DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

KEKAWR STORY

-
Kekawr Story
© Chhantea Pautu

     
Khami ṭuma ka Kekawr hak ngei kha ka lo la kawl reng a...

       Vawiin kan thir chhe zawng chu Chanmari aṭangin ka thir chhe zawn thawmhnaw, thir chhe rim nam rum rum leh Silipar, Perek pathuma kil beh tawh nen keima Kein ka 'paidal' a. KFC zawn ka kal laiin thil ka hre chhuak zawk mai...

       Khami ṭum, KFC Restaurant-a ei tur 'order' kan nghah lai kha a ni. Kha hmeichhia, ka nihna ang ang, lan ang ang leh tét ang anga( 😋 ) min zahpui miah lo tu kha.

       Khami ṭuma ka lo ṭhin tur zia kha; kekawr satliah ṭhui zuih chawp hlui tawh lam ka ha a, Silipar hlui tawh lam ka bun thlep thlep a, a rûk khan ka zakzum em em bawk a. Khatah khan Aizawl ṭhalai no nalh nalh tak tak leh hleitling ziah zuahte karah ama thil 'order' ngei kha min nghahpui ta a.

       A tân khan ka inchhûang lo teh e. Chuan, 'order' an peih fel a, a chung lamah min chhohpui a, KFC Restaurant chhûnga ṭhutna dûp nuam zetah kan mawng hûngin nula-tlangval, tleirawl leh rawlthar nalh tak tak te karah Ar bawp kan han khel dun a nia(h). 😜

       Tunhnu hian khami ṭuma ka ṭhing lutuk kha keimah hi ka lo zak thar leh zawk e a. Mipa ka ni a, ka nei lo tawp te a nih loh chuan hmeichhia, ka 'date' ten min 'treat' hi ka zakin ka duh lo ṭhin; mahse, ani kha, hmeichhia ka 'date' tawh zînga keimah zawkin ka 'treat' khalh hman miah lo khawpa vengva leh nachang hria awm chhun a la ni; a châng chuan a lakah khan ka thinrim phah zawk hial ṭhin.

       Ani khan min hre chiang a, ka miziaa ka chak lohna engkim, ka fel lohna zawng zawng a hre hneh hle a; mahse ka bulah chuan ka ṭhatna lai chauh a sawi chhuak fo. A awm tawh si lo!

Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more