R E B E C C A
©Chhantea Pautu
Bung 1 Na
Duhtirh Nihtirh.
Rebecca-i nena kan intawn hma thla tam pawh liam loah khan a thinlung nâ damna tur ringawtin hmeichhe pakhatin min lo kawp tawh a; kei chu mi rilru nâ leh khawhar hnemtu mai ka ni fo a.
Mahse, Rebecca-i nena kan intawn hnu-a ka hlimna ang hi lei dawn ta ila, a man a tam dawn lutuk a, sumin a lei zo lo vang. Thinlung takin ka nui ve thei tawh a, ka nun khawhar a reh a ni. Rebecca-i nen hian facebook aṭanga inhria niin call hmang leh video call te, text message hmangtein kan inbia a, a hmunah inhmu lovin kan kârah mual tam tak awm mah se, hlimna kan inpe tawn a ni; hei bak, mipahnih tân eng thil dang nge awm chuang ang?
Zankhat chu inpawh takin kan inbia a.
"Bawihi...?"
"Umm...?"
"Singapore lama hmun hming Iangsar deuh ho ka hre duh. Tin, off day-ah engtin nge hun in hman tlangpui tih te pawh."
Rebecca-i chuan, "Kan hun hman dan a inang lo hlawm lutuk," a han ti a.
Kei chuan, "A ram mite fashion emaw thawmhnaw inbel dan kalphung emaw, i hun hman dan i sawi chuan thil tam tak ka man nghal ang," ka lo tih leh a.
"Engvangin nge i hriat duh a?"
"Sawi mai mai teh," kei chuan ka lo ti hmuk a.
"Singapore hmun langsar ka hriatte aw-Marina Bay, City Hall, Orchards, Bugis, Chinese Garden, Zoo, Sentosa Siloso Beach. Off day-a kan hun hman dan chu sawi dan thiam a va har awm ve," a han ti a.
"Sawi tawp rawh," kei chuan ka lo ti leh a.
"A ṭhen an Ieng a, a ṭhen an rui a, a ṭhen kan inkhawm."
"Zoo Ieh Beach hming an vuah dan hi ka hre duh."
"Ka hre bik lo a. Beach hi hmun hrang hrangah a awm a, khawi vengahte nge an awm ka hre Io, a Iar ber erawh Sentosa Beach a nih ka ring. Kan vengah pawh Beach chu a awm tho. Kan hun hman dan chu maw, Mizo Ieh Myanmar mite hi City Hall kan tih hmunah kan inhmu khawm ṭhin a, ṭhian hoin. Chaw te kan ei a, ei khamah inkhawm tur te chu Biak in lam panin kan kal leh mai. Dar hnih aṭanga dar li thleng kan inkhawm a, inkhawm banah refreshment te eiin City Hall lam kan pan Ieh a, tah chuan tlai chaw kan ei Ieh a, muangchangin kan haw tawh ṭhin. Indonesia Ieh Philipine ho chuan, Hall dang an nei ve," Rebecca-i chuan a han ti a.
Myanmar lama kan Mizo hnahthlakte leh Mizoram lama Mizote inkara inen hranna awm ṭhin hi ka haw hle a; chuvangin Rebecca-i ṭawngkam pakhat chuan mi run deuh hlek a, "Mizo Ieh Myanmar in ni Io, 'Mizorama cheng Ieh Myanmara cheng Mizote,' tiin sawi ziah tawh ang che," ka tih zawhah, "Kârkhat vel châma rawn kal chu ka châk mang'e," ka lo ti a.
"Anmahni Myanmar dik takte pawh an awm tho alawm."
"A nih chu, chuan a ram mite fashion kalphung in zui ve mai tihna mi?"
"Zawm ve tho. A ram mite fashion chu a hniam, Mizo aiin an inthuamna pawh a hniam zawk. Eng ang thawmhnaw pawh inbel ila, keini Mizote anga innuih tut tut emaw, insawisel emaw a awm ve ngai lo."
