R E B E C C A
©Chhantea Pautu
Bung 3 Na
Rairah Rethei
Ni khat chu khua a thiang hle a, Rebecca-i nen chuan kan hun neih ang angah inthlahlel tawn takin kan inbia a, heng kan hun awl neih te hi kan tan chuan hlu tak a ni. Ka hmelah chuan Rebecca-i ka ngaihna engmah a lang lo vang, mi inthup thei tak ka ni a. Mahse, nidanga ka zawh duh ngai loh a chanchin leh an chhungkaw chanchin chu ka zawt a, a sawi chhung zawng chuan dawhthei takin ka lo ngaithla a, a chang chuan ka lo thinrim a, ka mitmeng pawh a danglam hial ang, a chang erawh chuan ka lo khawngaih hle a, amah chu ka en ngawih ngawih ṭhin.
Rebecca-i chuan an chhungkaw chanchin leh Singapore-a hnathawk tura a kal hmasak ber chanchin vel chu zep nei miah lovin ka hnenah chuan a sawi ta vek a.
"Ka nu pa, ka pu hi sumdawng ṭhin a ni a, Sial Ieh bawng kaiin Mizoram khaw hrang hrang an fang kual ṭhin. Mahse a sumdawn puipa nen intih thiam lohna an neih avangin a sumdawnpui pa chuan Sial a hnuh hlumtir a. Chutih Iai chuan ka nu hi kum 3 mi a ni; chu ta ṭanga kum 4/5 velah ka piin a hmeithaipui ta a.
"Ka nu te unau hi pa 4 an ni a, mipa 2 leh hmeichhe 2 an ni. Ka nu hi a pathumna niin kum 8 vel a nihin ka pi hian pasal dang a neih san a, an unau 4 chuan ka pi tel lovin an khawsa ta a ni. Engtin nge an khawsak chhoh zel erawh sawi tur ka hre vak Io; mahse an harsat tur zia erawh ka hria. Tichuan, an lo puitlinga, an unau zinga upa ber ka nutei hian pasal neiin, kum19 mi a nihin a thi a, an unau 3 chuan, mihring nun hi an fight ve hle a ni.
"Ka pi chuan kum 2005 khan min boral san tawh a, kum 2009 khan ka nu chung chiah, ka pu hian min boral san Ieh a. Nikum 2018 khan ka nu a boral Ieh a, tunah hian an naupang ber ka pu a la dam ve ṭawk ṭawk. Kum 2016 aṭang khan kan chhungkua hi kan thi zut zut mai a. Kum 2016 khan ka putea, ka nu u fapa upa zawkin kum 22 mi niin, lungphu chawlin min boral san a. A hnu thla rei Io teah, ka pitei'n min boral san Ieh a, kum 2017 khan, ka pu (ka nu nau) fanu upa berin, tha nâ avangin min boral san Ieh bawk.
"Chhungkaw rethei tak leh hlim Io tak kan ni ṭhin. Zing lam chhum tur buhfai pawh nei lova zan kan mut chang a tam, thawktu awm si Iova ei raltu mai lah kan tam. Harsatna tam tak kara puar taka kan awm theih nan, ka nu leh pain hna rim takin an thawk ṭhin a, keini lah a ei raltu maia ṭan bak thil dangah ṭangkaina kan nei bawk si lo. Ka nu leh pa thawh chhuah chauh chu kan kham ta lo va, School fee nen, mahni ei leh in tur leh mamawh neuh neuh nen, indaih a har Iutuk a ni.
"In ṭha pawh Iuah thei lovin dai kil karah chhungkua kan ding ve thei ṭawk ṭawk a. Kum 7 mi vel ka nih Iai hian, ka u (ka nu fa hmasa) leh ka pa nau, (ka pate)a chu an lo inngaizawng reng mai a! Kum a lo vei chho va, kum12 mi ka nih hian ka u chuan sâwn a pai zui leh ta nghal a. Mahni Io retheih sa nen, mite hmuhsit rawn kan ni zui ta zel a. Ka patea nena an inkar thu avang chuan ka u(ka nu fa hmasa) Ieh ka pa chu an inngeih thei ta reng reng Io va, chhungkua hi a buai nuaih mai ni. Kan zak a, kan rilru a na a, keimah tak phei chuan eng teh vak mah ka Ia hre thiam em em Io nachungin, rualpawl nuam ti ṭhin tak kha ka inthlahrung a, ṭhiante zînga awm nuam tih loh ruknain ka khat ta a.
