KA LEI VANTIRHKOH(COMPLETE)

 KA LEI VANTIRHKOH

BUNG-1 NA

By: Rs Thangluah

Thlanmualah chuan kan ṭhian ho chuan zu in turin kan kal khawm leh a. Ni danga kan tih ṭhin ang bawkin Thanmual mawng lam pan thlakna stepah chuan kan ṭhu khawm leh laih hlawm a. Mawia chuan meizial ṭan pahin,"Zanin chu hman zana min khawihtu te kha kan va zawng dawn mi?,"a rawn ti a,a hmelah chuan a thinrim hle tih a hriat theih nghal mai a. Jo pawh chu a lo phûr hlawm khawp mai a;mahse,kei erawh ka phûr ve tlat lo,"A ho e mai,hman zanah pawh kan hneh loh êm kha,"ka lo ti thung a. Jo chuan,"Nang hi i nep bik thei lutuk mai,i rawn kal ve loh chuan mipa i ni lo tihna a ni mai,"tih pahin ka darah chuan a rawn beng thak thak a. 

Zanin hian an bulah ka kal lo a nihchuan Tuai tiin min nuihzat ngei dawn si a,chuvang chuan ka kal ngei a ngai a ni.

Thlanmual mawng lam aṭang chuan hmeichhe 1 hi muang changin a rawn chho a. Ka ṭhiante chuan an lo hmu ve lo hrim hrim a,kei chuan mit tla lêk lovin ka lo en pek a. Jo chuan,"Hey Mawla,khati vak vak khan hmeichhia an melh ngai lo,kawng kha ka lo kian vat vat rawh. Kan veng Kohhran Upa fanu a nih khu,"tih pahin ka lu ah chuan a rawn tuai thuak thuak a. Kei pawh chu ka ṭhutna aṭang chuan ka tawlhsawn ve vat a,chu nu pawh chuan kan ṭhutna chu a rawn thleng ve nghal bawk a. A van hmelṭha tehkher êm! Vantirhkoh ni mai hian ka hria,engkim mai kha a fuh vel vek mai a ni. Ngawi rengin min kal pel a,a perfume rimtui zia te kha aww. 

Ngawi rengin ka thlir zui vawng vawng a,a hnung lam aṭang pawn a van chhelo tak ém!,"Heyy,,Mawla khatin thlir zui vung vung kher suh. Keini pawn kan melh ngam ṭawk a nia,"tih pahin Mawia chuan ka luah chuan min rawn nam bu lawp a. Jo lah chuan,"Awww a ho lutuk,a vawikhat hmuh ve na nia hrethiam rawh,"tih pahin a lo nui hawk hawk thung a.

Zanah chuan ka chhungte ho chu inkhawm turin an in siam sap sap hlawm a. Ka pa chuan,"Bawiha,zanin chu inkhawm ve tawh la,"a rawn ti dam thluam a. Kei lah chuan,"Nhaaa ka peih teuh lo mai a,kan ṭhian ho in game kan khel dawn,"ka lo ti nghal hmak a. Ka pa chuan beidawn hmel takin min rawn melh a,engmah a sawi zui tawh lo. Hla Bu leh Bible a la a,ka nu nen chuan inkhawm turin min chhuahsan ta a.

Kan unau hi 3 kan ni a,keimah chiah hi mipa ka ni a ka naupang ber bawk a. Mahse,kan unauah chuan ka sual ber thung a,Family Black Sheep ka ni tihna a nih chu. Ka u chuan,"Bawiha,ka pa hi ti beidawng tawh lo teh. Khawngaihin i nun hi insiamṭhat tum ve teh,"tiin ka bulah chuan a rawn ṭhu a. Ni e ka u hian a sawi dik a ni,ka nu leh ka pa te hian ka tan nitin an ṭawngṭai ṭhin tih pawh ka hria. Mahse,ṭhat lam aiin sual lam ka pan zawk zel chu a ni si.

Inkhawm an kal rem hnu chuan ka insiam ve ta a. Ka ṭhiante 2 chuan taxi stand-ah min lo nghak reng tawh tih hre mah i la,ka insiam chu ka hmanhmawh lo khawp mai. Ka rilru leh mitthlaah chuan kha hmeichhia bawk kha a ni awm chu,vawikhat tal hmuh leh ka châk khawp mai. Ka insiam chu ka rei deuh a ni ngei ang,Jo chuan min rawn call ta;

"Aw ka rawn kal dawn,"

"Muangchang vak zel ṭhin suh,"

"Aww ka hria e,ka rawn kal a ni mai,"

Phone chu ka hang up a,ka jacket ipteah chuan ka ak nghal a. Engemaw palh thut a in ven na turin,chemte lian lutuk lo chu ka pai tel bawk a. Mask ka vuah a,kan nau 1 lehkha zira kan bula awm bulah chuan,"Ka ṭhiante nen game kan khel dawn a,ka rawn haw tlai maithei aw. Ka pa te kha i lo hrilh mai dawn nia aw,"tiin ka chhuahsan nghal a,ka ṭhiante awmna lam chu ka pan ding nghal chawt a.

Jo chuan,"Kan hman chuan kal i la,anni pawh an inpeih tawh a nih hmel,"a lo ti nghal a. Mawia chuan,"Nia kal ang u,"tih pahin a bike chu a ti nung nghal a,Mawia bike ah chuan ka chuang kai ve nghal bawk a. Mawia chuan,"Bawiha,i pa in i bike a la hren sak che mi a?,"a rawn ti a,"Aw hren sak e maw le,tunlai phei chu ka mark a chhe thei lutuk a engmah pawh ka dil ngam lo,"ka lo ti vat a. Mawia chuan,"Zanin bak chu keipawh ka chhungten ka bike hi khalh chhuah an phal tawh lo. Ka patea an kawl tir dawn,"a lo ti ve bawk a,"A va ho thei ve aw;mahse,lungngai suh ka mark ka ti ṭha ve dawn lawm,"ka lo ti thla ve rawk a.

Kan sualpui tur te chuan min lo nghak reng tawh a. 3 ve ve kan ni a,chu tih loh ah chuan midang 5 am awm bawk a. Chung ho chu min lo en tur hrim hrim a rawn kal an ni thung a. 

Jo chuan a bike chu a ti thi a,a helmet a hlip a bike aṭang chuan a chhuk nalh a. Keini pawh chu kan chhuk thla rang khawp mai,zanin chu kan rui over lo bawk a min hneh tawh bik lo tawp ang. Pum ruaah chuan kan ṭhian 3 chu kan lian vak lo,Jo hi a lian ber a ni a 5'8 vela sang a ni a. Kei hi 5'6 vel ka ni a,Mawia ve thung erawh hi chu 5'4 vel chiah a ni thung. Mahse,kan zam bik lo kan hma a mi 3 dingte chu 5'10 an hawlh thuak thuakin ka ring a ni. Zam map lovin kan hma zawn a mi te ṭheuh chu kan melh rûn hlawm a. 

Kan sir aṭang chuan palian deuh 1 hi a rawn pen chhuak a,"Awle kan nghak chhuak ta e. A mal malin a fair in in fight ang,tlawm zawk an awm hma chu in insual char char tur a ni,"tih pahin weed chu a blow khu tulh tulh mai a. 

Mawia chuan min rawn melh pahin,"Hman zana min hnek tu kha keichuan ka bei ang,kawrdum ha saw,"a rawn ti sar sar a. Jo chuan,"Kei chuan kawr sen ha aw,"a rawn ti ve thung a,ka fight tur chu a chiang ta hman zana a hnar ka hnek thi sak pa kha a ni. Min melh dan chu min hnek chak zek zek tih ka hre mai,hman zan kha chuan kan ruih êm vangin kan hneh lo mai a ni. Zaninah erawh chuan kan rui over lova,a hminga taikwando black belt ve ngat kan ni ve bawk a,min cho sual khawp ang le.

Mawia te chu an in fight hmasa ber a,an pumrua en chuan pafa ni áwm an ni. Mahse,Mawia chuan a hlau vak bik lo khawp mai,a tawpah chuan a palian zawk chu a tlawm zawkah a ṭang ta. Lei charah chuan che sawn thei lovin a tlusawp reng mai a. 

Jo te hun a thleng ve ta. Jo pawh chuan a tumpui pa chu a hlau vak bik lo khawp mai;mahse,rin aiin a hneh lo. Jo zawk chu a ri chawrh chawrh reng mai a,a tlawm tawh dawn emaw ka tih hnuah Jo chuan a tumpui pa khabeah chuan a rawn chhohdawm mai chu,a pa lian zawk chu a let tual mai le. Mawia nen chuan kan lo âu nasa mai a,ka tumpui pa tur lah chuan min rawn fuck🖕🏿 reng mai si. Ka hun a thleng ve ta le;mahse,ka in rin hman hma in ka bekah a rawn ri chawrh mai. Ka lu a hai mawih a,ka tlu nghal der mai;mahse,tluk rei ka tum lo ka in beng kang leh nghal a,"Mipa i nih chuan ka in rin loh laiin min bei tawh suh aw,Tuaia,"ka ti nghal bawrh bawrh a. Ka kut ka kut ka hum ruh a,a hnarah tak chuan ka hnek ve ta siah mai,a hnar aṭang chuan thi a rawn chhuak nghal ngiai ngiai a. 

A tlu mai dawn emaw ka tia,a tlu miah lo a pai chawn chawn a,a rawn nui huk huk a,"Naupang,tuai min ti maw? Kha aw mipa ka nih hi,"tih pahin ka lam panin a rawn tlan phei a,ka kawngah min man bet a min nawr ta chiam mai a. Mahse,tluk mai ka tum bik lo ka theih tawpin ka nawr let ve a,a tukhum leh a nak velah chuan ka theih ang angin ka hnek bawk a. Mahse,ka kawng min kuahna erawh a na ve khawp mai. Ka theihtawpa na in ka nawr let ve a,ka ṭan hmun siam rem pahin ka in her hret a. Ka theih tawpa na in a nakah chuan ka hnek leh ta chawrh chawrh mai a,vawi 4 vel ka hnek hnu chuan a zawi ve ta. Lei charah chuan a tlu ve ngat mai a,ka beka min hnek na erawh a la na veng veng mai.

"Tho rawh,nizanah khawiah nge i chhuah a?,"ka pa chuan min lo sawi nawk nawk mai a,a hmel chu a dur hle bawk a.

Ka in perh tho rang kher mai,"Ka ṭhiante nen game kan khel a,"ka ti zawi sup a,". Ka pa chuan min melh chiang kel kawl khawp mai,ka pa hi pa zaidam tak ni mah se,a thinrim chu hlauhawm tak a ni,"Game khelhnaah chuan i bek hi i sawh em ni? Zu rim te chu i la rawn nam leh nghal a. I nu rilru hah zia hi i hria em?,"a ti bawrh bawrh mai a. Ka nu chuan ngawi rengin min lo thlir tlawk tlawk bawk a,"Ka pa ka tihpalh,tiang khan ka awm tawh lo ang,"ka ti zawi leh sup a. Ka pa chuan ka mitah tak min en a,"Ka fapa neih chhun i ni a,hetiang mai mai a nung tur hian ka enkawl lo che tih hria ang che. Vawiin aṭangin pawnah i chhuak tawh lo ang,rawn tho la in tifai la chaw ei ang che,"a ti hmarh hmarh a,ka nu nen chuan ka room aṭang chuan min chhuahsan leh ta rih a.

Kar 1 chhung chu Inah chuan min khung ve ta ran mai. Ka phone min hren sak a,computer erawh ka khawih min phal sak thung a. Nileng lengin game ka khel a,a changin ka nu eirawngbawl te ka pui ṭhin. Ka nu chuan ka kutah a rawn vuan a,"Bawiha,tinge tiang hian i nun tak mai le? I pa nen hian i tan kan ṭawngṭai reng tih hi theihnghilh suh ang che aw,khawiah pawh kal la min hre reng ṭhin ang che aw,"a ti zawi sep sep a,a sawi zawng chuan a biangah mittui a lo luang ngiai ngiai a. Ka nu mittui tla ka vawikhat hmuhna a ni a,ka rilru pawh a khei zar mai,"Nu,ka tihpalh lutuk ṭha deuhin ka nung tawh ang. I thu ka awih a nga,ka pa thu pawh ka awih bawk ang. Ka u te thu pawh ka awih a nga,ka rui tawh ngai lo ang,"ka ti mawlh mawlh mai a. 

Ka nu chuan,"Bawiha,ka hmangaih lutuk che nia aw,"tih pahin min rawn kuah a,ni e ka nu hi chuan min hmangaih takzet a ni tih ka hria. Ka u te leh pa pawn min hmangaih lutuk;mahse,keimah hian ka zir lo a ni. Nitin thu ṭha tinreng min hrilh chung pawn ka hre lo der zel a,an thu chu ka ngai pawimawh ngai lo a ni. Vawiin aṭang chuan pangngai deuh a nun ka tum tawh a nga,ka ṭhian sualte pawh thlah mai lovin kawng dik kawhhmuh tu nih ka tum tawh zawk ang.

Sunday a ni a,ka chhungte chu inkhawm turin an insiam sap sap hlawm a. Ka pa chuan,"Bawiha,vawiin chu inkhawm ve ang che aw,"a rawn ti a. Ka pa chu ka hnial hreh rual rualin inkhawm pawh ka hreh khawp mai;mahse,pangngai taka nun chu ka duh ve tawh a ni,"Awle ka lo insiam dawn nia,"tiin room lamah ka lut phei nghal a.

Aw Lalpa,khanu bawk kha ka hmu leh ta. A van hmelṭha chiang tak êm! A ṭhiannu nen chuan an rawn ti ti thla mawlh mawlh a,kei erawh chu ka bike ah ka ṭhu a kha hmeichhia hmelṭha zet kha ka lo thlir leh vauh vauh tawh mai a. A nui hmel te kha a van ṭha tak ém! Khawvel hmeichhia ka hmuh tawh ah chuan a la hmelṭha ber ngeiin ka ring a ni. Min rawn kal pel chiah tih chuan a hla bu kar aṭang chuan thil eng emaw hi a rawn tla thla nawlh mai a,rang lutuk in ka bike aṭang chuan ka chhuk a ka va chhar nghal a,"Ṭhiannu,hei i thlauh a,"tih pahin ka va ûm leh nghal a,"Awii..engtikin nge ka thlauh a? Ka van lawm tak,ka lawm lutuk aw,"tih mawlh mawlh pah chuan a nui sâng a. Kei lah chuan a hmelṭha tak chu âng phuau in ka lo en leh pek a,"Heyy...ṭhianpa,i ṭha em?,"ka hmai zawnah a kut a rawn vai fua fua mai a,ka van zak tak,"Aw ka ṭha e ka ṭha e,kal tawh rawh u,"tih pahin ka bike awmna lamah chuan ka kal phei nghal hlawk hlawk a. 

"Mawla,che chukchu thei lutuk mai,"tiin keimah leh keimah chu ka in be mawlh mawlh a. Ka chet dan nuihzatthlak tak kha a theihnghilh vat ka beisei,a theihnghilh vat loh chuan a zia dawn lo e mai. Ka bike chu ka ti nung a,kan In lam panin ka in khalh haw vûk vûk a.

Khanu bawk kha ka mitthlaah chuan a rawn lang leh ṭhin a. A nuih paha a biang sum rawn khuar te kha a van nalh dangdai tak êm! A ha var tak leh nalh tak mai te kha aww,siamtu hian engtinnge maw a siam bik le? Ka zan mutnaah nise,amah bak ngaihtuah ka nei ngai lo. Mahse,ka hmuh erawh chuan ka lai leh ṭut ṭhin bawk si,a van hahthlak ṭhin tak êm! Mipa zawng zawnga zei lo ber ka ni ngei ang,ka che chukchu thei ropui si.

Thla 1 vel chu ruihhlo khawih miah lovin ka nun ka hmang ve ta. Ka chhungte pawh an lawm khawp mai;mahse,ka ṭhiante erawh ka thlah lem chuang lo. Anni pawh rui turin min thlem ngai bik lo,ṭha tak leh thianghlim takin kan inkawm a ka chhungte pawn min khap lem lo. Mahse,ruih tur hmuh reng chuan tih ve leh mai chu a châkawm ṭhin khawp mai.

"Bawiha,khanu kha a number neih dan min lo ngaihtuah pui teh,"ka ti ve tawl mai a. Jo chu a lo nui hak hak a,"E khai,Class-VII kan nih aṭangin kan inkawm tawh a. Hmeichhe chungchang i vawikhat sawina a ni,a lawmawm lamah ngai phawt ang,"a ti ham ham mai a. Ni e a sawi dik chiah lawm,mipa ni mah i la hmeichhia hi ka ngaihsak ngai lo. Mahse,khanu zet kha chu sawi ngaihna ka hre lo a ṭha vel vek a ni tawp mai,"Mawwh Bawiha..,"ka ti leh tut tut mai a. 

Jo chuan,"I mak tut tut thei e mai,bialpa te pawh a lo nei ve reng maithei a sin,"a lo ti a,"Nia ni bawk si,"ka ti leh hnuhnawh a. Bialpa a lo nei a nihchuan ka rilru a na ngawt ang,leh ringawt ṭhin a hehe.

[23/03, 07:51] Rs Thangluah: *KA LEI VANTIRHKOH*

BUNG-2 NA

By:- *Rs Thangluah{Remz}✍🏻*

(R'z Thangluah tho kha ka ni a nia,min lo hai su aw hehe. Ka hming ka thlak ringawt a nih hi aw.)

Thla 1 vel zet zawt rui lo hai lova ka awm chu ka chhungte pawh an lawm khawp mai. Mahse,ka rilruah ruih châkna chu a rawn lian leh ṭan ta. Zan chhuah ka chîng ṭan leh tawh a;mahse,ka chhungte chuan min la khap hran lo. A chhanchu ka mark a ṭha tawh tlat a ni,kei lah chuan chu chu remchangah la in sual kawng zawh nan bawk ka hmang leh ta si.

"Bawiha,i star deuh khan bialpa a neiin ka hria,"Jo chuan a rawn ti a. Ka awih chiah loh vang chuan ka nui suk ringawt a,"I awih lo mi? Niminah pawh an in phur ka hmu,"a ti leh a."Aww awih vak lo e,"ka lo ti mai a. Mawia chuan,"I awih loh chuan kan va leng chhin dawn mi?,"a lo ti ve bawk a. Jo chuan,"Nhaaa chi loh lutuk a,an ni ang Ina leng phak kan nih loh hi thil dang sawi ang u,"a rawn ti daih thung a. Kei pawh chuan engmah ka sawi chhunzawm duh lem lova,Mawia erawh chuan,"Aww engnge pawi? Engnge hek? Engnge har? Hmeichhia chu rim thiang vek a lawm an nih,"a la ti leh hram a. Jo chuan,"Rim te chu thiang e;mahse,phû loh pui rim chu a tih chi vak loh ang. Chu aichuan a free a zu min pe tu tur ka hria a nia,"a rawn ti nghal mawlh mawlh a. Mawia chu a phur leh ta khawp mai,"Yess khawiah? A chhelo em?,"a ti nghal zawt zawt a,kei lah chuan,"Jo hian hmeichhe hmelṭha hmelhriat a nei ngai lo,"tih pahin ka lo nui hak hak a. Jo chuan,"Kal i la in hre mai dawn lawm,min rawn zui rawh u,"tih pahin a bike chu a ti nung a,Mawia chu ka phur a kan zui ve nghal a.

Zan dar 11.30pm velah kan In chu ka thleng a,pawn aṭang chuan ka en a ka pa te room chu a lo la êng a;min lo la nghak a ni tih ka hre thei nghal mai a. Ka iptea Silver Pearls chu ka ei nghal mawlh mawlh a,chhuan lam tur ngaihtuah zui mawlh mawlh chungin thawm dim thei ang berin kan kawngkhar chu ka hawng ta a. Mahse,sitting room-ah chuan ka nu leh ka pa chu an lo ṭhu ran tawh mai a. Ka pa chuan min lo melh rum khawp mai,ka nu erawh a mit a sen râm mai a. Ka ngawi reng a,kawngkhar bulah chuan ka ding zum zut ringawt a. Ka pa chu muang changin a rawn ding a,"Rawn phei teh le,"a ti zawi sup a,ka van huphurh tak ém! Zawi muangin ka pa chu ka pan phei a,ani lah chuan a hnar a lên vut vut mai bawk si. Ka mitah tak min en a,"Zan rei tak tak thleng leng tawh suh ang che. I nu hi en teh,nangmah vanga a rilru hah zia te hi hre ve ta che. Zan dangah chuan  ti nawn tawh suh ang che,va mu rawh,"a ti hmarh hmarh mai a. Ka kâ ka âng ngam tawh lo hrim hrim,ngawi rengin thinphu dep dep chungin ka room lam chu ka pan phei nghal a.

Rilru mitthlaah khanu bawk kha a rawn lang leh ta. Ngatinge maw ka vei tak em em mai le aw,ka van hrethiam lo tak ém! Hmeichhia vanga buai hi ka duh lo a sin maw le;mahse,tunah erawh hmeichhe pakhat vangin ka mut mu pawh ka tuah thei lo chu a ni ta si. Hmangaihna khurah ka tla lut ve ta zawk em ni le? 

"Eksek,zanin chu rawn leng ve tawh la,"ka kutah chuan a vuan a. Ka lo nui ringawt a,"Mawwwh,rawn leng ve tawh la. Khapa kha a rawn leng reng a,ka ning teh mai nia aw,"tih pahin a ner nûng nûng a,a van duhawm ṭhin tak êm!"I pa in min melh rum lutuk palh ang,"ka lo ti vat a,"Hmm a fanu naupang ber ka ni a,ka hlimna anihchuan engtinmah min ti lo ang,"a lo ti vat a,ka darah chuan a lu chu a rawn nghat a,"Ka hmangaih che,tuman min ṭhen hrang thei lo ang,"a ti sep sep a. A van duhawm tak êm!,"Keipawn ka hmangaih che lawm,"tih pahin a chalah chuan ka fawh sak zauh a,ka kuah nghal vawng vawng a. A pangti lum vung vung chu ka hre thei a,"Ka hmangaih che,"ka ti zawi sap a,a khabe ah ka dawm a a hmui sen tai tekah chuan fawh tumin ka kun hnaia,"Heyyy harh teh,class ṭan a hun ṭep nia,"tu emaw chuan min rawn sawi nawk nawk a,"A va mak tak,min lo tibuai suh,"ka lo ti ve ngawt a. Min lo ko tu lah chuan min dim lo khawp mai,"Mawla,harh rawh a tlai tawh,"tih pahin min rawn sawi nawk nawk a,ka meng chu ka ṭhianpa Jo a lo ni reng a,"Heyy engnge ni vak vak a? Ka kiss teuh teuh nen,"tih pahin ka blanket chuan ka in khuh leh rih a. Jo chuan,"Vawiinah test tur kan neih kha,tho vat mai teh,"tih pahin ka blanket sin lai chu a rawn pawt hlim nghal a,"Tu maw i kiss teuh deuh chu?,"tih pahin a la nui hak hak zui a.,"Lulian,ka mumang i ti khawlo zo vek. Ka van ui tak a hmuiah ka fawp dawn chiah a sin le,"ka ti leh nang nang a. Jo lah chu a lo nui nasa mai,"I va hahthlak tak e aww,tho vat mai teh. 1st kan nei a nia,"a ti leh a,"Zaninah i mumang buai ve vek rawh se,nhaaaa ka van ui tak,"tih pah chuan ka in dawm kun tlawk tlawk mai a. Jo chuan,"I va ho e aw mumang mai mai a nihkha,in ti fai la in siam rawh. Sitting room ah ka lo va nghak ang che,"tih pahin min chhuah san nghal a. Aw Lalpa,ka van ui tak êm! Ka fawp hman ṭep a sin maw le,Hmela vang vek ka ui lutuk.

Kan test tur chu ka thiam lo mai ni lo in,kan test dawn tih pawh ka hre lo a ni. Ziah tur ka hre lo chiang khawp mai,ka pen hmawr chu ka seh ka seh ringawt mai a. A tawpah Jo chuan,"Heyy rawn copy rawh,tlaw lutuk mai,"tih pahin min rawn kheuh zauh a. Jo paper a mi chu ka copy nghal zar zar a,a dik leh dik loh pawh ka hre lo ka copy ve tawp mai a ni. 

Mawia chuan,"Zanin chu lenna tur ṭha deuh ka hria nia aw,"a rawn ti ham ham a. Jo chuan,"Hre mawng leh awm e mai a,"a lo ti vat a,kan nui dar dar a. Mawia chuan,"Mawng tawh lo e nizanah Whatsappah kan inbia a,a chhelo rups hei en mah u la,"tih pahin a phone a hmeichhe 1 thlalak chu min en tir nghal a,"Bawiha,tunlaiah chuan camera te a ṭha tawh a. Hmeichhe ho phei chu a takah aiin thlalakah an hmelṭha zawk zel a nia,"ka lo ti vat a. Mawia chuan min melh rum mai mai a sin,"Ve a che aw,a chhelo ka tih chuan a chhelo a ni mai. Zaninah kan kal a nga i hre mai ang,"a ti vei pang pang a,kei lah chu ka nuih hak hak thung a,"Nihchuan in chawi i la,"ka ti vel a. Mawia chu a lo phur khawp mai,"I ngam ngam ka ngam,"a la ti zui. Jo chuan,"In van ho mai mai tak e aw,khawi vengah nge an awm hrim hrim a?,"a rawn ti a. Mawia chuan,"Venghluiah an unauin In an luah a,"a lo ti vat a,Jo chuan,"Nia a mawng tawh lo a nih chu,kan leng dawn nia,"a lo ti ve vat a. Kei lah pek chuan,"Nizan aṭangin in inhre chauh a,zaninah i rim nghal dawn maw? I che rang mah mah lo maw Bawiha?,"ka lo ti ve leh thung a. Mawia chuan,"Hmanhmawh a ngai a lawm,a nih loh chuan dear ex khan min rawn beisei reng a ka nêm leh ang tih ka hlau a lawm,"a lo ti nghal vat a. Jo chuan,"I ex kha chu sawi tawh lo teh,"a lo ti hmuk a.

Zan riah chaw ei kham chuan hreh tak chungin ka pa chu len ka dil leh ta,"Pa,zaninah len i phal em?,"tiin inthlahrung tak chuan ka dil a. Ka pa chuan ngawi rengin min en vang vang a,"Khawiah?,"a ti bul hmuk a,"Venghluiah a nia,"ka lo ti vat a. Ka pa chuan,"Dar 10.00pm hmain rawn haw ang che,zu rim rawn nam haw lo bawk la,"a ti leh a. ,"Awle pa ka hria e,dar 10.00pm hma in ka rawn haw leh ang. Nih ka kal aw,ka ṭhianten min nghak tawh sia,"ka ti a,ka bike chahbi leh helmet chu ka la a ka chhuak nghal a.

"A lo hmelchhiat viau chuan engnge i chawi ang le?,"tiin Mawia chu ka nuih vur vur a. Mawia chuan,"Ve che aww,i ngam ngam ka ngam ka tih kha,"tih pah chuan a nui hak hak a. Kei chuan,"Awle a lo hmelchhiat viau chuan zaninah haw pahin i ex te gate i zun khum ang aw,"ka ti a,ka nui ṭiah ṭiah mai a. Mawia chuan,"Aww tehreng e le,a lo hmelṭha viau dawn sia. Nang chuan i star deuh kha i bem ang,"a ti ta mai,"Kan kohhran upa fanu kha maw?,"ka lo ti hâ mai a. Mawia chuan,"Aww ni e i ngam em? A nih loh chuan naktuk ah kan miss scooty number plate ah 'KA STAR CHE' tih i bel ang a,i hming i ziak lang bawk ang,"a ti ta mai. ,"Nhaaaa i phakar e nang chu gate zunkhum ringawt a nia,a har lo e,"ka ti nang nang a. Jo chuan,"Buai suh Muankerangi ten an gate bulah CCTV camera an vuah vek,"a lo tih takah chuan ka thaw huai mai,"Awle nihchuan i online chass chu a lo hmelṭha viau anihchuan,kan kohhran upa fanu chu ka bem ang,"ka ti ve ta ṭhuai mai a.

Mawia bialnu te In chu kan thleng ta,awithaww ka rin aiin a lo hmelṭha daih mai a. Mawia chuan whatsappah min lo text nghal,"Naktuk zanah i hun aw😆😝,"a rawn ti heu mai. Chhan pawh ka chhang lo,tui lo zetin a bialnu te ṭhutthleng seiah chuan ka ṭhu ve ran mai a. Jo lah chuan whatsapp ah,"Naktuk zan chu aw🤣,"a rawn ti ve leh bawk a,ka van ngei dun tak e aww.

Dar 9.30pm velah chuan kan haw ve thei ta hram a. Mawia chuan nuam a ti hle mai,"Kan inchawi kha aw,naktuk zan chu i bem ngam ang maw?,"a ti ham ham reng mai a. Jo lah chuan,"Ni e i bem ngei ngei a ngai nia aw,mipa in ka ti ang a tih chu a ti tur a ni,"a lo ti ve bawk a. Tih ngaihna ka van hre lo tak êm aw,"A hming pawh ka la hre lo a nia,"ka ti leh ringawt ṭhin a. Mawia chuan,"Keiman ka hria lawm lungngai suh,"a lo ti leh vat a,Jo pawh chuan,"Kei pawn ka hria i hre duh em?,"a lo ti ve ham ham bawk a. Ni e khanu kha kan veng chhung mi mah ni se,ka hre ngai tlat lo a ni. A chhan chu,hmeichhe ngaihsak lo mi tak ka ni ka tih tawh kha. Kan vengah hian hmeichhe hriat ka ngah vak lo khawp mai,ka cousin te bak hi chu ka hre vak hlawm lo. Mawia chuan,"Naktuk zan chu rui lo hai lovin kan leng ang,"a la ti zui,"Harhfim in ka leng ngam teuh lo mai a,"ka lo ti vat a. Jo chuan,"Mipa i ni lo mi? Mipa chuan hmeichhia a bem dawnin harhfim in a bem ngam tur a ni. Zanin pawh tumah kan ruih loh hi,naktuk zan pawh tumah kan rui lo ang,"a lo ti leh hmak hmak mai a. Ni e Jo hian a sawi dik a ni,ka ṭhiante 2 hian zu chu duh ve viau ṭhin mah se,rui chungin hmeichhia an be ngai bik lo. Mahse,naktuk zan chu thih hrehin ka hreh a ni.

"Mam,vawiin class i bang hma ngem?,"tiin ka û chuan min rawn zawt a,"Imm vawiin chu last ka nei lova,ka rawn bang hma ang. Tinge?,"ka lo ti vat a. Ka û chuan,"I lo ban hma dawn chuan Zualtei damlo han kan ve zawk i la ka ti deuh a,"a lo ti leh a,"Nia pawi chuang hleinem,kan kal phawt nge aw,"tih pahin helmet leh bike chahbi ka la a,ka chhuak nghal a.

[23/03, 07:51] Rs Thangluah: *KA LEI VANTIRHKOH*

BUNG-3 NA

By:- *Rs Thangluah{Remz}✍🏻*

Mawia leh Jo chu an phur tawh khawp mai,kei erawh ka phur ve tehchiam lo. Jo chuan,"Zanin chu aww tlanchhiat awih loh,"tih pahin Kzp a rawn chhawng va mai a,"Eee mipa ka ni a lawm,ka tlanchhe dawn lo reng reng. Min lo duh lo a nihpawn ngai kan awh a ni leh mai a,"ka lo ti ve ngei a. Mahse,ka rilru tak chuan ka huphurh khawp mai,"Nia mipa chu a tlanchhe ngai lo,"Mawia chuan a rawn ti ve bawk a. 

Ka ṭhiante 2 chuan last period an la neih vangin ka haw san ta a. Ka û nem chuan damlo kan turin damdawiin lam kan pa phei ta a,damdawiinah chuan mi an lo tam khawp mai. Ka rin loh leh beisei loh deuhin khanu kha ka hmu ve hlawl mai,ka û chuan chu nu chu a va be vat a,"Engnge chanchin?,"tiin a zawt nghal a. Chu nu chuan,"Aaa engmah a la ang thei lo,tunah chuan oxygen an pe a mek a,"a lo ti a,kei lah chuan eng dang mah ngaihtuah lovin ka lo thlir leh dauh dauh pek a. Ka û chuan min rawn nghawk sawk pahin,"A nih chu a va zia lo ṭhin ve aw,tunah chuan luh an phal rih awm si lova,"a ti zui mawlh mawlh a. Lalhmelṭhai chuan nui sâng chungin,"Phal e lo kal u la,"a lo ti vat a,"Aa keichu ka rawn kal ve lo mai ang,tah hian ka lo awm a nge,"tih pahin ka bula ṭhutna âwlah chuan ka ṭhu a. Ka û chuan,"Nih min lo nghak char char rawh aw,ka rei lo ang,"tih pahin Lalhmelṭhai chu a zui phei nghal a.

Tlai lam dar 3.30pm velah chuan kan damlo kan te cabin lam chu an ri huk mai a,a ṭhen an ṭap a. Doctor leh nurse ho chu an rawn tlan nghal ṭuk ṭuk bawk a,ka û te pawh chu an rawn in zui phei ve leh bawk a,"Ngatinge a?,"ka lo ti vat a. Ka û chuan,"A thawk a buai deuh a,"tiin min chhang a. Lalhmelṭhai chu a in hnit faih faih a,ka û chuan a kuah a,"Ṭap bawrh bawrh rawh,in sûm miah suh,"a ti zui mawlh mawlh bawk a. Rei lo te hnuah chuan Zualtei thih thu chu kan hre ta,damdawiin chhung chu ṭap thawmin a khat a ni ber mai. Nurse ho pawh chu an ṭap ve hial mai,ka û chuan,"Mam,ka pa te kha zu be nghal rawh. In lam kha lo in sing sa turin hrilh la aw,"tiin min hrilh nghal a. Pawn lamah ka chhuak a,ka pa te chu ka be nghal vat bawk a.

Ka û pawh chu a in sûm reng thei tawh bik lo. Zualtei nen khan an inkawm ve nasa êm bawk a tin ni,Lalhmelṭhai nen chuan an in kuah a an ṭap hawm hawm mai a. Hnem dan tur ka van thiam lo tak êm,hmeichhe ṭap hrim hrim hi ka hnem thiam lo a ni tawp mai. Ka û te ṭhutna bulah chuan ngawi rengin ka va ṭhu ve ta ringawt a.