"A nih leh, pawnfen chhîng tak fen emaw, kekawr bul chhîng tak khawlaia hâk ang chi te hi an tih dan phung a ni em?"
"Umm, kekawr bul chu an uar khawp mai, Mizo te pawhin kan kai ṭanin ka hria. Kekawr bul mawi hnai tak, fel fai tak an inbel a, pheikhawk design hrang hrang te nen."
"An kekawr bul a chhing em? An mal no a lang em?" tiin ka nui suk a.
Rebecca-i chuan, "I vir," tih pahin, "Lang e. A ṭhen phei chu an mawng te pawh a hmuh theih fo. A ram mite inthuamna hi a sexy lutuk," a han ti ve mai a.
"A nih chu, khaw lum vang pawh a ni mahna; kekawr bul chu i ha ve ngai em?"
"Kekawr bul hain vawikhat mah ka la chhuak lo. Kawr fual ka hak Ioh leh kekawr tlawn ka ha ṭhin. Skirt pawh ka inbel ve ṭhin tho."
"Hmeichhe incheina chutiang a nih si chuan, mipa lam rilru puthmang nia i hriat ka hre leh duh," ka han ti a. Ka thu tak ta deuh a.
"Engtia mipa rilru puthmang maw?" Rebecca-i chuan a lo ti hâ a.
"Hmeichhe chunga an rilru puthmang; hmeichhia an zah thiam em? Mipa rilru a 'hmul' duh viau lo maw?" tiin ka nui kuk kuk a.
"I vir eee..." Rebecca-i chuan a han ti hmasa leh te te a. "An ram hi a lum em avangin mipa pawhin kekawr buI an ha tho a, chutianga in îtna leh eng emaw rilru dik lo an pu Iem Ioin ka hria. Hmeichhia an zah thiam em a ni. Singapore mipa chuan hmeichhia an dah lalin an ngai pawimawh bik lutuk. An duat thei si, a hrim hrimin Mizo chiah hian, hmeichhiate zahna chang kan hre Io ni berin ka hria," a han tih zawm a.
"Ni em em bik suh se. Ka duat em che hi," ka lo ti ve thung a.
"Hmeichhia chuan min hre thiamtu kan mamawh em a ni."
"Ka hria," kei chuan ka lo ti hluk a.
Rebecca-i chuan, "Nupa inṭhen te hi keini Mizote ang em em an ni ve lo. An innei tawh a nih chuan, inṭhen emaw tlan tih vel emaw a awm hran lo," a han ti leh a.
"Inṭhen an tlem deuh tihna a ni maw?"
"Aw, an inṭhen a nih chuan chatuan atan a ni ṭhin. Inṭhen hnu-a haw leh tih vel hni hne a awm ve Io. An mo te an dah lal thiam bawk a, mihring hi an inzah tawn em em ringawt mai a ni."
"Hei hi chu hnam kalphung inan Ioh vang pakhat a ni ang," ka lo ti khauh a.
"Singapore ram anga inzah tawnna, taimakna, huaisenna leh dikna ram hi a awm tam bikin ka ring Io. An ze ṭha Io erawh a awm ve nual tho," tiin ṭhahnemngai âwm deuh hian Rebecca-i chu a la ṭawng zui zel a.
Kei thung chuan, "A nih leh an negative side ve thung chu?" tiin a lo zawt leh a.
"Mihring kan nih angin famkim kan awm thei lo a. Mizote nunzia nen ka tehkhin ber ang aw," a han ti a.
"Aw le," ka lo ti ve mai a.
