DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

DINTEI HIAN MIN MAMAWH A NI

-
DINTEI HIAN MIN MAMAWH A NI
©hhantea Pautu

       "Inthen ang."

       "Ka duh lo a ni; ka hmangaih che hi ka duh hunah ka ti tawp ngawt thei lo."

       "Hunthawl ka mamawh."

       "Hun thawl chu ka pe ang che."

       "Ni lo, ṭhian anga inen ka duh."

       "Mathan, ka thei lo tih i hriat kha..." tiin Rinsanga chuan runthlak zetin a han melh a; mahse, Mathani a ngenna chu a sawt dawn lo tih Mathani hmelah a lang si.

       Rinsanga leh Mathani chu an inbe zui tho nain an duh ang boruak a thleng thei tawh lo va. Mathani duh ang inṭhian ṭhatna boruak lah a awm hlei thei tawh nahek lo. Rinsanga'n a bem hmaa ṭhian anga an inenna boruak hlimawm kha a beisei ngawt a, a ti fuh lo deuh a ni. An inngaihzawnna, an inhmangaihna inkarah khan inṭhian ṭhatna han rawlh zeuh se a kim ni mai tur. Mathani'n inṭhian ṭhatna chu inngaizawng lova inṭhen phawta hmuh theihah a ngai a, Rinsanga lahin a tih tur a ti tawk lo deuh.

       Mi piang thar, rawng bawltu, phak ang tawka Kohhran bela rawng bawl ṭhin an ni; mahse, an pahnih hian pawl ram chungchangah rilru zau tak an pu a, Pathian an ṭih dun hle mai bawk hi miten an fakna a ni fo. Rinsanga zawk phei hi chuan thu sawi a ti thei fu lehnghal a. Mi 'light', ningkhawng hria leh, rilru tunlai tak an ni a. Tunlai khawvel changkanna mila Pathian thu kalpui thiam erawh an ni lo; Pathian thu mila tunlai khawvela nun hmang thiam an ni thung; chutiang mi chu inkawp rem lovin an inṭhen si.

       Rinsanga chu thil pawimawhah Mathani awmna, Lunglei lamah a kal leh a. A remchan em avangin a ṭhian pakhat, mihring nun harsatnain a tlakbuak, lungngaihna manganthlak tuar tawh hmeichhe pakhat, Dintei a hmu pah a; a hmel ṭha fet mai. Mathani nena inhmuhna remchang tak erawh a awm lo. Tih tur a neihte ti zoin a haw a, Dintei nen an inbe tlangnel chho zui a. Hetih lai hian, Dintei chuan a nuna harsatna lo thleng zualpui a pal tlang ṭan tawh a, a bula awm nuam tak, lawmawm tak ze pu leh harhvang deuh tak a ni a. Harsatna hahthlak tak a tuar tawh tih a hmelah a lang tawh lo va, Rinsanga paw'n a bula awm nuam a ti takzet mai.

       Hun a kal a, ni a liam a, thla a ral a, October thla a lo thleng leh der tawh a. Rinsangate ṭhiandun pawh an inbe tuihnai zui viau mai. Chhungrila inpawh, thinlung inhmu, rilru inman, lang theia inhaw lo; induh ru tawn mah mah zawka awm na na nate inkawm chu, midang tan pawh hmuh a hrehawm hauh lo. A lo thiktu tan ngawt lo chuan.

       Lunglei lama tih tur a neih tâk avangin thlahnih vel zet chu a awm leh tawh. Hlim takin an inkawm a, an titi sep sep a. An thinlung chu suih zawmin awm mah se, pawn lam lang thei leh hriat theihah hmangaih thu an la thlung lo va. An inthlahlel tawn a ni tawp mai e.

       Chuti ang hun hlimawm an hman mek lai chuan tlai khat, Rinsanga chu Dintei chuan a be ṭha duh ta tlat lo, a va len chang pawhin a lo dawngsawng ṭha duh ta miah lo va. Mak a tiin a hrilhai ang reng hle bawk. Zankhat chu a va lut chiah tihin Dintei chu leng chhuak turin a insiam a.

       "Ṭhiani khaw'nge i kal dawn a?"

       "Ka chhuak dawn."

       "Khaw'nge i fanu?"

       "I lo ngaihven ve a ngai lo vang."

       Rinsanga chu a lawm lo ru hle a. Thinrim hleihtheih a ni si lo, Dintei lah a tûm hmar mai bawk si. Zoremi chu a pite in lamah a awm a nih a ring ta ber a. Lungawi lo tih lungawi hi a thiam tehchiam lo hle a, ti lungawi ta chuang lem lovin an inhaw san a.

       Rinsanga chuan muthilh har a ti ngei mai. Khatia Dintei a awmna chhan kha eng nge a hriat loh avangin, chumi ngaihtuah chuan a let a let a, khawvar dawn ṭepah a muhil ve ta hram a ni. Ni chhuah hnu fê-ah a harh a. Dintei sms a lo awm a.

      "Ka lawm e aw Rin...ka tih palh..." tiin.

       Dintei chuan karkhat chhung chu a tih tauh khum ta zauh zauh a. Len pawh a phal ngai lo. Zankhat chu Rinsanga chu len a tum lui ve ta ngat a. A thleng ṭep tawh tihin Mathani'n a rawn ko a.

       "Rin, lo kal lawk teh, inkawm lawk ang."

       "Ka va hman lo ve, tih tur ka nei a."

       Mathani chu a ngawi vang vang a, Rinsanga chu a rawn pan ta zawk a. "Nuthlawi i riah chilh ṭhin thu ka hria asin."

       Rinsanga chu a nui sak a, "Dawt a nih chu Mathan."

       "Rin, ka hmangaih che; hetianga awm hi ka thei tawh lo a ni."

       Rinsanga chu a ngawi vang vang a, "Mathan, kan pahnih tan hmangaihna thu sawidun hun chu ṭhian anga inkawm i rawt ni aṭang khan a tawp tawh. Inṭhen i rawt a, 'Ka thei lo,' tia ka ngen lai che khan, mipa nep leh chak lo hmuhin min hmu a; tunah chuan, min mamawhtu tana mipa chak ka nih zia lo en ve thung tawh rawh," a han ti a.

       "Khatih lai khan hunthawl ka mawmawh em a ni, min ngaidam rawh."

       "Hun thawl chu pek ka tum che a; mahse, ka ngen che kha sawt lovin inṭhen i rawt tho si."

       "Hei hi nuthlawi pakhat vang maw?"

       Rinsanga chu a vawihnih nan a nui leh sak a, "Nangma'n min mamawhna aia sangin ani hian min mamawh zawk asin," a han ti a. A ngawih det hnujah, "Dintei hian min mamawh a ni Mathan," a han ti nawn leh a. A kal ta a.

       Inchhunga a zuk lut chu, mit la lek lovin Dintei chuan a lo en a, a mit tui a tling pam a. Rinsanga chuan a awmah a va pawm bet vat a.

       "In thu sawi kha ka hre vek; ngati nge Rin...!?" Dintei chuan a han ti a.

       "Ssshhh...ngawi la, engmah sawi tawh suh."

       Dintei chuan Rinsanga chu a kuah cheih cheih a, "Ka hmangaih che..." a han ti sap a.

       A reh hle a. Thinlung pahnih inpumkhat thawm erawh chu hriat tur a awm a.

Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more