A HO Zo VeK!!(part 1)
Pjs
Ka únaupa nupui nei chu a intithei hlê a, zan mut dawna, an room-a a luh dawn te hian, muttui tih pahin "Kan inmutlum hlaih leh dawn mange" a han tikher zela, nei ve lo chilput ta reng rengin kumhnih dawn ka awm a, an thawm hrephak lo mahila ka suangtuah thleng pha tho ṭhin si a.
"Nupuia neih tur zawngin kan khaw chhehvelah, khawmpui leh kohhran inthlawhtawnin zinchhuak ve fo mah ila, hrai chawi lovin val ka fam mai dawn zawng a ni" ka tih laiin tuemaw min lo duh vetu nula la upa chhe lo ka tawng ve hlauh mai le..!!
Mahse buaina tam tak kan nei a, nupuia neih tum hle mahila, fate chawm nan ka dinhmun a hniam bawk si, chulovah ka ngaihzawng nen chuan khuahmunah kan awm bawk si lo. Inhmuh ni leh tik reng kan nei thei lova, call leh messege-a inbiak ringawt chuan lunglen a hnem hleithei meuh lo a ni.
A chhungten min duh leh duh loh ka hre lova, min duh chiah pawhin ka ring lem lo. Mahse ani ka bialnu ber chuan min duhthlu ve hle thunga, pasal atân pawh min iai hlek lo a ni.
Nikhat chu an khawlamah ka zin ve thawr maia , ka thil tum ber chu ruk haw daiha, nupuia neih a ni a, ka chak ber pakhat chu khum khata mut a, ka ú in intihei tak leh mi awhfik taka an nu bula a mut tawh bik loh nan, chu thil a thlen theihna a nih phawt chuan eng pawh ti ila ka huam.
Chutia an khuaa ka zin chuan inruk puiah ka sawm ta a, hreh hle mahse min zui chu a thlang ta thova, kawng lakah chuan mutdun nan hun a tam hle a, hun remchang pawh dap duh ni ila a tam khawp mai.
An khua chu kan khua nen a inhlat lo bawk a, ka rukhnu a innneihna hun buatsaih leh pawh chu a harsain ka ring lo. Chutia ka han hawn ve ṭhuai hnu chuan zan lama ka room-a kan awmdan tur vel te leh ka chak em em mai thilte chu ka han ngaihtuaha, ka ruahman lawk vel bawk a, a nawm dan tur leh ka la tawn ngailoh thil a nih avanga a dangdaih dan tur te chu ka han dream lawk vel a.
Mahse, khatia zanlama tihtur kheka, kawnglaka ka lo che mai lo kha ka va han inchhir leh hnuhnawh em!! Kan in ka luhpui chiah tih a, a chhungte an rawn lang ve nghal mai bawk si a, zanlama mutpui tura ka lo suangtuah fel vek tawh ka nupui ruk chu, an hruai haw leh ta daih a, Ka han ngaihtuah ṭhin a riang ka chan chu "A ho zo vek!!"
A HO Zo VeK (PART 2)
Thawnthu ziah; hlaphuah leh thil dang dangah ka tui chho hle a, nuam pawh ka tiin idea ṭha tak tak keima tawkah ka nei ve a, ka thawnthu ziah ṭhenkhatah chuan keimah paw'n duh em em mai leh ngainat em em mai pahnih ka nei a, chungte chu lehkhabu hiala khawrpum ve ka duh a ni.
Ka han ziak zel a, midang chhiar ve pawh ka phal rih lo hial a, lehkhabua ka siam hunah ka tlangzarh chhauh ang ka ti a, a thupui leh a thawnthu ruangam te chu ka tarlang zauh zauh tawh a, mi ngaihnawm tihzawng tak tur a ni ngei mai.
Chutia hmalam pana, hma sawn zel tura ka han kal ve bek bek takah chuan lehkhabu ka hmuh theih apiangte chu chhiar zel ka tuma, library ah lehkhabu hawhin ka kal ziaha, chhiar hnem chuan ziahtur leh idea pawh ka ngah ka ring a ni.
Vawikhat chu Pu Mafaa ziah Vaihna Varṭhian hi ka chhiar fuh hlauh maia, ka chhiar zawh hnu chuan ka han ngaihtuah ṭhin ka thawnthu ziah ka lo hlut ve em em mai, Zanthim dairial tiha ka vuah nen chuan a kalphung a inang em em maia, a thupui a dang deuh tih mai loh chu. A changtupa varṭiana a vahvaih dan vel te leh ka thawnthuziaha, a changtupa awmdan te chu a inang deuhvek maia, a va han pawi em.
Lo chhiar lo ila chuan ka thawnthu khan a hlutna a hlauh miah lo ang. Mite'n Pu Mafaa idea copy ah min puh anga, ka thawnthu chu an thengthawngah a thawk hauh lo anga, mi idea copy ching ka ni mai dawn si a, enteh ka thawnthu phuah keima original idea chan tur chu a hniam viau ang le. Ka lo hlut em em mai nihmahse ka cancel a ngai ta a ni.
A ho zo vek!
😫😫😫😫😫
Comments