Jo chuan min rawn call a;

"Aww Bawiha,"

"Zanin chu mitthi Inah kal ve i la,"

"Nia mahse,Mawia nen kan in chawi kha,"

"Mawla,tun angah khatiang tihna boruak pawh a nih loh hi. In siam la kawnah kan lo nghak ang che,"

"Awle nih ka lo kal ang,"

"Awle."

Mitthi Ina kal tum chuan ka insiam ve mawlh mawlh a. Ka pa chuan,"Bawiha,zanin i tleivar ve dawn em ni?,"a rawn ti a,"Aww ka zu tleivar ve a nge,"ka lo ti vat a. Ka nu chuan,"A ṭha lawm kal ve rawh se;mahse,midang tan hnawksakin awm lo la. Pawnah ṭhu mai mai lovin In chhungah awm tam ang che,"tiin min lo hrilh nghal mawlh mawlh bawk a. Ka pa chuan,"Ni e i nu thusawi hi vawng reng ang che,i haw dawnah i û kha rawn ngaihven deuh la aw,"tiin min chah leh a,"Awle nih ka kal aw,"ka ti a,ka chhuak nghal a.

Mawia chuan,"Zualtei chu ka ui ngawt mai,kan veng nula fel kan chân chu a ni mai sia,"a rawn ti ve hlawl mai a. Jo pawh chuan,"Ni e Zualtei te ang nula fel hi chu an vâng tawh viau ang. Kan duh duh a kan fiam ngam a ni ve bawk nen,ka ui ve khawp mai,"a lo ti ve bawk a. Ni e,Zualtei hi chu a uiawm ve khawp mai,kohhran leh khawtlang ah a theih tawpin a in hmang ve ṭhin a. Mi nunnêm leh in ngaitlawm em em mai a ni ṭhin a,kan veng tan chuan chân na nasa tak a niin ka hria.

Zualtei te Inah chuan mi kan tam khawp mai,keini pawh ṭhutna awl remchangah chuan kan ṭhu lut ve nghal a. Duh aiin kan kal hma hret a ni;mahse,a pawi lo a nuam daih zawk. Nu leh pa ho tam tak an la awm nuk bawk a,ruang awmna lamah chuan ka û pawh ka va hmu ve vang mai. Ka tleitir hmelṭhai pawh a lo awm ve bawk a;mahse,a khât tawkin a ṭap reng mai. Mawia chuan min rawn kheuh zauh pahin,"Hawi hu hu lo khan zai ve rawh,"a rawn ti zauh a,ka lo nui suk ringawt a.

Zan dar 10.00pm vel aṭang chuan tleivar tur ho ṭhalai chu an rawn lut ṭak ṭak hlawm a. Keini ṭhian ho erawh dar 8.00pm vel aṭangin kan lo zai tawh a,kan mark erawh a ṭha phian in ka ring a ni. 

Zan dar 11.30pm velah chuan ka û chuan min rawn kheuh zauh a,"Mam,bike i rawn keng em?,"a rawn ti sar sar a,"Aw keng e tinge? I haw duh tawh mi?,"ka lo ti vat a. Ka û chuan,"Aih duh hran love,ka tir lawk duh che a min rawn zui chhuak lawk mai teh,"a ti a,a kal nghal daih a. Kei pawh chuan ka û chu ka zui ve nghal a,pawnah chuan Lalhmelṭhai nen chuan an lo ding ran tawh mai a,"Aw engnge ni a?,"ka ti nghal ngawt a. Ka û chuan,"A inbual lawk duh a,an Inah han kal pui lawk ta che aw,"a lo ti a,Aw Lalpa le(h) ka lawm rual rualin ka va zâm si êm,"Awle kal i la,"ka lo ti ve nghal vat a. Ka û chuan,"In lo chhukthla rual leh mai dawn nia aw,"tiin min chah zui a,"Awle,"tiin ka lo chhang vat a.

"U Mawitei nau maw i nih a? Tunah khan ka hre ve chiah,mak e,"a rawn ti nghal mawlh mawlh a. Kei chuan nui chungin,"Aw ni e in ang lo min ti a ni maw?,"ka lo ti ve nghal vat a. Lalhmelṭhai chuan,"Aaaih ni lo e,chutiang lam pawh a ni chuang lo. Ka hmu ngai lo che êm a,"a ti bah deuh niai a,"Nia Inah ka awm tam vak lova,"ka lo ti mai a.,"Eeee i hming min hrilh la,keichu Mercy ka nia,"a rawn ti a. Ka van hlim tak êm! Ka zawh ngai miah lovin a hming min hrilh a,"Aaa keichu..,"ka sawi zo hman lo,kan hma a motor tlan chu a ding thut a ka in rin hman hma hauhin a break chu ka hmet thut mai. Mercy pawh a in ring hman lo a ni ngei ang,"Awwiii engnge ni ta?,"tih pahin a hnute chuan ka hnung a rawn do lah mai a"Ka hre bik lo,i ṭha em? Ka tihpalh aw,"ka ti nghal mawlh mawlh mai a. Mercy chuan,"Aaa aw ka ṭha e,"a lo ti vat a,"Engnge ni a? Ka pu,"tiin ka hmaa putar chu ka zawt a. Chu pa chuan,"Sawlai kawiah chuan bike leh taxi an in tai deuh a,"a lo ti mai a. Rei vak loh kan din vang vang hnu chuan kan kal tlang ve thei ta hram a.

Mercy te In chu kan thleng ta,ka hming pawh chu min zawt chhunzawm lem hlei lova. Ka tan han sawi ṭhat leh kha a nuam tawh bawk si lova,ka ngawi reng ringawt a. Ka bike chu ka ti thi a,Mercy pawh chu ka bike aṭang chuan a chhuk thla nghal nalh a,"Lo lut ve la,pawna awm reng chu nuam awm lo e,"a ti a,a nui sen sen a a van hmelṭha thei tak e aww. Ka bike chahbi chu ka phawi a,"Nia pawi hleinem,"ka ti a,kan in zui lut nghal a.

Sitting room-ah chuan Mercy nu leh pa chu an lo ṭhu a. Mercy pa chuan,"Ee Mamte,i lo va haw hma ve tinge a?,"a lo ti nghal vat a. Mercy chuan,"A lum lutuk a inbual harh ka duh a,hei U Mawitei nau hian min rawn hruai a kan chhuk thla leh ang,"a ti nghal vat a. Mercy pa chuan min rawn melh a,"Ee i va fel ve a,lo ṭhu rawh,"tiin ṭhutna te min kawhhmuh nghal a. Mercy chuan,"Ka han inbual lawk nge aw ka rei lovang,"tih pahin In chung lamah chuan min chhoh san nghal daih a. Mercy nu chuan,"Pu Dailova fapa i ni ang maw?,"a rawn ti a,"Aw ni e,"ka lo ti ve vat a. Mercy nu chuan,"A nihchu i pa te an damṭha maw?,"a ti leh a,"Aw damṭha e,"tiin ka lo chhang leh mai a. Mercy nu chuan min en uluk khawp mai,ka ke ler aṭanga ka chhip thlengin min chhinchhiah tum ni âwm takin min en ngun a,ka zam lek lek mai. Mercy pa erawh chuan ngawi rengin TV a en thung a.

"Lehkha te i la zir em?,"Mercy nu chuan a rawn ti leh a,"Aw zir e,"tiin ka lo chhang leh mai a;,"Engnge i zir thlen tawh a?,"a la ti leh zel nia,huiham zawhna a van ngah tak ém! ,"B.A 1st Sem,"ka ti leh a,"A nih chu eng subject nge i lak a?,"a la ti leh zel nia,"Arts ka la a,"huiham,Mercy em em pawh hi a van inbual rei tak ém! Mercy nu chuan a duhtawk tawh dawn emaw ka tia,a la duhtawk lo,"I inkhawm ngai vak lo a ni maw? Biak Inah i hmel hmuh tur a vâng e mai,"tih pahin a nui suk a,"Nia khawm ngai vak lo,"ka lo ti leh mai a. Sana ka bih chhen tawh mai,Mercy pa chuan,"Mamtei pawh chu a va rei ṭhin ve aw,"a rawn ti ve ta,ka van lawm tak ém. Mahse,Mercy nu bawk chuan,"Aww nula a ni ve tawh a lawm. Nula chu an inbual chhung a rei ṭhin a lawm,hei a la hma e mai,"a lo ti la ti zui,ka van ngei tak êm! Mercy nu chu ni lo se,ka chhuah san daih tawh ang maw le.

Rei tawwwk ka nghah hnuah Mercy pawh a rawn chhuk thla ve ta. Aw Lalpa,a van hmelṭha chiang kuang tak êm! A rawn nui var var a,"Min lo nghak rei tawh em?,"a rawn ti nghal vat a,"Rei lo e,"ka lo ti ringawt a. Mercy nu chuan,"Thingpui in phawt u la,"a la rawn ti,hei ham,"Aaa keichu ka in châk lo a nia,"ka lo ti vat a. Mercy pawh chuan,"Nia Nu,kan kal mai ang min lo nghak duh lo mai ru aw,"a lo ti ve bawk a,ka van lawm tehkher ve le. Mercy nu bawk chuan,"Awle nih kawngka kan lo kal mai ang aw,"a rawn ti a,"Aw lo kalh mai ru,bell ka rawn hmet mai ang,"a ti a,kan in zui chhuak leh ta. Pawn ka thleng chu ka thaw huai mai,"I ning deuh tawh ni maw?,"tih pahin a nui sen sen a,"Aih ning lo e,"ka lo ti ringawt a. Ka bike chu ka ti nung nghal a,Mercy pawh chuan engmah a sawi chhunzawm tawh chuang lo. Ngawi rengin mitthi In lam pan chuan kan in phur thla leh lawp lawp mai a.

"Ruang bulah mi i ṭhut leh dawn?,"ka ti a,ka bike chu ka hung rem nghal a. Mercy chuan,"Aa ka hre lo le,i bula ṭhut i phal chuan i bulah ka rawn ṭhu ve mai ang,"a lo ti a,a nui sâng a. Ka rin loh leh beisei loh deuha min chhan vang chuan sawi mai tur pawh ka hre lova,"I bula ṭhut chu i phal lo mi?,"a rawn ti leh a,"Aaa aw phal e phal e,"ka lo ti nghal mawlh mawlh a,"Nihchuan lut i la,"a ti a,kan in zui lut nghal a. Ṭhutna âwl ah chuan kan ṭhu dun ve ta ran mai;mahse,ka zai ring ngam ta lo. Ani erawh chu tui takin a zai a,kut a beng bawk a kei erawh ka khawr ṭut mai. Ka zahzel chuan ka phone chu ka phawr a,whatsapp chat ka check nghal a Jo leh Mawia message a lo awm reng tawh a.

Jo message;

"Eisss in va thang rei ta ve a,kidnap i tum mi?🤭,"

Mawia message;

"Yooo...in rei tawh khawp mai aw,i hruai kual vak a mi a?😆,"

Ka chhiar lai mek chuan Mawia message chu a rawn lut leh nghal a,"A bulah te i ṭhu ngam tawh a ni maw? Hma i sâwn lutuk e,fighting💪🏻,"

Hepa tak hi chu aww,naktukah min chhaih leh ngei dawn a nih hi. Tu mah mah chu ka reply lova,ka out leh nghal a zawi te te in ka zai ve sep sep a.

[23/03, 07:51] Rs Thangluah: *KA LEI VANTIRHKOH*

BUNG-4 NA

By:- *Rs Thangluah{Remz}✍🏻*

Zing lam dar 2.00am vel aṭang chuan mut chhuakin min rawn zêm ṭan a,Mercy pawh a chau ve deuh ni ngei tur a ni a zai ring peih vak tawh lo. Ka ṭhiante 2 lah chu ka hmu tawh miah lo leh nghal a,anni hian ngawi rengin min lo hawsan daih mawn le? Mercy chuan,"Va intiharh lawk i la,ka mut a chhuak dawn tlat,"a rawn tih takah chuan pawnah kan in zui chhuak ta a. Jo leh Mawia pawh pawnah chuan an lo awm ve reng a,"Message kha i hmu lo mi a?,"Jo chuan min lo nuih var var a,"Aih ka phone ka khawih miah lova?,"ka lo ti vat a. Mawia chuan,"Khi laiah khian zial han zu lawk i la,"tih pahin an chho nghal daih a. Mercy chuan min rawn melh a,"Han chho ve i la,in tih harh pah a ni mai lawm,"a lo ti a,"Nia pawi hleinem,chho i la,"ka lo ti ve vat a,ka ṭhiante 2 awmna lam pan chuan kan in zui chho ve ta a.

Pawnah chuan rei pawh kan awm lo,kan lut leh nghal a. Mercy erawh ruang awmna lamah a ṭhu phei leh thung a. Kan ṭhian ho erawh chu a hmaa kan ṭhutna ngaiah kan ṭhu phei leh a,kan chau tlang tawh a ni a nge kan zai pawh a dul raih tawh hlawm a. 

Zing khua a lo var ta,mitthi chhungte chuan mitthi chu kuang chhunga an dah hmain thla an lak pui sap sap hlawm a. Y.M.A ho chuan kuang an rawn zawn lut a,mitthi chhungte chu lungchhe takin an ṭap hawm hawm hlawm mai a. Hmuh leh ngaihthlak a van hrehawm tak êm! Mercy pawh a bang bik lo,Zualtei ruang chu a kuah a a ṭap hawm hawm mai a. Zing lam dar 5.30am velah chuan Zualtei ruang chu kuang chhungah chuan an dah lut ta a. Keini ṭhian ho pawh chu haw turin kan in buatsaih ve ta;mahse,ka û kha ka van theihnghilh teuh tak. Ka û bulah chuan ka va kal a,"Û,kan haw dawn a sin lo haw ve nghal la,"ka va ti a. Ka û chuan a mittui hruk chat chat pahin,"Aw lawk aw Mercy hi a la hman lo deuh a,"a lo ti a. Rei lo te kan nghah hnu chuan Mercy pawh chu mit sen râm chungin a rawn kal phei a,"Awii U Mawite,chaw ei turin min ti tlat a haw bik lo la,"a rawn ti a. Ka û chuan,"Aaa inbual te ka duh a sin,"a lo ti a,Zualtei nu chu a rawn thleng phei nghal bawk a,"Mawite,chaw ei ru aw saw chaw an chhum hnem lutuk a nia. Bawiha,nangni pawh ei ve nghal rawh u khawnge i ṭhiante 2 kha?,"a rawn tu nghal siam siam a. Kei chuan,"Aaa keini chu kan ei lo mai ang,ka û te hian ei rawh se keini chu a ngai lo nia,"tiin ka thiam ang tawk chuan ka lo hnial ve a. Zualtei nu chuan nui sâng chungin,"Chuti tur em ni? In lo inthlahrung a nge?,"a ti leh a,"Aaa inthlahrung hran lo e,zan lamah kan rawn lang leh zawk dawn nia. Kan haw phawt a nge,a nih chaw eitui u aw,"tiin ka nui ve suk a. Zualtei nu chuan,"Aww anih i tih tlat chuan nangni pawh chaw eitui u le,in fel lutuk a nia aw,"tiin kawngka bul thleng chu min thlah phei a.

Zan 1 leh tlaivar pawh a van chauh theih ngai ve le. Ka pa chuan,"Bawiha,thlan laihnaah i kal ve dawn em?,"a rawn ti a. Chaw ei mawlh mawlh pah chuan,"Ka hre lo le,"tiin ka lo chhang mai a. Ka pa chuan,"Chaw eikhamah khan insiam la,thlanmual lamah kal ang che aw. Keini pawh i nu nen mitthi In lamah kan kal a nge,"a la ti zui,ka pa thu ka hnial ngam si lo. Saturday a ni bawk si,nilenga mut ka chak a sin maw le. Ka nu chuan,"Nizan an tlaivar ve bawk sia,a chau lutuk a nge,"a lo ti hlauh mai;mahse,ka pa chuan,"Eee zan 1 tlai var te lek lek tlangval hrisel pangngai tan engmah a ni hleinem. Zan dangah pawh rei tak tak a meng ziah ṭhin tho a lawm,chaw eikhamah insiam la i kal dawn nia,"a la ti ṭalh a nia. Ka nu chuan engmah a sawi zui tawh lem lo,ka û pawh in tifai turin a rawn haw ve bawk a. Kei pawh chaw eikham chuan thlan lai turin ka in siam a,Jo leh Mawia chu ka sawm buai duh lo mai an peih tawh dawn chuang lova. Chuvang chuan keimahin thlanmual lam chu ka pan hnak hnak a.

Thlan laihnaah chuan mi kan ṭhahnem  khawp mai. Thingpui lum ringawt pawh kha 20 vel an niin ka hria,Zualtei thi chu tupawn kan ui vek mai niin ka hria. Thlan ko tlangah chuan ka ding ve ran mai a,1 a rawn chhuah veleh chuan,"Khawi ka lo lut ve tawh a nge,"tiin bawngtuthlawh chu ka lo lak sak vat a,ka zuang lut ve nghal thurh mai a. Ka lu chu na ngat ngat viau mah se,thlan khur aṭang chuan chhuah mai ka tum bik lo. Thlan tla hnup a ka laih hnu chuan,"Khawi ka rawn lut ve tawh a nge,i chau lutuk a nge. Nizan lamah i tlaivar bawk sia,rawn chhuak tawh la,"tiin min rawn âu hlawm a,"Aaa ka chau hleinem,"tiin ka in la tlawmngai lui a. Mahse,ka tlin ngang bik lo a ni e 20mins hnu velah chuan ka chhuak ve ta nge nge a. Kan Y.M.A hruaitu te chuan,"Eee i ti ṭha khawp mai,i fel lutuk a nia,"tiin min fak liam liam hlawm a.

Thlan lai tura kal chu

40 vel kan ni a,kan lai zo rang khawp mai. Thlan kan laih zawh meuh chuan ni pawh a lo tlang sang ta khawp mai,nula ho chuan thingpui an rawn sem sap sap hlawm bawk a. Thlan laihnaah hian ka vawikhat kalna a nia,ka rin aiin a nuam zek mai kal ziahna tlak a niin ka hria. 

Thlan lung 1 ngheng chuan ka ṭhu ngawi reng a,ka chau ve ngang a ni ang ka lo chhing sek hman a,"Heyy..ṭhianpa,..,"ka darah chuan min rawn sawi det det a,ka harh thut a ka hmaah chuan hmeichhe 1 hi a lo awm reng a,ka hmu thut chu ka phu nasa ngei mai. Ani lah chu a lo nui vur vur a,"Hei thingpui aw,"tih pahin ka ṭhutna bulah chuan a rawn ṭhu ve nghal a,"Thlan laihnaah i vawikhat kalna a ni maw?,"tih pahin min rawn nuih sun sun a,"Aww ni e,engtinnge i hriat a?,"ka lo ti vat a. A nui har har a,"Thlan laihnaah hian thingpui lum turin ka kal ziah ṭhin a,i hmel hi ka vawikhat hmuhna a ni miau a,"tih pah chuan a phone chu a hmet nuap nuap a. Nuih suk pahin Y.M.A thingpui no chu ka dawm a,"I van fel ve a,"ka ti a,thingpui chu ka lem ri nghal khawlh a. 

Kan chhak aṭang chuan,"An vui zo tawh a,ruang zawn turin In lamah a ṭhen kal i la,"an rawn ti lauh lauh a. Ka bula hmeichhia chuan,"Nang chu i hah e mai,kal ve lo mai rawh aw,"tih pahin min rawn nuih seih a,a duhawm reuh ngei mai. Mahse,Mercy aichuan a ṭha chuang lo,"Nia pawi chuang hleinem;mahse,khi lamah khian han chho ve i la he lai chu ni a sa e mai,"tih pahin ka ding nghal a. Ani pawh chu a rawn ding ve nghal a,"Khawi no kha ka lo keng ang,i hah hmel sia i khawngaihthlak reuh e,"tih pahin ka no ken lai chu min rawn lak sak a,daihlim lam pan chuan kan in zui chho hnak hnak a.

Chawhnu lam dar 1.30pm velah chuan ruang pawh chuan thlanmual a rawn thleng ve ta. Thlanmual lama rawn zui tu pawh an tam khawp mai,a nu ber kha ka khawngaih a fanu neihchhun a ni ve sia a van tuar na dawn tak êm! A ṭap hawm hawm reng mai a ni,thlanmualah chuan Mercy pa chuan vuina hun a hmang a Bible chang a chhiar zawg chuan,a ṭawngṭai zawh hnu chuan mitthi chhungte chuan Zualtei chu kumkhua atan an thlah a ngai ta. Rei tawk fang Zualtei nu chu thlan kotlangah chuan a ṭap a,a  pasal chuan a kuah a,"Tunah chuan natna awm tawhlohna hmunah hlim takin a awm tawh a lawm. In ti pachang hram hram la,kan haw a hun tawh a nia,"tiin a nupui chu a hnem malh malh mai a,chutia an in thlem hnu chuan an haw ve thei ta. Mitthi chhungte an kal liam hnu chuan Zualtei ruang engmah hre tawh lo chu an vur ta.

Tlai dar 3.00pm velah In ka thleng a,ka chau khawp mai. Ka nu chu amah chauhin a lo awm a,ka pa leh ka û erawh chu mitthi In lamah an la awm a. Ka nu chuan,"Bawiha,in bual fai la i mu vang vang dawn nia aw i chau dawn e mai,i ril a ṭam em?,"a lo ti nghal mawlh mawlh a. Ka nu hi chuan min duat ve ngawt mai,"Aih ṭam love ka inbual a nge,chaw ei dawnah min lo kaitho mai dawn nia aw,"tih pahin ka room lamah ka lut nghal a,ka inbual nghal sawk sawk a ka inbual zawh chuan ka mu nghal a,ka chau bawk a ka muhil hma khawp mai.

"Maw? Kei hi ka nu leh pa fa diktak ka ni lo maw? Chu chu engtinnge i sawi theih a?,"ka ti mawlh mawlh mai a. Ka bula hmeichhia chuan,"I awih loh chuan i nu leh pa saw zawt la ti nia,"tiin ngeiawm zet hian a nui a. Ka thu hriat chuan min ṭhawng khawp mai,"Tunge i nih reng reng a? Hetiang thusawi tur hian tunge i nih a?,"ka ti vin hrawk a. Chu nu lah chu ngeiawm zet hian nui har har mai a,"I nu leh pa te hian fapa an nei thei lova,chuvang chuan fa atan an la che a lawm,"tiin a nui zui leh har har a. Ka van haw tak,hnek chawrh mai chu ka duh a;mahse,hmeichhia kut han thlak êm chu ka hreh ve deuh bawk si,"Nangmah ngeiin ka nu leh pa bulah chuan i sawi ang,i ngam em? I ngam loh chuan dawt i sawi tihna a ni mai,"ka ti ve sak sak mai a. Chu nu lah chu a zam duh miah lo nia,"Tehreng mai i nu leh pa mak ti hmel vel tur ka hmu châk tawh,"tih pahin a hma aia uarin a nui awr awr a. Ka thin in a tuar ta lo,"Hmeli,tunah rawn kal rawh,ka nu leh pa bulah chuan sawi la. Lo kal rawh,nang aiin ka nu leh pa te hi ka ring zawk,"tih pahin,ka kai a ka kalpui hlawk hlawk mai a.

Ka bike chu ka ti nung a,"Rawn chuang rawh,ka nu leh pa te fa diktak ka nih leh nih loh chu kan hre khawp ang,"tiin ka tlanpui fua fua mai a. A duh aiin ka tlan chak deuh a ni ngei ang,"Bawihte,tlan muang deuh teh ka hlau a nia,"tiin ka kawngah chuan min rawn kuah a,"Hmeli,min rawn kuah hlek suh aw,min rawn kuah chuan a hma aia chakin ka tlan ang,"tih pahin a hma aia chak chuan ka phit vak mai chu(h),a hma aia nghetin min rawn kuah a,"Khawngaihin tlan muang deuh teh,"a rawn ti leh a,kei lah chu bengngawng ang maiin ka awm a. Ka speed chu ka thlah dul phah chuang lo,ani pawh chuan min kuah nghet khawp mai,"Suala,misualpa,"tih pahin ka nakah chuan min sik nawk nawk mai a,nâ ti viau mah i la ka hre lo der char char a.

Kan In kan thlen chuan zan dar 11.30pm a lo ri der tawh a,ka bike chahbi chu ka phawi a,"Chhuk rawh le,"tih pahin ka helmet chu ka hlip nghal bawk a,ani pawh chu thuawih takin a chhuk ve mai bawk a. A banah chuan ka kai sawk a,"Thudik chu kan hria ang aw,"tih pahin kan In chhungah chuan ka kai lut hlawk hlawk mai a. Ka nu leh ka pa chu sitting roomah chuan an lo ṭhu dun a,ka pa chuan,"Tunge a?,"a rawn ti nghal vat a,tun ang zan rei tawh a hmeichhia ka hruai haw chu mak ti takin min en hâ mai a. Ka nu chuan,"Bawiha,engnge thil awmzia?,"a rawn ti ve nghal vat bawk a. Ka thaw halh a,"He hmeichhia hian in fa dik tak ka ni lo tiin min hrilh a,"ka ti ta a. Ka pa chu a rawn meng kawk mai a,"Eng a ni? Tunge a nih reng reng a? Nang hi kan fapa chu i ni a lawm,"tih pahin min rawn pan hnai a. Ka hmeichhe hruai luh erawh chuan ka pa chu ngeiawm zetin a lo nuih a,"Dawt sawi kher a ngai mi? Ani hi i fapa a nih loh thu kha sawi mai la,"a la rawn ti ham ham zui a. Ka nu chu a ṭhutna aṭangin a rawn tho a,ka hmeichhe hruai hmaiah chuan a rawn beng sawk mai a,"I va han zaktheilo ve a,kan fapa hi kan fapa diktak a nih hi. I zaktheilo hle mai,"a rawn ti ve sak sak mai a,chu nu lah chu a zam duh reng reng si lo,"Fapa in awh êm avangin fahrah chawmna In aṭangin in la a nihkha,zep vak kher a ngai a mi?,"a la ti ham ham zui a. Ka pa chuan chu nu chu chiang kel kawl hian a melh a,"He In chhung aṭang hian chhuak nghal rawh. Police ka koh hma in,"a rawn ti ve leh a,chu nu lah chuan zam hauh lo in ka pa chu a melh a,"A ṭha lawm police chu ko ta che. Tichuan,keiin i fapa nen in DNA ka lo test ve thung ang. Tichuan,thudik chu a lang mai dawn a lawm,"a ti a,ngeiawm zet in a nui zui awr awr a. Ka pa chuan,"A nihchuan khawngaihin min chhuahsan thei tawh a ngem?,"a rawn ti chuai raih a,ka pa hmel chu a hlim lo takzet a ni. Kei hi an fapa diktak chu ka ni lo tihna em ni le? Ka nu chu ka en a,a biangah mittui a lo luang ngiai ngiai a,"Bawiha,miin i bulah eng thu pawh sawi se kan fapa i ni tih hre reng ang che,"tiin min rawn hnaih a. Kei chu ka lo tawlh hnung hret thung a,"Ni lo,kei hi in fapa dik tak chu ka ni lo. Kei hi fahrah In aṭanga in lak chu ka ni tiraw? Thudik ka hre duh,"ka ti vin tuarh tuarh mai a. Ka pa chuan,"Bawiha,kan fapa i ni a lawm,kan fapa diktak i ni a lawm,"tiin ka kut chu rawn vawn a tum a.,"Ni lo,kei hi fahrah ka nih hi,thih ka duh,"tiin kan In aṭang chuan pan lam tur pawh hre lovin ka tlan chhuak ta chiam mai a. Ka nu leh ka pa chuan min rawn umzui ngei mai;mahse,ding turin chakna ka nei lo. Tlan tur erawh chuan chakna ka nei a ni,ka hma zawnah chuan ka tlan pur pur mai a khawi lam nge ka pan tih pawh ka hre lo.

Kei hi fahrah maw ka nih? Tu te nge ka nu leh pa te chu? Min hring sauh sauh a tinge fahrah Inah min hnutchhiah leh si? Ka thinlungah chuan zawhna tam tak a rawn lut nghal zut zut a,thui fê ka tlan hnu chuan Mercy nen kan in hmu hlawl mai a.

(Changtupa hming tur hi ka la ngaihtuah chhuak zo lo. Min lo ngaihtuahpui ve tho u la aw.😆🤭)

[23/03, 07:51] Rs Thangluah: 

*KA LEI VANTIRHKOH*

BUNG-5 NA

By:- *Rs Thangluah{Remz}✍🏻*

"I ṭha em? Bawiha,i ṭha em?,"ka nu âw niin ka hria. "Ka duh lo a ni thei lo,"tiin ka âu chiam chiam mai a. Ka nu chuan,"Bawiha,engnge awmzia? Harh teh,"a ṭap niin ka hria,chiang vak lovin ka harh a. Ka bulah chuan ka nu leh ka pa,ka û te chu mangang tih hriat tak hian an lo ṭhu ṭhap hlawm a. Ka mit chu ka nuai a,"Khawnge khanu kha?,"ka ti tuarh mai a. Ka pa chuan,"Bawiha,tumaw i sawi chu?,"a rawn ti dam thluam mai a,"Khanu kha maw le,dawheh deuh kha dawt min hrilh a lawm,"ka ti vin hlur mai a. Ka nu chuan ka kutah min rawn vuan a,"Bawiha,chutiang tumah an awm lo. I hah lutuk a tin nihkha,"min lo ti a. 

Kei lah chu ka hawi ka hawi mai si,ka pa chuan,"Bawiha,engkim a ṭha vek a nia aw. I mumang lamah eng emaw i hmu a ni ngei ang,"a lo ti leh a. Ka pa chu ka en a,"Pa,i fapa diktak ka ni em?,"ka ti hlawl mai a. Ka pa chuan mak tih hmel takin min en a,"Aww ni e ka fapa neih chhun i ni a lawm. Tinge tiang te chu min zawh a?,"tiin ka darah chuan a rawn vuan a. Thil thleng kha ka mumang vek maw lo ni a;mahse,a tak ang chiah a ni si. Ka nu leh ka pa chu ka bulah an ṭhu a,min kuah hle hle mai a. Ka û chuan,"I mumangah engnge i hmuh a? Nizan i meng tlang chiang bawk sia,vawiin lamah thlan laihnaah i kal leh bawk si i chau a nihkha. Hahdam i mamawh a nihkha Mam,"a rawn ti ve bawk a. 

"I nu leh pa fa diktak i ni hleinem,"chu thu ngawt chuan ka rilru a luah a. Ka mumang chu tumah ka hrilh duh lem lova,ka û te chuan chaw ei an siam malh malh a,"Mam,a ei theih aw hei i chawhmeh duh zawng kan siam a nia. Ei ṭeuh ang che aw,"tiin ka û chuan min rawn ko a. Ngawi rengin chaw ei tur chuan ka phei a,chaw chu ka kil ve nghal a. Ka pa chuan,"Zanin pawh mu hahdam la a ṭha ang,i chau lutuk a nihkha,"a rawn ti leh a. Mahse,ka ṭhiante nen khawhar Ina kal turin kan lo in tiam tawh si,"Pa,ka ṭha lawm min ngaihtuah suh. Mipa ka nih hi,"ka lo ti ve mai a. Ka nu chuan,"A ti leh ta,i pa hi i chhun lutuk mai. Eng emaw hlekah in mipa nihna hi in chhuang lutuk mai,naktuk zan lamah i kal dawn nia. Zanin chu i û te ho in an lo kep mai dawn che lawm,"a lo ti vat a. Ka û pawh chuan,"Ni e Mam,zanin chu rawn kal rih lo mai rawh. I ṭhiante pawh kan bulah kan hruai mai ang,"a lo ti ve bawk a. 

Chutia an tih takah chuan khawhar Ina kal pawh chu ka tum lui ta bik lova;mahse,ka mumang bawk kha ka rilruah a lo lang leh ṭhin.

Ka room-ah chuan zai ngaithlak pahin ka online mai mai a. Number hriat ngai loh aṭangin Voice call ka dawng hlawl mai,ka chhang dawn nge dawn lo aww tia ka in ngaihtuah chhungin a lo in ring tawp hman daih a. A hnu rei vak lovah chumi number aṭang bawk chuan message ka dawng leh nghal a;

"Awwi tihpalh lutuk aw,ka lo hmetsual palh a,"

"Aw a pawi lo e,"

Min chhang tawh lo,a Dp ka en nghal a. Mahse,a Dp ah chuan uite a hmang daih a,ka message pawh chu min chhang zui tawh bik lem lo. Group velah ka lang zuai zuai a,ka out a mut pahin ML ka khel mai mai a.

"Kan inchawi kha aw,"Mawia tak hi chu aw,thil hi a van hre rei thei tak. ,"Aww zanin te chu khawhar In lamah kan kal ang chu,"ka lo ti ve mai a. Jo chuan,"Khawhar In kal chhungte chu a rei lo e mai a,"a lo ti ve bawk a. Mawia chuan,"A hrim hrimin hman zan te khan engmah i sawi lo mi a?,"a rawn ti leh a,"Aww khatiangah te chuan sawi chi pawh nih loh kha,chubakah a nu saw dead hmel tawp,"ka lo ti vat a. Jo chuan,"Ho lutuk zaninah kan leng ang,"a lo ti nghal vat a. Mawia chuan,"Ni e kan leng ang,a nu chu engtiang pawn dead raw sek sek ho lutuk,"a lo ti sam et mai bawk si.

Zanah chuan ka in siam malh malh a,"I nu leh pa te fa diktak i ni lo,"tih bawk chu ka bengah a rawn ri nawn leh a. Mahse,ka ngaihtuah duh lo lui a,ka insiam malh malh a. Ka û chuan room pawn aṭangin min rawn ko a,"Mam,i hman tawh dawn em? Ka nghak che nia aw,"a rawn ti lâng lâng a,"Aw ka rawn kal ni mai,"tih pahin ka phone ka ak a,ka chhuak nghal a. Ka û nen chuan khawhar In lama kal chuan tur chuan kan chhuak ta a. Ka û(Mawitei) nen hian kan innêl bik e,kan upa ber nen pawh kan innêl tho a. Mahse,ani nen a kan innêl ang em em hi chuan kan upa ber(U Rintei)nen chuan kan innêl em em lo. Ani hi chuan bialpa a neih pawn min hrilh vek ṭhin,ka ṭhian te ho pawh hian an nêl hlawm khawp mai. Kan upa ber hi chu mi ṭawng tlem tak a nih vang te pawh a ni mah na,ka ṭhiante hi chuan an nêl lem lo.