"Chutia ka u-in sâwn a pai tak si-ah chuan School pawh ka kal chhunzawm thei ta lo va, hnathawk turin ka la te si, kum 12 ka nih aṭangin nitin hnathawh zirin ka nu ka zui a ngai ta a. Thla rei lo teah ka nu chuan nau a awm a lo ngai a, ka u nen chuan nitin kan feh ṭhin. Naupangte mah ni ila, ka zak a, ka rilru a na a, kan inchhung hi ka hne hluah hluah a. Ka u leh ka patea te lah chuan pakhat chauh mai duh tawk lovin fa dang an neih belh ta zel a. Mite'n min hmusit a, ka u thil tih sual chu min vau nan leh min nuihsawh nan an hmang ṭhin. Kan retheih avanga miten min hmuhsit chu sawi loh, ka u avang hrim hrim pawh chuan khawtlang huat kan hlawh a, khual khua-ah ni se, chu ti tho! Miin, "Ani pawh hi a rawn nula ang a, a u ang bawkin sâwn a pai leh mai ang,'' min ti ṭhin.
"Mite zah hlawh Io na na na chu ka nu chauh lo, keimah ni thlengin mite kut kan tuar a. Kan retheih em avang chuan khualkhuaah kum13 ka nih aṭangin inhlawhin ka kal chhuak ṭan a, phai buh zai Ieh hmarcha lawh te, sawhthing lin Ieh hlo thlawh thlengin ka thawk ṭhin. Mite'n an duh duh an neih theih Iaiin kei erawh chuan chhungkaw tan ka beih a ngai a, ka hlawh chhuah ve te chu ei leh in atan kan hmang ṭhin a ni. Naupang inkhawmpui a lo thlen chang pawhin, thil pek tur tak ngial pawh kan nei lo va, ka pa hian Bâwm a tah a, chu chu kan zuar ṭhin bawk.
"Ka u leh ka patea inlaichinnna Iah a nghet tual tual bawk a. Chhungkua kan keh darh a, unau hnaivaite'n min hua a, min dem a, min hmusit a, an kut kan tuar a; chutiang deuh vel nuai chu a ni. Chuan, kan retheih em avangin ka nuin Singapore-ah hian kum 2012 khan min kaltir a, kei Iah kum16 mi chauh ka la ni a, ṭhahnemngaihna chang Iah ka hre lo em em mai leh nghal. Ka u avang hian ka hma lam hun hi a chhe vek ni berin ka hria. Miin, "I u tak tak pawh a ni Io, hnawt chhuak daih rawh," min ti ṭhin a; mahse mite'n an hmusit a ni tih ka hriat ve leh ka Iainat a, ka hmangaih zual ṭhin ni hian ka hre thung. Kan chhungkua ti keh darh a, harsatna tam tak min thlentu ni mah se, ka tan chuan khawvela ka u neih chhun a la ni reng tho. A thil tih sual avang hian ka haw ṭhin Iutuk, amah avanga ka nu mit tui tla zozai te kha ka theihnghilh thei lo; mahse engtianga sual pawh Io ni se, ka u a nihna a bo chuang si Io a ni.
"Ka nu hian min hrilh ṭhin, "Mate, i rawn puitlin hunah i u ang hi rawn ni ve miah suh ang che aw. Thianghlim taka pasal neih tum Ia, khawvel hlimnaah hian inhnamhnawih ve ngai suh ang che. Dikna hi ṭan tlat la, hlimna chuan a rawn um mai ang che. Thu dikah chuan engtianga ṭawngkam khà pawh ni se, dawt thlum tak ai chuan a la thlum zawk tho. Kan chhungkaw innghahna Ieh kan rinchhan ber i ni a, fel takin awm ṭhin ang che. Pathian chauh rinchhan la, i thil tih kawng engkimah râwn ṭhin ang che," min ti keuh keuh zel.