"An thinchhia a, an rilru a noin an tuarchhel lo tlangpui a, eiin lamah hian an ṭha Io tlangpui bawk. Mizote angin tlâwmngaihna an nei ve lo a, mi khawngaihna leh Iainatna pawh an nei viau Io; mahse, entirnan, kan hna kan thawh ṭhat a, kan kova innghat kan hlen ṭhat chuan min zahin min duat thiam ve thung. An negative-na em em hi sawi tur ka hre hran lo. Ka employer te aṭanga ka thlir dan a nih chu. Pathian zarah ka vannei a, awmna ṭha tak ka hmu ṭhin a, chuti anga an negative-na hmuh tur ka nei lem lo."
"Mak tih ka nei," kei chuan ka lo ti a.
"Eng nge a?"
"Engvanga an nu Ieh pate hi anmahni'n enkawl lo nge an nih le?"
"Keini Mizote angin hmangaihna an neih tam tawk loh vang ni berin ka hria. Bakah, hna hi an ngai pawimawhin an dah lal em em a, mitin deuh thaw hi sorkar hnathawk vek an ni a; chuvang chuan nu Ieh pate enkawl nan hun an nei lem lo. Bakah, an sorkar hi a ṭha a, damlo, tar engmah ti thei tawh Io Ieh enkawltu nei Io fahrahte tân hian an sorkar hmalakna hi a sang em em bawk a ni. Tar kum 70 leh kum 80 hnathawk, ei chawp dawra thawk leh bawlhhlawh paiha inhlawh hi hmuh tur an tam mai. An nu Ieh pate chu sawi loh, an rila rah fate ngei pawh enkawl Io hi an tam asin," a han ti duah a.
"Sawrkar hnathawk vek tih Iai tak hi mak ka va ti ve, eng nge a awmzia? Ka sawi awmzia chu, Sawrkar hna thawk deuh vek an nih si chuan, hna dang thawk an awm mang lo em ni?" ka han ti a.
"Ammm, ka va'n sawi fiah thiam lo. Hna chitin reng a awm aIawm, thawk thei leh thawk peihte tan chuan hna a tam lutuk."
"Anmahni berin an fate an enkawl loh chuan hmangaihna ngah tak ni chunga an sei len ka beiseipui lo ve," ka lo ti ve thung a.
Ani chuan, "Mahni rila rah fate, mahni hnute tui pe lo nu hi 99% vel an ni ang," tiin a hmuh dan chu a han sawi nawn leh a.
"Chu chu ka support lo hle mai. Ṭhalai lamin Sawrkar hna an thawk a, tlema upa deuhin hna dang an thawk mai a va nih hmel ve," tiin ka han zawt deuh pah a.
"Chutiang deuh chu," a han ti te te a, "Ram dang aṭanga kal ho hi awm loin, mahni ram ṭheuhah haw ta hlawm ila, Singapore ram han buai mai mai tur zia hi aww..." uar deuh tak hian a han tih zawm leh a.
"A dikin ka ring," Kei chuan ka lo ti ringawt a. A mitah tak ka han en a.
Rebecca-i chu a lai deuh a, nui chhîng sen sen chung hian, "Eng nge a...khatia min en? Khati khan min en reng zel suh," tiin a kutin a hmai a han hup a, a kutzungṭang kar aṭanga min melh pahin a nui san san a. Chutah, a hmai hup chu hawngin, "Tak takin ram dang aṭanga kal hi an ram mite zahve kan tling hialin ka ring ṭhin asin," a han ti leh a.
"Chuti em em a ni thei dawn em ni?" tiin kei chuan ka mit ka la sawn a.
"Mizo ringawt pawh a nuai tel kan awm deuh thaw mai thei..ah...sing ka tihna," tiin a nui rah rah a.
"Ka hre lo le," kei chuan a lo ti dam diai a.
"Mizo hi han inchhiar ila, singli singnga Iai kan awm ka ring. Day off nei thei lo hi an tam a nia. Day off nei mah hi kan turu tham e. Hmeichhia hi singkhat vel ni se, mipa sangkhat vel, an indaih Io asin awww," a han ti leh a.