Ka ṭhiante chuan kawnah chuan min lo nghak reng tawh a. Ka û nen kan kal dun min hmuh chuan tlemin an tîm deuh a,Mercy chungchang pawh an sawi zui lem lo. Ka û chuan,"In duh chuan lo zu kal u la,Mercy sawm lawk a ngai a. Ka va sawm kawi lawk a nge,"a ti a. Mawia chuan,"A la hma lawm,tah hian kan lo nghak ang che u,"a lo ti vat a. Ka û chuan,"Nihchuan ka va sawm vat vat a nge aw,"tiin Mercy te In awmna lam kawng pengah chuan a kal nghal a. 

Mawia chu a rawn chek tlak tlak a,"I û chu aw,a rawn kal ve kher a,"a ti nang nang a. Jo lah chuan,"A ṭha daih zawk a lawm,a rawn kal loh chuan Mercy sáwmtu tur an awm dawn lo a sin,"a lo ti ve thung a. Kei lah chu ka ding ngawi kur thung a. 

Rei vak loh kawnah kan ṭhut hnu chuan ka û leh Mercy pawh chu an lo thleng ve ta,"Kan kal nghal nghal dawn mi? A tlai tawh ang reng sia,"ka û chuan a rawn ti nghal a. Kei lah chuan ngawi rengin Mercy bawk chu ka lo thlir leh dauh dauh tawh a. Mawia chuan,"Heyy in control ve deuh teh,"tih sup pahin,min rawn nghawk zauh a. Ngawi rengin khawhar In lama kal tur chuan kan in zui thla hlawm ta a. 

Khawhar Inah chuan mi an lo ṭhahnem tawh khawp mai. Ṭhutna âwlah chuan kan ṭhu lut ve nghal a,ka bulah Mercy chu a ṭhu ve vang mai. Ka zai ring leh ngam tlat tawh lo,a va hahthlak tak ka âwmdan te chu ka khawr ṭut mai hian ka hria a. Ka ṭâng ṭung bawk si,a van hahthlak tak e aw. 

Mahse,a perfume rim mawlh mai hi,a hmel nen a inhmeh em em mai bawk si a van rimtui chungchuang tak êm! A khât tawkin a phone chu a hmet leh nuap nuap zel a,bialpa a neih ka ring nghet nghal bur mai nia.

"Zanin chu kan rawn leng kawi dawn nia,i phal em?,"Mawia chuan Mercy chu a rawn zawt a. Mercy chuan nui var var chungin,"Phal loh tur thu a awm hleinem,in peih phawt te chuan rawn leng rawh u,"a lo ti vat a. Ka û chuan,"An ni ṭhian ho hian nula rim tur pawh an hre lo a nih hi,keimah min rim ning tawh a niang,"a lo ti fiamthu ve hlut bawk a. Jo chuan,"Ni e ṭhianpa te farnu rim reng chu nuam lo e lawm,"tih pahin a lo nui ve hak hak a. 

Ka û chuan,"A nihchuan ka kalsan phawt ang che u aw,hlim deuhin in inkawm dawn nia. Mercy,muttui phawt aw,"tiin min pen san ta a. Mercy chuan,"Awle nan pawh muttui le,"a ti a,an In lam pan chuan kan in zui ta hlawm a.

Jo chuan,"I chhungte an muhil vek tawh a ngem?,"a ti kher a. Mercy chuan,"Aih mu lo ang anu leh apa an la meng ang,min lo nghak ṭhin a,"a lo ti vat a. Mawia chuan,"An fel hle mai a,"a lo ti sup a,Mercy chuan nui chungin,"Chutia mawn le?,"a lo ti ve mai a.

Mercy te In chu kan thleng phei ta,anu kha a lo la mut loh chuan zawhna engzat tak min zawt leh ang maw? Kei chauh lo pawh ka ṭhiante 2 pawh hi a zawt ve ngei dawn si a,a van huphurh awm tak êm! 

Mercy chuan kawngkhar chu a hawng a,kan zui lut ve ta ṭhem ṭhem mai. Ka rin ang ngei ngei in Mercy nu leh pa te chu sitting room-ah chuan an lo ṭhu dun leh khar mai. Mercy chuan,"E Nu,in lo la mu lo a ni maw? Zanin chu ka ṭhiante an rawn leng dawn a,"a ti nghal siam siam a. Mercy Nu chuan kan ṭhian ho chu min en uluk leh khawp mai,"Imm lo ṭhu rawh u,"a ti bul hmuk mai,phûr na zawng zawng a bo vek mai. Jo leh Mawia pawh an ṭhu ngawi kur mai a,"Ka han inthlak lawk nge aw,ka rei lo ang ka rawn chhukthla leh nghal ang,"tih pahin Mercy chu In chung lamah a chho nghal a.

Mercy nu chuan a âw a thian kharh kharh mai le,zawhna min zawt leh dawn a ni ngei ang,"Kan vengah in awm vek em ni?,"tiin bul a rawn ṭan nghal a.

 Jo chuan,"Aw awm vek e,"a lo ti nghal vat a,ka ṭhiante 2 hi ka ven viau loh chuan kan chhe chhia ang tih ka hlau khawp mai. Mercy pa erawh chu a ṭhu ngawi ngul mai a,an nêlawm loh nupa ve ngawt mai. Mercy nu bawk chuan,"Kawrdum ha kha hman zanah i rawn kal tawh a,i nu leh pa te pawh ka hre tawh a. Mahse,i bula mi 2 te kha chu ka van hmu ngai lo ve aw. An inkhawm vak ngai lo a niang maw?,"a ti leh a. Mawia chuan,"Nia inkhawm hi chu kan taima vak lova,"a lo ti ve vat a. Mercy nu chuan,"A nihchu maw le,tunge i nu leh pa te ni reng reng a?,"a ti leh a. Mawia chuan,"Aaa ka nu leh pa te hi chu thingtlang khuaah an awm daih a,keimah hi ka pi te bulah lehkha zirin ka rawn awm a. Ka pi chu Pi Khumi a nia,"tiin a chhang a,rin aiin a chhang ṭha phian mai hehe. 

Mercy nu chuan,"Pi Khumi chu sawlai a Puan dawr nei kha a ni em aw?,"a ti leh a,Mawia chuan,"Aw ni e ka nu nu a nia,"a ti leh a. Mercy nu chuan,"Anihchuan i nu chu Hmangaihsangi a ni em?,"a ti leh a. Mawia chuan,"Aw ni e,"a lo ti leh vat a,Mercy pawh a rawn chhuk thla ve thei hram e. 

Mercy a rawn chhuk thlak takah chuan, Mercy nu pawh chuan Mawia chu engmah a zawh chhunzawm tawh lem lova. Mercy pa chuan,"Keini chu kan lo va mu tawh mai dawn em ni? Ka kawngte hi a na riau mai ka ti,"tih pahin a tho ṭuih ṭuih a. Mercy nu chuan,"I duh leh lo va mu rih la,ka Anṭam tlak tur kha naktuk zingah chuan ka tlak hman lo palh ang,ka va tlak lawk a nge,"tih pahin choka lamah chuan a phei nghal a. 

Mawia chuan,"Ham strick hle mai,"a rawn ti zawi sup a,Jo lah chu a rawn nui huk a. Mercy chuan,"Ti ti bawrh bawrh ru aw,in ṭawng duh lo lutuk a nuam lo nia,"tih pah chuan a rawn nui sâng a. Jo chuan,"Ee ti daih i la khawi College ah nge i kal a?,"a rawn ti a. Mercy chuan,"PUC ah ka kal a,khawiahnge in kal ve zawk a?,"a lo ti ve vat a. Jo chuan,"HBC ah nia,"a lo ti leh vat a. Choka lam aṭang chuan Mercy nu chuan,"Mamte,i inleng te khan thingpui an in duh lawmni? Han lum sak ta che,"a rawn ti lâng lâng a. Mercy chuan,"Tikhan lo ṭhu ru aw,thingpui chu ka va lum lawk ang,"tih pahin Choka lamah chuan a phei nghal a.

Mawia chuan nui tut tut chungin,"Haireee,zanin bak chu kan leng tawh lo ang,"a rawn ti hlawl mai a. Jo chuan,"Zawhna a nghah khawp mai,"a rawn ti ve sup bawk a, kan 3 chuan kan nui kur kur a. 

Mercy chuan thingpui no 4 rawn chawi phei pahin,"Engnge in lo nuih kur kur bik a? Ka hre ve duh a nia,"a rawn ti nghal vat a. Jo chuan,"A ho lutuk hmeichhe hriat ve chi a ni lova,"tih pahin thingpui chu a lem ri khulh a. Mercy chuan,"Hmmp in van sual tak,"tih pah chuan a ner nung nung a. Mawia chuan,"In In chu a zau nuam hle mai,huau a ni ringawt a lawm,"tih pahin a nui suk a. Mercy chuan,"Chutia mawn le,in rawn leng ve duh a in fel khawp mai,"a lo ti ve bawk a. Jo chuan,"Eekhai keini ṭhian ho teh lul inleng ah min pawm duh hi kan lawm zawk a sin. Ani phei hi chu a lawm lehzual ngawt ang,"tih pahin ka darah chuan min rawn kuah a,"Nia ka lawm khawp mai,"tih pahin ka lo nui ve suk a.

[23/03, 07:52] Rs Thangluah: 

*KA LEI VANTIRHKOH*

BUNG-6 NA

By:- *Rs Thangluah{Remz}✍🏻*

Zan dar 9.30pm velah pawh Mercy nu chu a la mu lo. Choka lamah a ri rek rek reng mai a,zan 1 na rei tak len chu a tihchi vakin ka hre lova,"Kan haw tawh mai dawn em ni? Hei a tlai tawh sia,"tih pahin ka ding nghal uaih a. Mercy chuan,"A la hma lawm thingpui te pawh kan lum leh ang chu,"tih pahin a lo nui sâng a. Mahse,choka lama thawm ri chuan haw turin min duh tawh kan hrethiam ve vek si. Jo chuan,"Nia kan haw phawt a nge,zan dangah kan rawn leng leh zawk dawn a nia aw,"a lo ti ve bawk a. Mawia lah hi nghal ve hrim hrim chi a ni bawk si,"I nu sound track hman chuan Go home Go home a tiin ka hria,"a ti kher pek a. Mercy lah chu a lo nui var var a,"I van sual tak,anih in tih tlat chuan le,"tiin kawngka bul thleng chuan min thlah phei a.

Haw kawngah chuan kan nui nasa khawp mai,"A nu sound track hman mawlh kha,"tih pahin Jo chu a nui hak hak a. Mawia chuan,"Zan 1 kan leng leh ang,Jo hi zawhna a la zawt ve lo,"a lo ti vat a. Jo chuan,"Nhaa ka leng duh tawh teuh lo mai a,a nu kha ka hlau deuh reuh e a,"a lo ti vat a,kan nui nasa khawp mai. Ni e Mercy nu kha chu keipawn ka hlau ve tho,a duh loh zawngin kan awm a nga min zilh hrep ang tih ka hlau a ni.

"Nizan chu nuam em?,"tih pahin ka û chuan min rawn nuih var var a. Ka khi suk a,"Imm nuam a ni mai,"ka lo ti mai a,ka û chuan,"In leng dawn tih ka hre si lova,engmah pawh ka hrilh hman lo che nihkha,"a ti leh a. "Engnge min hrilh hman loh chu?,"ka lo ti vat a. Ka û chuan,"Aww Mercy nu mizia maw le,inlêng a neih vawikhatna a nihkha,"a la ti zui,hairee. Awih loh hmel takin,"Maw? Mercy khan a hma in inleng a nei ngai lo maw? Van mak em em,"ka lo ti hâ mai a. Ka û chuan,"Aw nei ngai love a nu kha a strick over a. Nangni pawh kha ka naute in nih vang mai maiin a hnar ngamlo che u nihkha,"a ti leh a. "Nih bialpa a nei em?,"ka ti leh hram a. Ka û chu a nui kur kur a,"I star a ni tiraw? Bialpa deuh reuh chu a neiin ka hria;mahse,ka hrechiang fak bik lova,"a ti leh ta. Heiham beisei a van bo tak ém! Ka û chuan,"Mam,Mercy te chu an sâng lutuk beisei duh suh. Ṭhian angin en rawh,"a ti tlat mai,a va hahthlak tak êm! "A hrim hrimin hmeichhia pawh i ngaihsak ngai loh kha,tinge Mercy kher?,"ka û chuan a ti leh a. Ka û chu ka en a,"Û,Mercy chu ka tan a ṭha lo mi?,"ka ti tawl mai a. Ka û chuan,"Ngaihtuah lo la ni mai,"a ti deuh hmuk bawk si,a awmzia ka van hre lo tak êm! "Û,tinge?,"ka ti leh a. Ka û chuan,"Ngaihtuah lo la ṭha vek ni mai,insuk tur i nei em? Ka insu dawn nia,i neih chuan rawn dah mai rawh aw,"tih pahin Bathroom lamah min luh san daih a. 

Ka mut pah chuan thil tam tak ka ngaihtuah leh nasa khawp mai. Hman zana ka mumang te kha ka ngaihtuah let leh a,mak ka ti telh telh mai. Kha ka mumang kha a tak ang chiah a ni;mahse,ka mumang a ni bawk si. Ka nu leh pa fa diktak hi ni lo ta i la,tu fa nge ka nih ang le? Huiham ngaihtuahna a kal thui telh telh a,mut a chhuak lo telh telh a thlanfîm lah chu chalah a rawn bawl ṭuam ṭuam mai bawk si. Zing lam dar 1.00am velah chuan ka tho hlawl mai a,ka room thlang lam veranda-ah chuan ka chhuak a. Thlifîm rawn thaw heuh heuh chuan min chhêm a,tlemin ka zia deuhin ka hria. 

Ka hnung aṭang chuan hmeichhe 1 hian ,"Lalrammuan,"tiin fiah kekkawk hian min rawn ko a,ka hawi let rang kher mai. Mahse,chu nu chu ka hre ngai miah lo,ka vawikhat hmuhna a ni,"Aaah keimah mi min koh?,"ka ti hâ mai a. Chu nu chuan nui sâng chungin,"Aw nangmah ka ko che,"a lo ti vat a,ni lo he nu hi ka vawikhat hmuhna a ni leh lo. Ka mumanga hmeichhia ngei kha a ni,engtinnge ka hming a hriat le?,"Engtinnge ka hming i hriat a?,"ka ti nghal tawl mai a. Chu nu chuan,"Chu chu a pawimawh ber hleinem,lo kal la thil ei ang ka lo treat ang che,"tih pahin College canteen lamah chuan min kal phei pui hlawk hlawk a. Kei pawh chuan ngawi rengin a kalna lamah chuan ka zui ve mai a.

"I chhungte an dam maw?,"tiin nui sâng chungin min bia a. Ka chhungte chanchin leh zel chu min zawh ka beisei lo a sin maw le,"Aaa aw an damṭha e,"tiin ka chhang mai a. Min en vang vang a,"A ṭhat nasat chu remchang hmasa berah ka la rawn leng ang,"a la ti zui. Mak tih hmel tak a ka en ho chu min nuih tet tet a,"Engnge mak min va tih hmel ve?,"a lo ti vat a,"Engmah ni love,"ka lo ti vat a,ka thil ei lai chu ka chhunzawm leh malh malh a.

"Û,kan college ah hmelhriat i nei mial em?,"tiin ka û chu ka zawt tawp mai a. Ka û chuan,"In miss 1 chu hriat ka nei. Tinge?,"a lo ti vat a. "Aih student ah hriat i nei em?,"ka ti leh a. Ka û chuan,"Aww i ṭhiante 2 hi ni mai lawm,"a lo ti leh vat a,"Hmeichhiaah hriat i nei em?,"ka ti leh a. Ka û chuan mak a ti ta deuh aniang,"Tinge tunlai hi tiang lam hi min zawh leh thut thut ṭhin le?,"a ti ve a. ,"Aaa engmah ni lo e,Mawia te Inah note copy turin ka kal dawn nia aw ka rei lovang,"tih leh chhuah ka rual a. 

Mawia te Inah chuan a bialnu hman zana kan rim kha a lo awm ve kuk mai,min lo nuih var var a. Kei lah pek chuan,"Engnge i tih a?,"ka lo ti leh hê háw mai a. Mawia bialnu chuan nui sun sun chungin,"Chaw ka ei a,"a lo ti vat a,Mawia pawh chu room aṭangin a rawn chhuak ve bawk a,"E i rawn thleng tawh law? Min lo nghak lawk aw,"tih pahin bathroom ah min luh san leh rih a. 

Sunday zing a ni a,ka chhungte chuan inkhawm turin min tir leh laih laih hlawm a. Mahse,ka peih leh tawh lo,"In ka lo nghak mai ang,"ka ti leh ta ngawt a. Ka pa chuan,"Duh aiin Kohhran i bêl lo tlat,a ṭha dawn lo,"a rawn ti bul hmuk a. Tianga ka pa a ṭawng hmuk hmuk tawh hi chuan a lungawi lo hle tih a chiang reng mai,ka hnial ngam teuh lo,"Awle nih ka insiam a nge,"tih pahin room lamah chuan ka lut nghal a.

Ka room aṭanga ka chhuak chu sitting room-ah chuan Mercy a lo awm reng a,"E i inkhawm ce dawn mi?,"tih pahin a lo nui sun sun a. Ka lâi leh ringawt tawh,engmah sawi lovin room-ah chuan ka lut leh daih a,"Mawla,tinge tiang hian i awm leh ṭhin a? Va chhuak la,ṭha deuhin va be rawh,"tiin keimah leh keimah chu ka inbe mawlh mawlh a. Tháwk ka han lak leh te te hnu chuan ka room aṭang chuan ka chhuak leh a;mahse,Mercy kha a lo awm tawh miah lo,"Pa,an kal tawh mi?,"ka ti ringawt a. Ka pa chuan,"Aw an kal ta nihkha keini pawh kan kal tawh dawn a sin. Min rawn zui ve nghal mai rawh aw,"tih pahin ka nu nen chuan an chhuak nghal a. Hla Bu kengin ka nu te chu ka zui ve nghal a.

Chawhma bak chu ka inkhawm peih meuh lo a ni,chawhnu lam chu kan ṭhian hovin leng turin kan in sawm khawm leh a. Jo chuan,"Vawiin chu Hlimen Park ah kal i la,a la hma tho a,"a rawn ti a. Mawia pawh chuan,"Nia keipawh nikum a ka kal bak kha ka la kal leh miah lova,ka kal leh châk teh mai nia,"a lo ti ve bawk a. Ka ṭhiante chu kei pawn ka hnial lem lova,ka pa bulah ka dil a ka pa chuan rem a ti vak lo khawp mai. Mahse,a phallo ṭung lem lova,pawisa erawh ka nu bula dil turin min ti a. Ka nu chuan ₹500 chiah min la pe zui,ka wallet-ah chuan 100 note 1 leh 50 note 2 chu ka la ak ve ran mai a. Ka nu in 500 min pek nen chuan ka ak ve thlap a,ka lawm ve khawp mai. Kan ṭhian ho chuan Hlimen lam pan chuan kan in khalh chhuak leh ta ziai ziai mai a.

Luh man erawh chu Mawia'n a tum thung a,midang kal pawh an tam khawp mai. Ka hawi kual a,hmun tin maiah chuan mihring hlir mai an niin ka hria. Jo chuan,"He lam aṭang hian kal i la,kan round dawn nia,"tih pahin kawng hnuai lam kawngpuiah chuan a chhukthla nghal nul nul a. Mawia nen chuan kan zui ve nghal a,"Tinge innu i hruai ve lohva?,"tiin Mawia chu ka zawt a. Mawia chuan,"Nhaaa kannu ka hruai ten ka lerh thei dawn lo a sin,"a ti heu mai,kan 2 chuan kan nui hawk hawk a. Thui pawh kan kal hma in kan hnung lam aṭang chuan,"Lalrammuan,"ti hian min rawn ko lawl mai,ka hawi let rang kher mai. Khanu bawk kha a ni,engtinnge ka kalna apiangah a rawn kal zel theih le?,"Nangnu hi min zui ru mi a?,"ka lo ti vat a. Ani lah chu a lo nui var var a,"Zui ru maithei che a ni,"a la ti zui. Mawia lah chuan,"Khal reuh hle mai a,"a lo ti sur sur a,hepa lerh zia hi chu a,"Min rawn zui ru tawh lo mai rawh,"ka lo ti hmuk a. Chu nu lah chu a nui suk a,"Ka zui ru lo che,ka kalna turah i lo awm zawk a nihkha,"tih pahin min rawn su lui kher a,kan hmaah chuan confi takin a kal phei nghal vuk vuk a. Mawia lah chuan,"E khai,a khal nalh hle mai a. Tunge a? A number i nei em?,"a rawn ti leh nghal chung chung a,ka van ning tak,"Lerh viau ṭhin suh,pakhatah lungawi rawh ka hriat ngai pawh a ni lo,"ka lo ti deuh hmuk a. Mawia chuan ka mood a fuh vak lo tih a hrethiam a ni ngei ang,engmah a sawi chhunzawm ta bik lova.

Tlai dar 4.00pm velah chuan kan in zui haw leh ta a,Hlimen khawchhung leh park in kar kan tlan lai chuan Bike 3 hian min lo um phak a,"Zawng ho,lo ding nghal rawh u. Fuck...Fuck...,"tih pah in horn an rawn pe tuarh tuarh mai a. Keini pawh chu kan ding ve mai a,Jo chuan,"Tu te nge in nih a? Ṭawngkam in va duhtui lo ve a,"tih pahin a bike chu a hung rem a,a chhuk nghal a. Keini pawh kan bike kan ti thi a,kan chhuk ve nghal a. Min lo ûm tu te chuan an helmet chu an phelh a,tu te nge an nih kan hre thei ta. Hman zana kan sawp hrep te kha an ni,"In in la pa viau a ni lawm ni? Mipa leh mipa chu han in nuai leh tak tak i la,"tiin an zinga palian ber chuan min rawn melh khur mai a;mahse,ka hlau bik eih lo,"In ngam ngam kan ngam,"ka lo ti ve hmiah a. Chupa chuan,"A ṭha lawm khawi hmunah nge ni ang?,"a ti leh lawi a. Jo chuan,"A hma khan in duhna hmunah kan ti tawh a,tunah chuan kan duhna hmunah kan ti ve tawh ang,"a lo ti hmak mai a. Chupa chuan,"A ṭha lawm a fair ngatin aw ni ang,zanin dar 10.00pm ah aw. A hmun tur chu zanin dar 8.00pm hma in Ricky-a bulah in lo sawi dawn nia,"a ti a,a helmet chu a khum a a bike chu a pan ding nghal a. Ngawi rengin kan thlir liam a,"Khawi hmunah nge ni ang?,"Mawia chu a phur leh hmel tawh khawp mai. Jo chuan,"Ka patea te farm hlui ah khan kan ti mai dawn mi? Ricky chuan chu lai hmun chu a hre tho a,a hmun a fianriala a ṭha viau ang,"a lo ti a. "Ni e a pawi miah lo ang,engpawh nise haw phawt teh ang u ka ril a ṭam tawh lutuk,"ka lo ti a.   Kan 3 chuan kan in zui haw leh ta hlawm a.

"Pa,zanin chu Mawia te Inah ka riak dawn nia aw,"tiin ka dil ringawt a. Ka pa chuan rem a tih loh hmel khawp mai,"Kan Inah riahna tur nei lo pawh i ni lova,Mawiate Inah chuan engnge riah a ṭulna?,"a ti khauh mai. Chhan dan tur ka van hre lo tak,"Eng lo nia,note copy ka duh bawk sia. Copy tur a tam bawk sia,zan reiah chuan ka rawn haw peih dawn si lova,"tiin chhuanlam ka siam ta ringawt a,ka pa chuan a awih a ngem aw. A ngawi vang vang a,"Chungte chu chawhnu inkhawm lova leng kual vel lo khan tih tur che lawm. Zan chhuah hi i zawngchhang dawn tlat,a buaithlak zanin bak chu i chhuah ka rem ti tawh lovang,"a ti leh hmak hmak mai a. "Awle Pa,zanin bak chu ka chhuak tawh lovang,"ka ti ve ngei a;mahse,ka thusawi ang chuan ka awm leh dawn lo tih erawh ka hrechiang viau lawi si.

Inkhawm kal reh hnu chuan Mawia te In lam pan chuan ka inkhalh chhuak leh ta. Mawiate Inah chuan Jo pawh a lo awm tawh a,ani pawh a chhungte bulah note copy tur anga in sawiin a rawn chhuak ve thei hram a nih hmel. Mawia chuan,"A la hma tho a,dar 9.30pm velah kan kal dawn nia aw,"a lo tih a. Jo chuan,"Nia pawi hleinem. Mahse,ka za zek zek tawh mai keichu,"a lo ti ve bawk a. Kan ṭhian ho hi chuan kan nghal hma ve hrim hrim a,insual te hi kan inpeih at reng mai ti ila ka sawi sual lovang. Kan ṭhian zinga tu emaw ber an lo khawih chuan phuba kan la leh ngei ngei ṭhin. Ṭhian chhan pe na mi ṭhah kan ni bawk a,in chhan thei tak kan ni.

Dar 9.30pm velah chuan Mawia room thlang lam aṭang chuan kan chhuak ru ta a. Thawm dim thei ang berin kan bike chu, switch on lohvin an In piah lang thei lo thleng chuan kan nawr phei a;a hahthlak duh ngei mai. Jo chuan,"Zanin chu hman zan aia na khan kan khawih dawn nia aw,min la cho e mai kan la khawih na tawk lo a nih hi,"a ti a,a bike chu a tinung nghal dut dut. "Chu aichuan zanina min rawn telpui tu tur Ricky hi ka mi rin loh zawng tak a nia. Kan fimkhur thiam hle a ngai dawn nia aw,"ka lo ti thung a. Mawia chuan,"Ni e Ricky chu a phakar tih chu ka hria;mahse,a dawihzep thung a lawm. Kan duh loh anga a chet vaih chuan keichu ka dim dawn miah lo nia aw,"a lo ti ve bawk a. Kan bike chu kan ti nung a,Jo-a patea te farm hlui lam pan chuan kan inkhal chhuak leh ta a.

Ka lu chu a ri chawrh a,ka lu a rawn hai nghal muai muai a. Ka thil hmuh chu a phê ruai tawh mai a,tluk erawh ka tum lo bur. Ka lu chu ka han khawih a,thisen vek in a lo bual a a lum puat puat tawh mai. Pen hnih ka pen leh a,ka ṭhingṭhi hnawk a,"I chak tawk a nihkha,"tih pahin ka bekah hian min rawn pet ri chawrh mai chu,engmah ka hre zui tawh lo. Mahse,ka lu ah khan min vua tih erawh ka hria.

Ka harh leh chuan damdawiin khumah ka lo mu reng tawh a. Ka nu chuan hlauhthawn hmel deuhin min lo en a,"Bawiha,i ṭha em? I ṭha tiraw?,"a lo ti nghal mawlh mawlh a. Ka nu bulah chuan ka pa leh ka û te pawh an lo awm ve bawk a,an vai mai chuan an hlauthawng takzet tih ka hrethiam nghal a. Ka pa erawh chuan engmah a sawi lem lova,a lungawi lo viau tih erawh ka hre thei. Ka û chuan,"Mam,i ṭha tiraw?,"a rawn ti a,ka lu ka bu nghut a. Ka pa chuan,"Nakinah ka rawn lut leh ang,"tih pahin a chhuak daih a.

[23/03, 07:52] Rs Thangluah:

*KA LEI VANTIRHKOH*

BUNG-7 NA

By:- *Rs Thangluah{Remz}✍🏻*

Ka û chuan,"Ka pa i ti lungawi lo nasa khawp mai,"a rawn ti a. Ka ngawi reng a,ka rilruah erawh khang mi 3 mipa in ti ve si. A fair in sual cho ve si,a tawpa hriamhrei thawh leh si ho kha nep ka ti a ka thin an ti rim a phuba lak leh dan ngawt rilruah a awm thung a. Ka nu chuan,"Bawiha,tiang em em chu a thlen kan lo beisei lo a sin,"a rawn ti zawi sap a. Ka nu chu ka en a,keimah vanga rilru tih hriat ngawih ngawihin a hmel chu a ngui lup mai a. Hrehawm chu ka ti ve khawp mai,ka lu lah chu an tuam lûk mai bawk si,"Û,Jo leh Mawia chanchin i hria em?,"tiin ka û chu ka melh a. Ka û chuan,"Imm anni pawh an ṭha e;mahse,hliam an nei ve a,"a lo vat a. 

Damdawiin aṭanga kan chhuah hnu pawn ka pa chuan min be duh miah lova,ka lakah a lungawi lo hle tih ka hrethiam vek a. Mahse,ngaihdam erawh dil ka tum hran lo,ka nu erawh chuan min ngaihsak em em thung a.

Zan 1 chu ka rin loh leh beisei loh deuhin Mercy chu a rawn leng ve hlawl mai. Ka khum bul chair ah chuan a ṭhu vang mai a,ka û nen chuan an ti ti siam siam a,"FIR theh luh in tum lo mi?,"a rawn ti ve hlawl mai a. Ka û chuan,"Aaa ka pa in ngawih a chuh tlat sia,engmah kan sawi zui duh lo a lawm,"tiin a lo chhang a. Mercy chuan,"Tiang khawp hian hliam an tuar a nia,ngawihbo pui chi pawh a ni dawn mawn le?,"a ti leh a. 

Ka û in a chhan leh hma chuan ka lo chhang vat a,"Eee FIR a ngai hleinem,mipa kan ni a. Phuba chu kan la leh mai dawn lawm,kan tlawm dawn reng reng lo,"ka ti ve hmarh hmarh mai a. Ka û chuan,"Tiang khan sawi ve ziah suh,ka pa hi i ti lungawi lo nasa lutuk a nia,"tiin min lo khap a. Engmah phei chu ka sawi zui duh lem lova.

Kan hliamte pawh tlem tlemin a dam ve ta bawk a,kan tha a za leh tawh khawp mai. Jo chuan,"Tunge kan bitum hmasak ber ang?,"a rawn ti a,Mawia chuan,"Ricky-a ni mai lawm,kha mihring phakar lutuk kha ka hua a nia,"a rawn ti nghal bawrh bawrh a. "Engpawh nise kan hliamte hi dam fel phawt se,phuba chu kan la khawp ang. Kan tlawm dawn lo,mipa kan nih hi,"ka lo ti ve bawk a. Jo chuan,"Ni e damṭha ver vawr phawt i la,phuba chu kan la leh dawn nia,"a rawn ti ve leh bawk a.

Ka pa chuan an room-ah min ko lut a,"Tahkhan ṭhu rawh,"a ti bul hmuk a. Ngawi rengin ka pa hma zawna chair-ah chuan ka ṭhu a,ka pa chuan min melh kur mai a ka khur ru der der mai. Ka pa chuan a âw a han thian leh kharh kharh a,"Miin engtinnge an sawi che i hria em?,"a ti phawt a,"Aih hre lo,"tiin ka lo chhang ve mai a. Ka pa chuan,"Street Fighter an ti che a sin. Ṭhenkhat in kan veng timualpho tu tiin an sawi bawk che a,i nu leh pa te hi kan zak a sin,"a ti ram hmak hmak a. Kei erawh chu ka ngawi kur mai a,ka pa hmel pawh chu ka en ngam tawh lo,"Min en rawh,"a ti vin hlur mai a. Ka phu nasa ngei mai,ka pa chu ngam leh ngam lovin ka melh ṭawk ṭawk a ni ber mai. Ka pa a thinrim tawh hi chuan engmah ka sawi ngam ngai lo,"Thla thar aṭangin i pi te khuaah i awm ang. Hna i thawk a nga,a theih na naah i pi te i pui ang,"a ti leh hmak hmak mai a. 

Ka pi te khuaa awm chu ka huphurh khawp mai,"Pa,ka pi te khuaah chuan ka awm duh lo a sin. Ka insiam ṭha ang,khawngaih takin ka pi te khuaah chuan min awm tir suh,"ka ti mawlh mawlh mai a. Ka pa chuan,"Ka thu hi hniak suh ang che,"a ti hmuk a,room aṭang chuan a chhuak nghal daih a.

"Nu,ka pi te khuaah chuan ka awm duh lo a nia. Khawngaihin ka pa rilru hi i thlaksak thei lo mi?,"tiin ka nu bulah chuan ka ngen mawlh mawlh mai a. Ka nu chuan,"Bawiha,i pa hian i tana ṭha tur lo chu a ngaihtuah ngai lo. Tiang hian awm lo chuan,i pi te khuaah pawh i awm a ngai lovang,"a ti ve leh bawk si. Huiham...thla thar vel aṭang chuan thingtlang lamah ka awm a ngaih hmel khawp mai. 

Thla tharah thingtlangah ka awm dawn ta sa sa tiin sual lam hlir ka rilruah a lut leh ta. InMawia nen kan in chawina pawh ka la ti hlawhtling lo,zanin chu keimahin ka leng a nga eng pawh thleng dawn se Mercy hi ka bem tawh ngei ngei ang. Ka insiam malh malh a,ka lei thuam famkim ka inbel hnu chuan ka room aṭang chuan ka chhuak ta a. Ka nu chuan,"Bawiha,khawnge i kal dawn a?,"a lo ti vat a,"Ka leng lawk dawn,ka rei lovang,"tih pahin ngawi rengin kawngkapui lam chu ka pan phei a. Ka nu chuan,"I pa committe ban hma in rawn haw ngei ngei ang che aw,"a rawn ti zui lawm lawm a. Ka nu thusawi pawh chu ka bengkhawn lem lo,ka bike ka ti nung a Mercy te In lam pan chuan ka in khal chhuak leh ta puat puat a.

