R E B E C C A
©Chhantea Pautu
Bung 5-Na
Khatiangin Ti Tawh Suh Ang Che.
Zankhat chu video call hmangin Rebecca-i nen kan inbia a,"Min duh ve tak tak em?" tiin ka zawt a.
"Aih. Duh lo."
Chu chhanna avang chuan ka hrilhhai lek lek a, ka hmelah erawh ti lang lovin ka nui ringawt a. "Duh lo," tia min chhan hnu chuan rei vak lo a ngawi det a, ka ṭawng leh hmain zawi sap hian, "Ka hmangaih zawk che," a han ti leh a, amah chu laiin a kun nghal daih a.
Chumi hnu-ah video call bawkin kan inbe leh a, chumi ṭum chuan a hnenah, "Ka mitah en chungin 'ka hmangaih che' han ti teh," tiin ka ngen a; mahse, ani chuan a sawi duh tlat lo mai a. Chutia sawi tura ka ti ngawt mai chu ka inthiam leh ta chiah lo va, "Tak takin, sawi lo mai rawh, pawi lo mai, min hmangaih tih i mitah ka hmu tho," ka han ti leh hnuhnawh a.
Rebecca-i chuan ṭawng lovin min en ta reng a. Kei pawh chuan ṭawng lo bawkin ka en ve a. A tu mah mah chu kan ṭawng lo, Phone hmaichhanah chuan kan in en ta reng a. A nakinah chuan Rebecca-i mit tui chu a rawn tla a, a ṭap ta mai. A ṭah chhan chu ka hre thiam lo hle mai a.
Video call-a kan inbiak zawhah Messenger-ah lan intext leh a.
"Ka ti mangang viau che em?" Rebecca-i chuan a rawn ti a.
"I bulah khan awm ila ka ti," ka lo ti ve thung a.
"Ka zia ve reng a nih kha, nga tan mah ngai suh."
A ṭah chhan chu zawh thui vak ka duh rih loh avangin "I ril a la ṭâm em?" tiin ka lo reply daih a.
"Aih. Ti nge?"
"Kei chu a ṭâm a..."
"Va ei la..."
"Mut dawna thil ei hi a hrisel Io alawm."
"Tlaiah i ei ṭeuh lo mi?"
"Vawiin tlai chu ka insûm alawm..."
"Nga ti nge?"
"Tùt min ti zel a nih kha."
"Ei in insum a ngai hlei nem, ei theia kan awm hi a hlu asin," Rebecca-i chuan a rawn ti a.
"Kham hnaka ka ei chuan a khat mah mah ṭhin," nui chungin ka lo ti thung a.
"A ṭha daih zawk alawm. Ei chak ngawih ngawiha ei thei lo mah an tam a."
"Bialpa khat deuh, mum deuh i duh mi?"
"A taksa Ieh hmel aia thupui zawk a thinlungah a awm," tiin a rawn nui a.
"lh, taksa pianphung Ieh hmel hi i en lo maw?"
"En hran lo. A pawimawh ber hleinem."
"I cial ve eeee..."
"Taksa Ieh pianphung en turin engmah ka ni bik lo."
"Writer nupui tur," ti-a reply-in ka nui suk a.
Rebecca-i chuan, "Nupui neih pawh Ia hman Io khan sawi sawi Io mai teh," a rawn ti a.
"Ka hman Io hran Io, i hman hun hun a ni mai."
"Vel a che."
"A nia Iawm."
"Ka haw hunah pasal neih ka hman." Milem lu nui lai a rawn thawn tuarh a.
"A va ṭha dawn tak," ka lo ti a.
"I la hman Io," a rawn ti leh hram a.
"I rin ang lo ni lo ta ila," tiin ka reply leh ta daih a.
"Ka tih dan zir ziah suh."
"Tak tak alawm..."
"Kei tak hian asin hlau."
"Heheheh...hlau suh."
"Ka hlau miau alawm. Taksa leh pianphung i en hmel si." Sticker nui lai min rawn thawn leh a.
"A'n ti ngei a..."
"A nia lawm."
"Hlauthawng suh. Chuan kei hi hmel leh pianziaa min teh vaih chuan ka tla sa. Anyway...ka thinlung erawh ka neih chhun a ni," thu tak hmel zetin ka han ti a.
"Kei pawh, ka tla na hle dawn a ni. Keini chu kan rethei bawk. Belh chhan tur engmah ka nei Io," a lo ti ve thung.
"Kei nena nun bul ṭan i inhuam em?"
"Kan ṭan tawh emaw ka tia?" Rebecca-i chuan nui tih hriat deuh hian emoji nui lem a rawn thawn tel leh a.
"Hahaha...inneih ka sawi der tawh a."
"Neih a tan chuan ka tlak Ioh," a rawn ti leh a. Ka ngaih dan a ni lo hle a.
"Ka nei dawn che tihna."
"l inchhir mai mai..."
"Ka thinlungin a dik nia a hriatah ka la inchhir awm hi ka hre lo," tiin ka chhang bul hmak a.
"I inngaihtuah ṭhin dawn nia. lnneih hi thil awlsam a ni lo tih i hriat kha," a rawn ti leh ṭâlh a.
"l mut a la chhuak miah nange?" Ka lo ti ta daih a.
"Aih. l mut a chhuak ami? I duh chuan mu tawh ila, ka muhil thei tho ang."
"I out nghal ang em?"
"Umm...ka Iu hi a rit deuh a."
"Aw le, ka thuziak i chhiar report hriat vat ka châk a nia. Muhil vang vang la a zia mai ang."
"Nih mut tui aw..."
"Mut tui le..."