"Chuti ang vel chu kan nih avang hian mahni insitna Ieh inthlahrunna hi ka nei Iian ta em em mai a ni. Ka nuin min boral san aṭang phei chuan eng kawng nge ka zawh ang a, eng'e ka tih ber tur ka hre ṭhin Io. Ka patea chu misual a ni lo, an bawhchhiatnaah erawh ka ṭan lo, Pathianin an chungah ro a la rel dawn tho a, an thih hmaa an thil tih sual Iak aṭanga an harh chhuaha Pathian an auh ve erawh ka beisei. Ka chanchin hi a zahpuiawm em a, sawi tlak engmah a awm Io, chhuan tlak a awm bawk hek lo," tiin Rebecca-i chu a thaw halh a.
"Singapore i kal hmasak ber kum chuan harsatna i tawk em?" Kei chuan ka lo ti a.
Rebecca-i chuan, "Ka theih anga kimin ka han sawi ang'e aw," tiin a sawi zawm ta zel a.
"Singapore ka thlen khan Agent inah kan awm a, mi 50 vel kan ni. Chhun lamah office-ah traning nei turin kan kal ṭhin. A ṭhen chu transfer te an ni a, a ṭhen erawh employer te hruai nghak kan ni deuh vek. Tichuan kar khat chhung agent ina ka awm hnu khan ka agent nu hian ka employer te inah min dah a, chutah chuan kum 1 Ieh thla 3 chhung kan in lam be pawp thei miah lovin hun ka hmang a. Tar ka enkawl a, kum 94 mi a ni. Hna chu thawh vak tur a awm teh chiam lo; mahse, a mihringa te kha hriat thiamna Ieh khawngaihna, lainatna nei miah lo kan tih ang chi hi an ni tlat a. Hlawh min pe ṭha duh lo va, chaw puar khawpin min pe bawk si lo. In lam chu sawi loh agent ka biak pawh min phal sak Io va. Phone call hmanga min biaktir phal lo khan, Iehkha thawn ziah chu min phal sak Ieh Iutuk tho a, lehkha inthawn lah chu kei ni thingtlanga awm tan a harsa si, ka chhungte chu vawi tam Iehkha ka thawn a, an hmu ngai lo. Ka Iehkha thawn ziahte pawh chu ka haw dawn hnaih Iamah ka pi Drawer-ah ka hmu leh vek a, min lo thawn sak ngai reng reng lo hi a lo ni.
"In lam aṭanga chanchin engmah ka hriat theih chuan si lo-ah chuan, ka pi hnenah ṭap chungin ka chhungte min biak tir turin ka ngen ta a. Min biaktir ve mai dawn emaw ka ti a, a tawp nan vawikhat lehkha thawn leh Ia, thlakhat hnu-a chhanna i hmu lo a nih chuan, call dan kan ngaihtuah dawn nia a ti a. A tawp nan lehkhathawn chu ka ziak leh a, an lo hmuh hlauh takin tiin, ka pi te Telephone number chu ka zep tel bawk. Pathian malsawmna avang Iiau liau vin kha ka lehkhathawn hnuhnung ber kha thla nga hnu-ah an lo hmu ta hlauh mai a; tichuan, March 15, 2014 khan, zingah anhnah ka sil lai hian hian phone call a rawn lut a, beisei Ioh tak maiin ka chhungte'n min rawn call ta hlauh mai a ni. An aw kha kum khat chuang ka hriat tawh Ioh vang nge ka lunglen vang tih chu ka hre chuang Io, ka ṭap ta vak vak mai a. Engmah ka sawi thei lo. Chhuatah ka ṭhu sawp tawp a, ka ṭap dir zawih zawih a, anni pawhin engmah an sawi thei bik chuang lo.
"Minutes 10 vel kan inṭah khum hnu-ah ka pi a rawn haw a, ka phone hmanlai chu min Iaksakin, 'Tu nge i biak?' min ti a
"Ka chhungte'n min rawn call a," ka ti a.
