EKTUM THIL TITHEI
Pjs
Nghaṭin ṭhing leh chengkawl ei ṭeuh avanga kawṭhalovin karkhat chhung khum betin ka nâ a. Bathroom kawngkhar hawngzing berte zinga mi ka ni ngei ang.
'A rawn putchhuak mai ang' tih hlau tak chungin bathroom lam chu ka pan a, ka dul ka dawma, tar zangkul tawh ang maia kal chungin toilet-ah bawk chuan ka va ṭhu leh hle hle ṭhin..
Ka taksa chau leh zawi lutuk chuan men pawh ka meng ṭha peih lova, phone ka khawih peih lova, engkim mai chu ka hnê em em vek mai a ni. A hrehawm dan a dangdai duh ngei mai.
A dam ve deuh ta maw, tiin khumah chuan ka'n muzal leh a, a nuam viau dawn emaw tih laiin pum lam ah chuan boruak infawk thawm ri leh ṭak ṭak ṭhin chu ka hre phak a, a ri ruih ruih, a chang phei chuan a ri kuih kuih mai a ni.
Ka sa up up a, ka mawng bul hnaihah chuan chhuah hmasak inchhuh ni awm fahran hian a rawn lum leh ta pup mai le. Insum tum viau chu a sawt hauh lova, mut beh reng chi lah a ni hek lo. Bathroom lamtluang bawk ka zawh a ngai leh ṭhin.. Mawng ka va han sil zing teh kher em.
Dawl zawra zawr chu sawi loh, maian tlak pawh ka tluk lovang. Ka dul hnawk ti ila, ka insawi fiah ber mai awm e...damdawi ei ber tur hriat a har ngei mai, "purunsen a ṭha e" an tia..ka ei ṭhin min chhawk si lo. Damdawi mum tereuhte kha zet chu hmawm hmawm ve mah ila, a thawk tehchiam bawk si lo. Ka insang chhuak vek ang tihte pawh ka hlau rum rum a ni.
Tuin nge tlangvala pumpa ekcheh nih duh tehlul ang ni.? Mahse lohtheih loh thila ekcheh nihna dinhmun ka luah a ngai asin.
Duhthusam zawng zawng an bo zova, nula itna thinlung thaibo a ni a, eichak zawng thil lah paihbo an ni bawk, kawṭhalo hrehawm zia ka hrechiang hle a, bathroom toilet banga thairan themtê pawh hmaih loin ka sawichhuak dap thei ngei ang.
Chutia ka mawnga rawn put maithei dinhmuna a awm lai chuan kawgkhar kik thawm a rawn ri a, ka kalh loh avangin chu kawngkhar rawn kiktute chu a rawn lut nghal mai bawk a.
"Puia eng nge i an? Hei kan rawn kan dawn che nia.." tiin ka ṭhianpa âw chu ka hre phak a.
Amah chauh chu nise ka hrethiam kan ṭhianho zinga hmeichhe awmchhun Opi a lo kal tel ve kher kher kha a pawi a ni.
Khum aṭanga ka thawh vat loh chuan mutbu suk a ngai dawn a, ka tho chhuak a nih erawh chuan bathroom kawng chanve velah ka puma thil ṭhalo awmkhawm hnaisailo ho hi an putchhuak dawn a ni tih ka hai lo..ih maw ka hai mawlh lo.
"A pawi lo..khumah ka thlahzalen ta mai" bawngpa tuai thlun phelh ang zak a ni. An putchhuak ta zang zang mai a.
"I la mu em ni? I la dam ṭha lo viau a ni maw..groupah i reh si a. I tho chhuak peih meuh lo a ni maw..ka va han khawngaih che em.."
Bedroom kawngkhar chu opi ngei mai chuan a rawn hawng thut mai le!
"Rawn lut rawh ka ti che mi..khawngaihin lo va haw leh mai ru..kinah chanchin ka rawn hrilh ang cheu.."
Ka fiamthu emaw ala tizui..khumbulah a rawn kalhnai
"Puia, a va uih ve.." tih leh hnar hup a rual..
"Uih ang chu..ek ka cheh a lawm..chhuak rawh.."
Nui kur kur chunga a chhuah lai a, ka rilru a awm i hre duh em..? Nia zak tak ka ni, ka huatzia lah chu sawifiah thiam chi rual a ni lo. Ka sa up upa, khatih lai khan tuiah min chiah se, tui chu kei min chiah avang chuan degree za a hawlh phak ngeiin ka ring.
Hun rei pawh rial lo chuan ka ekuih rim nge ka ṭawnkain an ni chu a umbo ta ka hre lo. Kawṭhalo ekuih hmanga ka hnawh haw mai loh chuan an awm reng emaw kha a ni awm sia. An ni hnawhbo na hmanraw ṭha tak chu a ni.
Tui ka inrenga, chaw pawh ei lovin tui hlir chuan ka in inpuar ta a. Ka ekpawh khawh zur zur ṭhin khan min bansan ta telh telh a, chaw tlem te te in ka eichhova, ka ek pawh chuan zia lam a pan chho ve ta zel a.
Karhnih dawn a liam takah chuan ektum chu ka sangchhuak ve thei ta hram a, zawi ngawih ngawih leh zawrhnapna thlarau chuan min kalsan a, tarkun style-a kal ngai tawh lovin ka hawi ta vah mai a ni. Bathroom kawngkhar pawh dawm a nuam ta deuh.
Ka ngaihtuah ta lawm..mihring hi ektum nilova, a kawh leh a luang zawnga kan ek tawh hi chuan ka chaklova, kan zawi a, kan zawr hnap zel hi a lo ni a..Chuti a nih chuan he mihring thi thei taksa hi EKTUM CHELHKHAWNG mai mai a lo ni reng mai ka ti.
Ektum thil tihtheih zia hi. Ka theihnghilh tawh ngai lovang.. Thufing pui pui aia, a fin loh bikna ka hre ta hlek lo..tuna ka thilziah pawh hi..a thupuiah EKTUM THIL THITHEI ka'n vuah ngat teh ang.
😇😌😌😌😌
Comments