R E B E C C A
©Chhantea Pautu
Bung 2 Na
Our Relationship With Literature
Zîng ka thawh rualin Rebecca-i chu ka ngaihtuahna luahtu a ni ṭhin. Kan intawntirh lama kan inbiakna ka en let châng hian a tâna ka tlin loh zia leh ka tâna a lo hlut zia kha ka hre chhuak a, a lakah vawi tam ka dik lo va, hetia kan inbiak tâk vak loh hnu hian ka rilruin thil tam tak a ngaihtuah a, dawhtu zawka ṭang turin ka dawh lo fo kha pawi ka ti ṭhin.
Amah hi, Social Media lama a thu ziak ka hmuh ṭhin aṭanga hre pawp ka ni a, a thu ziak ka chhiarsak fo va, a ziak ṭha ka ti thei hle ṭhin. A profile ka en chiang ngai lutuk lo va, a thlalak post erawh ka hmuh fo avangin mihausa fanu mal duat a nih duh hmel hi ka ti ṭhin a, kei chuan ka cho phak leh chan phakah ka ngai ngai lo. Ani pawhin ka thu ziakte a lo chhiar ṭhin tih a hnuah ka hre ve ta, keini pahnih inpawhna tak hi chu thu ziak hi ni ta berin ka hria.
Ka hun awl zawng zawng kha ka pe a, amah ka thlakhlelh ṭhin em vang a ni. Amah pawhin a hun awl kha kei min biak nan a hmang a, midang kan ngai lo va, kan pahnih khan kan tlei em em a, kan in-video call deuh reng mai a ni. Mahse, tih sual tam tak ka nei a, harsatna a tawhte, a lan dan phena a nihnate, a paukhauh hmel aia a ruka a 'pathetic' dante leh, hriat thiam harsa taka a natna a lan chhuah dante chu ka hriat tawh hnu mah ni se ka lo hre thiam lo lek lek fo va. Thil dang vak a ni lo, a hnen aṭangin dawn duh leh beisei ka neih ve ṭhin vang a ni; mahse, amah hmangaih mai tur ka nih ka lo hre thiam leh lo palh ṭhin a.
Ni e, khang hun kha a liam a, hlim taka kan inbiak lai te, inpawh taka thawnthu kan inchhiarsak lai te kha mitthlaah a châm a, hmangaihna ka lantir thiam tawk loh avanga thil kal fuh lo tam tak hi siam ṭhat ka duh ṭhin; mahse chu thil siam ṭha tur chuan amah ngei pawh hi ka mamawh a ni tih ka hrilh ngam si lo. Tunah chuan hun hlimawm kal ta ngaihtuah let hi ka theihtawk a ni rih si; ka hmangaih a, hmangaih dan ka thiam tawk lo a ni; amah ka hmangaihna erawh a la ngai reng a, kei hi insiam rem tur zawk ka nih thu-ah inzir ka ngai zawk tihna a ni.
Vawikhat chu a zawhna ka chhan fo hnuah, "A nih Ieh zawhna ka zawt ve ang che aw," ka ti a.
Rebecca-i chuan, "Umm..." tih chauh hian min chhang a.
"I awmnah chuan Mizo mipa pawh hmel ṭha an awm ve tho em?" ka han ti a.
"A zia pahnih chu ka hmu, mipaah chuan. Kei chuan mi chapo hi ka ngai thei ṭhak lo va, infak zawt zawt ang chi te, mi zahna nei miah Io leh midang hriat thiamna nei si lova mahni inkhawngaih tlat ang chi te hi ka hua," tiin a ngaih dan chu tlang takin a sawi nghal a.
"A nih Ieh, Singapore mipate chu an chhe lovin an fresh i ti a; mahse zûn an nei lo i ti tlat bawk si a, kei hian zûn ka nei em ni? Ka va hre chak ve," ka nui deuh put put a.
"Hmel ṭhaah pawh ṭha ve mai mai chi an awm alawm, mi hîp Iem Io chi. I zûn neih dan hi chu chhungrilah a ni," a ti ve tlat.
Ka nuih chu a za ru hle a, "Hmel ṭha lo zûn nei ka ni maw?" ka han ti hram a, lawm ru deuh si hian ka nui a.
Rebecca-i chuan, "I Mak lo. A kawi zawng hlira lak i tum," a lo ti hlak a.
La nui reng chung hian, "A kawi zawnga lak lam a ni lo, nangmana min hmuh dan hmang hian inhriat chian ka duh ve alawm," ka han ti leh a.
"Hmuh dan vak che ka nei lo. I mizia hi ka ngaina a ni tawp mai."
"Thil pakhat ka hrilh ang che aw..."
"Umm..."
"Ka hmel leh pianphung hi ka hre chiang a, hmeichhe lakah ka hmachhuan ngai lo," thu tak zet hian ka han ti a.
"Blehh. Kei paw'n ka hmel leh pianphung hi ka chhuang ngai lo. Ka thianghlimna erawh chhuang tak ka ni," tiin Rebecca-i chu a nui sen sen a.
"Ka tih dan i zir, min entawn ziah suh. Kei chu heti hian ka rawn ni tawp. Literature-a ka tuina hi chuan hmeichhe Iakah awmzia a nei ve deuh ṭhin a ni mai thei, keimah bikah," ka han ti leh a.
"Hmai chhana i hmuh reng theih tur mi ṭha tam tak duhtu i nei reng awm si a, ti nge kei kher min beisei?" Rebecca-i chuan a han ti ta khauh a.
"Ka hriat ngeia keimah avanga ṭap khawpa min ngainatu hi an la awm Io. Hmana hmeichhe pakhat tih loh kha chu," ka lo ti ve thung a.