Mercy te In kawtah chuan ka bike chu ka hung rem a. Ngawi rengin an kawngkapui lam chu ka pan a,door bell ka hmet ri nghal tuarh tuarh a. A rawn ri rak a,kawngkhar chu a rawn in hawng a,"E nangmah law? Lo kal rawh lo lut rawh,"tih pahin Mercy a lo nui sâng a. Ngawi rengin In chhung lamah chuan kan in zui lut ta a;mahse,mipa dang ka hmu tlat mai a bialpa a ni ngei ang le? Mahse,haw leh mai chu ka tum bik hauh lo,mipa in ka tum chu ka hlen tur a ni. Mercy chuan,"Lo ṭhu rawh i damṭha tawh mi a?,"a ti nghal siam siam a. "Aw damṭha tawh e,khawnge midang hi? Ka van hmu love,"tih pahin ka hawi kual vel a. Mercy chuan,"Ka pa chu committee naah a kal a,ka nu chu a damṭha lova a mu tawh a,"tiin min chhang vat a. A in lengpa nen min inhmelhriat tir nghal bawk a,kan ti ti ho malh malh a;mahse,a in lengpa chuan min nin hmel ta khawp mai. Mahse,haw mai ka tum bik lo ka awm lui ve tlat a. 

Zan dar 10.30pm velah chuan Mercy pa committee pawh a rawn bang ve ta. Rei lo te a ṭhut khawmuan hnu chuan a mu ve nghal mai a,keini erawh tu mah mah chuan hawn zai reng kan rel thei lo. Mercy pawh a mit meng a dul ruih tawh mai,a mut a chhuak tawh tih a hriat reng mai. Mahse,he mihring pa hi a haw hma chu ka haw awm bik lo e mai a. 

Zan dar 11.00pm a ri ta ka kekawr ipte a ka phone ah pawh a rawn vibrate dawt dawt tawh mai,ka nu a ni tawh ngei ang. A vawi khatnaah chuan ka ngaihsak duh lova,a vawi hnihnaah chuan ka pick ve hram a ka nu a lo ni ngei a;

"Bawiha,lo haw tawh la i pa nen kan lo nghak che aw,"

"Awle,"

"Tunah aw,"

"Awle,"

Ka phone chu ka off a,ka ak leh nghal hmak a. Nula rim laia koh haw nih chu ka duh bik lo,ka nu nen kan inbiak aṭanga 20mins vel hnuah chuan,"Mercy,ka han haw phawt a nge aw. Hei a tlai tawh si a,mut te pawh i duh ve ang,"tih pahin a in lengpa chu ka zu melh zauh a,min en chu min ei loh hmel ngei mai. Mahse,ka ngai pawimawh duh vak lo,"Naktuk thawh hma i ngai ni maw? Khawi kawngka thleng sawn ka rawn thlah ang che,"a ti a,kawngka lam pan chuan kan in zui phei ta a.

Ka pi te khuaa ka awm nan kar 2 chiah hun ka nei ta. Chumi hma chuan Mercy chu ka bem hman ngei ngei tur a ni,a hmasa ber atan a number ka neih a ngai a ni. Ka û phone chu a hriat loh laiin ka check ruk sak a,Mercy number chu ka la chhuak thei ta. Mahse,bul ṭan dan tur ka van thiam lo tak êm! Pawi lo Jo leh Mawia an awm a lawm hehe.

"Bawiha,a number chu ka nei tawh nia aw. Engtinnge ka tih dawn?,"ka ti a. Mawia chuan,"Text la zaninah ka rawn leng dawnhan ti chhin teh,"a rawn ti vat a. Mercy number chu ka hmet chhuak a,ka text ve ta pawp mai le;

"Hi...Mercy zaninag ka rawn leng dawn sin. I phal em?,"

Tiin ka text ve thawr mai a,engtin tak min chhang ang maw?

Rei fêê hnuah chuan chhanna ka dawng ve ta hram a;

"Tunge aw?,"

"Aaaa keihmah Muantea,"

"Eee i number ka lo nei lo a nih hi,lo len te chu phal lutuk e. I duh phawt chuan ka phal reng a lawm."

"Yess ka rawn kal nghal ang aw🙈."

"Imm i thu vek lawm,"

"Nihphawt aw,"

"Awle."

A hnu deuhah min rawn call ta mai,ka chhang rang mai mai a sin.

"Aw Hello,"

"Tu Muantea nge i nih?,"

"Ka dp te kha en ve la,"

"I Dp chu ka en a,i hmel hmuh tur a awm hleinem,"

"Imm kan rawn kal hunah min hre mai ang,kan rawn kal nghal a ni mai."

"Hmm chutiang ringawt ka pawm lo,"

"I nu kha lo mut tir la a dik vek ni mai,"

"Lawkin i áw aṭang hian ka hria che. U Mawitei nau i ni maw?,"

"Chu min hriat reng chu,rawn len chu i phal nge phal lo?,"

"Phal e,"

"Awle nihchuan kan rawn kal ang aw,"

"Awle,"

Phone a hang up nghal daih a,"Lee kan kal thei,"tih pahin ka bike chu ka ti nung nghal a. Mawia leh Jo pawh an phûr khawp mai,"I pi te khuaa i kal hma in khami te pawh kha kan sawp leh a ngai nia,"an lo ti ve bap bap a.

Mercy leh a nu chu sitting room-ah an lo ṭhu a,a nu chuan no lo zet hian min rawn melh nghal khui khui a,"Nangni 3 bawk maw? Kan veng sualhuai ho,"a lo ti nghal bawrh bawrh a. 

Mercy chuan,"Nu,i mak thei e mai tikhan lo ti nghal bawrh bawrh ṭhin lo la,"tiin a nu chu khap daih a tum ve ngial a. Mahse,awmzia a awm lo,"Khatin min rawn khap ve khang lang lo mai teh,hetiang mi in lêng atan ka duh hleinem,"a ti leh buan buan mai a. Ka thin in a tuar ta lo,"Awle ka pi,kan haw ang. Tun bak hi chi in In chhung hi kan rawn rap leh tawh lo ang,"ka ti ve hmarh hmarh mai a. Kan ṭhian ho chuan ngawi rengin kan in zui chhuak leh hna hna a.

"Khang lang a,a fanu kan rím duh mah chuan lawm viau tur zawk a sin a nih. An kawmthlang kawngpuiah khan va tlan vak vak ang u,"tiin ka kual pup a,Mercy te kawmthlang kawngpuiah chuan chak mangkhengin kan tlan puat puat mai a. Kan bike lah bengchheng chi hlir a ni bawk sia,min ning ve viau ang. 

Kan ṭhian ho hian Royal Enfield vek kan khalh a,Mercy nu chuan bengchheng min ti ve viau ang. 

Ka pa chu sitting room-ah kut hnung suihin a lo vei kual thauh thauh mai a. Ka haw min hmuh chuan a ding chat mai a,"I nu hi i hmu em? A ngaihtuah lutuk che a sin,vawi tam a rawn call che a i chhang thei bawk si lo. Engtinnge maw ka tih dawn che le?,"a lo ti nghal bawrh bawrh a. Ka nu chuan min rawn en a,a mit chu a sen râm mai a,"Bawiha,tinge mangang deuh hian min siam leh ṭhin a?,"a rawn ti zawi sap a. Ka ngawi reng a,ka pa chuan,"Lo hnai teh,"tih pahin min hui a,ngawi rengin ka pa awmna lamah chuan ka kal hnai a. Ka pa chuan a hnar a lên vut vut a,"Imm zu rim chu i nam love;mahse,meizial rim i nam. I nu kha ngaihdam dil rawh,"a ti hul hak a. 

Ngawi rengin ka nu bulah chuan ka ṭhu a,"Nu,ka tihpalh lutuk aw. Khawngaihin min ngaidam hram thei a ngem?,"tiin ka nu kutah chuan ka vuan a. Ka nu chuan min kuah a,"Bawiha,ngaihdam min dil a ngai hleinem. Mahse,tiang chen chen hi leng bo tawh suh aw. I nu hian ka ngaihtuahin ka ngai thei lutuk che a sin,"a ti mawlh mawlh a. Thlamuang taka ka nu âwma ka bei tawh hi chuan engmah dang ka ngâi ngai lo.

[23/03, 07:52] Rs Thangluah: *KA LEI VANTIRHKOH*

BUNG-8 NA

By:- *Rs Thangluah{Remz}✍🏻*

Ka huaisenna zawng zawng sawmkhawmin Mercy chu ka text ve ta,engtin tak min chhang ang maw?

"I buai em?,"

"Aih buai love nge ni ta?,"

"Pawi ka ti lutuk aw,"

"Eng chu maw?,"

"I nu khan min huat hmel sia,"

"A ho lutuk ani chu a tih ve dan a lawm,nuam lo tihna tur a awm lo nia,"

"Mahse,nuam lo ka ti tho sia,"

"I van ho tak e aw,"

"Eee ihmaw.."

"Umm,"

"Tun Saturday hian hun i nei thei a ngem?"

"Eng ti turin?,"

"Chhuah lawk a ni mai,a rei lo ang,"

"Ka hre lo le a hun te lo thleng phawt se tiraw?,"

"Nia aw awle,nih muttui phawt aw,"

"Awle nang pawh muttui le."

"Mam,tho teh a tlai tawh nia chaw ei a hun ṭep tawh,"ka û chuan ka darah chuan a rawn sawi nawk nawk a. Phûr lo zetin ka tho ṭual ṭual a,"Dar engzatnge?,"ka ti thawp sut a. Ka û chuan,"7.30am a pel tawh,nizanah Mercy te Inah in leng a ni maw?,"a tih zawm nghal zat a. Ka ngawi reng a,ka phone chu ka hmet nuap nuap a,"Ka hrilh tawh che kha,Mercy te ang chu kei ni chhungkaw tum phak an ni lo,"a ti leh a. Ni e,ka û hian a sawi dik a lawm kan vengah chuan Mercy te hi a hausa pawl an ni. An building ringawt pawh chhawng 5 a ni a,chhung tam takin an luah bawk a. Keini ve chu mi inhnuai luah in kan khawsa ve ṭawk ṭawk a ni mai si. Kan dinhmun chu inthlau vet vet tak a ni;mahse,thlah mai mai ka tum bik lo. Mercy nu ka ngei vang vang hrim hrim pawn a fanu hi nupuiah ka nei ang,chu chu ka tum nghet bur a ni. Ka û chu ka en a,"Nia i sawi dik a lawm;mahse,eng ang mipa nge ka nih tih hi hre ve rawh se,"tih pûng pûng pahin ka blanket vel chu ka thlep fel nghal mawlh mawlh a. Ka û chuan,"Heiham awmzia awm lo,ti suh pawh ti mah i la i luhlulna kha chu ka hneh dawn chuang lo a nih hi. In ti fai la,chaw ei kan siam dawn a nia rawn kil ve nghal ang che,"tiin ka room aṭang chuan a chhuak nghal a. Nia ka û hi chuan ka luhlul zia hi a hre chiang a,ka thil tih tawh chu ti lo turin min ngen chiam chiam ngai lo.

Ka pa chuan,"Thawnṭanni ah i nu nen i pi te khuaah chuan in kal dawn nia,"a ti bung nghut mai a,"Maw? Thla tharah i tih kha?,"ka lo ti nghal vat a. Ka pa chuan min melh rum khawp mai,"I awmdan in zir miau hek lo le,ticket pawh ka peih fel vek tawh. I nu in zan khat a riahpui che a nga,a bak chu i pi te kutah i awm tawh ang,"a ti leh hmuk hmuk mai a. Ka nu leh ka û te chuan ṭík pawh an ti ngam lo,"Pa,i ti mah mah lo maw?,"ka ti leh a. Ka pa chuan engmah a sawi tawh lo,ngawi rengin chaw a bar mawlh mawlh mai a. Kei erawh ka chawthleng ka chwi a,ka ha ka nawt a ka roomah ka lut tlang nghal a. Ka insiam malh malh a,lêng turin ka in peih leh at tawh mai. Room aṭang chuan ka chhuak a,sitting room-ah chuan ka pa office kal tur chu a lo ding at mai a,"I lên pahin office thleng min va thlah ta che,"a lo la ti zui. Phûr lo zetin,"Awle,"tih pahin ka chhuak nghal nul nul a,ka pa pawh chuan min rawn zui ve nghal hlawk hlawk a.

Ka pa nen hi chuan kan innêl em em lo;mahse,ka ṭhatna tur a nihchuan eng pawh a ti mai ṭhin. Class-Xii kan zir ṭum pawn,school ka tlanbo a kan sir te chuan an hre lo hrim hrim. Mahse,ka pa in a lo hre kar mai kan Principal hnenah min report a,15mins chhung school tualah ka ṭhingṭhi ngat ngat tawh. Ka pa mizia hi tam tak ka copy rualin a tam zawk hi chu ka nu mizia ka copy niin ka hria. Ka pa nen chuan kawng tluanin in be lovin kan in phur a,an office kawt kan thlen chuan ka bike aṭang chuan a chhuk a,"Tlaiah chaw ei hman in lo haw la,rawn rui haw hlek suh ang che,"a ti a,an office building lam pan chuan a kal nghal nul nul a. Ka pa chu ngawi rengin ka thlir liam a,an office building a luh thleng chuan ka thlir zui a. A lan theih tawh loh hnuah chak mangkhengin ka phit chhuak leh nghal a.

"Bawiha,AP leina tur i hre lo mi?,"tiin Jo chu ka zawt a. Jo chuan,"Eng a? Nang hi damdawi te i rawn sawi chhuah tak a,"tiin mak tih hmel takin min en ho mai a. "Zu ka in chuan a rim aṭangin ka chhungten an hre nghal vek zel a,zu hi bansan i la damdawi hi ka khawih dawn,"ka ti a. Jo chuan,"A ṭul lo e mai a,damdawi ṭhat loh zia chu nang pawn i hriat kha. Ni kum lawkah kan class a mi OD in a thih kha,damdawi chu i tih ka phal teuh lo mai,"tiin min lo khap ṭang ṭang a. Jo hi chuan min ngaihtuah ve ṭhin ngawt mai,unaupa ang chiahin min en a zu kan ruih leh weed kan blow zeuh zeuh bak hi chu ruihhlo dang khawih a phal ngai lo. Mawia erawh thung hi chu damdawi a ruih chuan kan bulah a awm duh ngai lo thung. Jo hian vawi tam ti tawh lo turin hrilh ṭhin mah se,awmzia a awm lem lo. 

Tlai lamah chuan chhungte hauh huamin RV lamah kan inzui thla leh ta. Ricky leh a ṭhianpa kan hmu hlawl mai,Jo chuan,"Hmela,nang kha lo ding teh. Mipa ve si,dawihzep lutuk mai,"tih pahin Ricky chu a pawt sawk mai a. Ricky chuan a hlauh hmel ngang mai,"Tunge i nih a?,"a ti nghal chûl mai. Jo lah chu a thinrim telh telh mai bawk si,"Hmela,min en rawh i ṭhiante kha lo hrilh rawh. Zaninah a hmun ngaiah zan dar 9.00pm ah rawn kal rawh se. Mahse,kut lawng ngeiin aw hriam hrei rawn keng tawh lo turin hrilh ang che,"Ricky kawr awmah chuan a ṭham a,a vin tuarh tuarh mai a. A ṭhianpa chuan Jo chu rawn hnek a tum ve khang lang a,ka thinrim ve tho bawk nen ka kuttum chu a thlawk phei ve fua mai a tlu chiang ngei mai. Kan bula mi ho chuan min rawn pawt ṭhen nghal rawk rawk hlawm a,"Heyy Nang kha,i ṭhiante kha lo hrilh ang che. Zaninah a hmun ngai ah,dar 9.00pm rik hmaa an rawn thlen hman loh chuan mipa an ni lo tihna a ni mai aw,"tiin Ricky chu Fuck You sign kan hmuh va va mai a,a hmel ah chuan a lungawi vak lo tih a lang reng mai. Mahse,he mihring dawihzep leh phakar sum duh hian engmah a ti ngam tawp lo a nih hi.

"Bawiha,in tam vak lo ang aw zanah kan ruih lutuk chuan, kan tha a zawi palh ang,"tiin Jo chuan ka in tur chu min bituk sak a. Rv ah rei tawk fang kan awm hnu chuan kan haw chho a. Jo chuan,"Mawia hi kan hruai ve dawn em?,"a rawn ti a,"Aaaa ka hre lo le,lo bia la pawi hleinem. Mahse,chhuanlam a siam chuan sawm lui duh suh aw. Kan pahnih in kan kal mai dawn nia,"ka lo ti vat a. Jo chuan,"Nia pawi lo sawp leh nek i la ni mai lawm,"tih pah chuan a áu lung lung a.

"Bawiha, Mercy chhuahpuiah ka sawm ve tawp mai sin,"Jo chu ka en a,a lo nui var var a,"A ṭha lutuk lawm,khawi lamah nge ni ang?,"a lo ti vat a. "Aaa ka hre lo le,aman a duh duh naah a ni mai ang chu,"ka lo ti vat a. Jo chuan,"A duh chiang sa em?,"a lo ti leh vat a,"Aih la chiang lo,zanin hian a chiang chiah ang,"tih pahin meizial chu ka ṭan a,ka zu khu luih luih a. Jo chuan,"Nihchuan tunah bia la,hei a tlai tawh em hi,"a lo ti vat a,sana ka en dar 6.30pm a lo ri der tawh. Ka phone chu ka phawrh a,ka û leh ka nu missed call a lo awm ṭeuh tawh mai,"Ehee ka nu leh ka û missed call a lo awm ṭeuh a nih hi,kan call back lawk nge aw,"tih pahin call back mai ka tum a. Mahse,Jo chuan,"Aih call suh i call chuan haw turin mi ti dawn a sin. Chu aichuan Mercy chu be vat zawk rawh,"a lo ti a. Ngawi rengin Mercy chu ka call a,a chhang tawh dawn lo emaw ka tih hnuah a rawn chhang ve a;

"Aw"

"Aaa eng lo naktuk chu i hman ang tiraw?,"

"Imm hman e,khawiah nge ni ang?,"

"I duhna hmun berah a ni mai,"

"Imm nihchuan naktukah chhuah hun tur ka rawn hrilh ang che aw,"

"Awle ka lawm e,ka dah phawt aw,"

"Imm nih leh le,"

"Engtinnge tih a?,"Jo chuan min lo zawt vat a. Ka lo nui var var a,"Aw a rem a nihchu,Mondayah ka pi te khuaah ka kal tawh dawn sia. Naktuk chu ka chet ṭhat viau a ngai ang,"ka lo ti vat a. Jo chuan,"Nhaa thla tharah i kal emaw ka tia,"a lo ti vat a. "Nia,ka pa in a rilru a thlak leh a,mondayah kan kal ang. Sunday chu nilengin kan leng dawn nia aw,"ka ti leh a. Jo chuan,"I awm loh daih chuan a va ho duh awm ve aw,"a ti nuah nuah a,"Bawiha,lungngai suh ka awm rei lo ang. Hei a tlai zel dawn farm ah chuan kal tawh i la,"tih pahin ka tho nghal hluai a. Jo pawh chuan ngawi rengin min rawn zui ve nghal a,kan bike chu kan ti nung nghal dut dut a kan tlan chhuak nghal a.

Zan dar 10.00pm thleng pawn Ricky te chu an la rawn kal si lo. Jo chuan,"Immm..Bawiha,haw ang. Hun tiam a pel tawh,an tlawm a nih hi,"a ti a,a tho nghal vut a. "Nia pawi hleinem,"tih pahin kan in zui haw leh rih a.

Zan dar 11.30pm ah In ka thleng a,ka nu leh ka pa chu sitting room-ah an lo ṭhu ran tawh mai a. Ka pa chuan,"I bike chahbi min rawn pe rawh le,"a lo ti nghal a,ngawi rengin ka pe ve mai a. Ka nu chuan,"Bawiha,tinge rilru hah deuh hian min siam ṭhin a?,"a lo ti chuai raih a. Ka nu chu ka en a,a hmel chu a lo ngui nghiai mai a ka khawngaih ang reng khawp mai,"Nu,ka tihpalh lutuk aw,"ka ti zawi sap a. Ka pa chuan,"Va mu rawh,"a lo ti bung nghut a,ngawi rengin ka room lam chu ka pan ding nghal a. 

"Ka thusawi kha i awih duh lo vel a,i nu leh pa te hian fapa an neih loh vangin fa atan an la che a nih hi,"he nu bawk chu ka hmu leh ta. "Nangnu bawk chu ka van hnê tak tak che êm! Ka bula dawt sawi tur hian tunge tir che a? Pawisa engzatnge i hlawh a?,"ka lo ti ve sak sak mai a. Ani lah chu a nui har har mai bawk si,"Engkim i hriat chhuah hunah chuan min dem hauh suh ang che. A chhanchu,thudik hi i hriat ve a ngai a ni,"a ti leh a. Ka hrethiam lo kher mai,"Ka tan a ṭangkai lo tur chu khawngaihin min hrilh tawh suh,"tiin ka âu chiam chiam mai a. 

Ka harh meuh chuan zing lam dar 3.00am a lo ni reng tawh a,ka taksa chu thlanin a lo bual huh vek a. Tinge khanu kha ka mumangah a rawn kal leh ṭhin le? Ka hriat ngai a ni bawk si lo,a taka ka hmuh lah khan min hre em em bawk si. Ka nu leh pa te fapa diktak ka ni lo tak tak em ni le? Rilruah ngaihtuahna mak pui pui a rawn lut zut zut a,mut pawh a chhuak thei tawh meuh lo a ni e.

Ka pa in ka bike chahbi min kawl sak daih sia,Mercy pawh taxi in ka chhuahpui a ngai ta. Mahse,pawi lo e ka chhuahpui thei hrim hrim hi ka lawm a ni. Mercy chuan min rawn nuih var var a,"Tlaiah ei rawng bawl hmanin ka haw leh a ngai dawn nia aw,"a lo ti a,"Ee tehreng mai haw i duh hunah kan haw nghal dawn nia,"ka lo ti vat a. Taxi pu chuan,"Khawi lamah nge niang?,"a lo ti a. Mercy chuan,"Bazar lamah aw,"a lo ti vat a,taxi chu bazar lam panin a tlan nghal vuk vuk a. Bazar taxi stand kan thlen chuan,chuan man vel ka pe fel a kan chhuk nghal a. Mercy chuan ka banah min rawn kai nghal chat mai,"Vawiin chu thil min tihsak rawh aw,"a rawn ti a,ka lo phur khawp mai a,"Aw engnge ni a? Sawi la,"ka lo ti vat a. Mercy chu a nui var var a,"Chumi hma in tah hian thil lei phawt ang,"a ti a,dawr 1 ah chuan min kai lut a,"Birthday gift tur i duh duh lo va tuam tir ve tawp rawh,"a tih zawm nghal zat a. A ngaihna ka hre lo hle mai,"Tu birthday nge a?,"ka lo ti hû mai a,"Ka ṭhiannu birthday nia,thil man to a ngai lo nia aw. A hming a gift a nihchuan a tawk mai,"a rawn ti leh a,dawr chhunga thil zawrh ho chu a en kual nghal dun dun a. 

"Englo a nia,"a hmui a pet fan fan a,ka thin a phu dut dutin ka hria,"Aw sawi la,"ka lo ti vat a. Mercy chuan,"Iihhh eng lo vawiin atan chiah ka bialpa angin awm la,"a ti ta mai,Aw Lalpa vawiin  atan chauh maw? Chu pawh a lem in,"Aaah oohh tinge?,"ka lo ti bah niai a,"Ka ṭhiannu bulah ka bialpa ka hruai tur thu ka hrilh tawh sia. Mahse,kan inbreak leh dai a khawngaihin,vawiin chiah min pui hram teh,"a ti mawlh mawlh mai a. Tlemin ka zawt chîk deuh a,"I bialpa chu hman zana lo leng ve kha a ni em?,"ka ti thla ngawt a,dik maw dik lo maw? Mercy chuan a lu a bu nghut a,engmah chu a sawi zui lem lo. Mahse,keimah vanga in ṭhen an nih ka ring thiam nghal a,"A va zia lo ve aw,ka rawn lên ve vang kha a ni ngei ngei ang tiraw?,"ka ti kher a. Mercy chu a lo nui mai a,"Aih ni lo e,thil chu min tih sak thei dawn em?,"a ti leh a. A bialpa lem atan chauh min duh a,keiin ka bialnu tak atan ka duh thung si chhan dan tur ka van haihchham tak êm!"Umm thei ang,i duh dan takin vawiin chu hun kan hmang dawn nia,"ka ti ve ta a. Mercy chu a lawm kher mai,"Ka lawm lutuk aw,ka theihnghilh tawh miah lo ang,"tih pahin a nui var var a,ka kutah chuan min kai a a ṭhiannu te In lam pan chuan kan in chhawm phei ta a.

A ṭhiante ho chuan min lo lawm thiam hlawm khawp mai. Mahse,Ricky te ṭhian ho an lo awm ve tlat mai,min melh rum hlawm teh e. Mahse,min rawn ti thinrim hmasa a nih loh chuan engtinmah va tih ka tum bik lo. A chhanchu,ka bulah Mercy a awm tlat a hmuh laia insual ka duh lo a ni.

Ricky te ṭhian ho chuan min tih thinrim an tum khawp mai. Mahse,ka haider lui tlat a,keimahin ka tlafal duh lo bawk a Mercy chu ka veng deuh bawk nen ka zui det det reng mai a ni. Mercy ṭhiannu 1 chuan Mercy chu a rawn hrilh ru su su a,Mercy chuan,"Bawih,dawrah kan va kal lawk nge aw kan rei lo ang,"tih pahin a ṭhiannu nen chuan an in zui chhuak nghal a. Chutia Mercy a awm loh takah chuan tiin thlang lam veranda ah chuan meizial zu turin ka chhuak thla rih a.

"Helai hmunah hian engnge i rawn tih ve a?," chu âw chu Ricky-a âw a ni,ka hawi let rang khawp mai. Ricky-a bulah chuan kei aia palian 2 an lo ding bawk a,"Ka bialnu ka rawn kal pui a,"tiin zam hauh lo hian ka hawi kual vel a. Ricky chuan ner nûng chungin,"Tunge i bialnu chu?,"a rawn ti leh a,"I hriat ve kher a ngai mi? Hetah hian engnge i tih zawk a?,"ka lo ti let ve sak a. Chutah Ricky chu za lo zet hian a nui lui vak vak a,"Vawiin hi ka nau birthday a nih hi,sawm zingah i tel ve lo a nih hmel khawp mai,"a ti leh a. "Huh,tu birthday pawh nise vawiin chuan ka bialnu ka kalpui tlat. Chuan maw,buaina hi ka duh rih lo a nia aw,"tih pahin kal mai ka tum a. Mahse,palian deuh 1 chuan min lo nam let sawk mai a,"Kan thu lovin he lai aṭang hian i kal sawn ngawt thei hleinem,"a ti chhur chhur a,a hmelchhe sia zakkha rim te a nam in ka hria,ka nui tut tut a ka hlauh a ring a ni ngei ang,"Tunge nui turin thu pe che?,"a ti leh chhur chhur a,"Nui tur hian tuman thu min pek a ngai lo e,i kalsawn dawn nge dawn lo?,"ka ti ram hmak a. A nui huk huk a,"I inla pa ve a mi a?,"tih pahin min hnek nghal chawrh mai a,ka lu a hai chhap mai. Mahse,ka tlu lo hlauh Mercy chuan min rawn hmu ang tih ka hlau khawp mai.

[23/03, 07:52] Rs Thangluah: 

*KA LEI VANTIRHKOH*

BUNG-9 NA

By:- *Rs Thangluah{Remz}✍🏻*

Ka che ve nghal vat a,min hnektu pa chu palian viau mah se,ka hlau bik lo. Ka theih tawpa na in a bekah chuan ka hnek ve chawrh mai a;mahse,a tlu miah lo nia a pai chhut chhut a,"Kei min bei tur chuan i te mah mah naua,"tih pahin ka kawr awmah min ṭham a,"Ricky hi chaltlai deuhin i lo be leh a nihchuan a pawi khawp ang aw,"tih pahin ka hmai zawnah chuan a rawn ṭawng chhur chhur mai a. "I thâw a uih a nih mai chu a,"ka ti duh chauh a,ka nui zui hak ,"Hmela,min nuih a law?,"tih pahin min hnek tumin a ban a rawn vai leh;mahse,kei aiin a ṭuan a muang hret a ni ka lo thlesawn hman a,a khabeah ka chho dawm chiah mai chu a thal chiang a sin. Ricky leh a kid pakhat chuan âng phua in min lo en a,"Ka tihbuai hmasak loh che chuan min tibuai hmasa tawh suh ang che,"tiin ka kamis chu ka bengfai thuak thuak a,In chhung lamah ka luhsan nghal a.

"Khawnge i lo bo daih a? Ka zawng nasa lutuk che,phone call i chhang thei bawk si lo,"Mercy chuan min lo kai nghal vat a. "Pawnah mei ka va zu lawk a,tihpalh lutuk,"tiin thupha ka chawi nghal a. Mercy chuan,"Lo kal rawh ka ṭhiannu in a hmu chak tawh lutuk che,"tih pahin In hnuai lamah min kai thla dawr dawr a. 

"Mate,hei ka rawn hruai a nia,"a ṭhiannu ei rawng bawl malh malh lai chu Mercy chuan a va kheuh zauh a. Aw Lalpa,a ni hi maw? Ni lo,a va mak ve,"Nang maw?,"kan ti rual ṭhawt a,kan in en hâ mai a. Mercy chuan thil awmzia chu a hrethiam lo kher mai,"Engnge awmzia? In lo hre sa tawh mi a?,"a rawn ti nghal vat a. Mahse,ka ṭawng ve hma in chu nu chuan,"Aaa hre sa tih ah amah hi chuan min hre vak lo ang. Keichuan ka hria lawm,Lalrammuana hi ka hre lutuk,"a lo ti nghal zuah zuah a,ka van ngei tak. Ka mumangah min chhaih buai hrep tawh a,a tak ram thleng thleng chuan min chhaihbuai ka ring lo a sin le. 

Mercy chuan nui var var chungin,"A ṭhat nasat chu in lo in hriat deuh sa chuan,a fel a nia,"tih pahin min rawn melh zauh a. "Nia ani pawh hi a fel lutuk,"ka lo ti ve ringawt a. Mercy ṭhiannu chu a lo nui var var a,"In inhmeh khawp mai chuan,Lalrammuan ka ṭhiannu rilru i tina a nih vaih chuan i chak lo ang aw,"a la ti zui leh nghal nia. "Aww ka hria e,ka ti na dawn hleinem,"ka lo ti thla ve rawk a,a bialpa lem lem ka ni reng sia.

Tlai dar 3.00pm velah chuan Mercy chuan haw a rawt ve ta,"Muante,kan haw tawh mai dawn mi? Bazarah kal kawi ka duh bawk sia,"a rawn ti a,"Nia a pawi hleinem,i thu vek a lawm,"ka lo ti nghal vat a. Dik tak chuan haw chu ka chak tawh a ni,Ricky te ṭhian ho hi ka hmu reng peih lo ka hne hlei hlui.

Mercy nen chuan Bazar lam panin ke in kan in zui hnak hnak a. Mercy chuan,"I ning tawh em? Ka hruai kual hre che sia,"a rawn ti a. Ni leng pawn min hruai kual se,ka ning dawn si lova,"Aih ning tawh love,"ka lo ti ringawt a. Mercy chu a lo nui hawk hawk a,"Awiii i ṭawngkam hi a nuizatthlak e,"a rawn ti a. Kei lah chuan nuihzat tur ka hre ve hauh lo,"Eng ber kha nge nuihzatthlak chu?,"ka lo ti vat a. Ani lah chu a nui nasa mai si,"Thil dang sawi daih ang,ka nuihnaah ka pum a na zo dawn,"a la rawn ti zui,awm a ti nuam lo vek a lawm.

Haw lamah chuan ke ngat ngatin kan haw a,ka rin aiin a kal thei zek leh nghal a. A ṭawng duh vei phian leh nghal a,"Ka lawm lutuk a nia aw,i duh tak tak pawh ka lo ring lova,"a ti leh a. "A tak kan chang pha ve si lova,a lemah tal te chuan kan duh mai lohvin,"tih mai chu ka châk a. 

Mahse,ka in sum leh rih a,"Nia aaa ṭhiante tan chuan tih hreh ka nei hleinem,"ka lo ti ve mai a. Mercy chuan,"Mahse,ka ṭhiannu bulah chuan in ngaizawng angin kan awm a ngai nia aw,"a ti leh a,ka hun tawn mek hi a nuam tho a;mahse,a nawmdan hi a nuam lo. Ka sawi thiam lo,a nuam tho a;mahse,a nuam lo a ni mai,"I ṭhiannu kha a hming ka hre miah lo a nia aw,"ka ti ve thung a. Mercy chuan,"Eee ka la hrilh miah lo tak che,Hilda-i nihkha Da-i kan ti ṭhin a,"a lo ti nghal mawlh mawlh a,"Awii hei a nalh hlawm tawp,"tih pahin kawng sira secondhand vûm thur chu a ṭhut chilh a,a thing nghal mawlh mawlh mai a. Eng thuamhnaw nge an nih hlawm pawh ka hre lo e a,ngawi rengin a bulah ka lo ding a,"Enteh,hei hi ka inhmeh i ring em? A nalh e,"tih pahin kawr pakhat hi a rawn khai chhuak a. En pawh en lem lovin,"Aw a nalh lutuk,"ka lo ti liam puat a. 

Ani lah chu a hlim nasa mai si,"Kan ha chhin nge aw,"tih pahin a in a ha nghal mawlh mawlh a,a va hahthlak tak a hak tak tak pawh ka ring lova,"Min lo enchhin teh ka inhmeh ve tho em?,"tih pahin ka hmaah chuan a rawn ding a,"Khaia a chhing mah mah a nihkha,"ka lo ti vat a. Chutah a zuartu nu leh Mercy chu za lutukin an rawm nui hawk hawk a,"Awwii Mawla,crop top a nih hi. Crop top fual deuh a awm ngai mi?,"Mercy chu a nui hawk hawk mai a. "Ka hre lo lawm,a nalh lutuk nia,"ka lo ti leh mai a,Mercy chuan lungawi takin a kawr man tur pawisa chu a pe a,"Tikhan kan haw vang vang thei tawh e,"tih pahin a nui var var a. "Kha zawng kha maw i lei dawn a?,"ka lo ti leh a. Mercy chuan,"Imm tihian a tawk ni mai. E chuan,Hayder-a egg roll dawrah kan chawl dawn nia aw. Vawiin chu ka tibuai nasa che e mai,ka treat ang che,"a ti zui nghal ham ham a. Ka lo nui suk a,"Ni lo e keiman ka treat zawk ang che,"ka lo ti thung a.