"Chu mipa chuan an duh duh an va thin theih hmel ve," tiin kei chu ka nui leh suk a.
Thu tak deuh hian Rebecca-i chuan, "Hmeichhe lepchiahah chauh maw Ie, a nazawng an va kawp mai mai thei bik lo," a lo ti ve thung a.
"Ka hre thiam e. In kal khawm tam viau ṭhin a ni maw?"
"City Hall velah sawn ka phu mur mur ṭhin. Kohhrana inhmang erawh an tlem hle a, inkhawm ṭhin chu Sunday tin hian mi 100 bawr vel chauh kan ni thung ang."
"A nih chu, inkhawm lamah chuan beisei san vak loh law law chi a ni zawk ang, a tam zawk hi chu mahni ram chhuahsana zalen ta riaua inngai, engkim tih thiang taa ngai hi kan ni a. I hmel duhzawng mipa an awm lo em ni? Emaw, nangmah beiseitu che?" kei chuan ka han ti ta daih a.
"Mipa hi hriat mumal ka nei Iem Io. An hmelah chuan ka hre deuh fur hlawm a, tumah nel ka nei Io. Zaipawla min lâk luh ve aṭang hian, mipa pawh hriat ka nei ve nual zawk, tun hma kha chuan hriat nei lo tak ka ni, hmeichhe ṭhian erawh ka ngah."
Nuih hak hak pahin kei chuan, "Mipa an hmel ṭha em?" tiin ka han zawt leh a.
"Mizo nge an mahni ram mite?"
"Mizo pawh chu hmel ṭha tih i nei chiang mai. Mmmm a pahnihin sawi mai rawh," tiin ka nui leh sak a.
"Mizo mipa chu e, bel mum tiat te te aIawm..."
"Bel mum tiat i tih awmzia hi han sawi fiah teh..."
Rebecca-i chu a nui har har a, "Ammm hahaa...mahni indah ṭhat ah...chawn tawi deuh deuh, dul kiar zet zet, lu lian deuh, chuta chhapah Beer an han rui ve ngei a. An la induh tawk ve em em zui a, Kohhrana inhmang ber berte lah saw an chapo si," a han ti hlak hlak a.
Ka nuih chu a lo za hle a, "I Mizopui mipate chuan an hîp Io hle mai che maw?" ka han ti a.
"Hîp Io. Kei pawn ka hîp lo bawk; min hîp lo va, ka hîp Io. Keini te chu kan hmel hian tu rilru mah a khawih lo. Bakah mipa hi kan ngaihsak lo ve hlawm em bawk a, luck loh nen. Hmeichhe ṭhenkhat chuan an va pan zawk ṭhin a; mahse khatiang mi kha ka ni ve miau lo a."
"I ni lo tih ka hria," pawmpui tih hriat deuh hian ka han ti a, "Mipa tan chuan lo hnar a har ve ṭhin viau mai thei, hmeichhia zawkin an pan miau chuan..." ka tihzawm ve zat a.
"Har ve khawp ang," Rebecca-i chuan a lo ti ve mai a.
"Mak hle mai a! Mipa fel tak tak awm karah heta mi daih daih vangin i ṭap ve ziah a," tiin ka han fiam zauh a.
Rebecca-i lai chu a nui kal rah rah ringawt a, "Hmel hriat pawh ka be ngai Iem lo. Min biak Ieh an mi biakna chhana kal san Ieh mai emaw biak Ioh emaw tawp te hi ka ching bawk a, mipaah hian ka buai lo ve khawp mai. Ka vawn tawh erawh ka thlah mai mai ngai lo," a han ti ve leh a.
Nui chung hian kei chuan, "Min vuan chu ka la ti ngam lo; mahse keimahah hian eng thil hlu nge awma i hriat a?" tiin ka han zawt ngat a.
