; tichuan, ama lamah ka ban chu a pawt hnai hret hret a, hnuai lamah ka kut chu a pawt thla ta zel a, engmah ka tih ngam Ioh avangin ka tàl ta ringawt a. Ka ṭhianu chu ka va hnaih a, hnai thei ang berin ka va nek bet a.
"In neitupa phusa chu a reh leh a, kei erawh ka muhil thei tawh lo. Hlauhthawnnain ka khat a, ka mit erawh ka chhing reng tho. Ka muhil ni-a a hriat hnu-ah a ngai tè bawk chuan a rawn che ṭan Ieh ta a. In neitupa chu ka hnungchhawn miau avangin remchang a zawng a ni ber ang chu. A rawn che leh chu a ngampa sawt a ni ang, ka Skirt chu a rawn hlim chho ṭan ta hial a. Ka malah hian min rawn vuan a, kei chu ngam leh ngam lo hian ka lo che sawn Ieh a.
"Chutih lai chuan in neitupa chu a nupuiin a rawn ko a, 'Rawn mu tawh rawh, naupang pawh an mut tawh kha,' a rawn ti hlauh a. Ka lawm zia kha. Mahse, in neitupa chuan, 'Tv ka la en laklawh alawm,' a han ti ve zaih a. Dik tak chuan TV chu a off-na a rei Ieh tawh a. Thophang hmel deuh si hian Kei chuan, 'Tv a in on Ioh hi,' ka va ti ve ta tawp a.
"Chutia ka tih ve Ieh chuan a ti phur nge pawh ka hre lo, TV chu a han on Ieh kher a. A nupuiin a rawn koh aṭanga rei Ioah a kal ve mai ka rin tawh avangin kei pawh muhil turin ka mu rem ve Ieh ta mai bawk a; mahse, in neitupa chuan kal tumna reng reng a nei Io. A Jean kekawr hak chu khaw lum chhuanlamin a han phelh ta deuh deuh a; khatih lai khan khua a lum reng reng Io. Krismas hma Iawk hi a ni a, thlasik vanglai tak leh khaw vawh zual lai a ni. A nupui chu, 'A vawh tehreng nen, tun anga khaw lum lo sawi te chu...' tih pahin a nui ri bawrh bawrh a.
"In neitupa leh a nupui ṭawng thawm a reh vang vang hnu chuan kei pawh ka lo chhîng Ieh zeuh hman a ni ang, thaw ri huam huam hian min ti harh Ieh ta a. Ka han ngaithla chiang a, ka han harh chian meuh chuan ka Skirt chu a zahve lai hi a lo inhlim chho tawh a. Chutah, mipat hmeichhiatna hawiin min khawih a tum ngei a ni tih ka finfiah takzet tawh ni-a ka hriat avangin ka tho ta vat a, toilet-ah ka va kal ta daih a. A awm dan kha sawi chhuak ila, naupang mai ka Ia nih bakah hmeichia ka ni a, mualphona chu keima chungah a tla ang a, keimah vekin ka tuar dawn tih kha ka inhria a ni.
"Toilet-ah chuan minutes 40 vel ka va ṭhu a. Ka inngaihtuah a, mut leh kha ka châk tawh thlâwt Io, zing lam dar 2 vel a ni tawh a. In neitupa lah chuan an nupa khum lama mut phei tumna reng reng nei lo ang maiin TV chu a on a, en tur ṭha pawh a awm chuang tawp si Io. Chutah, ka inti huaisen lui a, 'Eng pawh thlengin ka chungah eng pawh tih tum rawh se, ka bei let ang...' tih rilru puin ka chhuak ta a.
"Ka mutna lam pan chuan ka kal a, 'Va mu tawh rawh, ka muhil duh tawh a nia...' ka ti a. Ani chuan, 'Ka TV en hi a zo ṭep a, a zawh hunah aw. Hei, mu rawh, i Ieng lutuk alawm,' a ti a.