Hyder-a egg roll dawrah chuan kan ṭhu lut ve vang mai a,egg roll leh lassi chu ka chah nghal a. Ani chuan coffee leh egg roll a chah thung a,kan ei zawh chuan kan ei man chu Mercy chet hma in ka lo pe fel vek tawh a. Mercy chuan,"Ka treat ang che ka tih kha,nge i lo pek thawt thawt a?,"a rawn ti nghal a. Hmeichhe in treat tir hi ka duh ngai lo hrim hrim a,"Ni dangah a ni mai,vawiin chu ka treat che nihkha,"tih pahin ka nui suk a. "Nihchuan,zanah i rawn leng thei,"a la ti zui a,"Nhaa ka ngam tawh teuh lo mai a,i nu ka hlau e a,"ka lo ti nghal vat a. A lo nui har har a,"A ho lutuk a hlauhawm loh e mai a,"a ti  nghal a,"Mahse,ka hlau tho sia chubakah phal lo chung chungin mi Inah tumah an leng ngai hleinem,"ka ti leh a. Mercy pawh chuan min chhan ngaihna a hre tawh bik lo,"Nih lo leng leh lo mai rawh,"a ti zawi sap a,ti ti dang vawrh in thu dang ka sawi pui ta daih a.

Pathanni tuk a ni a,ka pa chuan chhung inkhawmnaah hun a hmang a. Bible chang a chhiar zawh hnuah,a duhtawkin min han zilh mai chu(h) pui tak a ni. In khawm lova ruih nilen ka tum nen,a theih dawn ta lo a ni. A chhan chu,ka pa in inkhawm loh a phal tlat si lo phur lo zetin inkhawm tur chuan ka insiam ve leh ta nge nge a. Mahse,chawhma bak chu inkhawm ka tum lo bur chawhnuah ka rui tho ang ti rilru chungin ka inkhawm ve ta a.

Inkhawm ban veleh rang fahranin ka haw a,chhungte dang an rawn haw hma in ka inthlak sawk sawk a;ka ṭhiante bula kal turin thlanmual lam ka pan thla leh nghal hlawk hlawk a.

Thlanmualah chuan Mawia leh Jo chuan min lo nghak reng tawh a,"I rawn thleng ve thei maw? Nimin lam report kan hre chak tawh teh mai a nia aw,"tiin Mawia chu a lo nui nghal vur vur a. Jo chuan,"I rawn thlen hma chu zu pawh kan lo la in lo a nia aw,"a lo ti ve bawk a. Kan ṭhu rem ve te te a,Mercy nen kan hun hman dan chu ka hrilh nghal mawlh mawlh a. Mahse,Ricky te nen kan in bauh dan erawh ka sawi duh lem lo;a chhan chu,an thinrim leh dawn sia,naktuk maiah kei ka kalbo daih dawn si buaina hi awm tawh lo se ka duh a ni. 

"A bialpa lem chauh maw i chan tawk ni a?,"Jo chu a chek tlal tlak mai a. Mawia chuan,"Heiham i zei loh dan em em hi aww,"a lo ti ve bawk a. "Aaaa a ho e mai,bialnu neih hi ka tilthenna lam a ni vak lo a niang,"tih pahin ka meizial chu ka ṭan nghal a. 

Jo leh Mawia chu an lo nui dun hak hak a,"Nia bialnu neih pawh hi a ho e mai. Kan ruih hlekin min hau a,inṭhen an cho âr reng zel mai a. A buaithlak,keini pawh kan im break leh daih tawh,"Mawia chuan a rawn ti a. "Ekhaii in va in break leh hma si ve a,"ka lo ti vat a. Mawia chuan,"Nia ka rui ngun thei lutuk a,hman niah 'Keimah nge zu i duh?'tiin min zawt vel a,ZU tiin ka chhang a min ṭhen daih a lawm,"tih pahin a nui hak hak a. Jo chuan,"A ho e mai bialnu neih aichuan ruih hi a nuam fe zawk. Hmeichhe chhe lo deuh kan hmuh leh 'A chhe lo hle mai'ti ila,thlir liam i la a tawk chiah,"a lo ti ve bawk a. Mawia chuan,"Eng pawh ni se,in phawt ang u,"tih pahin a jumper ipte aṭang chuan dispo cup hi a rawn phawrh a,a thli nghal mawlh mawlh mai a.

Chawhnu lam dar 2.00pm velah chuan kan kai ṭha tawh khawp mai. Mahse,pawi ka ti lo naktukah ka pi te khuaah min thawn bo dawn tho a lawm. "I awm loh daih chuan kan va kim awm lo ve,"tih pahin Jo chu a rawn khi sûng mai a. "A rei dawn hleinem Bawiha,ka mark ka ti ṭha phawt a nga. Ka rawn let leh vat dawn lawm,"tiin kan hnêm ve bawk a. Mawia lah chu a rui lungpuam tawh nen,"Bawiha,i awm loh daih chuan engtinnge ni ang? Ka ngai dawn che sin,"a rawn ti a,a ṭap nghal hluam hluam mai. Jo lah chuan a lo nui ṭiah ṭiah a,"Heyy nang kha tinge i ṭah a? Mipa i ni lo mi a? Ṭap tawh suh,"tih pahin a hnungah chuan a chûl sak heuh heuh a. 

Ka nu in min rawn call leh ta,ka chhang dawn nge dawn lo aw ti a ka in ngaihtuah mek laiin ka û te ka hmu hlawl mai. 

Zualtei thlan tlawh an lo tum chu niin,Zualtei nu leh a nau 1 nen an rawn in zui thla a. Kan awmna chu Zualtei thlan aṭang chuan a hla vak lo khawp mai,ṭawng pawh a in hriat theih vek. Ka û chuan mij rawn hmu rang kher mai,"Mam,tah khan law i lo awm leh tawh a? Ka nu in a zawng nasa lutuk che sin,"a rawn ti a. Engmah ka sawi lo,ka ṭhiante 2 ang em em chuan ka la rui chhe lo. Mahse,ka lu erawh a na ve veng veng mai,"U Mawite,Bawiha hi thawnbo lo mai u la. A awm loh chuan ka ngai dawn sia,"tih pahin a ṭap leh hluam hluam a. Ka û chuan min rawn pan a,"Mam,haw mai teh u,a zahthlak thei e mai,"a rawn ti sar sar a. Jo chuan,"Nia haw mai ang u,Bawiha nang pawh ṭap tawh lo la,"tih pahin Mawia hnungah chuan a beng thak thak a. Ka û chuan,"Ni e haw tawh rawh u,hei a tlai tawh si. Mam,ka nu chu ka lo be mai dawn nia aw,"tiin min hnar haw thei hram a.

(Zanin chu a tawi deuh maithei a,min lo hrethiam dawn nia aw. Buai chung chunga ka ziah a nia,ka ziak thui hman hlawl lo a ni.)

[23/03, 07:52] Rs Thangluah: 

*KA LEI VANTIRHKOH*

BUNG-10 NA

By:- *Rs Thangluah{Remz}✍🏻*

Thawhṭan zing a ni a,phur lo zetin ka khum aṭang chuan ka tho chhuak a. Ka thuamhnaw vel chu ka nu in a lo pack fel diam tawh a,sana ka en a zing dar 7.00am a lo pel tawh a. Phur lo zetin in phih fai turin bathroom lamah chuan ka lut phei nghal a,ka pian a hnu lama ka thil tih tur a ka phur loh ber ṭum a la ni ngei ang.

Chaw eikhamah chuan ka nu chuan ka pa office kal tur chu a thlah liam a. Keini pawh sumo counter lam pan turin kan inbuatsaih ve ta,ka nu chuan taxi a ko a. Kan bungrua te kan hlan vel hnu chuan Sumo counter lam pan chuan kan duk chhuak nghal zur zur mai a. 

Ka nu chuan min rawn melh leh zauh ṭhin a,a tellova hmun hrana ka awm vawikhatna tur a ni a min lainat ve tih chu ka hre reng. Mahse,in ti pachang takin ka awm hram hram a ngai a ni,ka nu chu ka en a za vak lo hian min lo nuih suk a.

Rei lo te hnuah Sumo counter pawh kan thleng ta,taxi aṭang chuan kan bungrua te chu kan hlangthla zung zung a. Sumo counter lo nghaktu nu bulah chuan ka nu chu a va in report nghal vat a,counter nghaktu nu chuan,"1 chiah nghah kan nei tawh e. A tlanchhuah theih ṭep tawh aw,"a rawn ti lâng lâng a. Ka nu chu ka bulah a ding a,"Ei tur i duh em?,"a rawn ti a,"Ka ril pawh a la ṭam vak lo,engmah ka ei chak lo. I duh leh ei la,"ka lo ti a. Ka nu chuan,"Khilaia thei den khi ka ei chak lutuk a,ka han lei a nge aw,"tiin kal mai a tum a. 

Mahse,ka lo pawt ding vat a,"Nu,tikhan lo awm rawh ka han lei a nge,"tiin ka kal nghal a. Theiden chu pack 2 ka han lei a,ka nu chuan tui ti takin a ei nghal mawlh mawlh a,ka lo hlim veng veng mai. Ka nu hlim taka a awm hi chuan ka hlim ve ṭhin;mahse,tinge keimah leh keimah hi ka inthunun zawh tlat loh ṭhin le? Ruihtheih thil ka khawih loh lai kha chuan ka nu kha a hlim ṭhin a sin;mahse,rei lo te hnuah a ngai te bawkin ka rui leh a zanah lah nise rei tak tak thlengin ka leng a. Class pawh ka kal peih tawh lova,ka chawl reng bawk a. Khang hun lai khan ka nu kha a rilru a lo van hah awm ṭhin tak;mahse,kei hian ruih a lenkual vel mai mai kha nuam ka ti em em thung si.

"Leeee passenger ho kha lo lut khawm tawh u la,kan kal thei tawh a nia,"tiin Sumo driver chu a rawn âu lauh lauh a,keini nufa pawh chu Sumo chhungah chuan kan lut ve nghal a. Rin aiin kan tlem a,kan vaiin passenger chu 5 chiah kan ni. Mahse,a nuam daih zawk,keimah leh driver chiah chu mipa kan ni a. A bak chu hmeichhia vek an ni,ka nu nen nutling 3 an awm a hmeichhe 1 chu keimah ang rual vel a ni. Ka nu nen chuan a hnung ber seatah kan ṭhu dun a,midang 3 te chu a driver hnung seatah an ṭhu thung a. Han ṭawng bawrh bawrh chi kan awm lo bawk a,kan ngawi dâk hlawm a. Thui fe kan tlan hnu chuan driver chuan Sumo chu a ti ding ,"Awle tunge ṭawngṭaina hmang dawn le?,"a rawn ti a. Kan hmaa ṭhu nu 1 chuan,"Keiman ka lo hmang a nge aw,"a lo ti vat a,ṭawngṭaina te kan neih zawh hnu chuan kan tlan chhuak leh nghal a.

Kan ngawi rei tawh bawk a,driver chuan ngawi rei min ti deuh a ni ngei ang,"In va ngawi ve a,in rui em? In ruih chuan sawi hreh lo u la aw,"a rawn ti a. Ka nu chuan,"Mut a chhuak lutuk a,kan ṭawng peih hlawm lo a niang,"a lo ti vat a. Driver chuan,"Nia ka hnung a mi te ho pawh hi an mut a chhuak a ni ngei ang,an ngawi thei e mai,"...,"E..Mama,hla nalh deuh deuh i nei lo maw? Ka phone hi a chhia a,i hla lo play i la,"a rawn ti a. Ka phone chu ka phawrh a,ka pe thla nghal a,"Dinte,lo connect lawk mai ta che aw,"tiin Driver chuan a hnung a ṭhu hmeichhia chu ka phone chu a pe a. Driver chuan,"Lo play nghal mai teh a,"a tih zawm leh nghal zat a. Chu nu(Dintei) chuan,"Iiih pattern ka hre lova,"a rawn ti a,"A chungah khan thai phei la,thai chhuk leh tawp a ni mai,"tiin ka lo hrilh mai a. Ka hrilh ang chuan a ti ve ngei a;mahse,"Music player ka hmu miah lo,"a rawn ti leh a. Ka hma zawna ṭhu a ni bawk a,ka zu awm hnai a ka zu hrilh leh a,"Tikhan i duh duh kha play tawp mai rawh,"ka ti a,ka ṭhutna nghenchhan ngheng chung chuan ka chhing nghal duar duar a.

Mizo hlaa ka duh ber mai leh ka ngaihthlak nin theih loh, *A rem lul lo* tih hla Lalhungchhungi hla chu a rawn play hmasa ber ta. Driver chuan,"He hla hi chu aww kan tlangval lai min ti hrechhuak ṭhin,"a rawn ti ve ngei a. Nutling pahnih te pawh chuan,an duh thu leh nalh an tih thu an rawn sawi ve liam liam a. Ka nu erawh a muhil tui tawh khawp mai,kei erawh chuan ka rilru mitthlaa Mercy ngaihtuah chungin mit chhing diar diar chungin zai chu ka lo ngaithla ve thung a.

"Bawiha,i lo muhil ve hman a ni maw? Thil ei i la,rawn chhuk la,"tiin ka nu chuan min rawn sawi harh a. Dintei chuan,"Hei i phone aw,"tiin ka phone chu min lo pe vat bawk a,a hmelṭha reuh phian mai a. Sumo aṭang chuan kan chhukthla ṭak ṭak hlawm a,thingpui dawrah chuan thil ei turin kan lut hlawm a. 

Ka nu chuan,"I pi te khuaah i vawikhat kalna tur a ni sia,passenger leh driver hi vawiin chu i treat a ngai ang,"a rawn ti sar sar a. Ka lo nui mai a,ka nu bawk chuan,"Ka fiamthu lo nia aw,i pa pawh kan khuaa a rawn kal hmasak ber chuan passenger leh driver a treat vek a sin,"a ti leh a. Ka nu chu ka en a,a ti mai mai lo a ni tih ka hria a,"Awle nu,ka hria e,"ka lo ti vat a,ka thil ei chu ka ei vat vat a. Dawr neitu pa bulah chuan ka va kal a,"Ka pu, AMAWII Sumo passenger ho leh driver hi ka lo treat ang aw,"tiin ₹500 note 2 chu ka pe nghal a. Chu pa chuan ring leng lawng hian,"AMAWII Sumo a chuang ho zawng zawng leh driver khan, ei man min pek a ngai lo ang aw. Hei tlangval fel takin a treat che u nia,"tiin a âu lauh lauh mai a. Driver chu a rawn kal rang ngei mai,"Mama,a ngai lo a sin keiman ka lo treat zawk ang che u,"a rawn ti vat a. Mahse,ka remti bik tlat lo,"Ka naupang zawk a,hei chu ka tih tur zawk a lawm,"ka ti ve tlat a,Driver pawh chuan min hnial bik ta lova. Passenger dang ho pawh chuan lawmthu min hrilh liam liam hlawm a.

On

"Awiii fapa i lo nei reng tawh e law,a fel em em mai leh nghal. I vannei hle mai,"tiin ka nu chu an lo ti ti pui malh malh a. Ka nu chuan,"Aaa chutia mawn le,fapa neih chhun tih takah kan duat ve teh mai a nia,"a lo ti ve bawk a. Ka nu te ti ti liam liam lai chu ngawi rengin ka thlir reng lai chuan,"Saw saw i nu mi?,"tiin Dintei chuan min rawn zawt ve hlawl mai a. Ka phu deuh zukin ka hria,"Aw ni e tinge a?,"ka lo ti vat a. Dintei chuan,"A hmelṭha ka ti e,"tih pahin a lo nui var var a. "Chutia mawn le,i va ti lawmawm ve. Nihchuan,an ni 2 zingah sawn khawi zawk nge i nu?,"tiin ka zawt ve nghal a. Dintei chu a kun lap a,"Nu ka nei tawh lova,"a rawn ti zawi sap a,ka van zawt sual chiang tak em! A pawi lutuk,"Awwh ka tihpalh lutuk,pawi ka ti lutuk,"ka ti nghal mawlh mawlh a. Dintei chuan,"A pawi lo a nia,a ho lutuk. I hriat loh vang a nihkha,"tiin nui sâng chungin min rawn en a,a mit meng mawi zia chu ka sawifiah thiam lo zawk.

Thim thet thet unau hmel hai hun awm velah ka pi te khua chu kan thleng ta a. Ka rin aiin a lo nuam daih mai a,Dintei In bulah chuan kan ding a,Dintei chu a chhukthla nghal vat a. In chhung lam aṭang hian naupang kum 6 leh kum 9 mi awm vel hian,"Yess aû a lo thleng tawh,"tiin an rawn tlanchhuak a,an rawn kuah nghal chung chung a an hmuhnawm hle mai. Driver chuan,"Mama,min rawn pui lawk mai aw,"tiin min rawn ko a. Sumo chhung aṭang chuan ka chhuak ve nghal a,Dintei bungrua vel chu kan hlangthla nghal mawlh mawlh a. Dintei bungrua vel chu TV leh Laptop niin ka hria,a bak chu thuamhnaw vel a ni. An In pawh a nawm hmel khawp mai,lawmthu te min hrilh zawh hnu chuan muttui tiin kan in thlah a kan tlansan leh ta rih a.

"Dintei hi chu a fel in a puitling ve ngawt mai. A nu khan a dam rei pui lo lutuk hi chu ka lainat ṭhin,a pa lah hian a rawn ngaihsak si lo,"tiin nu 1 chuan a rawn sawi nghal bawrh bawrh a. Driver chuan,"Ni e a fel ngawt mai,tikhan a nau te 2 leh a pu a enkawl chu a ni sia. Mipa tam zawk hi chuan kan tluk miah lo ang,a nu boral hnuah a pa in nupui an neih san te kha aww. Ka khawngaih ṭhin a sin aw,"a lo ti ve bawk a. Ka nu chuan,"Awii in sawi takah chuan kha nau kha,Matluangi fanu kha em ni?,"a rawn ti ve leh tlai khawhnu a. Nu 1 chuan,"Aw ni e a fel in a puitling a sin,class-x kha inhlawh chawpin a pass ve a. A nau te ho school fee tur leh ama school fee tur a thawh chhuah a ngai si a,a pa lah chuan hmun dangah nupui a neih san daih mai bawk si a. Mahse,Pathian hian a kalsan ngai lo a nih hi,Matluangi kha Pathian ṭih mi tak a ni bawk a. A fate hian Pathian malsawmna chu an dawng chho mawlh mawlh ni ber in ka hria,"a rawn ti ve leh a.

Ka pi te In chu kan thleng ve ta reng mai. Naupang 3 an rawn tlan chhuak nghal a,an sawi ber pawh ka hre chiang thei lo. Ka hriat chian ber chu,"Aní te an lo thleng e,"tih a ni,Driver nen chuan kan bungrua vel chu kan hlang thla a. Kan hlan thlak zawh chuan,kan in thlah fel a min tlansan ve leh ta rih a.

Ka pi chu kum 13 vel ka nih lai khan ka hmu tawh a,a bak chu thlalak a ka hmuh a ni leh mai. Ka rin aiin a lo la nula a,"Bawihte,i lo van lian tawh ve a. Tlangval i ni ve tawh a nih hi,"tih pahin a kut zur ve deuh reuh tawh chuan ka hmai vel chu a rawn chûl a,ka samah min chûl leh a,"I pa i chhun hle mai,"tih pahin a nui a.

[23/03, 07:52] Rs Thangluah: 

*KA LEI VANTIRHKOH*

BUNG-11 NA

By:- *Rs Thangluah{Remz}✍🏻*

Ka pi te In chu a nuam khawp mai;mahse,signal erawh a ṭha vak lo a nih hi. Jo leh Mawia te chu ka text nghal a,ka pi te khua kan thlen tawh thu te ka hrilh a. Ka nu pawn ka pa a be nghal bawk a,khawpui boruak aiin thingtlang boruak chu a lo nuam zawk daih a nih hi. Zanah motor tlan thawm bengchheng lutuk leh zu rui buai thawm hriat tur a awm lova,a nuam khawp mai.

Ka pa khan ka nu chu zan 1 chiah cham turin ti mah se,ka pi ten an lo ngâi ve bawk nen zan 1 lek châm chu an phal lova. Kar 1 vel châm turin ka pa chu an hal dil leh a,ka pa pawh chuan a lo rem ti ve nghal mai a ka lawm khawp mai.

Ár khuang âl âl chuan min ti harh a,sana ka bih nghal vat a. Zing lam dar 7.00am a lo pel thuak tawh mai a,ka in perh tho rang ngei mai. Ka mutna bul tukverh chu ka hawng nghal a,zing kar boruak thiang kuk mai chu ka hîp vang vang a,a van nuam tak êm! Ka pi chuan kawmcharah ar chaw a lo pe a,an lo chiar nak nak hlawm a. 

Choka lamah chuan ka nu leh ka putea nupui chuan eirawng an lo bawl malh malh a,"E i rawn tho ve tawh maw? Nizan lam te i mutui em?,"ka putea nupui chuan nui sângin min lo bia a. "Imm ka mutui khawp mai,mumang pawh ka nei miah lo,"ka lo ti a. Ka nu chuan,"Va in phih fai la,i naute kha school ah hruai an ngai a nia. I putea a khuasik sia,i hruai mai a ngai dawn nih kha,"a lo ti nghal a. "An school awmna ka hre si lova,"ka lo ti vat a. 

Ka nu chuan,"In phih fai vat vat la,chaw ei hma in kan 2 in kan kal hmasa dawn lawm,"a lo ti leh a. Ka putea nupui chuan,"Scooty ka khalh thiam ve si lova,vawiin chu i putea ai i awh mai a ngai dawn ni mai,"a lo ti ve bawk a. "Nia,pawi hleinem scooty khalh te chu ka thiam lutuk a lawm,"tih pahin in phih fai turin bath room lamah chuan ka lut nghal a.

Chaw ei hma in ka nu nen chuan ka nau te school lam pan chuan kan in phur chhuak ta a. Ka nu chuan,"An school hi a hla ve reuh lutuk a,ke a han in hruai mai mai na chi pawh a ni lo,"tiin kal kawng chu min hrilh pah zel a,ka rin aiin a lo hla ve zek a. Mahse,a hmun chu duhthusamin a nuam thung. Naupang infiamna hmun tur hmun âwl zau tak a awm mai bakah,a hmun chu a fâl ṭha bawk a a nuam reuh khawp mai.

Ka nu nen chuan kan in phur let leh nghal a. Ka nu chuan awmdan tur min hrilh nasa khawp mai,"I pi hi duat viau ang che aw. Tin,naupang ho pawh hi duat la,an nêl theih nan che tlangnêl takin be ṭhin la. I pitei hi zah bawk la,kumah chuan in inrual vel maithei. Mahse,i putea nupui a nih angin i zah tur a ni. A hmuh laiin meizial pawh zu reng reng suh ang che,naupang ho bulah phei chuan zuk loh tawp tur. I putea pawn an hmuh laiin meizial a zu ngai lo. A chhan chu,zuk leh hmuam a ti ngai lova mi fel tak a ni bawk. I putea pawh hi zah viau ang che,chhungkuaa mipa awmchhun a ni a i zah thiam tur a ni,"tiin haw kawng tluanin awmdan tur min hrilh char char a,ka ning hman ṭep a ni.

Zing chaw eikhamah chuan naupang 3 harh hmel zet zet chu school kal turin an in peih diam tawh a. An kal hma in a nu chuan choka ah a ko lut a,an ṭawngṭai thlap a. 

An ṭawngṭai zawh ah an school lam pan chuan kan in phur chhuak ta a. A te ber chu a hmaah a ding a,a lian 2 te erawh chu a hnungah an chuang thung a. A tê ber chuan,"Aû,kan school chu maw a nuam rap mai. A zau bawk si,kan infiam nasa thei lutuk,"tih pahin a nui vur vur a. "A ni maw? Ka infiam ve in phal em?,"ka lo ti ve vat a. Ka nau chuan,"Aih sir te chuan lian deuh deuh infiam an phal lova,"a lo ti leh a,kan nui dar dar hlawm a. 

A tawp a tawpah chuan school chu kan thleng ve ta. Naupang dang pawh an lo awm ṭeuh tawh hlawm a,an ri nak nak hlawm mai. Ka nau hruaite pawh chu scooty aṭang chuan an chhuk thla ṭak ṭak a,"Aû,tlaiah min lo lam leh dawn nia aw,bye2,"tih pahin gate lam pan chuan an kal phei nghal a. "Awle fel deuhin awm tur aw,bye2 u le,"tiin ka kalsan ve nghal a. 

Thui fê ka tlan hnu chuan hmeichhe 1 leh naupang 1 rawn in kai det det hi ka   hmu a,an bul hnai ka thlen a ka hmuh chian hnu chuan Dintei te an lo ni reng mai,"Dinte,i nau i thlah dawn mi?,"tiin ka zawt nghal vat a. Mak tih hmel takin min en ho mai a,"Aaa aw thlah dawn e,nangmah ni maw? Khawnge i kal a?,"a lo ti ve nghal vat a. "Kei pawh ka putea fa te ka thlah a,lo kal ru ka va thlah ang che u,"tiin ka sana chu ka bih zauh a,rin aiin a lo tlai tawh a. "Aaa a ngai hleinem,kan thleng ṭep tawh tho lawm,"tiin Dintei chu a lo tlawmngai ve bawk a;mahse,tuna kan awmna aṭang chuan school chu a hla lutuk tih ka hre ve reng sia,"Hei a tlai tawh si,lo kal rawh u. Ke a in kal chuan in tlai palh ang,"tiin ka sawm lui tlat a,a tawp a tawpah chuan a nau nen chuan scooty ah chuan an rawn chuang ve ta hram a. 

School lam pan chuan kan in phur phei leh nghal a,school kan thlen chuan Dintei chuan a nau chu a kuah a,"Bawihte,ṭha deuhin awm la sir te thu awih la. Ṭha lehkha zir tur aw,tlaiah ka lo hruai leh ang che aw,"tiin an in thlah liam ve ta a. Dintei chuan,"Ka lawm lutuk a nia aw,haw lam chu ke in ka rawn haw phei mai ang. Min kalsan tawh mai rawh,"tih pahin a rawn nui sâng a. "Aih ni love in In thleng kan in phur phei leh dawn nia. Ke a i kal chuan i hah lutuk palh ang,lo kal rawh,"ka ti ve thung a. "Aaih a ngai lo ka tih chu,ke a kal te chu ka ti ṭhang a lawm,"a lo ti leh a. Scooty chu ka stand sauh sauh a,"Rawn kal mai mai teh,a nih loh chuan i hmaah hian ka ding reng a ni mai aw,"tiin a hmaah tak chuan ka ding ran mai a. A zâm nge a lai zawk pawh ka hre lo,nge min hlau zawk ni? Melh pawh min melh ngam tawh lova,ngawi rengin a ding khawng lah mai a,"I rawn kal dawn em?,"ka ti leh . "Aww aww dawn e,"a lo ti vat a,scooty awmna lamah chuan kan phei dun a. Scooty chu ka ti nung a,khaw chhung lam pan chuan kan in phur phei leh a.

Dintei te In bulah chuan ka ding a,"Naupang lam dawnah ka rawn sawm thla ang che aw,min lo nghak ang che aw,"ka ti nghal vat a. Dintei chuan en pawh min en lovin,"Awle awle,"tih pahin an In chhungah chuan a lut nghal vat a. Nui var var chungin,ka scooty chu ka ti nung leh a ka pi te In lam pan chuan ka phit chho leh fua fua mai a.

"Bawiha,i putea a khuasik sia vawiin chu min pui mai teh aw,"ka pitei chuan a rawn ti a. Ka nu pawh chuan,"Eeee a ṭulnaah chuan chhawr bawrh bawrh rawh. Tih tur dang em em a awm chuang hleinem,"a lo ti ve bawk a. Pitei chuan,"Han awm hahdam deuh phawt la,nimin lama i putea nen kan thil tih zawh loh min hah tihpui dawn nia. Scooty hi ka khalh thiam ve si lova,khalh thiam ve i la chuan keimah pawn a harsa lo maw le,"a ti leh a. "Kal i duh hunah min hrilh dawn nia,ka ṭhianpa kan be lawk aw,"ka ti a,room lamah chuan ka lut nghal daih a. Jo chu ka call nghal a;

"Aw Bawiha,"

"Nge i tih a?,"

"Vawiin chu engmah ka ti lo,ka awm mai mai. Engnge i tih zawk a?,"

"Naupang school ah ka thlah zo chiah a,nakin deuhah hna kan thawk ang. Tunlai Mercy chanchin i hre mial em?,"

"Eee ka hrilh ang che ka tia,ka lo theihnghilh zel a.  Hmanni chu i chanchin min zawt ve hlawl mai,"

"A ni maw? Engtin?,"

"Reh a ti deuh che niang,"

"Huh a ho lutuk reh min ti ve mai mai teh se. Ka awmna chu hrilh rih suh aw,"

"Aw hrilh lo ang,i awmna chu a nuam maw?,"

"Aw nuam lutuk,ka beisei aiin a nuam,"

"A ṭhat nasat chu keipawh kar leh ah gospel camping ah lut turin min ti a. Ka peih loh zia chu a,"

"A ṭha lawm lut ngei ngei ang che,"

"Awm ve tal la chuan a zia deuh tur a nia. Mawia hi luh a tum bawk si lova,"

"A ho lutuk lut tawp la i lut a ni mai,"

"Heh nia chhungte thu hnial reng pawh hi a nuam chiah lo,"

"A dik chiah lawm,nih kan duhtawk phawt mai dawn mi? Hna thawh ka ngai bawk sia,"

"Nia ṭha deuhin i thawk dawn nia aw,"

"Awle nihphawt aw,"

"Nih le,"

Ka pitei chuan min lo nghahhlelh hmel tawh khawp mai,nui vur vur chungin,"Ṭhianpa lo deuh i bia a ni chiang mai,"a lo la ti zui. "Nhaaa teuh lo lutuk,ka ṭhianpa lawm,"ka lo ti nghal vat a. Ka nu chuan buh thlei mawlh mawlh pahin,"Kha i pitein a nghak rei tawh lutuk che,han tih pui vat vat rawh. Naupang hruai tur i la nei bawk si,"tiin min lo tur ve chhen bawk a.

"Pite,lo haw lo la kei aiin i upa vak bik lo tiraw?,"ka ti ve tawl mai a. Pitei chu a lo nui var var a,"Nia kan inrual in ka hria. In chhungah chuan pite tiin min ko la;mahse,pawn lamah chuan i duh leh ka hmingin min ko mah la a pawi lo a nia,"a lo ti vat a. Hna thawh tur chu a thawk nghal mawlh mawlh a,"Nhaaa ka putea nupui i nia,ka pitei tur i ni lawm. Ka pite ka ti char char ang che,"tiin a tih dan entawn chung chuan ka thawk ve nghal bawrh bawrh a. 

Chawhnu lam dar 12.30pm pelh hret ah chuan ka naute hruai tur chuan ka chhuak leh ta a. Dintei te In bulah chuan ka ding a,an verandaah chuan ka lawn chho a. An kawngkhar chu ka kik karh karh a,In chhung lam aṭang chuan an rawn hawng nghal a,"Lo lut rawh engnge i duh a?,"tiin putar 1 hian min lo chhawn vat a. "Ka pu,Dintei a awm em?,"ka ti nghal a. Putar chuan,"Aw awm e lo ṭhu rawh,a inbual zo chiah a a inthlak lawk a nihkha,"tiin ṭhutna tur chu min lo kawhhmuh nghal zung zung a. Ngawi rengin ka ṭhu ve mai a,Dintei te In chu lian vak lo mah se,a faiin a nuam khawp mai. 

Rei vak lo hnuah Dintei pawh room aṭangin a rawn chhuak ve ta,"Awwi min rawn sawm tak tak law? Min lo nghahna a rei tawh em?,"a lo ti nghal zung zung a. "Aih rei love ka rawn thleng ve deuh chiah a nih hi,"ka lo ti ve mai a. 

Dintei pu chuan,"Mambawih,i ṭhianpa mi a?,"tiin a zawt a. Dintei chuan,"Aww Pu,ka ṭhian thar a nih hi. A fel lutuk a sin,"tiin nui var var chungin a rawn chhang a. Dintei pu chuan,"A nih tak chu tlangval tunge i hming ni reng reng a? Ka vawikhat hmuhna che niin ka hria,"tiin ka hming min zawt nghal a. "Ka hming chu Lalrammuana a nia. Aww in khuaah hian ka vawikhat rawn kal na a nia,"tiin ka lo chhang ve vat a. Dintei pu chuan,"Tu te bulah nge i in nghah a? Tu te nge i chhungte?,"tiin min zawt leh a. "Ka pi chu Pi Rokhumi a nia. Ka pu chu Pu Zachhung a nia,an bula awm rih turin ka rawn kal a. Mahse,ka pu chu a boral tawh a,"tiin ka hrilh ve malh malh a. Dintei pu chuan,"Awwkhai a nihchu,Pu Zachhunga te chu kan khaw pasalṭha ṭhin a ni a. I pi pawh kan khaw nula hmelṭha a ni ṭhin a lawm,i nu chu Zonunsangin a nih ngei dawn chu,"a rawn ti ve leh a. "Aww ni e,an fapa neih chhun ka ni ve a,"ka lo ti leh vat a. Dintei nu chuan,"Eeee i pu i chhun a ni ngei ang,i palian e mai,"a ti leh vel a,kan nui hak hak hlawm a.

"Engtinnge ka hming i hriat a?,"tiin Dintei chuan min zawt ta ngei mai. Ka lo nui ringawt a,"Mawwh min hrilh teh,"a ti leh a. "Zanah rawn len i phal chuan ka hrilh ang che,"ka ti duh chauh mai si. "I van sual tak zanah chuan ka nau te lehkha zirtir an ngai a lawm,"a lo ti vat a. "Nihchuan,ka hrilh dawn lo che,"ka ti leh hmak a. "Hmmp...sual e mai,pawi lo i hming ka hre tawh tho,"a rawn ti ve hmak a. Leng tur chuan min sawm duh bik miah lo nia,bialpa nghet a lo nei reng zawk mawn le?

Zanah chuan pitei chuan naupang ho chu lehkha a zirtir a,ka putea erawh a la mu reng thung a. Ka pi leh ka nu chuan TV an en a,kei erawh chuan phone ah game ka khel thung a.

Zanah engmah ti lova Ina awm ngawt ngawt chu a khawhar thlak ve det mai. Mahse,ṭhian ka la neih loh vangin Inah ka la tawm ve mai mai rih a. Mut pawh ka mu hma thei khawp mai.