Tlai khat chu Rebecca-i chuan ABC soup siam dan min hrilh a. Min ti phur riau a, voice call-a amah biak pahin ka han siam ve ta ngei a; chutih lai chuan ka chenpui pakhat hi a rawn haw a, ka chawhmeh siam lai chu hnung lam aṭangin min rawn kuah thuak thuak a, "Eng nge i siam a?" a han ti a. Ṭha deuh hian ka chhang mai a; mahse, chupa chuan, "E, khawchhaknu siam dan maw?" a han ti kher a.
Ka sa ta zak mai a; Rebecca-i nena kan inbiak laklawh lai a nih avang erawh chuan engmah ka la sawi chhuak lo. Chaw kan han ei dawn a, ka tih tum chu ka han ti ta ngei a.
Myanmar lama kan unaute, Zohnahthlak ngei ngeite pawh Mizorama cheng mi mawl ṭhenkhatin an en dan leh sawi dan ṭhin hi ka ngaimawh thei hle a, ka vei hle ṭhin. Khawvel a changkang tawh a, kan nunphung pawh a changkang tawh em em a, chutih laia mi mawl tlem te kan la awm hi pawi ka ti ṭhin. Myanmar chauh ni lo, ṭhenawm State dang, Manipur leh Nagaland leh Meghalaya vela kan Mizo hnathlak dik tak chengte nena inpumkhat hlan nghakhlela rilruin a vei lai leh mi tam zawk, rilru puitling leh changkang ten chutiang rilru an put tawh lai a, ṭawngkam dik lova lo ṭawng kha ka ngai thei lo hle a ni. Myanmar lama cheng kan Mizopuite Mizozia hretu ka ni ve a, mi chhuanawm tak tak pawh an tam tih a hai lo, Zaithiam Pantei phei chu a zai ka duh thei hle a, ka ngaithla ngun viau ṭhin bawk.
Chaw ei dawn chuan, "Nichina i ṭawng ang kha chuan ṭawng tawh suh ang che," ka han ti ta fak a.
"A hre pha mi?"
"Ani'n hre lo mah se i ṭawngkam hman dan kha ka duh lo."
Rei vak lo chu lan han inhnial deuh a; mahse, kei chu ka serious bawk a, ka chenpuipa chu lawm lo tih hriat zet hian ngawi ta zawk a. Ka tih loh zawnga mi frank, luhlul ve khat ka ni bawk a, "I tlawm mai a ngai reng a ni," ka han ti zui leh salh a, ani chu a ṭawng zui ta lo. Ṭha deuh chuan inbe tho mah ila, khami hnu aṭang khan close takin man la inbe leh ta lo va. Ka duh loh zawng ka lak fuh chuan dehkhirh tak ka ni ve a, a dikna leh dik ni-a ka inhriatnaah khin hreh ma nei ngai lo. A ṭul chuan.
Rebecca-i chunga khatiang ṭawngkam hman a ni kha ka lawm lo hle a ni. Ka naupan laiin kawmserh ka ni fo a, ṭhianzaho awm khawm zinga ka tel ve ṭum pawhin ka ṭhiante chu mi dangin min kawm hran sak fo a, a tawpah mal taka hnutchhiah ka ni leh ṭhin. Hei vang hi a ni mai thei, naupang ṭawng duh taka sawi ka ni ngai lo va, tumah ka ti buai hmasa ngai lo va; mahse, ka dawih vang chu a ni bik miah lo. A nihna takah chuan naupang luhlul leh ngawichawi tak ka ni ṭhin, insual pawh ka hrat ve khawp mai. Mal tak leh khawhar taka hun hmang ṭhin ka nihna chuan luhlulna mai piah lamah tawrhchhelna min neihtir a; chu la luhlulna leh ka tawrhchhelna chu ka puitlin hnu-ah ka chhawr ṭangkai ta a ni. Luhlul, sual, huaibak, nawrh leh suakbak chu ka naupan lai aṭanga ka awm dan a nih miau avangin la pa thunun pawh ka tawk nasa reng a, "Kei chu, ka pa vuak ṭhat ka ni," ka inti mai zel.
High School ka kal ṭantirhin ka tleirawl ṭawng duh a rawn chhuak ve ṭan a, hmeichhiain ka bula awm nuam an ti ṭan nghal a; mahse, tumah ngaihzawng enin ka en ngai lo reng reng, fiamthuin ka titi a, chu'ng ho chu ma kawm hlim a ni ve mai a.
Vawi khat chu tawn hriat nei lovin 'hmangaihna lipui' tia an vuah hi ka liluh ve ngawt a, tui hakin ka kulcho der a, tal chhuah leh kha khirh ka ti hle mai; mahse, ka na rei lo. 'Love Letter' ziah hun lai kha a ni a. Lehkhathawna kan inhlan ṭawngkam thlum tinrengte kha hun kal ta a ni chho a, hunin ka natna a her liampuiin a dal hret hret a, khawvel a changkang zel a, mi nawlpuiin Mobile Handset an hmang chho ṭan a, kei pawhin Mobile Handset chu nei ve zelin, ka hun hman dan chu a inthlak chho ve ta dawrh a. Lehkhathawn aiah sms kan uar chho a, harsa lo takin hmun hrang daiha awmte chuan kan thinlung kan inhrilh tawn chho a, kei erawh, he thil hian ka thinlung a kaihruai har deuh hlek a; chutah Smart Phone hmang ve lehin, Social Media kan enjoy a, Facebook leh Whatsapp hmangin ral ami pawh awlsam takin a inbiak theih ta a; Singapore lama Mizo nula, bright tak nena kan nun thawnthu pawimawh tak chu ziahin a awm ṭan ta a ni.
Comments