Posts

Showing posts from September, 2019

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment
Read more

R E B E C C A- 7

-
Image
R E B E C C A ©Chhantea Pautu Bung 7 Na Ka han ngaituah vang vang a, chutianga a ṭawng chhan chu awm ngeiin ka ring ta a, zawh chi nge chi loh aw tia ka inngaihtuah fé hnu-ah zawh chu a pawi vak a rin loh avangin, min chhan duh loh pawhin a pawi chuang lo, ka ti rilru a. "A chhan a awm em? Entirnan, tunhma lamah i chungah thil thleng a awm em?" tiin ka han zawt ṭan a "Awm hran lo e," tiin min reply a. "Chuti chu mipa hlauh ngawt tur a ni hleinem," ka han tih leh hnu chuan a chanchin chu a sawi ṭan ta a. "Awm hran lo ti i la, Leithumah khuan ka niin pasal a nei a. Ka ni chu a thi tawh a..." "Chuan...?" ka lo ti zauh a. "Kum rei fe hnu-ah ka ni te nupa lung an phun a; chu chu hmang turin ka u nen kan kal ve a. Kum 2007 nge kum 2008 ka chiang lo. Tah chuan ka ṭhiannu te chhungkua an awm ve a, kan khaw mi tam tak Ieithumah khuan an pem thla a. Tuna ka u pasal ni mêk, ka pa nau nupui hlui laizawnnu pasal te inah kan ri...
Post a Comment
Read more

R E B E C C A- 6

-
Image
R E B E C C A ©Chhantea Pautu Bung 6-Na Zankhat chu Rebecca-i ka call a; mahse, a line a busy avangin a tlang thei lo va. A hnu deuhah min rawn text-in  a nau nena an inbiak thu a rawn sawi a, an inbiakna chu rawn screen shot-in a rawn thawn nghal bawk a. Chutia a fiahna a rawn dah tel nghal thlap chu ṭha ka tih rualin, ka ring lo viauah a ngai em ni chu tih ngaih dan ka neih phah ve deuh a, a text message chu ka chhang ve ta nghal a. "Bawihi, ring lo turah che min ngai suh," ka va ti a. Ani chuan, "Ka ngai pawh a ni hran lo. Heta proven ka pek che hian ka awm a nuam a..." a lo ti ve thung a. "Aw Ie, hetia i report thlap thlap hian kei pawh ka lawm..." "Nizan khan ka nutei mb top-up min thunsak turin ka tia..." "Chuan..." "Hospital a kalin dawr an lo la hawng si lo va..."  "A nih chu, video call kher loin kan inbe rih mai dawn nia." "Pawisa nawi ka nei lo va, ka hman nawi chuan thil dangah ...
Post a Comment
Read more

R E B E C C A- 5

-
Image
R E B E C C A ©Chhantea Pautu Bung 5-Na Khatiangin Ti Tawh Suh Ang Che. Zankhat chu video call hmangin Rebecca-i nen kan inbia a,"Min duh ve tak tak em?" tiin ka zawt a. "Aih. Duh lo." Chu chhanna avang chuan ka hrilhhai lek lek a, ka hmelah erawh ti lang lovin ka nui ringawt a. "Duh lo," tia min chhan hnu chuan rei vak lo a ngawi det a, ka ṭawng leh hmain zawi sap hian, "Ka hmangaih zawk che," a han ti leh a, amah chu laiin a kun nghal daih a. Chumi hnu-ah video call bawkin kan inbe leh a, chumi ṭum chuan a hnenah, "Ka mitah en chungin 'ka hmangaih che' han ti teh," tiin ka ngen a; mahse, ani chuan a sawi duh tlat lo mai a. Chutia sawi tura ka ti ngawt mai chu ka inthiam leh ta chiah lo va, "Tak takin, sawi lo mai rawh, pawi lo mai, min hmangaih tih i mitah ka hmu tho," ka han ti leh hnuhnawh a. Rebecca-i chuan ṭawng lovin min en ta reng a. Kei pawh chuan ṭawng lo bawkin ka en ve a. A tu mah mah chu k...
Post a Comment
Read more

R E B E C C A- 4

-
Image
R E B E C C A ©Chhantea Pautu Bung 4 Na Thliahhnu Thinlung      Kawlkila Nî a liam ruala lungngaihna leh ipikna te, manganna lo thleng leh thinlung natna zual ṭhin hi ka nunah a mikhual lo khawp mai.      Kum 2018, Khuangchawi thla chawhnu lam a ni a. Kum kalta kumhnih chhunga ka nuna ka thil tawnte ngaihtuahin keimah chauh hian ka ṭhu ngawi reng a, "Hmangaihna..." tia phun sap pahin beidawng tak hian ka ṭhen sak a.      Ka tan hi chuan tih deuh rap rap te, khawi maw lai ram ril leh hmun fianriala inhliam deuh rap rap te, thil harsa leh khirhkhán hmachhawna mî hniak zuia chhui te hi hmangaihna buaipui leh ṭhin ai chuan ka tih chi a ni fo; mahse, ka thinlung hi hmeichhe mawina leh an zûn hian a kal kân thei bik lo va, ka hmang hmeichhiain min hnawl hnu-ah hmeichhia bawk hian ka lung an ti nâin ka nun an ti nguai ta ziah mai.      Bathlara ka ṭhutna lam pan chuan hmeichhe lian vak lo, hmaifang fel zet, ngo lutuk lo, ...
Post a Comment
Read more