"lnring ran chung chuan ka mu ve leh mai a. Ka mut a chhuak si, ka muhil ngam bawk si lo. Ngawi rengin ka ṭhiannu lam hawiin ka mu sawn a, ka muhil ṭep tawh, ka mit ka chhing ṭan tihah hian in neitupa chuan ka tai-ah min rawn ṭhâm ta chawt a, ka hlau lutuk chu ka che ngam si lo. A kut chuan hnuai lam a pan hret hret a, ka Skirt bawk chu hlim tumin a han ṭhâm leh ta a. Chutah ka huaisenna zawng zawng ka sawm khawm a ni ber ang chu, a kutah chuan ka man a, 'I thil tih tum hi ka hria a nia aw, ka au chhuah vaih chuan kan pahnihin kan mualpho ang, i nupui hian a ṭhen bawk ang che, i tenawm lutuk. Mipat hmeichhiatna hmanpui theih tur khawpa naupang lepler ka ni lo, i rin Ieh ngaih ang ngawta awlsam tura min ngai a nih chuan i ti sual viau ang, nangni ang mipa pawisak nei Io vang hian ka chhe dawn lo,' tih Ieh a kut ka paih sak sawk chu a inrual a.
"Ani chuan ka beng bulah zawi deuh hian, 'Ka îtna che a rei tawh. I hmel ṭha ka ti, i fing reuh bawk si, tumah i hrilh lo ang a, tuma'n an hre dawn hlei nem,' a ti a. 'Naupang mai mah ni la, ka duh lutuk che..dedede...' a ti ta chiam mai a.
"Min thlem a ni ber ang chu. Engmah sawi Io chuan kei chu ka ṭap ta ringawt a. Ani chuan a kekawr chu a la a, pawisa a rawn phawrh a, 'Hei hi ka pe ang che ang a, tap tawh suh aw. Chuan, ka thil duh min pe ve ang,' a la ti ta ṭalh a.
"Kei chu, 'Ka Io ngainat ve che tehreng che nen, i Io tenawm hle mai...' tih pahin ka tho a, an in aṭang chuan ka chhuak ta daih a. Ka u hnenah a zan a zan chuan ka chhuk ta a ni. Khata ṭang khan mipa hi ka hnaih ngam Io. India sanaah 3:30 a ri tawh a, ka riahna leh ka u riahna Iah chu a inhlat ropui si. A reh vek a, tumah hmuh tur reng reng an awm tawh Io. Ka hlau a. Ka lung chhia a. Ṭap hlawp hlawp pah chuan ka u hnen chu ka pan thla ta nal nal a, inchhungah pawh ka lut ngam lo, pawnah chuan ka mu tawp a, ka harh leh chuan khumah min Io dah lut daih tawh. Thil awmzia ka uin min zawt a, ka thiam ang tawkin ka hrilh a, chaw ei khamah min haw pui nghal nal nal a ni. Kha mi hnu khan leithum hi ka kal leh tawh Io," tiin Rebecca-i chuan mipa a hlauh chhan chu min hrilh ta a.
A chunga thil thleng avang chuan ka lawm lo hle a, Rebecca-i chu ka khawngaih bawk, a type lai khan angry emoĵa hian ka react zauh zauh reng a. Hmeichhe huaisen tak a nih hi tiin ka ngaihtuah a, "I huaisen ka ti hle mai," ka ti a.
"Ka nuin min hrilh tam ber chu, 'Hmeichhia te ropuina leh zahawmna chu kan thianghlimna hi a ni a, kan pasal te chauh kan hmanpui tur a ni, mipa dang lakah reng reng kan inphal tur a ni lo' tih hi a ni ṭhin," Rebecca-i chuan a rawn ti leh a.
"Nu ṭha tak i nei a ni," tih hian ka va chhang a; ka thinlung takin a ni.