In lamah chuan ka pa pawh a lungleng ve tawh a ni ngei ang. Ka nu chu a rawn chah chhen tawh mai a,Mondaya haw tura inruahman kha a ni a. Ka pa in a rawn biak reng takah chuan Saturday-ah haw turin thu an ti tlu leh ta zawk a.

[23/03, 07:52] Rs Thangluah: 

*KA LEI VANTIRHKOH*

BUNG-12 NA

By:- *Rs Thangluah{Remz}✍🏻*

"Ka thusawi kha vawng reng ang che aw,fel deuhin awm la i pa pawh i lakah a lungawi ve mai ang,"tiin ka nu chuan min chah leh mawlh mawlh mai a. Ṭhian ka la nei vak si lo,ka hmelhriat awmchhun lah chu Dintei a ni mai si. Ani lah chu ka be ṭha ngam vak bik bawk si lo,ka nu haw tur chu ka huphurh ru ang reng khawp mai a. Mahse,mipa ka nihna angin pâ taka awm chu ka tum ve tlat a ni. Ka nu chu ka kuah a,"Nu,lungngai suh ka pi te thu ka awih a nga fel deuhin ka awm dawn lawm. Krismas hunah pawh ka rawn haw duh tawh lo maithei a ni,"ka ti fiamthu nghal hlut a. Ka nu chuan,"I duh phawt chuan i pi te bulah chuan krismas chu i hmang thei a lawm,"a lo ti vat a. 

Sumo chuan kawt aṭangin horn a rawn pe tuarh tuarh tawh a. Ka nu bungrua chu ka khai chhuahpui a,a vawikhatna atan ka nu chuan hmun danga hun hmang turin min kalsan ta. Sumo chu a tlan liam thlengin ka thlir a,ka nu chu ka ngai khawp mai. Ka hnuk te chu a rawn ulh velin ka hria;mahse,nu te ngaia ṭap rual ka ni tawh lo tih ka hria. Ka pitei chuan,"I lung a van leng dawn ve aw. Lo kal teh vawiin chu tih tur em em pawh a awm chuang lova,naupang nen ka nu te In lamah ka len harhpui ang che,"min lo ti a. Pitei hi chu a fel ve ngawt mai,tih tur ṭul ang ang kan tih zawh hnu chuan leng chhuak tur chuan kan in zui chhuak diah diah hlawm a.

Pitei nu te In chu ka vawikhat kalna a ni a,a nuam reuh khawp mai. A chhungte ho pawh chuan min lo lawm thiam hlawm khawp mai. 

Pitei chuan,"Naktuk Sunday a ni sia,inkhawm te a duh ve awm sia. Ṭhian a la nei si lova,Mama nen hian in hmelhriat ve se ka ti deuh a,"a ti nghal bawrh bawrh a. Pitei nu chuan,"Eee Mama nen chuan an in kawm tawk lutuk ang chu. Room-ah a awm a,mate roomah i pu Msa va ko ta che aw,"tiin Duata chu a tir nghal a,Duata pawh chu a tlan rang kher mai.

"Hei i unaupa thar tur a nih hi aw. Naktuk inkhawm turin lo nghak ang che aw,kan lo sawm chho ang che,"a ti a,min in hmelhriat tir nghal a. Msa pawh chu a fel khawp mai,min be nghal bawrh bawrh a. Min tih tlangnel dan a thiam khawp mai.

Zanah chuan TV en pahin ka online mai mai a. Ṭhiante 2 lah chu an reh vang vang mai si a,biak tur an vâng khawp mai. Kar 1 lai rui lovin ka awm ve ta,meizial tak ngial pawh ka zu lova tlem chuan ka ning ve deuh. Chhuanlam tur ka ngaihtuah nasa ngang mai,a tawpah chuan ka ngaihtuah chhuak thei ta,"Pite,Jio signal hi a ṭhatna lai bik a awm em? Inah hi chuan a muang lutuk a,ka online hleithei lo,"tiin ka chhuanlam neih chu ka phuh chhuak ve ngei a. Pitei chuan,"Kawmchhak tlangah khian a ṭhatna lai chu a awm ang. Mahse,keichu Inah pawh hian a chak ṭha khawp a sin. Nakinah a rei a nga,a chak ve mai ang chu maw. I duh leh han chho chhin la;mahse,rei lo la aw,"a lo ti nghal vat a. Putea chuan,"Biak tur hmanhmawh thlak deuh a nei a ni ngei ang,"tih pahin min rawn nuih vur vur a. "Nhaaa i ho e mai aw,ka kal aw. Ka rei lovang,"tih pahin ka chhuak nghal a. 

Ṭhenawm dawrtêah chuan ka lut nghal a,Farstar loose ₹5 man leh Dildar pack 1 ka lei a. Kawmchhak tlangah chuan ka chho nghal a;mahse,ka lighter ka ak chhuak miah lo. Ka van â ṭhin tak e aww,dawrah chuan ka chhuk thla leh a;mahse,pitei a lo awm si. Engtinnge ka tih ang le? Dawr nghaktu nu chuan,"Aww engnge i duh?,"a lo ti nghal vat a. Pitei chuan,"I hmang zo tawh mi a?,"tih pahin a lo nui var var a,"Aih hmang zo love,ei tur ka lei lawk dawn a,"tih pahin ka lei tum loh loh te chu ka lei phah a. Pitei lah chu a ti ti tui ang reng si,ka awm ve reng chuan a chi dawn si loh. Meizial lah chu ka zu châk tawh ropui mai si,"Eee pite,heng ho hi Duata te unau i pe dawn nia aw,"tiin Lays hring ka lei chu ka pe a. Engmah dang sawi lovin kawmchhak tlangah chuan ka chho leh nghal a. 

Tlangah chuan net chu a ṭha khawp mai;mahse,lighter ka nei lo a ni. Ka ei tur lei vel chu online pahin ka ei mawlh mawlh a,rei ngial ka ṭhut hnuah pitei chu a haw tawh takin tiin dawrah chuan ka chhukthla leh a. A lo awm tawh lo ngei mai;mahse,putea a lo awm leh thung si. Ani pawh meizial zuk tumin a kal tih ka hre nghal mai a,"Eee i rawn haw der e law,i va be rei lo ve a,"tih pahin a lo nui hawk hawk a. "Nia ka mut chhuak tawh lutuk a. Chuan,ka pi nichin khan ₹10 in min kir tam a,"tih pahin ₹10 note chu ka pe a,mak min tih hmel khawp mai,"Ka kir dik che in ka hria,i hresual zawk a ni lo maw?,"a lo ti hâ mai a. Ni e min kir dik ngei mai;mahse,dawrah hian ka putea a awm ve si a dawr kal chhan tur chhuanlam ka duh a ni,"Nichin khan thil ₹50 man ka la lawm,₹50 min kir turah ₹60 min kir palh a,"ka ti leh a. Mak a ti ngang mai,"I chiang maw?,"a ti leh a,"Imm chiang e,min kir sual tak tak lawm. Ka haw phei phawt a nge,ka mut chhuak tawh e mai,"ka ti a,ka chhuak nghal daih a.

Ka meizial lei chu ka romolin ka tuam a,ka lukham hnuaiah ka dah ta ringawt a. Ka phone chu ka en nghal a,rin loh deuhin Mercy message a lo awm nawlh mai;

"Tunlai i damṭha maw? I van reh thei ve a,"

Ka chhang dawn nge dawn lo aw ti a,ka in ngaihtuah lai chuan Mercy message dang a rawn thleng leh a;

"I seen chuan min reply ve em em la😖,"

"Reply che ee🤪,"

"Hmm i van over tak,i damṭha em?,"

"Aw damṭha e,nang zawk?,"

"Aww damṭha e,ka bialpa ve hian min be khat khawp mai,"

"I bialpa ka ni mi?😨,"

"Ni lo mi?,"

"I ṭhiannu bulah chiah i bialpa ka nih kha,"

"I van sual tak,"

"Nia ka fel reng lo lawm,"

"Hmmm tak takin i van reh em em?,"

"Chutia mi?,"

"Imm i rawn leng duh tawh bawk si lova,"

"Rawn leng tur chuan min sawm tawh lo teh. I nu Hitler-i ka hlau😃,"

"Awiii i sual zia hi,ka chhan ang che,"

"Huh dei🤭😝"

"Nge?,"

"Ka rawn leng peih leuu,🤪,"

"I van sual tak,ka hre rei ngawt ang😫,"

"Ka awmna i hriat duh chuan ka û zawt mai rawh. Game ka khel dawn muttui phawt😴."

"Sual i la hre ve khawp ang,muttui lo😖😖,"

A message tawp ber chu ka seen a,ka reply tawh lo. A bialpa lem mai mai atan chauh min duh vei a nihkha,min ngâi ve veng veng ang chu. Ka out a,ML ka khelh san daih a.

Sunday zing chu ka tho hma khawp mai. Ka pitei chuan eirawng a lo bawl malh malh tawh a,"Pite,puih i ngai em? Tih tur a awm chuan min hrilh zel dawn nia aw,"ka ti a,thingpui chu ka in thlit nghal a. Pitei chuan,"Hmarcha kha lo rawt ta che aw. Purunvar nen khan i rawt dawn nia aw,"a lo ti a,thingpui chu ka in zo a hmarcha chu ka rawt nghal a.

Chaw eikhamah chuan inkhawm turin ka insiam ve malh malh a. Aizawlah chuan awm ni i la,ka inkhawm awm si lova. Pitei chuan,"M-a i hman tawh em?,"a rawn ti lâng lâng a. "Aww ka lo kal e,"tih pahin Kristian Hla Bu chu ka zakzeh a,ka room aṭang chuan ka chhuak nghal a. Duata te unau chuan,"Aû,i van rimtui em em,"an lo ti sap sap hlawm a,Pitei lah chuan,"Imm tikha chuan a dik thlap tawh e,i putea hian naupang ho leh ka nu hi phur chho se kei ni chu ke in kan chho dawn nia aw,"a lo ti nghal mawlh mawlh a. 

Ka putea chuan scooty chu a lo hrufai malh malh a,"Eee i hman ve thei hram maw? Nula in chei chen zet i in chei chuan,kha pastor te pawh i ang a lawm,"tih pahin min lo nuih hak hak a. Putea chuan naupang ho leh ka pi chu scooty ah a phur a,kei leh pitei erawh chu ke in kan zui chho thung a.

Msa pawh chuan min lo nghak reng tawh a. Msa hi Pitei û chiah a ni a,kum chhirin an piang a. Pitei hi kei aiin kum 1 in a naupang a;mahse,a rilru erawh a puitling khawp mai. A û chiah Msa nen hian kan inrual leh chiah chiah bawk a,kan inkawm tawk hlawm khawp mai. Mahse,a naupang ber hi a rilru a puitling ber thung a. 

Msa chuan,"Kan bulah i ṭhu ve nghal a nga,i hming kan ziah luh tir ve nghal daih dawn mi?,"a rawn ti a. Ka huphurh khawp mai,"Aaaa tunah tut tut chuan ti rih lo i la,duh leh Sunday leh pekah ti zawk i la,"ka lo ti vat a. Pitei chuan,"Nia a hmanhmawh thlak loh a nia,i duh hun hun kha ni mai aw,"a lo ti ve bawk a. Ti ti mawlh mawlh chungin kan kal a,Biak In pawh kan thleng hma khawp mai.

Biak In kawtah chuan Dintei pawh ka hmu ve leh hlawl mai. Min lo nuih var var a,a van duhawm reuh tak êm! Ngawi rengin ka nuih let ve ringawt a,"I melh nasa lutuk,Biak In kawt a nih hi,"tih pahin min rawn nghawk zauh a,"Lut tawh i la,"a tih zawm nghal zat a. Kan in zui lut nghal a,an Biak In chhung chu a nalhin a ropui hle mai. An kohhran pawh an hlim hmel pawh khawp mai,eng hla pawh sa se,tui takin an sa vek thei a. Lam tualah chuan mi 5 vel hi an lam chhuak ngei ngei ṭhin. 

Chawhma dar 11.00am velah chuan kan bang ve ta hram a. Msa chuan,"Vawiin tlai chu Fellowship naah rawn kal ve ta che,"tih pahin a mezial chu a ṭan nghal a. Ka van zu ve chak tak e aww,ka dil ngam der si lova. "Nia,pitei puih a ngaih dawn loh chuan rawn kal ve ka tum dawn nia,"ka lo ti ve mai a. "Rawn kal ve ngei ngei ang che,i star pawh kha a rawn kal ve ziah nia. Vawiin tlaiah phei chuan a zai dawn leh nghal nia,"Msa chu a nui hak hak,Dintei chu ka star emaw a ti leh pek a ni maw? Mahse,ka hre lo der ngat a,"Tu maw?,"ka lo ti deuh há vel a. A nui hak hak a,"Aww Biak In kawta i melh nasat deuh kha maw le,"a rawn ti ta ngei mai le."Nhaa i va ho tak e aw,ka star lo reng reng,"ka lo ti vat a,ani lah chu a nui zui hawk hawk a,"Zaninah kan leng dawn nia,lungngai suh,"a la ti zui a. A va â tak e awww,Dintei bulah ka star angin a lo sawi ang tih ka hlau hle mai. Mahse,sawi lo turah ngai phawt ang.

Tlaiah chuan Pitei nen chuan ei rawng kan bawl leh malh malh a. Dintei a rawn lang hlawl mai,Pitei chuan a lo be vat a,"Awiha Dinte,lo leng rawh kan van inhmu khat tak,"a lo ti nghal chûl a. Dintei chuan nui var var chungin,"Aaa chutianga ṭhu khawmuang hman pawh ka ni lo. In tlangvala hi Fellowship naa kal tur rawn sawm ka tum deuh a,"a rawn ti a,Msa min rawn sawm tir bak va ni suh. Pitei chuan,"Ee i ti ṭha lutuk a lawm,lo nghak rawh aw a in siam a nga a hman a ni mai,"a ti leh nghal vat a. Kei lah chu thil dang ka lo ngaihtuah daih thung a,"Va insiam vat ta che,a nghah tawh che hi,"tih pahin dawhkan hnuai aṭang chuan ka keah min rawn chhir a. "Aaa aw awle,ka va insiam a nge,"tih pahin room lamah chuan ka tlan lut phei nghal a. 

Huiham tinge hmeichhe chhe lo deuh ka hmuh hian ka buai vek zel le?? Tiang chuan a bulah pawh ka kal ngam dawn mawn le? "Lalrammuan,pa deuhin awm rawh hmeichhe hmaah zam suh,"tiin darthlalang hmaah chuan ka ding a,keimah leh keimah chu ka inbe mawlh mawlh a.

"M-a...M-a, i hman tawh em? Hei a nghak rei tawh lutuk che,"ka pitei chuan ka room kawngkhar chu a rawn kik dawt dawt a. Rang lutuk in ka chhuak nghal a,"Aww ka hman e,ka hman e,"tih pahin kal mai ka tum a. Pitei chuan,"Kha i putea scooty hian kal mai teh u. Dintei hi a zai dawn sia,in en lâwk te pawh a duh ang. Ke a in kal chuan in tlai lutuk palh ang,"a lo ti a,scooty chahbi chu min pe nghal a. Dintei pawh chuan ngawi rengin min rawn zui ve nghal a.

Scooty chu ka hrufai thuak thuak a,ka ti nung nghal a;mahse,rei lo te hnuah a thi leh daih a. Chutiang chuan vawi 3 vel a awm hnu chuan,"Min lo hrethiam lawk mai aw,kan kick lawk a nge,"ka ti a,vawi 2 ka kick hnu chuan a nung ve mai a. Mahse,a nung rei leh ta chuang lo khawp mai,"Ngatinge a? A nung thei na nge a?,"pitei pawh a rawn chhuak leh ringawt a. "Aww nung thei lo,kan kick leh chhin nge,"tih pahin ka kick leh a,a rawn nung thei ta hram e,"Rawn ṭhu rawh le,"tih pahin Dintei chu ka mit mei zauh a. A ṭhut fel tawh leh ṭhut fel tawh loh pawh ngaihtuah miah lovin,ka tlanchhuak nghal phut mai a,"Awiiiii Lalrammuan,i van zei lo tak. Dinte,a na em?,"ka pitei chuan Dintei chu kaitho nghal a,"Lalrammuana zei loh dan em em hi chu awww,"pitei chuan Dintei puan leh kawr vel paw thuk chu a benfai sak nghal mawlh mawlh a. Huiham....hmeichhe hmelṭha deuh deuh ho hian min mil lo nge ka mil lo zawk le?

[23/03, 07:52] Rs Thangluah: 

*KA LEI VANTIRHKOH*

BUNG-13 NA

By:- *Rs Thangluah{Remz}✍🏻*

"Khata ding veng veng lo khan rawn buaipui ve ta che,"ka pitei chuan min rawn ko mawlh mawlh a. Ngawi rengin Dintei te bulah chuan ka chhukthla a,"A na em?,"ka zu ti ringawt a. Dintei chuan nui var var chungin,"Aih na love,engmah ni lo nia,"a lo ti vat a. Pitei chuan,"I putea ang mai zei lo thei lutuk mai,tlan rawh ka tih hunah i tlan chauh dawn nia,"tih pahin min nuih pût pût a,ka zak ve reng. Scooty chu ka ti nung leh a,Dintei pawh chu a rawn chuang ve leh mai a. Pitei chuan,"Awle tlan tawh ru le;mahse,tlan chak vak lo u la,"tih pahin min rawn melh zauh a,a nui zui har har a. Dintei chuan ka kawngah min rawn kuah a,Biak In lam pan chuan kan in phur chho nghal vuk vuk a.

"Msa sawm chhoh a ngai a,ding chho lawk ang aw,"tih pahin side glass a a hmel rawn lang chu ka en pah a,a vaiin lang lo mah se a chhe lo tho hehe. "Imm,"a lo ti ringawt a. Msa te In bulah chuan kan ding a,pawnah a lo ding vang a,"E khai nangni 2 chu tikhan ni maw in rawn kal?,"tih pahin a lo nui nghal vur vur a. "Ta ṭang chuan Biak In a hla tawh chuang lova,ke in ka kal tawh mai ang,"tih pahin a chhuk nghal thurh a. Msa chuan,"Aww tinge i chhuk daih a?,"a lo ti vat a,"Nia i chhuk daih a,tinge?,"ka lo ti ve bawk a. Dintei chuan,"Kan 3 in ke in kan chho tlâng mai ang chu ka ti deuh,"a lo ti vat a. Msa chuan,"I tih tlat te chuan ni mai zel e,Bawiha,tah khan hung mai rawh,"a lo ti nghal vat a. Scooty chu ka hung rem nghal a,Biak In lam pan chuan kan in zui chho leh hnak hnak a.

Fellowship chu kan ṭhahnem khawp mai. Nuam pawh ka ti,tu pawh mai chuan tlangnêl takin min be nghal vek thei a a nuam ka ti takzet a ni. Kan Chairman chuan Dintei chu zai turin a sawm ta ngei e,ka van ngaithla châk tawh tak êm! Stage ah chuan a rawn chho a,mipa 1 hian sound vel chu a rawn buaipui nghal vat vat bawk a. Dintei chuan ṭingṭang a rawn perh ri ṭang ṭang mai le,ka thiam ve loh thil a thiam bik nia. "Aman Engkimah Min Hria" tih hla chu a rawn sa ta âl âl mai le,a van thiam teh kher êm! Thiam tak a ni ringawt,amah chu a mood ah a chêng em em mai bawk si ka van duh ṭhin tak êm! Em em a na.

Tlai lam dar 5.00pm velah chuan fellowship pawh kan bang ve ta. Msa chuan an In a lut kawi tura min tih tlat vang chuan,hmanhmawh viau mah i la kan lut ta hram a. Thingpui te kan han in khawmuang leh rih a,Msa chuan,"Ee Dinte,zanin chu inkhawm banah kan rawn lêng mai mai dawn nia aw,"a tih pah chuan min rawn melh pah zauh a. Dintei chuan,"Eee nangni meuh rawn lên in duh te chuan kan hnial ngam nang le,"tih pahin a lo nui sen sen a,he nu te reuh hi chu aww. Sawi tawh rih lo teh ang hehe.

Zan lam inkhawm pawh Dintei vangin ka phûr sûrh sûrh khawp mai. Ka insiam malh malh lai chuan Mercy in min rawn call hlawl mai;

"Aw engnge ni ta?,"

"Tinge engmah min hrilh lovin i lo zin bo daih a?,"

"Nia i bialpa pawh ka ni hleinem,"

"I van sual tak,vawiinah i û ka zawt a. Ka hre ve chiah lawm,"

"I bialpa lem turin min sawm leh dawn mi?,"

"Suala,misualpa,"

"Nia ka sual zia chu i hriat kha,"

"Da-i bulah pawh kan in ngaizawng tiin ka hrilh vek tawh,"

"I bialpa lem nge a tak ka nih?,"

A reh vang vang a,ka thinrim hman ṭep a ni.

"A tak,"

"Maw? I chiang em?,"

"Aw i duh lo mi?,"

"Nangmah hian i duh leh lo zawk a nge?,"

"Duh lo i la ka sawi dawn mi?,"

"Keini ang misual te chu tunge bialpa atan min duh ang?,"

"Keimah ni mai lawm,"

"Yess a ṭhat nasat chu,nihchuan tun aṭang chuan ka single tawh lo tih na. Ka bialnu chu Mercy,"

"Aww ka bialpa chu nangmah,"

"Awle a van nuam tak,"

"Chuan,i inkhawm dawn em?,"

"Aw hei ka insiam mek a,"

"Aw inkhawm rawh i fel lutuk nia,keipawh ka insiam mek a. Inkhawm banah ka lo text ang che aw ka dah phawt aw bye,"

"Awle bye,"

Yesss,ka van lawm tak êm! Tunah chuan Mercy bialpa ka ni ve ta. Mahse,Dintei? Ni lo,ani chuan bialpa a lo nei reng maithei a sin. Chuvangin Dintei chu ṭhianah ka siam zawk mai ang tiin thutlukna ka siam fel ta zawk a.

Inkhawm ban hnu chuan Dintei te In lam pan chuan,Msa nen chuan kan in zui chhuak ve ta ngei a. Dintei In kan thlen chuan mipa 1 keimahni ang rual vel âwm tho hi a lo awm ve khar mai a. 

Dintei chuan min lo be ṭha khawp mai,"Lo ṭhu rawh u,heng ho hi kan dah fel lawk a nge,"tih pahin dawhkana paper vel lo awm nuai chu a dah fel nghal sawk sawk a. Msa chuan,"Mazuala chu,engtiknge i rawn haw a?,"tiin mipa lo awm ve chu a be nghal vat a. Chupa chuan,"Nizanah ti ila zing lam a ni zawk mah,dar 2.00am velah nia,"tiin a lo chhang nghal vat a. Msa chuan,"Ngati em em nge a?,"a ti leh a,"Nia,kawng lakah motor a chhia a kan siam rei lutuk a,"a lo ti leh mai a. 

Dintei chuan,"Awii tikhan lo ṭhu lawk tu aw,ka nau hi a khuasik a kan buaipui lawk nge aw ka rei lovang,"tih pahin room lamah chuan a lut phei leh nghal a. "Dintei hi chu a fel ve ngawt mai. A la naupan nen a rilru te hi a puitling zek a,"Mazuala chuan a rawn ti a. Msa chuan,"Nia,a dik chiah lawm hmeichhe fel leh puitling tak a niin ka hria,"a lo ti ve bawk a.

Kei erawh chuan sawi tur ka nei lo;mahse,thil hriat chhuah ka nei. Mercy khan min rawn text dawn tak e,ka phone chu ka phawrh a ka hmet nghal nuap nuap a. Mercy message pawh a lo awm reng tawh a;

"Kan bang tawh nia aw,in bang ve tawh em?,"

"In la bang ve lo mi? 8.30pm a rik tawh hi,in thuhril tu in a va sawi rei awm ve,"

"Tihpalh lutuk,tihpalh lutuk ka hman chiah e,"

"Ka nghah rei tawh zia che hi,"

"Tihpalh kan leng lawk a,"

"Hmm khawi lam nula nge i rim vel a?,"

"Nhaaa ringawt a che,ka ṭhianpa ka lenpui a lawm,"

"Tak tak maw?,"

"Awww ni e,"

"Nihchuan a ṭhat nasat chu,"

"Nang in leng i nei leh em?,"

"Nei teuh lo mai a,tunge rawn leng se i tih a?,"

"Awww khapa kha,"

"I ninawm a,khapa kha rawn sawi teivet lo teh,"

"Awle sawi tawh lo ang,nihchuan nakinah ka rawn text leh mai ang che aw. Lenna a phone khawih reng bik chu a nuam lo e,"

"Nia ni ve tho mai mahse,ka lo nghak char char dawn che nia aw. In haw hunah min rawn text ngei ngei ang che aw,"

"Awle nih ka out phawt aw bye😘😘,"

"Awle bye😘😘."

"Awi a zia lo e min lo nghak rei tawh em? A pang a sa lutuk a, a mu duh bawk si lova ka rawn paw ringawt mai,"Dintei chuan an naupang ber mipa chu a rawn pua a. A lian ve tawh sia,a rit vei phian ang ka ring. Msa chuan,"Awww a van zia lo ṭhin e aw,damdawi te i pe nghal em?,"a lo ti nghal vat a. Dintei chuan,"Aww pe nghal e,a chhawk vat mai ang. Awiii nuam lo in ti em? Ka inthlahrung e,in rawn len ve chhunah ka buai daih sia,"a ti leh mawlh mawlh a. Msa chuan,"Eee inthlahrung reng reng suh,dam lohna te chu kan thu a ni hleinem. Nuam lo ti duh reng reng suh,"a lo ti ve leh a.

Zan dar 9.30pm velah kan leng chu kan haw ve ta a. Msa chuan,"Dintei hi chu aw ka lainat ve ṭhin ngawt mai. Tihian nu leh pa chan a chang chawt a,chutah a pu hi enkawl a la ngai ve bawk nen chhungte han belh tur em em a nei bawk si lo. Ka khawngaih ṭhin a sin aw,a nu in a boral san hnu a a pa in nupui dang a nei leh ngat phei kha chu a. Ani ang hmeichhe âwmnem tan chuan tawrh a har ngawtin ka ring a ni,"a ti mawlh mawlh mai. Dintei hi a hre chiang tu apiang chuan fel an ti vek a,puitling an ti vek bawk. Kei ngei pawh hian ka la hre chiang viau lo na chu ka hriat chin chinah chuan a felin a puitling ka ti khawp mai. "Ni e,a fel khawp mai. Kei ngat phei chuan kawng tinrengah ka tluk lo niin ka hria,"ka lo ti ve leh bawk a.

Mut pah chuan Mercy chu ka text leh a,a lo la online ve kar mai a;

"I mu tawh em? Kan haw chiah a ka rawn text nghal che aw,"

"Mu tawh a mahse,ka la muhil lo. In van leng rei em em,"

"Rei mawn le? Min lo la nghak ngat ngat mi?,"

"Nghak ngat ngat ang chu,"

"Hei a tlai tawh sia,muhil dawn tawh i la,"

"Hmm ka lo nghak ve em em che a,nghah man pawh i awm lo,"

"Aww a tlai tawh em hi,"

"I muhil nghal dawn mi?,"

"Aw nghal dawn e,"

"Ka awih lo game i khel dawn nihkha,"

"Khel dawn lo e ka khel peih lo. Naktukah huanah kan kal dawn a,thawh hma a ngai a min hrethiam ve la,"

"I khel dawn lo tak tak maw?,"

"Aw dawn lo tak tak e,"

"Nihchuan out hmasa la,"

"Aww nih muttui aww😘😘,"

"Awle muttui le😘😘,"

"Ka out nia aw,"

Ka out nghal daih a,a message rawn thleng leh pawh chu ka seen tawh lem lova. Mutthilh hma in game khat chiah khelh tumin ML ah chuan ka lut leh rih a,dar 11.00pm thleng ka khel a. Mutthilh tumin ka phone chu ka dah a,ka chhing nghal duar duar a.

"Lalrammuan,hrilh tur che ka nei a nia aw," tiin khanu bawk khan min rawn kai nghal a. "Nang bawk maw?,"tih pahin min kaihna kut chu ka phih thla nghal sawk a. "I van thinchhe tak,hrilh tur che ka nei ka tih chu,"a ti leh a. "Nang hian dawt bak min hrilh leh lo ang,"ka lo ti hmuk a. "I mak e mai,dawt ka hrilh ngai loh che kha,"tih pahin min rawn kai leh a,en pawh ka en duh tawh lova. "Ihmawww,i nu leh pa te dik tak k hria a sin. I hre duh em?,"a tih zawm nghal zat a. "Chu bawk chu maw min hrilh leh dawn a? I van ninawm tak e aw,min kalsan teh,"ka lo ti vin nghal ṭhat a. Mahse,kalsawn a tum lem lo khawp mai,"Tunah hian ka hruai ang che. Mahse,ka hruai hma che in engvanga midang bula awm nge i nih tih hi i hriat hmasak a ngai,"a ti leh a,carah chuan min pawt lut rawk a,"Min ngaithla ang che,i hria em? Thil ngaihtuah lovin ka thusawi chiah hi ngaihtuah ang che,"a ti zui mawlh mawlh a. 

"I sawi tur chu sawi vat vat rawh,"ka ti ram hmak a. "Ihmaww,i pa tak tak leh tuna enkawltu che i pa hi ṭhian ṭha tak an ni ṭhin a. I pa tak tak hian leiba a ngah theih êm avangin tuna i pa pawh hian a puih pawh a pui nasa. Mahse,a zawng zawng chuan a pui thei bik lo a ni,a tawpah chuan an In leh lo thlengin laksak an ni ta a. Chutih lai chuan nang hi thla 8 vel i ni ngei ang,i pa chuan a nupui leh fapa chawmna tur sum leh pai a nei tawh si lo. Chutia sum leh pai a neih tak loh ah chuan,i nu chuan i pa chu a kalsan ta a. Nangpawh hi i pa bulah rethei taka seilian turin a hnutchhiah che a ni. Mahse,i pa chuan a fapa kum 1 pawh la tling lo chu a enkawl thei si lo che a. Chuvang chuan,fahrah enkawlnaah  a dah ta ta che a;mahse,i pa ṭhianpa te nupa chuan fahrah enkawlna aṭanga seilian tur atan chuan an phal lo che a ni. 

Tichuan,fahrah enkawlna aṭang chuan nang hi an fapa atan an la ta che a. I pa pawh chuan a rawn ngaihven zui ta lo che a nih hi. A chhanchu,kha i pa khan sum bak ngaihtuah a nei lo a ni,"a sawi zawh hma chuan ka lo pawt chat a. "A tawk sawi tawh suh,engmah ka hre duh tawh lo,"ka ti vin tuarh tuarh a. Car aṭang chuan ka chhuak a,van lam hawiin ka âu chiam chiam a.

"Bawiha,i ṭha em? I ṭha em?," Pitei leh midang ho chuan min lo kil bial ṭaih hlawm a. An hlauhthawn hmel hlawm khawp mai,putea chuan,"Mangchhia i mang em ni? I rawn âu chhuak a,"a rawn ti a,ka pi chuan ka kutah min lo vuan bawk a,"Ka naute,i mumangah engnge i hmuh a? Hei i thlan hluam bawk si,"a rawn ti be bawk a. Naupang ho lah chuan min lo en kar hlawm bawk si,"Ka ṭha nia min ngaihtuah suh u,ka châu ve deuh a niang,"ka lo ti ringawt a. 

Ka pi chuan,"Han awm hahdam phawt la,ṭawngṭaina ka hmang a nga i mu leh dawn nia aw,"a ti a,ka luah chuan a tuai hliau hliau a. 

Zing dar 7.00am velah chuan ka harh ve hlawl mai a. Huan kal kan ngaih thu kha ka hre chhuak zawk a,ka in perh tho rang ngei mai. Choka ah chuan ka pitei chuan eirawng a lo bawl malh malh a,naupang ho chuan lehkha an lo zir malh malh bawk a. Ka pi chuan kawmcharah a âr vulh ho chu chaw a lo pe bawk a,putea erawh ka hmu ve lo,"Pite,khawnge putea hi? Huanah khan kal kan ngai sia,"ka ti nghal a. Pitei chuan,"Nizan lam i mu ṭha si lova,a kaitho duh lo che a amahin a kal ta nihkha. Va inphih fai la,hei thingpui ka lo siam sak ang che,"tih pahin thingpui chu a thli nghal a. "Awww ka mu ṭha lutuk a lawm,min rawn kaih thawh mai tur a nia aw,"ti nuah nuah chungin bath room lam chu ka pan phei nghal a. 

"Vawiin chu thlan laihna lamah kal ve zawk ta che,"pitei chuan thingpui leh a hmeh tur chhang chu min rawn pe a. "Mitthi an awm mi a?,"ka lo ti vat a,"Aw awm e,zing dar 5.00am vel khan a nia. I putea pawh huan kal a tum tawh laklawh sia,a va kal ta law law mai a nihkha. Naupang ho pawh school an chawl vek dawn a,chaw eikhamah Mama'n a rawn sawm thla ang che aw,"a ti leh a. "Awle a pawi hleinem,thlan laih te chu ka thiam ve lutuk a lawm,"ka lo ti ve ngei a. Pitei chuan,"Nihchuan nizan khan engnge i mumangah i hmuh a? Tinge tiang khan i rawn âu chiam chiam a?,"a ti a,min en kal mai a. "Aaa pite,engmah ni lo nia. Engmah ni lo,a ho lutuk,"ka lo ti ringawt a. Mahse,pitei chuan a lo ngai thutak khawp mai,"En teh,engkim min hrilh rawh. I pitei ka nih hi,helama i rawn awm chhan pawh ka hria lawm. Zu i in ṭhin a tiraw? Mahse,hetah chuan i in thei si lo,a hrehawm ang tih pawh ka hriatthiam pui lutuk che. Engkim min hrilh vek rawh,"a ti mauh mai si. 

Ka âw ka thian kharh kharh a,"Pite,ka nu leh pate fa diktak ka nih i ring em?,"ka ti nghal tawl mai a. Pitei chuan mak min tih hmel hle mai,"Chutiang ngaihtuahna te chu engtinnge i put theih a?,"min ti vat a. Pitei bulah chuan ka mumang a ka thil hmuh ṭhin chu ka hrilh fai ta vek a,zan khat mai ni lo,zan thum vel ka mangah ka hmuh tawh thu te ka hrilh a. A takah pawh khanu kha ka hmuh tawh thu leh amah chuan min hriat thu leh ka hriat ve loh thu thleng chuan ka hrilh nghal vek a. Pitei chuan mak ti tak in min en reng ringawt mai a.