SANGU LUI RUAMAH (Detective Story) BUNG 7-NA

-
Image
SANGU LUI RUAMAH (Detective Story) ©hhantea Pautu Bung 7 Na Muanawma a dam a, duh duha a kal ngam leh tawh hnu-ah nikhat chu titi theihna hun remchang kan nei ta nge nge a. He mi ṭum, Ramnunthara leh Muanawma farnu chungchang kan buaipuina vela ka thil hriat thiam loh ka hriat thiamna nî-a kan titi hi Muanawma bulṭan zawk a ni nghe nghe a ni. Hemi nî hian Thingpui sen hang ngei mai, facebook lama thu ziak ṭhinho avanga ka hmel hriat pakhat, Sen-mawng-khali in châk em em mai chu in chungin Muanawma chuan a thil sawi bul chu a han ṭan a; an ina ka la awm lai a ni a. "Chhante, Duhawmi nena kan inngaizawng ta mai i lo thîk viau kha ka nuih a za ru khawp mai..." Muanawma chuan a han ti phawt a. Kei chuan, "Ka thîk miah lo che," ka lo ti ve vat a. Muanawma chu a nui hak hak a, "Tak takin, hriat duh tam tak i nei dawn tih ka hre reng a; mahse, ka hrilh lawk theih lohna chhan che a awm tih i hre thiam ve tho a, dawh thei taka min nghah ṭhin avangin ka ng...
Post a Comment
Read more

SANGU LUI RUAMAH (Detective Story) BUNG 6-NA

-
Image
SANGU LUI RUAMAH (Detective Story) ©hhantea Pautu Bung 6 Na Hetiang hi thil thlen dan chu a ni. Bangladesh kan luhna kawngah harsatna kan tâwk vak lo va, ramri vengtute chu awlsam deuhin kan pal tlang a, chumi kawngah chuan Muanawma'n engtin nge hma a lak ka hre lo, awlsam taka kan kal danah eng emaw a ti a ni ang tih ka ring ve tawp; mahse, Bangladesh-ah chuan kan awm rei lo, Vaṭhuampuiah kan lét leh phawt a, chutah Lunglei lamah kan kal leh hnu-ah Bangladesh lamah bawk kan lût leh a, Bipajjanaka hmun lam belh chian Muanawma'n a duh tlat avangin chu lam pan chuan kan kal leh ta a ni. Bipajjanaka hmun kan pan hma hian Muanawma leh Duhawmi inkarah thil thleng a awm leh a; mahse, he lam chu sawi lan ka tum rih lo. He thil a thlenna hi Lunglei lama Hotel kha ni tawh lovin Bangladesh lamah a ni teh daih bawk a, nakin lamah a rem leh kan la sawi lang chauh ang. Lunglei kan luh lehna chhan hi Muanawma'n SI Remlalfaka hmuh a ngaih thu a sawi vang a ni a. SI chu kan ...
Post a Comment
Read more

SANGU LUI RUAMAH (Detective Story) BUNG 5-NA

-
Image
SANGU LUI RUAMAH (Detective Story) ©hhantea Pautu Bung 5 Na "Kan In lamah rawn kal la, rei deuh hlek thang tura i zin theih i inring em?" Muanawma chuan min rawn ti a. Lunglei aṭanga kan haw hnu karkhat a ralah zin turin min rawn sawm leh chiah a ni. Khatia hmanhmawh deuh taka kan haw khan an khaw lama kal lovin Aizawlah kan tlang a, a tukah SI Zodinsanga kan hmu nghal a, chumi zawhah kei chu kan In thleng min thlah a, ani chu a haw leh ta a ni. Chumi karkhat chhung chuan amahin Vaṭhuampui lamah a lo va kal tih pawh min hrilh a, tun ṭumah erawh Bangladesh kal a sawi ri vuai a, min rawn fiam pah nghe nghe bawk. "Chhante, Bangladesh hmun ṭhenkhatah chuan nuthlawi man a hautak vak lo an ti a nia," a han ti ṭan phawt a. Phone chuan rei iak kan inbia a, thil min sawipui dan leh tih phur dan a thiam thei hle bawk. Muanawma chuan, "Hnahthial hi engtiang chiahin nge a hlut tih leh, chawfun nana hman a nawm zia i hriat loh chuan ka thil sawi tur hi, ...
Post a Comment
Read more