Posts

Showing posts from June, 2019

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment
Read more

R E B E C C A- 3

-
Image
R E B E C C A ©Chhantea Pautu Bung 3 Na Rairah Rethei      Ni khat chu khua a thiang hle a, Rebecca-i nen chuan kan hun neih ang angah inthlahlel tawn takin kan inbia a, heng kan hun awl neih te hi kan tan chuan hlu tak a ni. Ka hmelah chuan Rebecca-i ka ngaihna engmah a lang lo vang, mi inthup thei tak ka ni a. Mahse, nidanga ka zawh duh ngai loh a chanchin leh an chhungkaw chanchin chu ka zawt a, a sawi chhung zawng chuan dawhthei takin ka lo ngaithla a, a chang chuan ka lo thinrim a, ka mitmeng pawh a danglam hial ang, a chang erawh chuan ka lo khawngaih hle a, amah chu ka en ngawih ngawih ṭhin.      Rebecca-i chuan an chhungkaw chanchin leh Singapore-a hnathawk tura a kal hmasak ber chanchin vel chu zep nei miah lovin ka hnenah chuan a sawi ta vek a.      "Ka nu pa, ka pu hi sumdawng ṭhin a ni a, Sial Ieh bawng kaiin Mizoram khaw hrang hrang an fang kual ṭhin. Mahse a sumdawn puipa nen intih thiam lohna an neih avangin a sum...
Post a Comment
Read more

R E B E C C A- 2

-
Image
R E B E C C A ©Chhantea Pautu Bung 2 Na Our Relationship With Literature      Zîng ka thawh rualin Rebecca-i chu ka ngaihtuahna luahtu a ni ṭhin. Kan intawntirh lama kan inbiakna ka en let châng hian a tâna ka tlin loh zia leh ka tâna a lo hlut zia kha ka hre chhuak a, a lakah vawi tam ka dik lo va, hetia kan inbiak tâk vak loh hnu hian ka rilruin thil tam tak a ngaihtuah a, dawhtu zawka ṭang turin ka dawh lo fo kha pawi ka ti ṭhin.      Amah hi, Social Media lama a thu ziak ka hmuh ṭhin aṭanga hre pawp ka ni a, a thu ziak ka chhiarsak fo va, a ziak ṭha ka ti thei hle ṭhin. A profile ka en chiang ngai lutuk lo va, a thlalak post erawh ka hmuh fo avangin mihausa fanu mal duat a nih duh hmel hi ka ti ṭhin a, kei chuan ka cho phak leh chan phakah ka ngai ngai lo. Ani pawhin ka thu ziakte a lo chhiar ṭhin tih a hnuah ka hre ve ta, keini pahnih inpawhna tak hi chu thu ziak hi ni ta berin ka hria.      Ka hun awl zawng zawng kha ka pe...
Post a Comment
Read more

A HO ZO VEK!

-
A HO Zo VeK!!(part 1) Pjs Ka únaupa nupui nei chu a intithei hlê a, zan mut dawna, an room-a a luh dawn te hian, muttui tih pahin "Kan inmutlum hlaih leh dawn mange" a han tikher zela, nei ve lo chilput ta reng rengin kumhnih dawn ka awm a, an thawm hrephak lo mahila ka suangtuah thleng pha tho ṭhin si a. "Nupuia neih tur zawngin kan khaw chhehvelah, khawmpui leh kohhran inthlawhtawnin zinchhuak ve fo mah ila, hrai chawi lovin val ka fam mai dawn zawng a ni" ka tih laiin tuemaw min lo duh vetu nula la upa chhe lo ka tawng ve hlauh mai le..!! Mahse buaina tam tak kan nei a, nupuia neih tum hle mahila, fate chawm nan ka dinhmun a hniam bawk si, chulovah ka ngaihzawng nen chuan khuahmunah kan awm bawk si lo. Inhmuh ni leh tik reng kan nei thei lova, call leh messege-a inbiak ringawt chuan lunglen a hnem hleithei meuh lo a ni. A chhungten min duh leh duh loh ka hre lova, min duh chiah pawhin ka ring lem lo. Mahse ani ka bialnu ber chuan min duhthlu ve hle thunga, p...
Post a Comment
Read more

R E B E C C A- 1

-
Image
R E B E C C A ©Chhantea Pautu Bung 1 Na Duhtirh Nihtirh.      Rebecca-i nena kan intawn hma thla tam pawh liam loah khan a thinlung nâ damna tur ringawtin hmeichhe pakhatin min lo kawp tawh a; kei chu mi rilru nâ leh khawhar hnemtu mai ka ni fo a.      Mahse, Rebecca-i nena kan intawn hnu-a ka hlimna ang hi lei dawn ta ila, a man a tam dawn lutuk a, sumin a lei zo lo vang. Thinlung takin ka nui ve thei tawh a, ka nun khawhar a reh a ni. Rebecca-i nen hian facebook aṭanga inhria niin call hmang leh video call te, text message hmangtein kan inbia a, a hmunah inhmu lovin kan kârah mual tam tak awm mah se, hlimna kan inpe tawn a ni; hei bak, mipahnih tân eng thil dang nge awm chuang ang?      Zankhat chu inpawh takin kan inbia a.      "Bawihi...?"      "Umm...?"      "Singapore lama hmun hming Iangsar deuh ho ka hre duh. Tin, off day-ah engtin nge hun in hman tlangpui ...
1 comment
Read more