[23/03, 07:52] Rs Thangluah: 

*KA LEI VANTIRHKOH*

BUNG-14 NA

By:- *Rs Thangluah{Remz}✍🏻*

"Mumang mai mai a nihchu,i nu leh pa fa i nih loh in tu fa nge nise i in tih a?,"Pitei chuan thingpui no chu a seng nghal a. Engmah ka sawi zawm tawh lem lova;mahse,ka rilru chu a nuam chiah tawh lo a ni. Dar 8.00am velah chuan ka putea huan kal pawh a rawn haw ve tawh bawk a,pitei nen chaw ei kan siam a chaw ei khamah Msa nen thlan lai turin kan in zui chhuak leh nghal a.

Thlanmual kan thlen chuan an lo awm nual tawh a. Msa chuan meizial a pet vang vang a,ka zu ve chak khawp mai. Han dil ve pawp chu ka hreh ve deuh bawk sia,a bulah chuan ngawi rengin ka lo ṭhu ve mai a. Ka phone ka la chhuak a,Mercy chu ka text ta ringawt a;

"I buai em?,"

"Aih buai love class ah ka awm a,"

"Class ah tinge phone i khawih a?,"

"Ka ngai che lawm,engnge i tih zawk a?,"

"Hei thlan laihnaah kan kal a,"

"Van fel thei tak😘😘,"

"Hmm min bawl kher lo la,"

"Tunge mahni bialpa te bawl ṭut ṭut ngai?,"

"Awww nangmah ni mai lawm😆😝,"

"I ho teh tuh ka ngai che e,engtiknge i rawn haw ang?,"

"Aaaa ka hre lo le,ka pa in lo haw rawh min tih hun hunah ni mai,"

"Lo haw vat vat ang che aw,"

"Imm lo haw vat vat ang,kan zu lai ve phawt a nge aw nihphawt aw bye😘😘,"

"Awle fimkhur la aw,bye😘😘,"

"Awle bye😘,"

Ka out nghal a,Msa nen chuan thlankhur lam pan chuan kan chhuk thla ve nghal a. "Khawi ka lo lut ve tawh a nge,"tih pahin bawngtuthlawh chu ka la a,ka zuang lut nghal tharh a. Msa chuan,"Fimkhur la aw i intipalh a nge,"a lo ti ve bawk a.

Dintei pawh a lo lang ve leh hlawl mai,"Awiha i rawn kal ve ni maw? I van fel em em,"tih pahin a rawn nui var var a. "Chutia mi? Hengte chu kan tih ve tur liau liau a lawm,"ka lo ti mai a,a hnungah Mazuala'n a rawn zui a,"Eee ṭhianpa chu i va fel ve a,"tih pahin a rawn nui hak hak. "Chutia mi? Nang a lawm fel,"ka lo ti ve leh mai a,Dintei chuan,"Tikhan lo awm ru aw,thingpui ka han siampui lawk a nge,"tih pahin thingpui lumna lamah chuan a chho nghal daih a. 

Tlai dar 3.00pm velah In ka thleng a,ka inbual nghal a ka inbual zawhin Pitei ka pui leh nghal char char a. "I pa in min rawn bia a,i mark a ṭha tehmai nia aw,"tih pah chuan pitei chuan min nuih var var a. "Engtinnge i sawi a?,"ka lo ti vat a,"Aww i inkhawm ṭhin thu te,vawiinah pawh thlan laihnaah i kal thu te pawh ka hrilh a. Kha a hlim hmel khawp mai,"a ti a,a nui leh hak hak a. "Nihchuan haw chho turin min ti em?,"ka lo ti leh a. "Ti chiah lo deuh,thla 2/3 vel chu awm turin a ti che a,"a la ti zui,awiiithaw Mercy ka hmu leh chak tawh a sin le. Mahse,pawi love khawpui boruak aichuan thingtlang boruak hi ka tan chuan a thianghlim zawk hrim hrim.

Zanah chuan khawhar Inah kan kal leh a. Dintei erawh kan bulah ni lovin Mazuala bulah a kal thung a;mahse,Msa bialnu niang chu ka ti mai a hmeichhe 1 hmelchhe vak lo chu kan kalpui ve ngei a. A hmel en aiin a zai ring thei zêk leh nghal a,🤣.

Ni a ral a,kar a liam a ka pi te khuaah pawh chuan kar 2 ka awm ve ta reng mai. Ka huphurh ang aiin a nuam zêk a,ṭhian pawh ka nei ve ta nual bawk a nuam ka tiin ka tlangnel tawh khawp mai. Mercy nen pawh kan inbe ṭha chho zel a,ka ngai ve ṭhin khawp mai.

Sunday zan a ni a,inkhawm turin ka insiam malh malh a. Jo phone call ka dawng hlawl mai;

"Aww Bawiha,"

"I buai viau em?,"

"Buai viau lo e,engnge ni ta?,"

"Mercy te an accident a,"

"Maw?! An accident a?,"

"Aw mahse,ngaihtuah awm lutuk chu a ni lo. Ka rawn hrilh hre ve mai mai che nih hi,lo ngaihtuah lutuk lo la,"

"Engtinnge a awm hrim hrim a?,"

"A ban veilam a tliak a,a dang chu hliam na em em a nei lo. A ṭhiannu nen an ni a,oil buaah an tlu a ni awm e,"

"A ngaihtuahawm loh tak tak maw Bawiha?,"

"Aww a ṭha lawm,lo ngaihtuah lutuk suh,"

"Chuvang chu nimaw ka phone call pawh min chhan theih miah loh,a buai a nih ka ring a ka call duh tawh lova,"

"Immm...chanchin ka rawn hrilh zel ang che. Thlamuang deuh khan awm rawh,engmah a thleng lovang,"

"Chutin thlamuang deuhin ka awm thei ngawt lo,zanin chu ka inkhawm rih lo mai ang,"

"Nhaa teh ngawt che chuan,ngaihtuahawm a ni lo ka tih mawlh mawlh chu,"

"Nih ka ring che aw,inkhawm turin ka insiam vek tawh sia. Ka kal phawt ang aw,inkhawm banah ka rawn bia ang che aw. Chuan,inkhawm ban hmaa eng emaw a thleng a nihchuan min rawn call ang che aw. Ka phone hi vibrate ah ka dah dawn nia,"

"Awle engmah a thleng dawn lo,thlamuang deuh khan han inkhawm rawh,"

"Aww nih ka kal aw,"

"Awle nih aw,"

"Awle nih le"

A langin inkhawm ve mah i la,ka rilruah chuan Mercy bak a lang mawlh lo a ni e. Thuhriltu chuan engnge a sawi a,engnge thupuiah a thlan pawh ka hre lo. Inkhawm chu kan bang har ka ti em em bawk a,thuhriltu chuan ka duh aiin a sawi rei mah mah bawk a ni. Dar 8.10pm velah chuan kan bang ve thei hram e,Biak In compound kan chhuak chiah tih chuan ka phone chu ka la chhuak a,Jo chu ka call leh nghal a;

"Aw Bawiha,in bang tawh mi a?,"

"Aw bang chiah engnge chanchin?,"

"A ṭha ka tih kha,zaninah damdawiinah an riak phawt a nga. Naktuk chawhnu lamah an lo chhuak ang,"

"A van lawmawm tak ka thaw huai mai,"

"Nangchu i lo buai leh chiam ṭhin a,a chi loh thei e mai,"

"Nia tiraw ni ve tho mai,"

"A hrim hrimin engtinnge in lo nih ve ngawt dan hi? Ka hre chak khawp mai,"

"Aaaa kinah ka hrilh ang che,hei kan bang chiah a. Ka dah phawt ang aw,In ka thlen hunah ka rawn be leh dawn che nia,"

"Awle nih le,"

Ka nghei rei tawh bawk a,ka insûm thei tawh ngang lo a ni e. Keimah ang bawk a zu duh ka tawng ve hlawl mai,sunday tlaiah min chhuah pui a khaw ṭhenawmah zu kan la a,nuam kan ti ngang mai,"Bawiha,zanah min kalpui leh peih em?,"a ti ham ham mai a. Zanah chuan ka inkhawm dawn a nih loh chuan ka pi te hian chhuah an rem ti vak dawn si lo. "Ka hre lo le,ka chhungte ka lo dil ve phawt dawn nia aw,"ka lo ti vat a. Min nuih chiam chiam mai,"I van nep tak,mipa i ni lo mi? Chhungte chhungte tih zel mai. Inkhawm kal reh hunah ka rawn sawm ang che,i lo awm loh chuan mipa i ni lo tihna ni mai,"a ti mauh mai bawk si. Pâ lo nih chu ka duh bik si lo,zu ka duh bawk si,"Awle,ka lo nghak dawn che nia. Mahse,tunah chuan haw rih phawt i la. Hei a tlai tawh sia,chaw ei a hun tawh dawn,"ka ti ve ta a. 

Malsawma pawh chuan,"Nia keipawh ka ril a ṭam. Mahse,bike hi i khalh loh chuan ka khalh haw thei dawn miah lo nia aw,"a la ti zui,a van hahthlak ṭhin tak e aw. "Khaa i in vak vak a,zanah i buai vaih aw,"tih pahin bike chu ka ti nung nghal a. Malsawma chu rui tawkin a rawn chuang kai nghal a,"Zu te inbual nan a tlak si lova,chuvang chuan in pawp pawp mai tur,"tih pah chuan a nui hawk hawk a. Khaw chhung lam pan chuan kan in phur phei ta a,ka pitei emaw ka putea emaw in min lo hmu ang tih ka hlau khawp mai. Mahse,min lo hmu lo hlauh Malsawma chu an In thleng ka thlah a,a nu chuan,"Awhawhaww a rawn rui haw leh ta. A va han mangan thlak ṭhin tak êm aww! Nang kha i lo inpui em ni? Khawi lam mi nge i nih a? Vawikhatmah ka fapa hi zu in pui tawh suh ang che. Nangni vang hian zu ngawl a vei tawh a nih hi,min hawsan teh,"a lo ti nghal tûn tûn a. 

Ka thinrim rilru ve khawp mai,aman a duh a a in a ni reng sia. Han chhan ve fawk fawk chu duh ve viau mah i la,aia upa te an nih bakah ho teah kan mualpho dawn sia. Thinrim ṭeuh chungin ka chhuahsan nghal a,thui pawh ka kal hma in pitei chuan min rawn call nghal. Lak loh chi a ni lo,phûr lo zetin ka la a;

"Aww Pite,"

"Khawnge i awm?,"

"Ka ṭhianpa te Inah ka kal lawk a,ka lo haw mek,"

"Rawn haw nghal rawh. Romalsawma te Inah khan tih tur i nei lo,"

Pitei chu a thinrim takzet tih ka hrethiam nghal a,nuam lo ka ti khawp mai.

"Awle ka rawn chhuk nghal,"

"I putea a rawn haw hma in rawn haw vat ang che,"

"Awle,"

Pitei chuan engtin tak min hau ang maw? Khatiang em ema a thinrim kha ka vawikhat hriatna a ni. In lam pana haw chu a phûr awn loh khawp mai;mahse,haw ngei a ngai si.

In ka thlen chuan Pitei chiah a lo awm a,a lo vei kual thauh thauh mai a. Ka hmel a hmuh veleh a chek nghal tlek tlek a,"Zu i in a ni maw? Romalsawma nen khan khawnge in kal? Romalsawma hi hnaih reng reng suh ang che,"a lo ti nghal mawlh mawlh mai a. "Tinge?,"ka ti zawi sup a. "Rawn ṭhu phawt teh,"tih pahin a bulah chuan min pawt ṭhu a,a thaw leh halh ṭhin a,"Ka pasal farnu fapa i ni a,ka fapa ang chiahin ka en che a sin. Romalsawma nu khi mi rapthlak a nih khi,a fapa bulah zu i in a nihchuan a fapa zu in chhanah a puh ang che. A fapa in a bike tichhia se,amah ni lovin a ṭhiante a puh ṭhin. Vawiinah pawh khan i hre ngei ang chu tiraw?,"a ti leh hmarh hmarh mai a. Ni e,pitei hian dawt a sawi lo a fapa ang chiahin min en a. Ka chhiatna tur engmah a duh lo,ka ṭhatna turin thu ṭha tinreng min hrilh ṭhin. 

"Vawiina in inphur kha ka hmu che u a sin. I putea chuan a hmu hman lo che,engmah pawh ka la hrilh lo. A hriat hunah phei chuan kei aiin a thinrim dawn a nia. Chuvangin Romalsawma hi chu hnaih lo la a ṭha a ni mai,"a ti leh a. Pitei'n min zilh mawlh mawlh lai chuan Malsawma chuan min lo la call zui,Pitei chuan,"Chhang rawh,"a lo ti sup a;

"Aw Malsawm,"

"Zanin chu aw,"

"Aih ka thei lo ang,i nu khan min ânkhum nasa lutuk. Khatiang tur chuan ka duh lo,"

"Ka nu ânkhum te lek lek a ho lutuk,lo awm ang che ka rawn sawm ang che,"

"Aih min rawn sawm lo mai rawh,"

"Mipa i ni lo mi?,"

"Ni e,"

"Chuti chu lo awm ang che,"

"Ka lo awm kher nachhan tur ka hre lo e,"

"A ṭha lawm i ngam chuan lo awm lo la,mipa leh mipa chu kan inhnek siah siah mai dawn mi?,"

"Ihmaww...Romalsawm,insualah hi chuan min rawn cho ve kher lo mai teh aw. I rin ang ka ni lo a nia aw,"

"A va ṭha ve chuti chu zanin dar 9.00pm ah field ah lo awm ang che,"

"A ṭha lawm i ngam ngam ka ngam,"

Ka insual lohna a rei tawh bawk a,tha a za khawp mai.

"A ṭul lo khawp mai aw,Lalrammuan,"tih pahin Pitei chuan min rawn melh rum khawp mai. Engmah ka sawi ve hma in naupang ho leh ka pi an lo haw a,a hnu rei vak loah ka putea pawh a rawn haw ve nghal a. Pitei pawh chuan engmah a sawi zawm tawh lova,ngawi rengin chaw ei kan siam dun nghal mawlh mawlh a.

Pitei chu ka room-ah a rawn lut a,"Inkhawm turin insiam nghal ang che aw,"a rawn ti a,a chhuak leh nghal a. Ka van phûr teh chiam lo tak,ka insiam hma in Mercy chu ka text leh phawt a;

"Inkhawm dawn em? Ka insiam mek a,"

"Aww keipawh ka insiam mek a,mifelpa ka ngai tawh lutuk che nia,"

"Keipawn ka ngai che lawm,"

"Lo haw vat vat tawh la ka ti e,"

"Ka lo haw thei ṭep ang,"

"Imm lo haw vat vat rawh aw,ka ngai tawh che nia,"

"Nia lo haw vat vat ang,kan duhtawk phawt mai dawn mi? I tlai lutuk palh a nge,"

"Imm nangpawh i tlai a nge,nih ka out aw bye😘😘,"

"Awle keipawh ka out bye😘,"

Pitei chuan min lo nghak reng tawh a,"Eee min lo la nghak a law?,"ka ti heu mai si. Pitei chuan,"Aww nghak e zanin chu kal rual ang aw,i pi in naupang an lo awmpui dawn a. I putea chu a kal tawh a,"a lo ti vat a,kan in zui chhuak ve leh ta a.

[23/03, 07:52] Rs Thangluah: 

*KA LEI VANTIRHKOH*

BUNG-15 NA

By:- *Rs Thangluah{Remz}✍🏻*

Dintei nen pawh kan in kawm ngeih ve tawh khawp mai. Engkim kan in hrilh a,keipawn ka bialnu neih thu te thlengin ka hrilh a. Mahse,ani chuan bialpa a neih thu min hrilh ve ngai miah lo. Bialpa a neih leh neih loh hi ka hrethiam lo,Mazuala hi a rawn leng ve reng ṭhin bawk sia. Mahse,in ngaizawng chu an niin ka hre chiah bawk si lo,ka zawt tawp hreh ve bawk sia. Ringhlel deuh reuhin ka awm reng ringawt a.

Dintei chu a rawn nui chhuak hawk hawk a,"Engnge ni teh thut a?,"ka lo ti vat a. "Iiih hmaana scooty aṭanga min thlauh kha i la hria em? Scooty aṭanga min thlauh hmasa ber i la ni,"tih pah chuan a nui hawk hawk a. 

He nu tak hi chu aw,a van chimawm reuh tak thil te hi a hre rei thei sia,"Nhaa i van ho tak,hriat reng tlak pawh a nih loh kha aw,"ka lo ti nghal vat a,ka ngaihtuah let apiangin ka la zak thei. Ani lah chu a nui nasa mai si,"Ka ngaihtuah let apiang hian ka nuih a la za,"a ti a,a nui leh hawk hawk ṭhin a. Thu dang sawipui daih ka tum ta a,"Mazuala nen hian in ni ve deuh mi a?,"ka ti hlawl mai a. Min en run run a,"Awiiiiii a teuh lo lutuk a,bialpa ka nei lo hrim hrim,"a ti a,a nui vak vak a ka hnungah min la chum vak vak zui. "Zan tin a rawn leng ve ziah sia,i zep a ni lo maw?,"ka ti leh a. "Teuh lo amah pawh zawt la,bialpa hi ka nei mai mai tawh dawn lo,"a rawn ti leh a. Ka la awih chiah chuang lo a,"Mazuala bulah ka zawt a nga,kan ni a tih vaih aw,"ka ti leh kher a. "Aww i duh leh zawt la,kan ni lo ka tih mawlh mawlh chu. Bialpa hi neih mai mai ka tum tawh lo ka tih kha,"a ti leh a. "Tinge?,"ka lo ti leh vat a. "Nakinah ka la hrilh ang che,thingpui ka va lum phawt a nge aw,"tih pahin choka lamah chuan a phei daih a.

Mercy-in min la rawn call zui,lak loh theih si loh;

"Aww,"

"Message te hi min reply ve ṭhin la,i leng leh tawh mi?,"

"Aaa aww ka chhuak lawk a,ka rawn reply dawn che nia,"

"Tihian in be mai i la,a pawi vak a mi?,"

"Aaa pawi chuang lo e,i duh te chuan i thu thu lawm,"

"Engtiknge i rawn chhoh dawn?,"

"Thla thar velah a nih ka ring,ka putea hi a damlo a ka rawn chho har deuh hret ang ka ring,"

"Ka ngai tawh teh mai che nia aw,lo haw vat vat rawh,"

"Imm keipawn ka ngai tawh che lawm"

Dintei chuan thingpui chu a rawn chawi phei a,"In nu mi?,"a rawn ti sap a,a nui nghal vur vur a. Ka lu ka lo bu nghut a,Mercy chu ka biak chhunzawm leh nghal a;

"Mawia leh Jo i hmu ngai em?,"

"Imm hmu zeuh zeuh,Jo chu Biak Inah ka hmu leh nawlh ṭhin a. Mawia hi chu ka hmuh chhunah chuan a rui ve ziah zel,"

"Zia lo ṭhin ve aw,tunlai chu kan inbe khat thei lutuk a. Jo nen chuan kan inbe zauh zauh a,Mawia hi chu kan inbe lo ang tluk a ni,"

"Nang pawh i rawn haw hunah chuan fel deuha i awm a ngai tawh ang aw,"

"Nia ka hria lawm,"

"I sual leh vaih aw,"

"Sual dawn lo e,thingpui min lum sak a kan in phawt nge aw. Whatsapp-ah ka lo text dawn che nia aw,"

"Hmmmp,"

"Nge ka lo text dawn che lawm,ka dah aw,"

Ka phone chu ka dah nghal daih a,"A thinrim leh hrim hrim ang,"tih pahin ka nui vur vur a. Dintei chuan,"I mak thei e mai,be ṭha ve hle hle mai la,"a lo ti vat a. "A ho lutuk whatsapp-ah ka text dawn tho lawm,"tih pah chuan thingpui chu ka dâwt ri hruih a. Dintei lah chuan a ṭan em em zui leh nghal,"Kei pawh i bialnu ni ta i la,ka thinrim ve hrim hrim ang,"tih pah chuan nêr nung hian min rawn melh a. "A ho e mai,titau peih deuh chu be reng peih lo lawm,"ka ti a,Whatsapp-ah pawh chuan text ka tum lem hlei lova. "A lo nghak reng tawh ang che,a message te chu reply ve em em la,"Dintei chuan min melh rum tawh khawp mai. "Awle,"tih pahin ka phone chu ka khawih ve nghal nuap nuap a,Whatsapp-ah chuan ka lut nghal a Mercy message a lo tam khawp mai;

"Zanin i leng dawn em?,"

"Tinge min reply duh miah lova?,"

"Suala,Misualpa,"

"I leng leh tawh mi? Tinge message min reply theih miah loh le?,"

"Ka rawn call dawn che nia aw,"

"Hmmm dah daih rawh,min ngai ve lo tawp a nihkha,"

"Ka message hi engtikahnge min reply ve ang le?,"

"Tihpalh lutuk ka phone a hang a,"

"Hmmmp chhuanlam mai mai nihchu,"

"Ni lo e a hang a lawm,"

"Zan dangah pawh a hang ngai si lova,tinge zaninah kher a hang a?,"

"Ka hre bik hleinem,"

"Tikhan i leng i haw a nga,ML i khel leh daih a nga? Nangmah ngai a khawhar em em hi tinge min ngaihsak ngai miah lova?,"

"Ka ngaihsak lo che mi? Ngaihsak lo che angah i in ngai a nihkha,"

"Min ngaihsak rêng hleinem,"

"Ka ngaihsak lo che maw?,"

"Aww ngaihsak lo,"

"A nih tak chu,"

"Ni e ni tak e,"

"Thinrim reng ringawt mai,ka out dawn ninawm bye muttui,"

Ka out nghal daih a,ka phone chu dawhkanah chuan ka dah ri deuh bur a,Dintei chu a lo phu deuh zawk leh nghal a,"I thinrim mi?,"a lo ti vat a. "Engmah ni lo,"ka lo ti hmuk a,meizial chu ka ṭan nghal a,"Titau reng mai,"ka ti bul bul a. Dintei chuan,"Aww i thiamlo hmasa nihkha,ngaihdam dil leh rawh,"a lo ti vat a,"A teuh lo mai a,mipa ka nih chhung chu hmeichhia hi ngaihdam ka dil ngai lo ang,"ka lo ti deuh hmuk a. Dintei chuan,"Tiang khan an ti ngai lo nia,hmeichhia a tihtauh chuan mipa chuan a thlem tur a ni,"a la rawn ti zui. "Awiiiiii..ka thlem awm lo eeeee,"ka lo ti ngal pûng pûng a.

"Lalrammuan,vawikhatmah ka fapa hi zu lo in pui tawh suh ang che aw,"tih pahin Romalsawma nu chuan min kawk sawk sawk mai a. 

Ka thin a khei ve zak mai,"Eee ka pi,i fapa hian a duh a a in a ni mai. Kei hian zu in pui turin ka sâwm ngai lo,"ka lo ti ve hmak hmak a. Ka kâi ve deuh tawh bawk sia,ka pawr ve tawh khawp mai. Malsawma lah chuan,"Khatin ka nu kha ṭawngkam vin in be reng reng suh aw,"a rawn ti vel chhur chhur a. "Eng a? Zu hi ka in pui che em? Romalsawm,nangman min rawn sâwm zawk a nihkha,"tih pahin ka ṭham nghal nawk nawk a. Romalsawma nu chuan,"I va zak thei lo ve a,ka fapa kha thlah nghal rawh. Nang ang mihring,nu leh pa ten an duh loh hnu hian ka fapa hi khawih hlek suh,"a rawn ti nghal táwn táwn mai a. Romalsawma ka ṭhamna chu ka thlah rang ngei mai,"Engmaw han sawi ṭha leh teh,"tiin Romalsawma nu chu ka melh khui khui mai a. Pawi tih hmel deuh hian min lo en a,"Engmah a ni lo,haw tawh rawh,"a ti nghal mawlh mawlh a,a hma aia hnaiah ka din chilh a,"Nichina i sawi kha han sawi chiang leh deuh teh,"ka ti leh khur khur a. Malsawma chuan,"Ṭhianpa,i rui tawh lutuk a nihkha haw tawh mai rawh,"min rawn ti ve leh a. 

Mahse,chuti mai chuan haw ka tum bik lo,Malsawma nu chu ka dinchilh ran mai si,"Sawi rawh,"ka ti leh a. "Engmah a ni lo,i hresual a nihkha. I pitei ka bia ang a,rawn hruai tur che in ka hrilh ang aw. I rui lutuk tawh a nihkha,"tih pahin a phone chu a hmet nghal nuap nuap a,kei erawh ngawi rengin ka lo ding khawng reng thung a.

Malsawma chuan,"Bawiha,rawn ṭhu rih la,i pitei pawh a rawn thleng ṭep ang. I in hnem lutuk a nihkha,"tih pahin ṭhutthlengah chuan min nam ṭhu a. Ka bengah chuan Malsawma nu thusawi kha a ri nawn tluk tluk mai a,ka rui pawh ka harh kawkin ka hria. Rei vak lo hnuah Pitei chu a rawn thleng a,"Ka call nasa lutuk che,phone i chhang thei si lo,"a rawn ti nghal bawrh bawrh a. Malsawma nu chuan,"A in hnem mah mah a nihkha,hruai haw la mut tir daih rawh,"a lo ti ve nghal vat bawk a. Ka pitei chuan ngawi rengin ka banah min kai a,min chhuahpui nghal hlawk hlawk a.

"Vawi engzatnge Romalsawma hi hnaih tawh lo turin ka tih che? I putea bulah pawh thup sên a ni tawh lo,a zahthlak em em lutuk,"tiin min zilh leh nghal char char a. A thusawi tam zawk chu hriat pawh ka hre mu mal lo,"Pite,ka nu leh pa te fapa diktak ka ni lo a mi?,"ka ti leh hlawl mai a. Pitei chuan,"Huiham he thu bawk chu,tunge tiang chuan sawi a? I mumang bawk kha i buaipui leh tawh mi?,"a lo ti leh nghal vat a. "Tuman sawi love,ka zawt mai mai che. Putea chuan engtinnge min tih ang le?,"ka ti leh a. Pitei chuan,"Ka hre bik lo le,In te thleng phawt i la a hriat mai ang,"a ti leh mai a.

"Dinte,thil zawh che ka duh a?,"ka ti zawi sup a. Dintei chuan,"Aw engnge ni ta? Min zawt la;mahse,i rim a dik lo nia,"a rawn ti nghal vat a. "Nia no 2 lek ka in a,eng lo a nia,"ka ti leh a. "Aww sawi la,ka lo ngaithla ang,"a ti leh a. 

Ka mumanga ka thil hmuh ṭhin leh Romalsawma nu in min ṭawngkhum dan zawng zawng chu ka sawi vek a. Ka nu leh pa te fa dik tak ka nih ka rin loh thu te thlengin ka sawi nghal bawk a. Dintei chuan mak a tih hmel hle mai,"I nu leh pa fa i nih loh chuan,tu fa nge i nih chuan ang? An ni chuan dawt an sawi mai mai a nihchu,"a lo ti vat a. "Mahse Romalsawma nu khan a sawi chiang a lawm,"ka ti leh a. Dintei chuan,"Tiang khan ngaihtuahna mak deuh deuh hi nei ṭhin suh. A hrisel lo a nia,"tih pahin min nui var var a,ka sam ah chuan a rawn tuai zauh a,"Ka nu leh pa fa dik tak ka nih loh chuan tu fa nge ka nih ang le?,"ka ti leh a. Dintei chuan,"M,tiang kha ngaihtuah vak vak tawh loh teh. Thingpui ka va lum ang aw,"a ti a,a tho a choka lamah a phei leh nghal daih a.

[23/03, 07:53] Rs Thangluah: 

*KA LEI VANTIRHKOH*

BUNG-16 NA

By:- *Rs Thangluah{Remz}✍🏻*

Romalsawma Nu thusawi bawk chuan rilru a rawn luah leh ṭhin. Khatiang khawp khan a sawi ngam a nihchuan,thil tam tak ka hriat miah lova in phum ru a awm ngei ang le?! Ngaihtuahna a vak thui ṭan a,ka mumanga ka thil hmuh te chu ka ngaihtuah chhuak leh uar uar ṭhin a. Mahse,ka nu leh pa fa dik tak ni lo tur chuan ka in phal thei bawk si lo. Ka mumanga ka thil hriat te kha thudik lo ni ta se,ka nu leh pa dik tak te chu tu te nge ni ta ang? Tinge min chawm peih loh? Ka nu chuan tinge min kalsan? Ka pa chuan ngatinge fahran enkawlnaah min dah? Rilruah zawhna tam tak a rawn lut zut zut a,mut reng a chhuak thei lo. Zing lam dar 2.00am ah pawh ka mu meng kar mai,ka thinglunga zawhna awm te hi tu in nge a chhanna min pe thei ang le? Ka rilru hah lutuk leh buai bawk si chuan Dintei chu ka text leh ta ngawt a;

"I muhil tawh em?,"

"Aih muhil love thla thar a ka exam tur ka la zir a,i van meng rei ve a? I ṭha meuh maw?,"

"Ka hre lo,ka ṭha vak lovin ka hria,"

"Thil mak deuh deuh kha i ngaihtuah leh tawh a ni maw?,"

"Ka rilru hi a buai a ni,tu fa nge ka nih ang le?,"

"A ti leh ta,tiang khan ngaihtuah tawh lo la. Tuna i nu leh pa te bak kha nu leh pa dang i nei lo,i mumang kha chu ngaihtuah tawh suh,"

"Mahse,Malsawma nu pawn nu leh pa te enkawl peih loh min ti a sin,"

"A ṭawng i hresual a niang,"

"Thih daih mai te hi ka châk ṭhin,"

"Tiang kha ngaihtuah tawh suh,thil reng reng chu a êng zawng hlirin thlir tur,"

"Lo piang ve lo law law i la ṭha tur a nia,"

"Mipa i nihkha pa takin awm rawh,khatiang vang mai mai khan in dawm kun suh,"

"Nia zu ka duh,"

"A ṭul lo,"

"Ruih chhum hmawk mai ka duh,"

"I ruih khan i rilru hahna a kian phah lo,"

"Kian phah e,"

"Kian phah lo,i ruih a reh a nga a ngai te bawkin i rilru hahna chu a rawn lang leh ang. Chuvang chuan,eng harsatna pawh tawk i la harhfim tak leh huaisen takin kan hmachhawn ngam tur a ni,"

"Ka tluk lo ngawt mai che,i dinhmunah hian ding ve ta i la tuna i awm ang hian ka awm thei miah lo ang,"

"Ka tan chuan i ṭha ber lawm,kawng engkimah ks ring che a ka ṭhian ṭha ber i ni bawk a. Ka tan chuan ka hero,ka lei vantirhkoh i ni a sin,"

"Nang hi lawm ka lei vantirhkoh chu,ka rilru hah leh puih ka ngaih hunah ka tan i awm zel a ka lawm lutuk aw Dinte,"

"Ṭhiante bulah lawmthu an sawi ngai lo,hei a tlai tawh si. Mutthilh tum tawh i la,naktuk zingah KṬP hnatlangah kal kan tum kha thawh hma kan ngai sia,muhil ang aw,"

"Nia aw pawi hleinem,nih muttui phawt aw,"

"Awle muttui le,"

Dintei hi chu ka tluk lo ve ngawt mai,hmeichhia zawk leh nghal. Ani chuan nu leh pa enkawltu tur a nei tawh lova,amah enkawltu tur ber a pu lah chu a upa ve tawh si. Aman a enkawl a ngai tawh zawk a,chumai a ni lo a naute 2 school kal lai chu a enkawl an ngai bawk a. In chhungah nu leh pa chan a chang a,û a ni bawk a,engkimah ka tluk lo a ni ber mai. Heti chung hian kohhran leh khawtlangah a theih tawpin a in hmang ve ṭang ṭang bawk a,mi tam tak theih loh tur a thei a ni.

"M-a...Heyy...Lalrammuan,tho teh hnatlang tur an kal ṭeuh tawh nia,"Dintei chuan ka hnarah chuan a rawn pawt vak vak a,ka harh chiang ngang mai,"Ehee,thawh ka hai a ni maw? Dar engzatnge?,"tih pahin ka in perh tho nghal at a,Dintei chuan,"Dar 7.00am a ri ṭep tawh,ka lo nghak ang che insiam la,"a ti a,min chhuahsan leh nghal daih a. 

Hairawww,thawh ka van hai chiang tak êm! Ka ha ka nawt a,ka hmai ka phih nghal sawk sawk a ka hairstyle pawh ka siam hman lo,"Kal i la,"tih pahin kal mai ka tum a. Dintei leh Pitei chuan min lo nuih kiah kiah a,"Engnge ni a?,"ka ti hâ mai. Ka pitei chuan,"I sam te kha va siamṭha ve em em la,arte tui tla te pawh i ang a lawm,"a ti a,a nui hawk hawk a. "Aaa a ho e mai,tuman min star ve chuang lo kal ang,"ka ti a,ka sam chu ka siamṭha duh lo lui vel ngei a. Dintei chuan kan in zui chhuak ta a.

"Khawimaw i sam chu,a ni em em lo lawm. Miin an nuih tet tet mai ang che,"tih pahin Dintei chuan ka sam chu a rawn tuai thuak thuak a,"Tikha chuan a dik zaih tawh mai lawm,"tih pah chuan a nui var var a. He nu tak hi chu aw a fel hi chu a fel a ni;mahse,kan inkarah chuan in ṭhian ṭhatna chiah a leng a ni. "Ka lawm e aw,oooooh..sorry,ka lawm e tih kha i phal tawh lo tak e. Ka lawm lo e,"ka ti a,ka nui hawk hawk a. 

Dintei chuan,"Hmm nghal ṭha,eee tunlai Mercy nen in ṭha em?,"a rawn ti nghal vat a. "Imm ṭha e ka fel chuan kan ṭha a ni mai,"ka lo ti vat a. "Nia i fel kha a ṭul reng a ni. Tunlai hmeichhia chu kan fing ve tawh a,rui reng hi chu kan duh tawh bik lo a nia aw,"tih pah chuan a nui suk a. "Chuvang chu ni maw min duh loh?,"kan ti fiamthu vel hlak a,a nui var var a,"I ho teh tuh e mai a,"a ti a,phone min khawihsan daih a.