"In thianghlimna in hloh chuan tu pa fa mahin an ring zo lo ang che u, inchhir Ieh rilru nâin in damchhung hun in hmang ang,' a ti ṭhin a. Ka u hetianga a nun tak si-ah phei chuan, ka thil tum chu thianghlimna vawn ṭhat leh ka u ang nih ve loh hi a ni. Miin, 'A u a chhun ang a, a rawn nulat hunah sâwn a pai ve ang. Lo en reng mah rawh u,' an tih loh leh, 'I u i chhun ang a, i nulat hunah sawn i pai dawn,' min ti ṭhin. Naupang tete pawhin min ti tho; chuvangin min ngaih ang leh an sawi anga ka awm loh nan theih tawp ka chhuah ve a, ka pasal Io Iaka ka zahawmna hi tih bawrhban ka tum lo."
"Ka hre thiam e Bawihi, i duh dan vak Io zawnga ka Io fiam palh che a nih chuan min ngaidam ang che aw."
"Fiamthu te chu fiamthu a nia. Eng ang pawn tum mah la min khawih pha lo tih ka hria. Ka pasal lakah chuan ka ler viau bawk ang," Rebecca-i chuan emoja nui lai hi a rawn thawn tel a.
"Ramri pel baka hmeichhe khawih hi ka tum lo," ka lo ti ve thung.
"Kum16 ka nih pawh khan inlêng ka nei a, pasal neih ka duh loh avangin ka ṭap nasa tawh mai a. Chhuat laiah ka nuar nasa. Kan dinhmun hian a zir lo chho ta zel si a, leng tar thei ka ni."
"I lo nei lova a ṭhat chu. Zawhna ka nei," ka han ti leh a.
"Han zawt la..."
"Kei min hlau em?"
"Hlau lo. Min khawih thei Io tih ka chiang em alawm. Khuaa ka awm lai zawng khan ngaihzawng ka nei miah lo."
"Kan inhlat chu thuhran ni se, inhnaihin inhmu reng thei ta ila, ka mizia awm ang i hre tawh ang a, i hlauh zawng mipa ka ni em? Chuti lam zawng zawk chu a nia ka sawi awmzia chu..."
"Hlau lo.Tunah chuan min khawih chhiat tumtute beih let ka ngam tawh. Mipa ka hlau ka tih awmzia chu mipat hmeichhiatna kawngah a nia. Pasal ka neih ngam lohna pawh chu bawk chu a ni..."
"Hehehe...a awm viau tho mai. Mak pawh ka ti lem lo."
"Pasal pawh nei ila, tih luihna ang deuha min khawih loh chuan, min mutpui thei Io sa..." emoja nui lai bawk chu a rawn thawn tel a.
"Ka kîangah chuan i ṭang Io vang..."
"I danglam bikna chhan tur han sawi teh?"
"Danglam bikna chhan tur sawi tur a awm chuang lo, thinlung inpawh tawnna hi sex-ah chuan thil pawimawh a ni ngei ang..."
"Ka ngaihtuah ṭhin a, pasal nei ila, min mutpui thei lo ta se..." Rebecca-i chu a nui tih a hriat hle.
"Mipain hre thiam tak Ieh dawh thei takin hmeichhia a dawr ve tur a ni, mahni châkna Ieh duh dan ngawt hrikthlak hi a ṭhing ngawt ang. Chuan, kei chuan ka mutpui thei khawp ang che..."
"Kan insual angai ang..." emoja nui lai lianpui a rawn thawn tel a.
"Kan insual a ngai lo vang."
"Mipa hian min hnaih ngam lo asin."
"Ka hnaih ngam lohna tur chhan che ka hre lo."
"Kut ka thlak reng che a ni mai. Kan venga tleirawl, min Io ngaizawngtu, min kiss tumtute kha abeidawng ṭhak asin."
"Hehehehe...i duh phawt chuan pawi lo; mahse, kut min thlak hmain i thinlung ka nei hmasa ang, kut min thlak a ngaiin ka ring lo."
"Mipa hi a falin ka la awmpui ngai miah lo. Mipaah hi chuan ka zei thlawt lo."
"A ṭhat chu. Zei deuh ka mamawh lo."
"I la mamawh khawp ang aw." Rebecca-i chu a nui leh chiang mai.
