DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

PITAR CHHANG ZUAR MAI A NI A!

-
PITAR CHHANG ZUAR MAI A NI A!
©Chhantea Pautu.

       Milarte phêna an thawhrimna i hmu a, sawi nuam i ti a nih chuan, mi tlâwmte phêna dam khaw chhuak tura an thawhrimna i hmuh hmaih pawh ka rem ti lo.

Tah-rîk 5 June, 2019 Nilaini a ni a:

       Hnathawk tura ka chhuak chuan nitina ka chhoh ziah ṭhinna step thui ve zetah ka chhawm chho a, kal hmasa tura min tih pawh chuan nui chunga chhawnchhaih pahin ka duh loh thu ka sawi mai a, a bula kal a nuam phian.

       Emping lian vak lo a phur a, nidanga a tih ṭhin danin chhang zawrh tur a la ang a, vawiinah, ni sa hnuaiah emaw, khaw chhe hnuaiah emaw a vah kualpui leh dawn a ni. A kum zat ka han zawt a, a sawi thei lo va. Ka han en a, kum 70 a kâi tawh mai thei a, chu aia naupang chu niin, a thawhrimna chuan a ti lang upa pawh a ni thei bawk.

       Chhang a zawrhin eng zat nge a hlep ṭhin ka zawt a, "Tlemtè chauh a ni," ti bakin min chhang lo va, zawh zui ṭulah pawh ka ruat lem lo; mahse, ani ang rual, chhang zuar kuala nitina chhuah ngai chu an chhungkaw chanchin hriat ka duh ta riau a. A step kal lai te chu ka han en a, a hah chu a chawl leh dat ṭhin, a ruala kal ka tum tlat avangin ka ti hmanhmawh deuh ni chuan ka hria. Kei lah chuan a ruala kal ka duh miau mai si a.

        An chhungkaw chanchin chu ka ha zawt ta nge nge a, a fate chanchin a han sawi chuan ka ngaihtuahna a kal thui hle mai, an chhungkaw chanchin erawh ka sawi chhuah a rem lo vang. A hmel phêna a tawrhna leh, a rilru hah ve ṭhin tur zia chu ka suangtuah pah a, ka titipui pah reng bawk. Kan titi kârah chuan a nui hak hak a, ka bula awmte, pawi sawi lo leh za deuha an nuih hak hak hi chuan, miin fiamthu thiam ang maia min sawi ṭhin hi a dik tak tak emaw hi ka ti fo.

       Pitar mai a ni a; mahse an dinhmunin a zir loh miau avangin nitin chhang zuara a vah kual a ngai a, an chhungkaw chanchin tlemtè min hrilh khan ka ngaihtuahna a luh zui avangin, ka hma hunah fimkhurna tur tam tak ka nei tih ka hria.

       A chawl leh det a, Step chhuah chhoh hma hret chuan kan inpensan ta a, "Ka pi, a nih leh aw, ni hman nuam le," tiin ka thlah ta a ni.

Thufingte 23:22
"I pa, a hringtu che thu pawm la, I nu chu a lo tarin hmusit suh."



Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more