"Thil hlu ka hmuh lam a ni Io. Ka dinhmun ang bawka ding ve Ieh harsatna ka tawh ang bawka lo tawk ve tho, lungngaihna Ieh harsatna tam tak Io tuar ve ṭhin mihring i nihnaah zawk a ni," tiin min chhâng ta daih a.
"Chuti chu a lo ni ta a; mahse kan inbiak viau tawh hnu, ka ṭawngkam avanga i nata i ṭah hmasak ber khan ka chanchin ka Ia hrilh lo che a, harsatna ka tawn leh tawn loh i hre hleinem," ka lo ti ve thung a.
"Harsatna i tawn Ieh tawn loh chu ka hre lo a ni mai thei; mahse i thu ziak tam tak aṭang hian chhungril natna, a rûka khawharna Ieh a rûka natna, mite hmuhpui theih loh natna i neih hi ka ring daih tawh," a lo ti ve leh thung a.
"Thil hlu i hmu Io Iai tak hi mak ka ti. Ka hlu Iem Io tihna chu a nih ka ring Iem lo a," tih ṭalh pahin ka han nui leh suk a.
"Hmangaihna hian thil hlu zawngin chu thil hlu avang chauh chuan inhmangaih ta chauh ang ni se, hmangaihna kawng zawh pha Io mihring hi kan va tam awm em! Hmangaihna chuan, kan mi duhte nihna ang ang kha a pawm zawk ṭhin a ni lo'm ni? Hlutna kan nei ṭheuh va; mahse chu kan hlutna lam ai mahin a mihringa zawk hi a ni lo vem ni hmangaih ngai kan tih chu?" tak ngala min en chung hian min han chhâng a.
"Nia hmangaihna hi a mak a ni ang, a lo piang ve tawp pawh a ni mahna. Chhan nei leh awma lo inhmangaih an awm pawhin an inhmangaihna chu a hlu lo chuang Iem lo ang," kei chuan ka la ti ve ṭalh tho a.
"I nunah, ka tana i hlutna hi ka hmu lo a ni Io. Ka tana i hlutna ai maha ka ngaih pawimawh zawk chu, i tlin lohna ber pawh pawm thei tura hmangaih zawk che hi a ni," Rebecca-i chuan a lo ti leh mai a.
"l thu hi a fing ṭhin. Mi i lo spy char char a ni maw?" tiin kei chuan ka han fiam leh a.
Ani chu a thu tak laklawh tlat tawh, "Chutiang lam pawh a ni lo. Mi thu ziak hi ka chhiar liam mai mai ngai Io va, ka ziah pawhin ka ziak ve mai mai ngai hek lo. Thu kan ziak a nih pawhin keima ni-a awm hi a tel ngei ngei ṭhin. Mi thu ziak ka chhiar reng reng hian, an chhungril nun midangin kan hmuh theih Ioh lam ka thlir zawk fo a ni," a han ti leh a.
Kei chuan tiel rawng kai ni si lo hian nui hmel ka la pu reng a, "Keimah avanga hmeichhe ṭap hi an tam lo asin," ka han ti daih a; zawt tlang duh lo mah ila keimah avanga Rebecca-i a ṭap fo mai chu achhan tak hriat ka châk ṭhin, amah Rebecca-i sawi ngei hi.
"Mipa avangin ka ṭap ngai bik lo," Rebecca-i chuan a lo ti hmak a.
"Mahse keimah vangin i ṭap alawm," ka lo ti ve thung a.
"Ka ṭah tawh chuan ka na hle ṭhin. Ka sawi chhuah tawh chuan ka tawrh theih piah lam thil a ni tawh ṭhin bawk. Ka ngawih tawh chuan beisei ka neih tawh Ioh vang a ni ṭhin asin."
Rebecca-i chhanna avang chuan thil tam tak ka ngaihtuah a. Ka ngawih deuh vang vang hnu-ah, "Tak takin ka hre thiam alawm. Ngawi turin ka duh lo che a, i lungawi lohna emaw, thinrimna leh natna emaw hi ka hre ve zel tur a ni ang," ka han ti a.
