ABOUT "GOOD FRIENDS" DISCUSSION
(Zirtirtu leh zirlaite)
Pjs
Professor Sarahdini chu classah chuan a rawn lut a.
"Vawiin chu discussion neih ni a ni bawk a, sawi ṭheuh kan tum leh dawn nia. Kan topic kha, good friends a nih kha, in lo ngaihtuah lawk tawh ang chu maw.." a rawn ti a..
Keini chuan kan inpeih tawh thuin kan lo chhang a.
Ani chuan "kan ṭan a nge aw.." tih pah chuan a sawizawm nghal mai a.
"In chîk ve ngai emaw..Ṭhian tam tak neih hi a buaithlak in ti ve em..?? Duhsak bik neih a har si, mi thinglung zawng zawng kan tilawm seng bawk si lo..ṭhianṭha neih hi a har ka ti a sin aw..eng nge in ngaih ve dan?"
Kan zinga Pakhat chu a rawn dingchhuaka..
"Miss, milar tam tak ho dinhmun hi a harsa ve ngawtin ka ring ṭhin, an fans te tihlawm vek seng an ni dawn si lova, an mualpho hma em em chhan te pawh hi a ni ngei ang. Chuan ṭhian tam tak hi neih tur a ni ka ti , kei chuan, mahse ṭhian tam tak zingah chuan kawm bik pahnih emaw pakhat emaw nei bawk ila, ṭhian ṭha ber hi kan thlang thiam tur a ni bawk..ka ngaihdan ve mai mai a nih chu..Chuan ṭhianṭha neih hi a har lo ka tive thung, a chhan chu ṭhianṭha neih kan duh chuan ṭhian ṭha nih hmasak phawt tur a ni tih ka hria a, har vak lo turah ka ngai hmiah.."
Tiin a ngaihdan a rawn sawi a..
Miss chuan "A ṭha lutuk..nia ngaihdan leh pawmdan hrang hrang a awm thei ngei ang, han sawi zel teh u.."
Tlar hnunglama ṭhu hmeichhe pakhat chu a rawn ding chhuak a.
"Kan sawi ve ang nge.. ṭhian tam tak ka nei a, College chhung lam leh a pawn lamah kawm bik ka nei a, collegea ka ṭhiante hi collegeah lo chuan ka kawm ngai meuh lo, chuan collge pawna ka ṭhiangte hi ka thinlungah chuan an tlana zawk a ni.. a chhan chu kan lo inhrechiang tawh a, kan mizia leh duhzawng inmillo tam tak awm mah se, in hriatthiam na thui tak hmangin kan inkawm thei tawh a ni..chuntih ang mi chu ka ṭhianṭha te an ni mai lo ang maw..? Chuan thildang daih ka huat deuh ṭhin chu, ṭhianho group siama, inti tatu deuha, groupa thilsawi ṭhin ho hi ka hua, chutianga siam ṭhin ka ṭhian pakhat chu ka kawm ngaih hleithei miah lo. Ṭhianho zinga hotu nihna dinhmun luah tum ka ti mai, ka huatzawng tak a ni." Tiin a ngaihdante leh a huatzawng thlengin a rawn sawi ve leh a..
Kei chuan chu nu a ṭhut chiah chuan ka ding ve a.
"Nia, miss vawiin chu ngaihdan sawiho ni a ni bawkah.. ka'n sawi ve nge, leh lawk, ka ngaihdan leh duhdan hi tumah barhluih cheu ka tum miah lo a nia, ka sawi hmasa lawk a nge. Chu chu ."
"Nia ka ṭhian pakhat chu ka ina a rawn len chang hian a phoneh hla a play a, a zaipui chiam chiam zel a, a chang chuan ka hne thei ngawt mai. Mahse hei hi ka ngaihtuah a, ka ina a rawn zai vak vak theih chuan min nel hle a, ka chungah engthil ṭhalo mah a tiduh dawn lo a ni tih ka hre thei a ni, daih mai a, inpawm zawng emaw..Chuan nichina kan ṭhiannu sawi ang deuh khan ṭhian pakhat ka nei bawk a, kan ṭhianho group siamtu ber a ni a, a chang chuan a intitatu ve thei lutuk, mahse chu pa chu kan ṭhianho zingah pawh a vengva ber pawl chu a ni hrim hrima. Ka sawi duh tak leh a mizia ka chik ka chik aṭanga ka chharchhuah tak chu.. mi ṭha tak a ni tihleh min ringzo tak a ni tih hi a ni. A chhan chu kan ṭhianho min phuarkhawmtu a ni a, group a rawn siam a, min add khawma, chu groupah chuan kan titi ho va, a changchuan zahmawh kan sawi a,a chang leh pathian thu; kan ṭhianho kan inhriatchhian phaha group kaltlangin thil ṭul leh engemaw thiltihho, nikhuaa kan hnathawhte kan sawi hova, kha tak khan min innel tira inhre ngailo pawh kan inhre pah thei zel bawk a ni. Group a rawn siam khan min phuarkhawm ve tlat."
Tiin ka sawi ve leh a.
Miss chuan "Nia ṭhiante hi an hlu a, an hlutna leh ṭhatna hi kan chhuichhuak thiam tur a ni, inkawm mawl tawp loh tur, inchik ve tur, ṭhiante hi kan kiang a awm reng leh awm hnember an ni si a.
Ṭhiante tana inpe zo apiang hian ngaih an hlawh a, ṭhian thil pal tak chuan ngaihsan a hlawh ṭhin reng a ni."
"Han sawi zel teh u.." a han ti leh a
.
Tlar hmasa bera ṭhu pakhat chuan
"Good friend is like a star" tih pah hian "Arsi chu a awmna a san em avangin ṭhianṭha nen chuan tehkhin a ni a, a eng em em a, mahse ṭhianṭha neih hi har tak a ni, Arsi ang maia sang taka a awm avangin.." tihte chauh chu a rawn sawi a, a ṭhu leh daih a..
Sawi tur kan hriat vak tak lovah chuan ,
"Nia, a ṭha hlawm hle mai , in ngaihdan leh pawmdan in sawi ngam zel a, dikbik leh diklo bik pawh a awm chuang lova, kan ṭha tihzawng a in ang lo deuh mai chauh a ni."
"A nih chuan vawiin dicussion chu duh tawk ang aw.."
Comments