KA LA THEIHNGHILH LO

-
KA LA THEIHNGHILH LO Pjs Túemaw ka mutna khum bula rawn lang sek ṭhin chuan ka kête hrúin a sil a, ka awmna hmun chu khawilai nge a nih ka hre lo, hun rei tâk mu tawh ang mai ka ni a, ka mutbû te chu chu nula chuan a sú ṭhin a, ka ekte thianin ka zun nan bur min dawh sak ṭhin bawk. Chu nula chuan túemaw ni tâk min hriatchhuahtir ṭhin a, mahse tunge a nih chiah ka hre lo, a hmel chu a ṭha hlê a, tleirawl duhawm tâk a ni a, ani chu min enkawltute zingah pawh ka mutna room rawn lut hnem ber a ni a, lainat tâk leh mi khawngaih hmel táka min enchangte hian eng nge a chhan ka hre lova, a tán tuemawni tâk ka nih ngei ka ring a, mahse tùemaw ni tâk ka nih chuan min hrilh tawh ngeiin ka ring bawk si. Zanlaia ka ṭhangharh changte hian ka bulah awmin mî a lo ngaihven vat ṭhin. Ani chauh chuan min tihlima, midang tú tùte emaw rawn lang ve fo ṭhin chu ka...
Post a Comment
Read more

KA PA A INKHAWM KHAT

-
KA PA A INKHAWM KHÂT!! Pjs "Ka pa, inkhawm ve tawh la," "Aa..kan tlarah Chawngzawng a ê a, an la tifai bawk si lo va." Tiin min lo chhang mai a. Ka pa chuan engvanga inkhawm duh tlat lo nge ka hre lo va, ka pian ve hma a a thil lo tawn tawh emaw a lo tih tawh emawte engmah ka hre lo va, YMA lamah erawh chuan a zawnin kumnga President-ah an thlang tawh thung, YMA thiltih ah chuan a hmaih ngai lo. A fate inkhawm turin min fuih a, kan inkhawm loh chuan chhan ṭha tak a nei tur a ni thung. Kan vengah chuan ka pate ṭhian thum chu Pathianni lo thleng ṭhin chuan an nunah danglamna a nei ngai lo. An tân chuan hnathawh chawlhni mai chauh a ni a, Card an denga, an hlim ve em em ṭhin a ni. An chin ṭhan ka nuih tizâ em em mai pakhat chu Kalkim lawmman  dawn ve ngei ngei an tum ṭhin a, mahse an inkhawm peih tlat bawk si lo. Mahse an idea hi a ṭha riau. Kum tawp dawnah an hming an ziak luta, Pathianni vawikhat an inkhawm chuan ka...
Post a Comment
Read more

PITAR CHHANG ZUAR MAI A NI A!

-
Image
PITAR CHHANG ZUAR MAI A NI A! ©Chhantea Pautu.        Milarte phêna an thawhrimna i hmu a, sawi nuam i ti a nih chuan, mi tlâwmte phêna dam khaw chhuak tura an thawhrimna i hmuh hmaih pawh ka rem ti lo. Tah-rîk 5 June, 2019 Nilaini a ni a:        Hnathawk tura ka chhuak chuan nitina ka chhoh ziah ṭhinna step thui ve zetah ka chhawm chho a, kal hmasa tura min tih pawh chuan nui chunga chhawnchhaih pahin ka duh loh thu ka sawi mai a, a bula kal a nuam phian.        Emping lian vak lo a phur a, nidanga a tih ṭhin danin chhang zawrh tur a la ang a, vawiinah, ni sa hnuaiah emaw, khaw chhe hnuaiah emaw a vah kualpui leh dawn a ni. A kum zat ka han zawt a, a sawi thei lo va. Ka han en a, kum 70 a kâi tawh mai thei a, chu aia naupang chu niin, a thawhrimna chuan a ti lang upa pawh a ni thei bawk.        Chhang a zawrhin eng zat nge a hlep ṭhin ka zawt a, "Tlemtè chauh a ni," ti bakin min chhang lo va, ...
Post a Comment
Read more

KHA THLÂ RUM KHA!!

-
KHA THLÂ RUM KHA!!! Pjs Kan khua a kum upa tawh tak pakhat chu a hnathawhna hmunah thingin a delhhlum palha, zan lama lumen turin an inah chuan kan lengkhawma, zanlaiah tak mai chuan Power connection a tawp ta hlauh mai, a mangan thlak duh ngei mai, mi kan tam vak lova, a ṭhahnem ngai zualte chauh chu kan awm tawh a ni. Chu kan lenkhawmna In piah lawkah chuan thlanmual a awm a, chutia zanlaia current  a awm loh lai chuan thlipui thawm nge thildang thawm tih hriatloh chu thlanmual lam aṭang chuan a rawn ri leh huau huau ṭhin a. Bati leh larṭin kan chhit te chu an alh ṭha duh ta reng reng lo mai bawk a. Hlau duh tan chuan hlauhawm tak a ni. Chutianga boruak a awm lai chuan khuangpu lamin hla a han lak leh pawh chuan zai a tui mawh ta hle mai a ni. Hla pakhat kan sak zawh chuan thawm mak danglam tak mai a rawn awm leh ta a, thlanmual mawng lamah chuan thlipui nasa tak mai thawm hi a rawn ri ta a, zawisap hian tuemaw chuan, "kan mitthi hian thl...
Post a Comment
Read more