"Nangman i call hmasa em ni? Engvangin nge i call, phone hman ka phal lo tih i hria a ni lo'm ni?" min ti a.
"Ka call a nih loh thu ka sawi a, mahse ka insawi fiahna engmah a ngaithla duh lo. Ngawi rengin choka ka pan phei a, ka pi pawh a reh ve mai. Ni 5 vel a ral hnu-ah ka chhungte chuan min rawn call leh a; chumi ṭum chuan min rawn call tawh lo turin ka lo hrilh ta a ni.
"Chaw min pek ṭhat Ioh avang khan ka rilṭam hi awm ngaihna ka hre ngai Io. Ka tar awm khan Mâi hi a ngaina em em a, nitin deuh thaw hian Mâi a ei ṭhin. Ka ril ṭam ṭhin em avangin Mâi ka vel Iai hian, chhah deuhin ka vel ru ṭhin a, a hâwng hi a rukin ka dah ṭha a, ka tar awm mut hilh hlanin emaw, a inbual hlanin emaw ka steam ru ṭhin. A chang chuan a hmin lutuk hman ṭhin lo; mahse ka ril a ṭam em avang khan pawisakna nei miah lovin ka ei hmawk hmawk zel, a manhla ve lutuk! A chang Ieh buhfai hi ka ṭham ru ṭeuh a, Toilet-ah ka ei ru ṭhin; chhum lohin buhfai ka bar ru ṭhin a nih chu.
"Nitin ka pi nuṭa leh a nupui fanau te hian zanriah an rawn ei ṭhin a. An ei tur ka siam sak chang hian anhnah ṭha vak Io, an ei duh loh, paih mai tura kan dah khawm hi inti paih tum deuh hian pâwnah ka khai chhuak a; an in bulah thil thuhrukna rem deuh a awm a, chutah chuan ka thukru a, an awm loh hnu-ah ka la a, ka chhum ve ṭhin. Thla tin ka sam hi mipa sam angin min tan sak ziah bawk. Chutianga kum khat leh thla ruk ka awmna hnu tuk khat chu ka pi office a kal a, keiin ka hna ka thawk mawlh mawlh a; mahse, ka a hna Iamah tih fel Ioh a nei nge maw ni, an boss hian an lo hau deuh pawh a ni mahna, ka pi chu a rawn haw hma a. A rawn thlen hma chuan, ka pi u hian min rawn call a, "Lunch Io chhum suh keima'n ka rawn lei ang," a ti a. Lunch chhum lo chuan ka lo awm ve mai a. Ka pi chu a rawn haw ta a; chutih lai chuan chhun dar 12 a pel deuh thuak tawh a.
"Ka pi chuan, 'Ka nuin chaw a ei tawh em?' min ti a.
"La ei Io, i u in, 'Ka rawn lei ang a ti a," ka ti a.
''Chhum nghal rawh,' min ti a
"I u-in ka rawn lei ang a ti a,' ka ti leh a.
"Chhum rawh ka tih chu," min ti Ieh a.
"Kei chuan, 'Chuti na na na chu,' ti rilru chungin buhfai chu rice cooker-ah ka dah a, sil tura ka keng, ka ding chiah chu ka hmai ding lamah hian, na fek fawk tak maiin vawi hnih min rawn beng a. Ka rilru na lutuk chu ka insum zo ta bik lo va, engmah dang sawi lovin, "Air ticket lei rawh ka haw duh...i inah hian ka awm duh tawh lo. I ina awm lo pawh hian ka chhungte chu ka chawm thei em em ang...nang ang mihring hi ka la tawng ngai Io, ticket i lei lo a nih chuan Police ka phone dawn...mahni hnathawkte kutthlak hi dan phal Ioh a ni a, Jail-ah i tâng thei tih inhre rawh,' ka ti ve ta a.
"Chutia ka han tih takah chuan ngaihdam min dil a, "Ka tihpalh, ka boss nen kan inrem vak lo a,' a ti a.
"Kei chuan, 'Ani nena in inrem Iohna avanga ka chunga i ṭuan kher hi a ṭulna ka hre lo..ka haw duh,' ka ti ve ta tlat a.