"Chu erawh a harsa mai thei; achhan chu, harsatna ka tawh te, ka lungngaih châng te ka dam loh châng te hian tumah ka hrilh ngai lo va, keimahin ka tuar mai ṭhin. Midang hrilh leh puihna dawn ang chi beisei hi ka inthlahrung a, keimah avanga midangin harsatna an tawk tur hi hmuh hrehawm ka ti a ni," a han ti a.
"A harsat kha ka duh lo. I chanchin, tunhmaa in harsatna min hrilh ang hi a ni tur a ni; thu ka pe che nih chu," kei chuan a lo ti tak ve ta ngal thung a.
"Ka harsatna midang hrilh hi ka zia a ni lo. Ngawi renga tawrh hi ka zia chu a ni," a ti ve zel a.
"I inven vang mai mai a nih kha," ka han ti a.
"Tumah ka chanchin hi ka la hrilh ngai lo. Engvanga hrilh ta vek che nge ka nih pawh ka inhre lo," Rebecca-i chuan pangchang aw lek lek hian a han ti a, min han melh ralh a.
Kei chuan, "Nia, tumah i hrilh ngai lo; mahse kei min hrilh si. Chuan, Singapore mipa chu an hmel ṭha em?" tiin kan titi chu her danglam ka han tum a.
"Singapore mipa hi an chhe lo; mahse an hmel ṭhat em avanga vei ngawih ngawih tur ang chi hi an milarte-ah pawh ka la hmu lo. A tlangpuiin an zia; mahse zûn an nei lo. An thianghlim a, an fresh a, chu zawng chu a ni mai, vei ngawih ngawih tur ang chi hi ka la hmu Io," Rebecca-i chuan a han ti a.
"0k. Ka hîp bîk dawn lo tawp mai che," kei chuan ka han ti ta ngawt a.
"Min hîp a ni ber ang chu, hei ka hun zawng zawng ka pek che hi," Rebecca-i chuan a lo ti ve thung a.
"Kei pawh hi ka lian lo khawp asin. Chawn tawi Iu lian hi ka ni ve tho sia," ka han ti kiai suk a.
"I hmel Ieh i pianziaah hmangaihna a awm Io. Hmangaihtu mitah chuan i thinlung zawk kha a ni. Hmel hi ka en Iem Io kei chuan, hmel thlang viau turin ka ṭha bik hek Io. Ka retheihpui Ieh ka dinhmun anga ding vete hian min hre thiam berin ka ring. Rosum aia hmangaihna thlangtu leh ngaisangtu hian eng dang nge ka en chuang ang hmangaihna lo chu," a han ti a.
"I rilru chu ka catch e," kei chuan ka lo ti a.
"Hmeichhia bêmtu che hi i ngah viau lo maw?" tiin Rebecca-i chuan min han zawt ve ta khauh a.
"Min hnaihtu hmeichhia an awm a nih chuan nang ang bawka 'normal' a huna ka tan chauha 'over' an ni ang," tih ngawtin ka lo chhâng a.
"Engvangin? Kei chu maw, ka 'normal' lo ka â hui mai," a han ti a, a nui vak vak a.
"Ka nelawmin an hria a; mah se ka zuamawm ngai vak lo," tiin ka han chhâng leh hnuhnawh a.
"Chu chu aIawm mi zahawm te nihphung chu."
Kei chu ka lo nui mai a, "Thawkkhat Iaia zirchianna pakhat ka chhiarah chuan mak deuh maiin lehkhabu ngaina leh chhiar tamte hi chhiar tlema ngaina lo ho aiin an luck zawk an ti mauh mai, tunlai khawvelah hian a la dik ang em le?" ka han ti leh daih a.
"Hre bik hauh lo mai," a lo ti ringawt a.
Comments