A TAWLH PHEI TA DAIH A!
(HUMOUR)
Pjs
Ka thlen In tura an lo ruatah chuan ka va luta, khua a thim tawh avangin bati pakhat an lo chhit chauh chu a eng teng tenga, chaw an lo ei tawh bawk nen an pa ber chuan chaw ei min siam a, nuam lo tihle mah ila ka ril a ṭam tawh em avangin ka ei ta nghek a.
Zan a rei deuh hnu pawh chuan Current chu a awm thei ta reng reng lova, bati pakhat lek chu eng awmchhun a ni mai. Tap-ah chuan kan ṭhu a, thingpui inpah chuan eng eng emaw kan sawihova. An pa ber leh nu ber hmel chu ka hmu chianga, an fapa leh an fanu nula ve uai tawh chu ka hmu chiang lo thung.
Mut a lo hun; an nu ber chuan mutna tur a han siama, an in a lian vak bawk lo nen chhuata mu tur chuan mutna tur puan chu a phah ta a, khum pakhat lian vak lo chauh chu an khum neih chhun a ni a, chu khumah chuan an ni nupa chu an mu a ni.
An fanu leh an fapa nen chuan chhuata mu turin kan han inbuatsaih ta a, an ni pahnih pawh chu a hma pawhin chhuatah chuan an lo mu tawh ṭhin a ni ngei ang. Mikhual nih nen a nuam tehfalua lo. Bati chu an han chhem hluma, kan pathum chuan kan mu ho ta a.
An fanu chuan a laia mut chu a chuh ta tlat mai a, Naupang thim hlau rual lek a la ni tih a hriat hle a ni.
Mahse, zan a lo rei deuh hnu chuan a mang lamah eng nge a hmuh ang ka ti a, mi a dap a dap mai a, ka lamah rawn tawlh pheiin, mi a hnaih ta hle mai a, a thim vek mai bawk si. A rawn thaw sak saka, mi a kuah ta! Ka awmah chuan a rawn bei a, chutia a bei lai chuan ka thawmhnaw phelh tum ang mai hian a kut chuan mi a dap sek sek renga, naupang te si a zak thei lo ang reng khawpin ka hria.
Ka kap lam te chu a zen ruk ruk a, a chang leh a mawng chu a rawn ti pauh leh tarh tarh ṭhin a, Zawhte hur nen hian ka tehkhin ber mai!
Ka ten ru ang reng em ema, a mumang vang nge a duh ve reng vanga chutianga ti a nih chu ka hre lova, a mumang pawh chu lo ni se, a tenawm hrim hrim, hmeichhe zak thei lo tak chu a ni ngei ang, lo chhanlet chu sawi loh, ka lo tawlhsawn ta zel a. Mahse chu tichung pawh chuan min hnaih leh tulh tulh ṭhin.
A tawp a tawpah chuan puanthuah phah lohna chinah rizai pawh sin ta lovin ka tawlh chhuak ta daiha, Mipat hmeichhiatna hman dun kha a chak a ni tih ka hre thei mai a, a zeiru fu bawkin ka ring a ni.
Chutia ka tawlhchhuah hnu pawh chuan a rawn tawlh ve zela, a hnute dup dul mai chuan mi a rawn nek talh talh reng a.. châk chu sawi loh ka va han ten em! Zanthim hnuaiah sex ka hmanpui duh mai a ring deuh a ni ngei ang. A hmel eng ang nge a nih pawh hrechiang lova lo chhan let ngawt chu thil atthlak tak a ni tih pawh ka hria.
Mut a har duh ngei mai, chhuatlaia muthilh mai chu ka theih ka rin loh avangin ka tho chhuaka, tapah chuan ka ṭhu tlaivar ta ringawt mai a.
Zing khua a lo var chuan chu nu hmel chu ka va enchiang ta a. A lo duhawm in a lo hmelṭha em em mai a, a hnute te lah chu a lo lian ṭhain a lo itawm em em mai bawk si! Nizana a duh anga ka lo ti mai lo kha ka ui em a, a la duh ka rin avangin a bul setah chuan ka va inthawlh leh a.
Ka han inthawlh chiah; a rawn harh a, mi a han hmuh chiah chuan a meng kawk kawka, lehlam hawi pahin a unaupa lamah chuan a rang a rangin a tawlh phei ta daih a..
Comments