THIH THLANG LÂNU
Pjs
Tuemaw ten deuh neih avanga, awm tinuam lo khawp i tawng ve tawh em?
An mahni hmel hmuh ringawta luak tichhuak thei i tawng ve tawh em?
Middle school kan kal lai chuan, kan class mate pakhat hmel duhawm lemlo zet hi a awm a, kan ṭhianho sualna leh kha nu chunga kan thil tih ṭhin ṭhat loh zia kha keimah ngeiin ka tawng ve ta tlat maia, a nuam lo kher mai.
A hmel kan hmuh ringawt pawhin kan melh rei duh lo, an in kan kalpelh dawn te hian an inlam chu kan hawi ngam lova, mit kan hup tlat ṭhin. Chhan em em pawh a awm chuang lo, a chhan ni a ka puh ber pakhat chu a hmel vang kha niin ka hria.
Pakhatin a taksa emaw a thawmhnaw emaw khawihfuh palh se, kan tem em em a, an khawihna kut hmang chuan "ka tat dawn che tih leh kha, ka hnawih ve dawn che" tih hian min tah ve ka hlauva chu mi kan hlauh avang chuan kan inum kawi zuai zuai ṭhin. Ani lah khan a hre vek zel lehnghala, a tana a hrehawm tur zia kha kan ngaihtuah pha lo.
Ka rawl thar hlim hian, tuemaw duh deuh hi ka nei ve alawm..mahse, a ni ten zawng leh duhloh zawng tak hmel leh mizia ka lo nei nge pawh ka hre lo. Kei min neih chu a hlauhin a hlau.
Sir Rd-a chu, class-ah chuan a rawn luta,
"Sens organ hrang hrangte kha min han hrilh teh u" tih pah chuan, ka lam chu a rawn hawia, a tiṭhin dan bawkin, "Auhmun nang han sawi teh le" (Auhhmun hi min tiziaha, Ka hming hmasa ah ,Stephen tih a nih vang mai mai leh nghal.) Mi a ngaina a, mi a lawm hle bawk.
Tichuan ka han dinga, "Sir, mit a nia, beng a nia, vun a nia, hnar a ni leh a, ka leh lei te pawh ni in ka hria, lawk, mit hi, eng lo,.mit hi a pawimawh ka tia, a chhan chu, nula hmelṭha leh duhawm tak tak te kan hmuh theih phaha, a pawimawh ber ka ti" tih chuan ka changa, ani chuan min en run runa, "Explain vak rawh ka ti a mi.." a han ti chhum leh hmaka, hmeichhe tlar laihawl vela, ṭhu chu ka va melha, "Sir, saw sawti'anga, hmel ṭha ang te saw kan hmuh theih phah a lawmm." Tih pah chuan ka va kawk phei ta mai a, ani chuan "ṭhu teh ṭhu teh..mawl emai.. Saw a zah em saw.." tih pah hian, ṭhu turin min hui pah bawka.
Zawimuangin ka han ṭhu a, hmeichhe lam chu ka va hawia, tuemawni te chuan rum zet mai hian min lo melh a, chutia min lo melh ka hmuh chuan rang zetin ka hawi let leh ta daih a..
Ka chet dan aṭang chuan ka mizia tur an hre nghal mai ṭhin, ka bula awmte chuan.
Break ah chuan Class room kawngka bulah chuan ka dinga, tuemaw rawn chuah hun chu ka lo nghaka, a rawn lan chiah chuan , ka lo melh a, a ni chuan min melh ngam lovin, hmanhmawh tak mai hian a rawn tlan chuaka, a mit mengah chuan hlauhna hlirin a khat a, chuti chung pawh chuan ngaihṭhalohna hmel ka pu lova, nuam ka tihna a zual zawk tlat
Sual ve hrim hrim nge ka nih, ? kha nu ka duh luatah ka tih loh tur tam tak ka ti zawk ni.
A tlanchhia chu ka umzuia, ka duh thu ka hrilh chuan a ṭap ta chiam mai a, a ṭhiante chuan min dem luai luaia,
"A duh lo che, tih hi hre rawh, tuman an duh lo che..rawn be tawh suh"
Tiin, ka ring lo. Min duh chiang em, min duh lutuk vang alawm, min hmuha, a tlanchhiat ṭhin.
Mi thawveng tak ka ni a, ka awmna hmun apiangah chuan ka lenghalh zel maia, mi ngainat erawh ka hlawh ṭhin thung a, ka chapo lem lo na chu, ka thil neih leh eng emaw vanga, min betlawntu ka ngaha, ka dinhmunin a zir hle bawk. Mahse tuemaw hian min nel tlat lo a ni..
Min duh lo lutuk nge, min duh vanga, min hmuha, biru ziah hi ka hrethiam lo a ni. Ka bialnu a nih hma chu ka try char char dawn a ni. Ka ti ve tlat.
School ban hun a lo thlen chuan, a bul hnaia kal ka tum ta a, a bula ka kal theih tak ah chuan ka duh thu chu ka hrilh leh ta a, ani min chhan dan chu maw.."Nang ngaihzawn che aichuan; thih ka thlang" tih hi a nia..
Min duh loh chhan kha, ka la hre thiam lo reng reng🤣🤣🤣🤣
Comments