"Chu chu min duh nia i insawina chhan a nih pawh ka ring lo ve. Nangma thinlung aṭanga chhuak pawh a nih tawp loh kha, ka ngainat che avang chauh zawk a nih hmel," tiin ti tau lam lek lek hian min chhang leh a.
Kei chu ka nui a, "I lak kawih kha ka ring reng a. Ni e, khatih Iai, keimah avanga hmeichhe pakhat a ṭah Iai khan khatiang hmeichhia kha an hlu tih hre tur khawpin ka la upa lo, naupangin an thil hlu an paih chhe ṭhin ang chauh hi ka la ni; mahse he thil vang ngawt hi chu a ni lo, i sawi theih Ioh ang bawkin kei pawhin ka duhna chhan che hi ka sawi thei lo. A mak, a awm tawp a nih ber," ka han ti a.
"Ka la kawi pawh a ni lo, i thu sawi kalhmang aṭanga ka hmuh dan alawm ka sawi."
"I hmu dik lo. Nangmah tè hi, i chhungrilah khâkna ka hmu lo a ni; chu chuan min hîp hle bawk," tiin amah ka duhna chhan pakhat chu ka han hrilh a.
"Ka kha fek fawk a nia aw. I la hmu thuai ang," a lo ti ve thung a.
"Khâkna awmzia pawh i hre lo."
"Eng nge han sawi fiah la...sawi fiah nghal rawh," Rebecca-i chuan a ti a, mawl intih hmel deuh leh hlim deuh si hian a nui ta vak vak a.
"A awmzia nia i hriat dan han sawi hmasa phawt Ia, chuan ka sawi fiah ve chauh ang," kei chuan ka lo ti thung.
"Hre lo min ti e mai, nangman sawi fiah rawh."
Ka nui vur vur a, "Thinlung verthernaa khat huatna, ami huata chhiatna tur ngawt ngaihtuaha tualthah duhna hial emaw, chumi tlukpui rilru midang chunga va put hi khâkna chu a ni, inhuat satliah leh rilru natna avanga intihtauh khum aia thuk daiha huatna tenawm tak, Setana aṭanga chhuak sawina a ni," ka ti a.
Rebecca-i chuan topic thlak duh niawm tak hian, "A nih tak chu a. Naktuk zan chu ka va peih lo," a han ti ta daih a.
"Ngati maw?" ka lo ti hû a.
"Hna i zawm leh tawh dawn a, zan men rei a rem tawh awm si lo," a han ti hnuai raih a.
"Zan men hi chu ka harsat vak Io tlangpui Bawihi. Lungngai lo phawt ang aw," tiin ka lo hnem a.
"Mahse hna i thawk tawh dawn a i men rei ka remti dawn lo hrim hrim. Hnathawh chauh leh men rei chuan natna a thlen ṭhin. A rei berah dar sawm velah i mu ziah ang."
"Ka be chak dawn che asin," kei chuan ka lo ti ve tlat thung a.
"Lo ngawi rawh, ka la sawi zo lo..." a lo ti hmak a.
A sawi belh leh hmain, "I rilru chu ka hria," ka han ti leh hram a.
Rebecca-i chuan ngâi haw duh lovin a sawi zawm a, "Ka en thla reng che tih hria la, fimkhur hle rawh. Kan out rual ziah ang," a han ti leh a.
"Aw le," ka lo ti awlsam et a.
"Online ruk awih loh," a han ti leh a.
"Mmm...tehreng."
"I online ruk chuan FIR ka theh lut a ni mai," a ti leh hrâm a.
Ka nuih chu a za hle a, ka laka hmeichhia an han inti thu riau hian nuam ka ti ve tlat, "Case ka file ve ni mai," tiin ka han fiam ve nghal a.
"Ka Jail-ah ka dah ang che. A tho hmasa apiang in-wish kan ti bawk ang."
"Mmm...zan lamah eng ang pawn inhau thinrim mah ila..." ka lo ti veleh thung a.
"Online rengin msg reply lova awm tawh awih Ioh bawk. Ka rilru hi a negative hma teh a nia aw, a sensitive bawk a, ka rin Ioh vang che a ni dawn lo va. Lo kawi nghal zel lo la, ka Io pangchang viau a nih pawhin phun suh ang che," Rebecca-i chuan a han ti leh a.
"Mmm...i ṭap zeuh zeuh ang em?" tiim ka nui suk a.
"Min tih ṭah ngun viau chuan ngaih dan ka nei mai ang," a han ti zet a, a ngawih deuh hnuah, "Ka ṭah hi i châk bik...i phakar," a ti leh a.
"Chu lam pawh a ni lo...titau ziah bik suh aw."
"Ka titau ngai lo."
"Titau ngai lo maw? Ka thil ziah kha chhiar rawh, chuan i chhiar china feeling i neih dan i rawn report dawn nia," kei chuan ka han ti leh a.
"Ka la peih lo. Kan inkawm hi lehkha chhiar ka rilru-ah a la awm lo a..."
"Ka ziah thar hi chu hun ka tih hunah Io chuan i chhiar ve lo vang," tia siai zeuh pah hian ka han nuih a.
"Ṭha lawm..."
"Tak takin, Bawihi, an famkim bik miah lo nang a, literature lama tui hi chuan mihring nun hi an hre thiam bik ṭhin asin..." ka han ti ngawt a.
Zan boruak chu a reh ruih a. Ph hmachhanah Rebecca-i chu ka han en vang vang a, a sam ṭhenkhat chu fun thawin a chhem avangin a biang bawmin an leng seng seng seng a.
Comments