R E B E C C A
©Chhantea Pautu
Bung 6-Na
Zankhat chu Rebecca-i ka call a; mahse, a line a busy avangin a tlang thei lo va. A hnu deuhah min rawn text-in a nau nena an inbiak thu a rawn sawi a, an inbiakna chu rawn screen shot-in a rawn thawn nghal bawk a. Chutia a fiahna a rawn dah tel nghal thlap chu ṭha ka tih rualin, ka ring lo viauah a ngai em ni chu tih ngaih dan ka neih phah ve deuh a, a text message chu ka chhang ve ta nghal a.
"Bawihi, ring lo turah che min ngai suh," ka va ti a.
Ani chuan, "Ka ngai pawh a ni hran lo. Heta proven ka pek che hian ka awm a nuam a..." a lo ti ve thung a.
"Aw Ie, hetia i report thlap thlap hian kei pawh ka lawm..."
"Nizan khan ka nutei mb top-up min thunsak turin ka tia..."
"Chuan..."
"Hospital a kalin dawr an lo la hawng si lo va..."
"A nih chu, video call kher loin kan inbe rih mai dawn nia."
"Pawisa nawi ka nei lo va, ka hman nawi chuan thil dangah ka hman leh zel ka hlau sia..."
"Kan intext mai dawn alawm," ka la ti zel a.
"Keimah hian msg type ka peih lo a. Nangmah vang vek," tiin emoji nui hi a rawn thawn tel a.
"I type peih Ioh chuan kan inbe thei dawn si lo a, i khua a har dawn lo em ni? Kei chu ka khua a har dawn asin; i thatchhe sawt lutuk."
"Bakah maw, video call chuan mb a hek lutuk a..."
"A dik alawm, a hek bik. Kan inbe nasa sia you tube ka en phal mang lo," ka han ti ve a.
Kan inbe zing, kan inbe ngawrh, kan hun awl neih chhun leh thil tih lai pawhin kan inbe awl lo va; mahse, kan inbiak danah kan inning lo hle tih a lang si. Kan che vel, kan ṭawnkam leh inbiak dan hi tv screen-ah thlir theih ni se, a thlirtu tan hmuh a nuam ngawt ang. Inthlahlel takin kan in-muttui a, kan pahnih inkarah rinhlelhna leh rinawm lohnain hmun a la chang lo.
A tuk zinga ka han harh chuan Morning wishing message a lo awm a, ka chhang let nghal thuai a, thawh pawh ka thawh chhuah hma chuan kan inbe zui ta zel a.
"Nizan ka mangah ka lo hmu che asin," Rebecca-i chuan a rawn ti a.
"Engtin nge min hmuh?"
"Rihkhawdarah inhmu turin kan lo inbia a. Kawnga kan kal mek laiin kan Bike a chhia a..."
A type laklawh laiin, "A taka thlentir a ngai dawn a nih chu," ka lo ti hmanhmawh a.
A rawn sawi zawm a, "Petrol thun a ngai bawk si, khua kan hlat bawk si, i lo thinrim a, 'Min hmuh i duh tak tak Ioh avangin chhuanlam i siam. Rebecca ka rin ang i Io ni hauh Io,' te min lo ti a. Lungawi Io zet hian rih tui i lo thlir a; engtin tin emaw ni kan rawn thleng a, thinrim tih hriat fahran hian min lo chibai a..."
"Hahahah..cial eeee," ka nuih chu a za deuh a.
"Engmah sawi tur ka hriat loh avangin ka ngawi ta reng a..."
"Chuan kan inhmuam em?" Ka va ti leh hmanhmawh a.
Ka thu sawi chu ngaihsak duh lo luiin, "Movie en turin min sâwm a, ticket Ieina tur pawisa ka lo nei Ieh lo a; min leisak turin i pawisa neihin a daih tawh bawk si Io. A ruka min luhtir theih nan vengtute i lo bia a..."
"Kan in-kiss miah lo a ni maw?" ka va ti leh a, ka nui vur vur a.
"Aih. Hahaa...mang neitu hi ka thianghlim a..."
"Hit lo eeee..." emoja nui ka va thawn a.
"ln-kiss kher eng nge a ṭulna?"
"Ka hre nang. Adama thlah mipa ka nih hi..." ka lo ti sam et a.
"Hui eee..." Emoji nui lai min rawn thawn ve a
"Hui lam pawh a ni lo...ka awt che lawm mawle." Ka nui puh puh a.
"Ka eng nge i awh?"
"A vaiin."
"Hui eee...min it." Rebecca-i chu a nui tih a hriat hle.
"Hehehe...ka ta vek a nih kha. Engmah kha ka thu lovin lo khawih ve suh."
"Kan khawih nghal teh ang."
"Khawi lai?"
"Ka pumin."
"Ngai lo, lo veng him vek la a tawk. l thinlung tel khan."
"Veng himtu a mamawh; kei ni lovin."
"Ral aṭang hian ka hmangaihna che thinlung hian a veng reng alawm. A ṭanpuitu atan min hmangaihna thinlung ka mamawh," thu tak deuh tak hian ka han ti a.
"Ral khat aṭangin tuma'n an hlau lo." Rebecca-i chu a la fiamthu zel a.
"Hehehehe..."
"Ka ek a chhuak." Ek a ngah zia hi!
"I ṭawp thei tuk Bawihi," ka va ti a.
"Nge? l neih ve tho kha..."
"Hahahaa...va e rawh..."
"Ka kua a ṭha Io. Nizana ka noodle ei vang..."
"I ei hnem em alawm..."
"Pack hnih chauh..."
"Rapthlak ṭiah ṭiah..."
"Hmarcha ka ei tam bawk sia...ka ei rau rau chuan ka ti ṭawk zel."
"l hmel en ai hian i hrûanghrâu a..."
"Ei ka thei lutuk aIawm...chuan ka hrisel bawk..."
"I fit em?" ka lo ti khauh a.
"Naa...ka khup chen pawh ka zuan kàn theih ka ring lo..."
"I taksa a hrisel chuan a ṭha..."
"Hmeichhe hrisel tak aIawm ka nih. Chuan, tlema lu nâ te, pum nâ te, khawsik te pawh ni se, ka tuar thei lo..."
"Zanah min chawm zo ang em?" Kei chuan fiam ka châk thut a, ka nui var var a.
"Awi rapthlak eee..." emoji nui lai a rawn thawn a.
"A ngeee?" Fiam zawm ka châk tlat.
"I vir..."
"Vir Io bawk. Adama thlah mipa ka nih hi."
"I zei Ieh zei Ioah a innghat ang..."
"Ka zei Ieh zei Iohah chuan lo lungngai miah suh..."
"I zei fahran hi ka ring Io e a..." emoji nui lai lianpui hi a rawn thawn leh a.
"Engvang chuan maw?" ka lo ti ve thung a.
"Hre tawh bik lo..."
"Hehehehe...min nawr thiam dan azir te pawh a niang chu..."
"Thiam viau mai thei a," Rebecca-i chuan a han ti zuk a. "Awii..sawi tawh lo vang, ka zak..." a rawn ti leh hnuhnawh a.
"Eng nge Bawihi, i ṭim uai uai ami?"
"Ka mur..." emoji nui lai bawk chu...
"Hehehehehe...i duhawm a nih mai chu a..."
"Tun thlenga pasal ka la neih lohna chhan i hria em?"
"Aih. Ka hre duh..."
"Mipa hi ka hlau!"
Kei chuan mak tihna deuh hi a nei nghal a.
Comments