"lnbeng dai la, ngaihtuah ṭha leh rawh,' min ti leh a.
"Keiin, 'Ngaihtuah tur engmah ka nei lo. He hmun aṭanga chhuah vat hi ka duh ber,' ka ti ta hmak a.
"Chutia kan buai Iai mek chuan a u chu a rawn thleng ve ta a. A u chuan thil awmzia te min zawt a, engmah ka sawi duh Io. Ka room-ah ka lut a, ka thawmhnaw ka pack nghal mawp a. Chutah, a u chuan ka pi chu thil awmzia a han zawt a, ka pi chuan, rukru-a min puhin ka thawn haw dawn tih thu a sawi hi ka hria a; kum khat ka awmin an ṭawng hi mahni invenna khawp chu ka thiam hman ve tawh a. Tichuan, room aṭangin ka va chhuak a, "Eng maw i sawi? l eng'e ka ruk?' ka va ti a.
"Chutiang engmah ka sawi lo, i hre sual a niang,' a ti ve tlat a.
"Hre sual turin ka beng hi a chhet lo. l thiam loh ngawih ngawihah pawh rukru-ah min Ia puh ngam dawn a maw?' tih leh phone Iak ka rual nghal a.
"A u chuan, 'Eng'e tih i tum?" min lo ti a.
"Police ka phone ang a, engkim hi ka sawi ang. Anmahni'n an ching fel ang,' ka lo ti hmak a. Mahse a u khan khawngaih min dil nasat em avangin phone chu ka dah ve leh ta mai a. Ka pi hnenah chuan, "Police ka phone nge i duh ticket leia min hawtir?' tiin duhthlan tur ka pe ta a ni.
"Ani chuan, 'Ka hawtir ang che, ṭicket lei turin ka'n kal ang'e,' a ti ve ta nge nge a.
"Ka pi chu ṭicket lei tur chuan a va kal a, darkar khat vel hnu velah a rawn let leh a. Chuan, ka thawmhnaw chu a check a, a check zawh chuan ka in-pack mawlh mawlh a. Ka in-pack zo chu toilet-ah ka kal a, 'I thawmhnaw hlip la, i bra leh kekawrte rawn phawrh rawh,' min tih leh towel min pek a rual a. Ka bra leh kekawrte chu ka phelh a, a hmaah a vawmin ka vawm phei a, 'I duh leh nei rawh,' kha ka han ti ve ngei a," tia a sawi lai chuan Rebecca-i chu za deuh hian a nui har har a; chutah a han sawi zawm leh a.
"An in chu ka chhuah san ṭep tihin ka tar awm chu room aṭangin mangan hmel deuh hian a rawn chhuak a, "Eng'e thil awmzia hi,' a ti a.
"Kei chun ka haw san tur thu ka hrilh a, achhan min zawt a, 'Ka sawi thei Io, ka haw a ngai a,' ka ti tlat a. Pitar chuan, 'Ka thih thleng i awm dawn lo em ni?' tih leh ṭah a rual nghal a.
"Ka tar enkawl hian min ngaina khawp mai; mahse tar â tawh a ni a, engmah a hre thiam lo. Chhungte phone number ka neih zawng zawng kha ka piin min Iaksak vek avangin tumah ka be pawp thei Io va, 'Mahni ram a ni bawk a, ka buai em Io vang chu' tiin, ka thlawk haw a. Mahse Kawl ṭawng hi ka lo thiam tawh der Io mai a, Airport-ah ka buai ta. Ka kal duhna ka sawi thiam, a veng hming ka hre tawh lo. Ka pu hming ka sawi lahin an hre bawk si lo. Mahse Singapore aṭanga haw ve kawl nu hi a lo awm ve hlauh a. Chu nu chuan min buaipui a, an in lamah min hruai haw a. Kristian an lo nih mai bâkah, a pasal hi Pastor a lo ni fuh leh kher kher a, an pahnihin min duat em em mai a, ka harsatna te min zawt a, zep lem nei Io chuan ka hrilh ta vek a, ka thiam ang angin, Sap ṭawngin, broken tawkin kan inbia a.