"l pasal laka i lerh tur thu min hrilh a, ka la nei dawn tho a."
"Mi an rawn lena an Ien rei te hian ka hnar haw zel a, 'lnleng-hnar-hmangi ka ni tawh." Emoja nui bawk chu a rawn thawn tel a.
"Lo hnar ziah ang che."
"Nula senior tuma'n an rim peih tawh lo."
"Heheheh...tleirawl ang lek i ni, ka tan chuan."
"Ka tleirawl lo chiang."
"Tleirawl ang lekin i awm thung."
"Ka naupang chhia alawm."
"Chuvang chuan ka ngainat che hi a zual a, i lawmawmin i duhawm riau."
"Ka pch lutuk alawm. Kan unau-ah pawh ka pch ber, kan te ber pawh ka tluk lo."
"Pch tak hi ka duh, nizan ang te khan live in min han ṭah chhan leh keuh keuh Ia," ka han ti a. "Ka zawt ang che ang a, dik takin min chhang ang che aw," ka han tih zawm a.
"Umm..."
"Nizan khan engvanga ṭap nge i nih a?"
"Ka ṭap lo reng reng e aw," Rebecca-i chu a nui a.
"Min han chhang teh."
"Ka hmangaih che min ti rawh,' i tih chiam hnu-a, 'A ngai Ieh Io. Ka hria aIawm...i mitah,' i tih Ieh khan ka rilru i ti nâ. I beisei tih ka hre reng a, min nawr luih i duh Ieh Ioh thu i sawia inthlahrung taka i awm ka hmuh khan ka nâ."
"Chuti khawp chuan maw min Io hmangaih?"
"A niang. Mahni inthlahrung hnuhnawh taka i awm, nuih za lo zeta i nuih luih khan ka thinlung a khei."
"Sawi tur min ti hre lo," ka lo ti a.
"Tun thleng hian ka la dik lo. Ka khawngaih che a ni deuh ber ang chu."
"Ka hre thiam e. Ti tura ka tih Ieh che hi ka ring tawh Io."
"Khatin awm tawh bawk suh."
"Heheheh...aw le."
"A tirah kha chuan sawi duh miah Iova awm a, i awm dan hmuh kha ka tum hrim hrim a. I thinrim kha ka ring zawk mah a. Min hmangaih tak tak loh tih ṭanchhan nana i hman ka ring a; mahse, ka rin loh lam daih khan i rawn che leh daih sia."
"Muanawma pawh i rin loh lam daihin a chet ziah kha."
"Kha tia i inthlahrung Ieh nuih za lo taka i nui ka hmuh khan ka na ngawih ngawih. Ka insum ve nasa asin le.Ṭah loh kha ka tum ve lutuk."
"Ka tân Iiau Iiau i mit tui hi vawi engzat nge i sen ang Ie?"
"I sual em alawm. Thlakhat em pawh kan la inbiak hmain vawi tam min ti ṭap hman a nia. l sual thiam ve ngawt mai."
"Mipa dang pawn an be tho lo che mi? Chung ho vang pawhin i ṭap si lo, an sual ve lo mi?"
"Sual ve lo."
"Naaaaa...mipa dangin an bia che."
"Min ti ṭap tur khawpin ka thinlungah hmun an nei Io. Hmeichhia vangin ka ṭap tawh a, a bialpa bulah dawt sawiin min lo puh a; mahse, min puh zanah kan man chhuak a, a bialpa nen an inṭhen nghal. Hit tawp. Mi inngaizawng ka sawi rempui hi an tam tawh asin aww."
Kei chuan, "A nih chu, tih tauh hrat si," ka lo ti a, ka nui var var a. Emoja lei chhuah lai hi ka va thawn a, "He emoja ka thawn avanga thinrim awmchhun," ka va ti zui a.
"Khami ṭuma ka ngei zia mai che chu a. Khatiang emoja hmanga nula bem awmchhun," Rebecca-i chuan a lo ti ve nghal zat a.
Comments