"Ka inbual a, ka inthlak a, ka kawr ipte ka han zen chuan, ka pu phone number ka thuhruk kha a lo la awm hlauh mai a. Kha Sim Card kha an la hman leh hman loh pawh hre lo chuan kan han call nghal a, an lo Ia hmang hlauh mai a. Ka pu te nen chuan kan inbe pawp thei ta a, a tuk chhun Myanmar dar 01:30 ah min rawn hruai a, tluang takin kan in chu ka thleng leh thei ta a ni.
"Kan khua ka thlen chuan, ṭhalai Ieh Kohhran mipuite'n awm-ni-khamin min lo hmuak a, a nuam ve phian. Ka awmna a hrehawm em avang khan min lainattu an lo awm ve a, khawteah kan awm a, chanchin a thang chak em bawk a, khualkhuaa unaute pawh Sunday-ah rawn lengin min rawn kawm hlim ve hlawm a, nuam reuh phian. Kum khat chuang Iai in lam ka biak pawh theih loh avang khan, thi thanin ka lo thang tawh nghe nghe a ni.
"Hetia ka haw hnu hian kal Ieh tumna eih ka nei lo; mahse chutiang ngawt a lo ni thei lo va, kan chhungkaw dinhmun ka han en khan kal leh loh theih loh niin ka hre chho zel a. Kal Ieh kha thih hrehin ka hreh; mahse ka chhungte ka ngaihtuah a, ka kal Ieh ta tho a ni. Tun thlengin ka la awm ta zel chu a nih hi," tiin a han chawl deuh a, kei chu ka ngawi reng a. Rebecca-i chuan a sawi zawm leh ta a.
"Singapore ka awm tirh lam khan ṭawng ka thiam si lo va, ka pian tirh aṭanga mahni ram chhuahsana ka vawikhat zinna a ni bawk nen, ka lungleng kha a rukin ka ṭap reng mai ṭhin. Ka ṭawngṭaite hian, 'Lalpa natna khirh tak min neihtir rawh, ka haw ngei ngeina turin,' ka tih loh leh Cancer natna min veitir turin ka dil ṭhin.
"Ka awmnate chuan Bible chhiar min phal sak a, mahse light on min phal sak miah lo thung! Ka pi hian zanah TV a en ṭhin a, light a on ngei ngei ṭhin. Chu mi eng chu room aṭangin a fiah vak lo va; mahse kawng awm chhun a nih miau avangin ka chhiar hram hram ṭhin a ni. Bible ka chhiar bakah, buaina a awm palh huna ka inven theih nan, MOM kan tih mai ṭhin te hnen aṭanga kan dawn, Iehkhabu, dan Ieh dun inziahna te chu hre thiam vek kher lo mah ila ka chhiar reng mai a, a tawp a tawpah chuan hriat thiam tam tak ka nei ve ta mai a ni. Kha thil kha awm Io se, chhiar ṭhin lo ni ila chu, ka pi bei let tur khan huaisenna ka neih ka ring lo.
"Ka kal hmasak ber tih loh, a hnu lama ka kala ka awmna ho hi chu a fuh vel deuh vek a, keima hriselna hian a tlin Io mai pawh a ni. Ka kal hmasak ber ṭum khan chaw ka kham ngai si lo va, ka taksa hian a tuar phah ni berin ka hria. Ṭamchhawl chunga tukverh darthlalang ka nawh lai te khan ka tla lo zawk hi ka tia. 2014 January thla vel khan, ka pitar awm kha a fanute inah chawlh kar thum vel a awm a. Min hruai ve a, tah chuan, an in ka tih fai sak ṭhin a. Air-conditioner ka silna lamah ka thi ṭep a ni. An air-conditioner khawl kha pawn lamah an dah a, tukverh a awm bawk a, an in kha chhawng 34-na a ni. Chutia air-conditioner sil tura ka va dak kha, ka ṭhuthleng rah a pelh a, pâwn lamah ka petek chhuak a; mahse, an air-conditioner dahna hmunah khan, hmun ruak zau ve tak hi a awm a, tah chuan ka tang ta hlauh a, ka tla tlang ta lo zawk mai pawh a ni. Kha lai hmun awl kha awm Io se, ka taksa hi hmun hrang hranga a keh sawm zoin ka ring. Ka nu Iian vak lo bawk nen an air-conditioner dahnaah khan ka let thla tawp a, ka khup hi ka sawh a, a vun a kak duai a; mahse rei a na lo, Doctor te an thiam em bawk a ni.
"Hemi ka awmna hmasa ber aṭanga ka haw hian ka chunga thil thlengte chu ka nu ka hrilh vek a, a ṭap nasa hle a. A inthiam lo va, a inhaw ngawih ngawih mai a ni. Ka awmnaa ka pi kha nula a la ni a, kum 53 a ni tawh. Pasal a la nei Io, tunah kum 2019 a ni tawh a, pasal a neih pawh ka la ring chuang lo. Chatuan pawhin a neih ka ring lo! Khatiang misual leh khirh, rilru chhe bawk si kha chuan pasal a hmuh zawh pawh ka ring lo ve a," a han ti a.
Kei chuan Rebecca-i chu ka han en a, ka nui suk a, engmah phei chu ka sawi lo; chutah Rebecca-i chuan, 'Ngeee...khatia min en ziah, mawh, sawi nghal rawh,' tih pahin a nui lai seih seih a.
Rebecca-i hi Mizo hnahthlak dik tak, Mizoram leh Myanmar inrina bul mai khaw pakhat, Myanmar chan lama awma Myanmara pianga sei lian a ni a. Hualngo tlangdung bawha awm an ni.
Khua chu a thiang hle a, inhmangaihte pahnih chu ngawi reng, thinlung inhmu tak si hian kan awm a, video call hmanga kan inbiak loh leh, voice emaw text hmangin emaw kan inbe awl lo va. Kei chuan Rebecca-i chunga ka rilru put dan hi ka sawi mai thiam lo. Pâwn lamah chuan kawlkil chu ni tla turin a chhun sen riai a.
* * * * * * *
Hun kaltaa kan inbiakna, kan inthlakhlelhna chu a liam ruai ruai a, ka tih sual avang hian vawi engzat nge a rilru ka tih nat tawh ang ka hre lo. Ka thinlung ka han en a, ka sawi mai theihah pawh hian tlin lohna tam tak ka nei; vawi tam ka ti thinrim a, vawi tam ngaihtuah chiang lovin ka ṭawng a, chu chuan min vaw let ṭhin. Ka sawi zawh ruala ka inchhirna tur thil pawh ka sawi ngun tawh, khangah khan chhuanlam tur dap chawp thei tho mah ila, chhuanlam tur a awm lo, kei mimawl mang tak hian amah hmangaih dan ka thiam tawk lo va, ka zir a ngai a ni mai.
Zep nei miah lova a chanchin min hrilh te, min ring ngam taka ka laka a inphawrh ṭhinna te ka ngaihtuah let a, a chungah vawi tam ka dik loh tawh avanga inchhirna tur hi ka ngah tawh takzet a ni. 'Ka thinlunga natna ser ka neih vang hi em ni heti taka ka chet sual ṭhin?' tiin ka han inzawt a; mahse chu chu chhuanlam a tling lo. Ka thil tawn tawh avanga Rebecca-i ka tawrhtirna tur chhan a awm lo vang.
Ka hun kal tawh chu ka han ngaihtuah let a, Rebecca-i avanga hlimna ka neih ang hi tun hma khan ka lo nei tawh reng em tih ka chhut a. Ka nun kha natna mai a ni khan ka hre ṭhin, tunah ani hi ka tawng ta a, lungngaihna ka neih aia tam hlimna ka hmu a ni; mahse ka thil tih dik loh hian ka lak aṭangin a hlattir fo si. A bulah awm ila, kawm hlim ila, nuihtir ila, ngaihdam dil pawh ka duh takzet a ni. Ka nunah, hmeichhia min hmangaitu tak tak hi ka la tawng lo va; chuvangin ani hi chu chân ka duh lo a ni.
Comments