Ti ti paha kal kan ni bawk a,hnatlanna hmun tur chu kan thleng hma khawp mai. Midang ho pawh chu an lo awm ve nual tawh a,Mazuala pawh a lo awm ve kur tawh a; mahse,Dintei nen kan inzui min hmuh chuan a lungawi loh hmel khawp mai. Biak pawh min be lova,Dintei erawh a be thung;mahse,pawi pawh ka ti lo e a;ani biak loh mai mai kha a na lo êêê mai. 

Zan hmasa lamah ka meng rei bawk a,ka lu chu a rit bûr mai a. Chhun lamah hunâwl ka neih chuan ka van mu dawn chiang kuang tak êm! Hnathawh lak lawh lai laiin Mercy chuan min rawn call a,lak loh chi si loh lak loh chuan a thinrim leh ngei dawn si;

"Aww,"

"Zingah pawh min wish miah lo. Tinge?,"

"Hei KṬP kan hnatlang a,nakinah kan inbe mai dawn mi?,"

"Eee aw nihchuan i hman hunah min lo call la aw,"

"Awle awle,"

"Nih ka dah aw,bye,"

"Imm bye."

Dar 9.00am velah hnatlang chu kan bang a,Dintei nen bawk chuan kan in zui haw leh a,"Mazuala saw a lungawi loh hmel teh mai nia aw,be ṭha ve la,"ka ti sup a. Dintei chuan,"Hmm lungawi loh chhan tur a nei ringawt lo e a,"a lo ti hmak mai bawk si. Kei lah chuan,"Aww ka bulah i rawn kal zel sia,a thinrim niang chu,"ka lo ti leh zui a. Dintei chuan a ner nasa ngei mai,"Hmm min hmehbel tum phêt lo teh,"a lo ti deuh hmuk a. A lungawi lo viau tih a hriat theih nghal mai,"Nih ka tihpalh zanah ka rawn lên i phal em?,"ka ti leh nghal zat a.

"Imm phal chiang e i rawn lên chuan,ka hrilh tur che pawh kha ka hrilh tawh ang che,"a lo ti vat a,"Nia ka hre chak tawh khawp mai,"ka lo ti ve leh vat a,kan ṭawng mawlh mawlh chhung chuan kan In chu kan thleng reng tawh a. "Nih chaw eitui phawt aw,"nui var var chungin Dintei chuan min kal pel a,"Imm nang pawh chaw ei tui le,"tiin a  lan theih chhung chu ka thlir a.

"I mit kha a tla a nge,"Pitei chuan ka hmai zawnah a kut a rawn vai vak vak a. "Putea'n naupang a thlah mi?,"ka ti daih a,"Aw thlah e chaw ei turin kan lo nghak che,"a lo ti vat a,In chhung lamah chuan kan in zui lut nghal a. 

Chaw eikham chuan pitei ka in suk pui a,Putea chu Pavalai hnatlangah a kal thung a. Pitei nen kan insuk zawh chuan,tih tur em em a awm tawh lo bawk a khumah chuan ML khelh pahin ka mu zâl mai mai a. 

"Ka fapa hi ka rawn la let dawn a ni. In phal loh chuan court ah ka kal mai ang,"tiin Pa pakhat hian ka pa chu a kawk sawk sawk mai a. Ka pa chuan,"Khati khan maw kan tih dawn a? Puih i ngaih hun lai zawng zawngin ka pui zel che a. I fapa pawh i enkawl peih lova fahrah chawmnaah i dah a. Fahrah chawmna aṭanga seilian tur chuan kan phal lova,keinin kan fa atan kan la ta a nihkha,"a ti hmarh hmarh mai a. Chupa chuan,"Ka fapa hi fahrah chawmnaah khan kumkhua in dah ka tum hleinem,"a ti ve thung a. Ka pa chuan,"Kumkhuaa dah tum lo si,engvanga dah kher nge i nih?,"a ti ve leh ngat a. Chupa chuan,"Ka fapa kha fahrah chawmna In a ka dah chhung khan sum thawhchhuah ka tum ve a sin,"a ti ve leh a. Ka pa chuan,"Eng a? Sum thawh chhuah a? Tunah pawh hian engnge i tih a? Engnge i thawh tih hi ka hre ve vek a sin,nitin i rui a. Zanah nise hmeichhe hrang hrang i kawp kual a,heti chung hian i fapa hi i bulah ka awmtir phal i ring a mi?,"a ti ta phiar phiar mai a. 

Chutah ka pa bula pa pakhat ding chuan chemte a rawn phawrh ta mai,"Ka fapa hi min pe let lo a nihchuan he chemte hmang hian i ril ka phawrh ang. Khawnge ka fapa chu i dah? Lalrammuan,Lalrammuan,lo chhuak teh i pa ka lo kal hi,"tiin a âu chiam chiam a. Ka room-ah chuan ka ding ngawi kur mai a,chupa lah chu ka hming lamin a âu tuarh tuarh mai bawk si. A tawp a tawpah chuan ka room aṭang chuan ka pen chhuak ve ta,"Engnge i duh?,"ka va ti ve ngawt a. Ka pa chu a lo meng phawk nasa ngei mai,"Bawiha,...Bawiha,"a lo ti nghal chûl a. Ka pa bulah chuan ka phei a,"Ka pa hepa hi tunge a?,"ka ti leh a. Chupa chuan,"Ehe kei hi min hre lo a maw? I pa ka nih hi,lo kal ta che ka fapa,"tih pahin min hui a. Mahse,ani hi ka ngaina lo a ni,"Ka pa i ni lo,ka pa chu ka bulah hian a ding,"ka ti ve ngat a. Ka pa chuan,"Khawngaihin min chhuahsan mai rawh. Min chhuahsan lo a nihchuan police ka ko dawn a nia,"a lo ti ve leh bawk a. 

Chupa chuan eng mah sawi lovin ka pa chu a rawn bawh thut mai a;mahse,an inkarah ka va tlazep hman hram a. Ka pa vih tum chuan keimah min vit ta zawk a,ka pa chuan,"Bawiha,i ṭha em? Nang kha thlawk bo rawh,i thil tih hi i hmu em?,"a ti tuarh tuarh mai a. Ka pa kutah chuan ka vuan a,ka lu a hai muai muai a ka pa ṭawng pawh chu ka hre thei tawh lo. A tawpah phei chuan ka pa hmel chu hmuh pawh ka hmu thei tawh lo,ka khawvel chu a thim vek ni mai hian ka hria.

"M-a,i ṭha em? I harh em?,"Pitei chuan ka hmaiah chuan na vak lo hian min lo beng taih taih a. Khang thil zawng zawng kha ka mumang vek maw ni leh tawh a,"Pite,engtinnge ka awm? Khawnge khapa kha?,"ka ti nghal mawlh mawlh a. 

Pitei chuan mak tih hmel deuhin min en a,"Tumah midang an awm lo,ka nu a muhil a keimah bak tumah an awm lo. Naupang hruai a hun tawh sia,rawn kaihthawh che ka tum a i lo rum nasa lutuk a. I mumangah engnge i hmuh leh tawh a?,"tih pahin min en hâ mai a. "Aaa pite,kinah ka hrilh ang che. Ka in phih fai a nga,naupang chu ka va hruai a nge,"ka ti a,ka tho a bathroom-ah chuan ka lut nghal a. 

Rilruah zawhna tam tak a rawn lut leh zut zut tawh a. Kei hi ka nu leh pa te duh loh chu ka ni tak tak a ngem? Ka pa dik tak hian min rawn lak let leh tum ta se,engtinnge ni ang le? Ka nu leh pa dik tak te hi an la dam a ngem le? Huihammm rilru a van hah ṭhin tak êm! Pitei chuan thingpui min rawn pe a,"Tunlai chu i nguai riau mai. I mumang lamah engnge i hmuh ṭhin a?,"a rawn ti a,ka bulah chuan a rawn ṭhu nghal a. 

Pitei hi chuan a fapa ang chiahin min en a,ngaihsak pawh min ngaihsak putea aipawn ka nêl daih zawk,"Pite,vawiin chhuna ka mumang kha chu a mak lutuk. Ka pa tak tak ka hmu a,"tiin ka mumang chu pitei bulah chuan ka hrilh fai vek a. Pitei chuan,"Mumang mai mai a nihchu,engatanmah ngai suh. Tuna i nu leh pa te bak hi nu leh pa i nei lo,"tih pahin ka darah chuan min rawn kuah a,"I mumangah chuan engpawh i hmu thei a lawm. Chuan,a takah pawh tupawn eng thil pawh sawi se,rin vek loh tur a nia. I nu leh pate fa i ni tih kha ring nghet bur ang che,"a ti a,a ngawi vang vang a. "Pite,ka nu leh pa te fa dik tak ni lo ta i la tu fa nge ka nih ang le?,"ka ti leh a. Pitei chuan,"A van mak tak e aww,i nu leh pa fa i ni ka tih chu. Khatiang zawhna mak deuh deuh leh ngaihtuahna âtthlak deuh deuh kha i thinlung aṭang khan paihbo tawh ang che,"a ti a,a tho nulh a choka lamah chuan a phei nghal daih a.

Zan riah eikhamah chuan Dintei Ina leng tur chuan ka insiam leh malh malh a. Putea chuan,"Dintei te In lamah bawk em ni?,"tih pahin a lo nui kur kur a. Pitei chuan,"Khutah lo chuan lênna tur dang vak a hre lo,"a lo ti ve bawk a,an nupa chuan an nui dun bawk bawk a. "In ho nupa e mai,ka kal aw ka rawn haw har lovang,"tih pahin ka chhuak nghal a.

Dintei chuan a naute ho chu lehkha a lo zirtir malh malh a,"Ee lo ṭhu rawh,hei naupang ho hi homework kan tih zawhpui lawk a nge. Naktuk test tur an nei bawk sia,"a lo ti nghal vat a. Ṭhutna âwlah chuan ka ṭhu ve nghal a,"Khawnge i pu?,"ka ti nghal vat a,"A pu chu a damṭha vak lova,chaw eikham khan a mu nghal daih a,"a ti a,min rawn nuih suk a. Naupang ho chu lehkha a zirtir leh nghal malh malh a,"Aww a va zia lo ṭhin ve aw,a khua a sik mi a?,"ka lo ti ve vat a. 

"Imm tunlai chu a hritlang reuh lutuk a,zan lamah pawh min men pui peih meuh tawh lo,"a lo ti leh a,"Nihchu a zia lo hle mai a,"tih pah chuan Mercy chu ka text leh rih a;

"I buai em? Vawiin lamah class te i kal ṭha em?,"

"Buai lutuk lo e,note ka copy zuai zuai a. Nang zawk vawiin chu i va reh ve?,"

"Nia zinga kan hnatlang kha ka chau deuh a niang,chhunah ka lo muhil daih a,"

"Chuan,engtiknge i lo haw ang?,"

"Putea hi a damṭha tawh bawk a,tum dan chuan karleh lamah khian a niang,"

"Ka lo hmuak ang che aw,i duh em?,"

"I peih chuan pawi hleinem,"

"Chuan,tunah khan i leng leh tawh em?,"

"Imm leng e tinge?,"

"Dintei te Inah mi i lên leh tawh a?,"

"Imm tinge?,"

"Engmah ni love,in inkawm duh awm sia ka out mai ang aw,"

"Inbe chung pawn ka kawm thei reng lawm,"

"Note ka copy laklawh tho sia,ka out rih mai ang hlim deuhin in lo inkawm dawn nia aw,"

"Tih tauh kher kha a ṭul lo e mai aw,"

"Ka titau hleinem,ka out nia bye,"

"I titau reng,"

Min reply tawh lo,ka text reng duh tawh bik lova. Dar 8.30pm vel thleng Dintei chuan a nau te chu lehkha a zirtir a,a nau te ho pawh chu thuawih takin an mu ve nghal mai a. 

"Min lo nghak rei ngat ngat em?,"tih pahin ka bulah chuan a rawn ṭhu a.  "Rei love,min hrilh tur chu,"ka lo ti nghal ringawt a,a nui vur vur a,"I van hre chak tawh tak,thingpui te in phawt i la ka va lum ang aw,"a ti a,choka lamah a phei leh nghal daih a.

Rei vak lo hnuah thingpui no 2 chawiin a rawn let leh nghal a,"Mercy nen in ṭha em?,"a rawn ti nghal a. "Imm ṭha e min hrilh tur chu?,"ka lo ti leh a. A nui var var a,"Nia ka hrilh tumna che a rei tawh bawk a,ka hrilh ang che. Mahse,ngawi renga min lo ngaihthlak a ngai ang aw,"a ti ta a,"Awle ngawi renga ngaithla turin ka in peih e,"tih pah chuan ka in kuangkuah deuh ât a. Min en a,a nui var var a,"Good boy,"a rawn sap a,a âw a thian kharh kharh a,"Englo a nia ka 1st love chungchang sawi ka duh a,nangpawn engkim min hrilh ṭhin a. Kei pawh hian engkim hrilh che ka duh a ni,"a ti a,ka lu ka lo bu nghut nghut a.

"Class-x ka zir kum hian mipa hmangaih deuh mai ka tawng a. Ani pawh chuan min hmangaih lutuk,kum 1 leh a chanve vel chu kan in ngaizawng ve hman. Mahse,kum 1 leh thla 7 vel na tur chiah ah min kawp tih ka hrechhuaka,khami ṭuma ka nat zia kha âw. Ka nu in min dampui tawh si lo,ka pa lahin hmeichhe dang min ûm san bawk si. Ka mipa hmangaih em emin hmeichhe dang nen min lo kawp bawk a,tu bulah mah in bunruahna tur ka nei si lo. Zanah ka pu leh ka nau te ho mut vek hnuah,a rukin ka ṭap ṭhin. Engmah ka ei thei lova,cher pawh ka cher bawk. Khang hun lai khan ka beidawng takzet ṭhin a sin,thih mai te kha ka duh rum rum ṭhin. Khapa ka hmangaih em em kha,ani chuan ngaihdam pawh min dil lova a hmeichhe kawp bulah chuan a kal a nihchu.! Tun thleng pawh hian ka la nâ in ka hria,khapa vang khan mipa tumah hi ka ring thei tawh lo. 

Bialpa pawh ka nei tawh ngai lo bawk;mahse,keimah leh keimah ka in ti chak a. Khapa vang khan ka na reng lovang,a tel lo pawh hian ka hlim thei tih hi hmuh tir ve ka duh a ni. Tichuan,beiseina tlem te ka la neih chu ka chhem alh a,a rin phak bak leh a beisei loh lutukin ka nun ka hmang chho ta si a. Tunah chuan ngaihdam min dil let tawh zawk a nih hi,a ṭhiante bulah chuan min theihnghilh thei lo tiin a lo sawi ṭhin a. Ni e,ka theihnghilh chu harsa ka ti ve khawp mai;mahse,ka thinlung aṭang erawh chuan ka paih chhuak tawh a ni,"a sawi zawng pawh chuan a thin a la rimin ka hria,a thaw halh a,"Ka lawm e aw,ka thâwl huaiin ka hria. Tuma hnena ka la sawi ngai loh chu i bulah hian ka sawi a nia,ka lawm e aw. Ka inbun ruahna turin ka tan i awm a,"a ti leh mawlh mawlh a.

"Chupa chu tunge?,"ka lo ti thung a. Min chhan hma in pawn lamah chuan zu rui an lo in tibuai a,"Tu te nge mawn le?,"tiin chhuah mai ka tum a. Mahse,Dintei chuan min lo pawt ding vat a,"Nang chu lo ṭhu rawh,keimah ka va kal ang,"a ti a,a chhuak nghal a. Mahse,amah mai chuan ka kal tir duh teuh lo mai,a hnungah chuan ka zui phei ve nghal a,"Tu te nge a?,"ka va ti nghal vat a. Romalsawma te ho an lo ni reng a,an zinga 1 chuan,"Dinte,pawi kan ti lutuk kan tihpalh lutuk aw,"a rawn ti mawlh mawlh aw,ngawi rengin an 3 chuan an in zui chho hnak hnak hlawm a.

(Ziah sual leh tih dik lohte ka neih chuan min hrilh hreh lo ula aw,ka la inzir ve mek zel a nia. Chuan,ka story ziah tlawm tak te ngaihnawm ti taka lo chhiat ṭhintu te zawng zawng chungah khan thinlung takin lawmthu ka sawi nawn leh mawlh mawlh a ni e. Ka lawm e)

[23/03, 07:53] Rs Thangluah: 

*KA LEI VANTIRHKOH*

BUNG-17 NA

By:- *Rs Thangluah{Remz}✍🏻*

"Tu maw i 1st love chu?,"ka ti ṭha leh a. Dintei chuan,"I thinrim lo ang tih min tiam phawt la,"a rawn ti a,mak ka ti hle mai. "Awle ka thinrim lo ang,"ka lo ti ve mai a,tunge a 1st love chu hriat ka duh bawk si,"Sawi la,"ka ti leh a. "Ka 1st love chu Mazuala hi a nia,"a ti ta mai,ka sa pup pupin ka hria,"Maw? I 1st love chu Mazuala hi maw?,"ka ti nghal hrawk a. "Immm i thinrim lo tiraw?,"a rawn ti zawi sap a. Dik tak chuan ka thin a rim a ni;mahse,thinrim lo tur khan ka in tiam tawh bawk sia,"Imm thinrim lo e,"ka ti sup a. Mahse,thla rei lo te chhung ka kawm ṭhin leh ka rin em em ka ṭhiannu chuan min lo hrechiang hman khawp mai,"Dawt i thinrim a piangin i kekawr ipte i zen ziah. A chhan pawh insûm i tum vang a ni,i kekawr ipte chhungah khan i kut i hum ruh tih pawh ka hria,"a rawn ti mai chu(h). 

Phat ngaihna ka hre lo chiang kher mai,"Nia a dik a lawm,"ka lo ti mai a. Nuam lo a tih hmel hle mai,"Pawi ka ti lutuk i thin tih rim kha ka tum pawh a ni lo a sin. Mahse,hman aṭang tawha ka natna ka lo pai reng tawh chu i bulah hian in paih thawl ka duh ve bawk sia. Min hrethiam hram hram mai rawh aw,"a ti mawlh mawlh mai a. "I thiam loh a ni hleinem,i tan ṭhianṭha tak ka ni reng dawn lawm,"ka lo ti ve nghal vat a,ka kuah ang nge kuah lo ang tia ka in ngaihtuah buai lai chuan;amah zawk chuan min rawn kuah a,"Ka lawm lutuk aw,keipawh i tan ṭhian ṭha tak ka ni reng ang,"tih pahin ka lo kuah let ve nghal a.

Aizawla ka chhoh hma in ni 1 chiah hun ka nei ta. Ka phûr rual rualin ka huphurh a ni;a chhanchu ka duh hun hunah ka ṭhian Dintei chu ka hmu thei tawh dawn si lo. Ka harsatna leh ka natna te tu hnenah nge ka sawi tak ang? 

Ka haw hma zan chuan Dintei Inah chuan ka leng leh a,rin loh leh beisei loh deuhin Mazuala a lo awm ve kur mai;mahse,haw leh mai ka tum bik lo. Dintei chuan nui var var chungin min lo be nghal vat a,"Naktukah maw i haw chhoh dawn? I ngaihawm dawn sia aw,"a lo ti nghal mawlh mawlh a. Mazuala erawh chuan ṭawngkam khat pawn min be lo,"Nia nangni pawh in ngaihawm dawn lutuk. Dam chuan helamah mass ka rawn hmang maithei a ni,"ka ti ve ngat a. Dintei chuan,"Awii a ni maw? Lo hmang la,kan khua chu mass kan hmang pui thei tehmai a nia aw,nuam i ti ngawt ang,"nui sâng chung chuan a rawn ti leh a. "Nia,ka pa ten an phal phawt chuan ka rawn hmang dawn chiang a lawm,"ka lo ti ve leh vat a. Mazuala ngawi reng chu nuam a ti bik chiah lo a ni ngei ang,"Tinge nang hi i va ngawi chawi ve? Ṭawng ve bawrh bawrh ta che,"tih pahin za vak lovin Dintei chuan Mazuala chu a nuih a. 

Mazuala chuan,"Ka haw phawt a nge,ka lo hnawksak lutuk palh a nge,"tih pahin a ding uaih a,kal a tum nghal mai a. Mahse,keimah vanga a haw daih chuan ka tan a nuam dawn miah lo,"Aww ṭhianpa,a la hma em hi kan la inkawm ang chu,"ka lo ti ve bawk a. Mahse,mahni tawka thu duh ve tak a ni ve a,ka sawmna te chu ek tlukah pawh a ngai lo ang,"Ka kal phawt a nge,hlim deuhin in inkawm dawn nia,"a ti a,a chhuak nul nul a. Dintei chuan,"A nih muttui aw,"tiin kawngka bul thleng chu a va thlah ve bawk a. 

"I khawngaih lo mi?,"ka ti thla ngawt a. Dintei chu a ner nasa ngang mai,"Khatiang mi chapo lutuk kha engtinnge ka lo hmangaih theih le tiin ka in zawt nawn fo a sin. Na taka min hliam hnuah,min la hmusit zui a. Khatiang mihring khan khawngaih an phû lo,hmangaih pawh an phû lo,"a ti nghal bawrh bawrh a. 

"Engtinnge a tih che a?,"ka ti leh kher pek a. "Huiham mipa ka hriatah chuan thil min la zawt chîk ber ang. Ihmaww,Msa nen in rawn len hmasak ber zan aṭang khan ngaihdam min dil ṭan a. Mahse,ka thinlung kehsawm vek tawh vanga na hian a ngaidam thei tawh lo a ni. Lo let leh a duh thu pawh min hrilh nasa;mahse,kumkhua pawn ka pawm theih tawh loh tur thu ka hrilh a. Ti chung chuan ngaihdam min la dil ngat ngat a,nizan hmasa khan whatsappah min lo text a ngaihdam min dil leh a. Rilru fîm tak a ka in ngaihtuah hnuah harsa ti tak chungin ka ngaihdam thu ka hrilh a;mahse,ka pawm theih tawh loh thu leh ka thinlung aṭanga ka paih chhuah tawh thu ka hrilh nghal vek a. A reh hlen mai dawn emaw ka tia,zanin khan a rawn lang leh a hmeichhia chumi khami chuan min ngaizawng a tih vel mai mai min rawn sawi khum vel a. A pa hausak zia te a rawn sawi chiam chiam a,ka ngaihsan a ring a nihchuan a tisual ve viau ang,"a ti zêk mai a. 

A sawi zawng chuan a thinrim lutuk chu a âw te chu a khur der derin ka hria a. "Nia,i ngaidam a nihpawn i pawm leh kher a ngai hleinem,"ka lo ti ve mai a. "Huiham thil dang sawi ang,"Dintei chuan a phone chu a en a,"Awiii kan exam hun tur hi an sawn hla a nih hi. Ka van lawm tak,"a rawn tih zawm nghal zat a. "Eng exam maw?,"ka lo ti hâ mai a. "Awi i hriatna te hi a ṭha lo ve sia maw? Computer ka zir thu kha ka la hrilh lo che mi?,"a rawn ti vat a. "Eee aww hrilh tawh tak e a,"tih pahin ka lo nui hak hak a. "I rilruah i bialnu ngawt i dah nihkha,"tih pahin ka samah chuan a rawn kek a,"Sama in keh awih loh aw,"tih pahin a kut chu ka man sak a,"Chuan,tinge tunah hian class i kal si loh?,"ka ti thung a. "Nia kan miss bulah kan chhungkaw dinhmun ka hrilh vek a. Min hrethiam a,In lam aṭangin ka ti mai test tur a awm pawn zanah video call in ka test hmiah zel,"a ti mai chu(h),mak ka ti ngei mai. 

"In miss chuan tichuan tih a phal maw? A van fel em em,"ka lo ti vat a. "Imm a fel lutuk,kan chhungkaw dinhmun leh kan harsat zia te ka hrilh a min hrethiam a ka lawm a sin aw. Mahse,exam hunah chuan a hmunah ngei ka exam ve a ngai dawn a,"a lo ti leh a. "Engtiknge in exam dawn a?,"ka lo ti vat a,"Tun thla ni 15 hi nia;mahse,hei an rawn sawn leh sia ni 20 ah kan exam dawn nih hi,"a ti leh a,nitin mai hian Dintei ka tluk loh zia leh a puitlin zia hi ka hre thar zel mai zawng a nih hi.

"Tunlai Mercy chungchang i va sawi ngai lo ve a,in ṭha vak lo mi a?,"a rawn ti hlawl mai a. "Ṭha e a phone a ti chhia a,an la siam mek a,"ka lo ti a. "Nihchuan i lung a van leng dawn ve,"tih pahin Dintei chu a nui var var a. "Nia leng ve thawkhat e,naktuk ka haw tur thu pawh ka ṭhianpa lo hrilh turin ka ti ringawt a,an lo in hrilh êm ang chu maw?,"ka tia,ka nui suk a. 

Dintei chuan,"A hrilh hrim hrim ang,ee chuan maw kan exam hun chu in Inah rawn in nghah a rem a ngem?,"a ti leh a,ka lo lawm ru ang reng khawp mai,"Eee theih tehreng e le,kan Ina i in nghah loh chuan ka lungawi lo ngawt ang aw,"ka lo ti nghal vat a,a nuih a za kher mai,"Ka rawn chhoh dawnah ka rawn hrilh che nga,min lo hmuak peih a ngem?,"a ti leh a,"Eee peih tehreng e le,"ka lo ti leh nghal vat a.

Zan dar 11.00pm a lo pel leh tawh reng mai,haw chu ka phûr lo takzet a ni,"Dinte,ka haw chho tawh mai dawn mawn le? Hei 11 a pel tawh sia,nangpawh mut i duh tawh awm sia,"ka ti a,ka ding nghal uaih a. "M,i haw hunah pawh ka biak theih leh ka inbun ruahna turin i awm reng ang tiraw?,"a rawn ti zawi sap a. "Immm tehreng mai,i tan ka awm reng dawn lawm,"ka lo ti ve nghal vat a. 

Min rawn kuah a,"Ka ngai ngawt ang che,i haw chhoh hunah pawh i nu leh pa te tan fapa ṭha tak han ni reng la. Ka tan ṭhian ṭha tak ni reng bawk la,Mercy tan pawh mipa ṭha tak ni reng ang che aw,"he nu rilru ṭhat dan em em hi chu aw. "Awle tehreng mai i thusawi hi ka vawng reng ang,nangpawh ka tan ṭhian ṭha tak ni reng ang che aw,"ka ti a,a chalah chuan fawp zauh a,a hmuiah chuan fawh leh mai ka van châk tak;mahse,a rem si lo. Kan inkarah chuan in ṭhian ṭhatna bak a awm tur a ni lo,huiham,"Ka haw phawt a nge aw,naktuk kan chhuah dawnah ka rawn hrilh dawn che nia aw,"ka ti a,kan in kuahna chu zawi te in kan thlah thla riai riai a,"Ka ngai ngawt ang che,"a ti leh sup a,"Nia keipawn ka ngai ngawt ang che;mahse,ka haw a hun tawh. Kawngka bul thleng hi min rawn thlah mai rawh,"ka ti a,kawngka lam pan chuan kan in kai phei a,"Ka haw chho phawt a nge aw,"ka ti a,kawngka chu ka kân a. 

"Leh lawk,"tih pahin ka hnarah chuan a rawn pawt zauh a,"Ka pawt leh khât tawh dawn e mai,"a ti a,a nui var var a,"I van ho reuh tak,"ka ti a ka nui suk a.

Zing chaw ei khamah chuan phûr lo zet hian ka in pack malh malh a. Pitei chuan min rawn pui bawk a,"I haw tur chu i van phûr hmel si loh ve a?,"tih pahin min rawn nuih var var a,"Chutia mi? Ka nu ka ngai ve tawh lawm,"tih pahin ka lo nui suk a. Pitei chuan,"Nia i nu chu i ngai tho a nga;mahse,helamah pawttu an awm tlatin ka hria,"a ti a,a nui kur kur a. "Nhaaa tu chu maw?,"tiin ka hre lo der vel a,Dintei a sawina a ni tih chu ka hai bik si lova. "Eeeh an hre lo der vel a,nizanah pawh i lên rei êm kha aw,"tih pah chuan a nui leh kar kar ṭhin a. Pitei tak hi chu aww,thil te hi a hrethiam hma thei si,"Nhaaa ani te chu ka ṭhian a lawm,ka bialnu chu i hriat ve reng kha,"ka lo ti ve thung a. Kan pahnih chuan kan nui dun hawk hawk a.

Zing dar 9.00am ah chuan Zawlkhawpui lam pan turin Dintei te khua chu ka chhuahsan ta a. Ka khua a har veng veng mai,tunah tak chuan ka rilruah hian Mercy aiin Dintei buk a rit zawkin ka hria. Kan thlen chin min hrilh zel tura min tih angin signal a ṭhat apiangin whatsapp-ah ka text nghal char char zel a. A khât tawkin min chhan pawh ka dawng leh nulh nulh ṭhin bawk a.

Tlai lam dar 4.00pm velah Aizawl chu kan thleng ve ta,ka nu chu ka call nghal a Aizawl kan thlen tawh thu ka hrilh nghal vat a. Ka nu pawh chuan counter a an awm tawh thu min lo hrilh nghal bawk a,ka hlim kher mai. Dintei ka text leh nghal a;

"Te,Aizawl chu kan thleng tawh a. Mahse,Counter kan la thleng lo deuh,"

"A lawmawm lutuk i chau em?,"

"Chau lo ee;mahse,ka ril a ṭam tawh rap mai,"

"In chhuk veleh thil i ei ṭeuh dawn nia,"

"Chaw in ei ṭep tawh em?,"

"La ei ṭep lo deuh naupang homework ka tih pui a,"

"Nihchu hei kan thleng dawn chiah,nakinah In kan thlen hunah ka rawn be leh dawn che nia,nihphawt aw,"

"Awle nih le,"

Ka reply tawh lova,ka out nghal a. Sumo a din fel hnu chuan ka chhuk nghal thak a,ka nu leh ka û chuan min hmuh veleh an lo nui nghal var var a. Ka van hlim tehkher ve le,ka bungrua te chu kan hlanthlak fel hnu chuan,"Nu,ka rilṭam tehmai nia aw,"ka ti nghal a. Ka nu chuan,"Awii Bawiha,chaw ei a hnai tawh sia. Haw vat i la,Inah i ei nghal dawn nia aw. Mahse,i ṭam chhawl ang tih ka hlau bawk sia,"tih pahin Counter sira dawr tereuhte ah chuan a va lut a,Appy leh Bhujia hi a rawn lei a,"Hei ṭam chhawl tur vengah ei mai ta che aw,"tiin min rawn pe a,ka nu hi chuan ka thil duh zawng hi chu a hre ve ngawt mai,"Ka lawm e aw Nu,"tih pahin ka nui vur vur a,ka kuah bawk a. Ka û chuan,"Lee kal tawh i la,ka pa in rei min ti lutuk a nge,"a lo ti ve bawk a. Ka bungrua vel chu Car ah chuan kan dah lut a,kan In lam panin kan tlan chhuak nghal a.

[23/03, 07:53] Rs Thangluah: 

*KA LEI VANTIRHKOH*

BUNG-18 NA

By:- *Rs Thangluah{Remz}✍🏻*

Ka pa chuan,"I rawn thleng tluang maw? I chau em?,"tiin min lo be nghal sawk sawk a,"Aih chau lo e;mahse,ka ril a ṭam lutuk a,"ka lo ti nghal vat a. Ka nu chuan,"I û te hian chaw ei lo siam se,chaw ei siam chhungin lo va in thiar lut i la,"a ti a,ka room lamah chuan ka bungrua vel chu kan khai phei a. 

Chaw eikham veleh Mercy te Ina leng turin ka insiam nghal a,ka phûr khawp mai. Ka kal hma in Dintei chu ka call leh phawt a;

"Aw M,"

"I buai em?,"

"Aih buai lo ee,chaw i ei tawh mi a?,"

"Aww ei kham deuh chiah a,Mercy te Inah ka leng dawn a. Ka len hma ka rawn be zuai che nih hi,"

"Nuam awm bik bik ve,i surprise dawn mi?,"

"Imm tiang deuh chu ni mai,nih ka kal phawt nge aw. Lo la muhil lo la,ka haw hunah ka rawn text leh ang che aw,"

"Awle ka lo nghak reng dawn che nia aw,"

"Immm nih bye phawts aww,"

"Awle bye,"

Ka bike ka duat em em chu ka hrufai thuak thuak a,ka ti nung leh vut vut tawh a. Mercy-i'n min hmuh hun chuan mak a van ti dawn tak êm! Phûr zetin Mercy te In lam pan chuan ka in khalh thla vûk vûk mai a.

Mercy te kawtah chuan Bike 1 hi a lo ding ve vâng mai a,in lêng dang a nei a nih ka ring nghal a. Mahse,let leh erawh ka tum lem lo,ka bialnu a ni ve chiang e mai. Ka bike chu ka hung ṭha sauh sauh a,Mercy te kawngkhar lam pan chuan ka pen phei chhat chhat mai a.

Door bell chu ka hmet ri ral ral a,a hnu rei vak lo ah kawngkhar chu an rawn hawng ri rawk a,"Awiii nangmah ni maw? Teh thut che chuan,lo lut rawh,"Mercy nen chuan kan in zui lut nghal a. Ka rin ang ngeiin sitting room-ah chuan mipa 1 hi a lo ṭhu vâng mai,a ex kha a la ni zui leh nghal a. 

Mercy chuan,"Engtiknge i rawn thlen a?,"a ti nghal a,"Vawiinah,"ka lo ti tawi tuk a. Mipa lo awm ve chuan,"Zanin chu i rawn rui lo a ni maw?,"ngeiawm zet a nuih pah hian a rawn ti a. Ka sa phat mai,"Engmaw? Rui reng turah min ngai a mi a?,"ka ti chang fak mai a. Mercy chuan boruak so sang tur chu a rawn ti dai vat a,"In ho e mai,khi Mizo Idol an ṭan tawh nia. LalTicos-a hi ka duh ee,"tih pahin volume chu a rawn pe sâng vat a. Ka thin chu la rim deuh tho mah se,ka in sûm thei hram a ni.

"Thingpui ka va lum ang aw,tikhan lo inkawm ru aw,"a ti a,Mercy chu choka lamah chuan a phei nghal daih a. Chupa nen chuan kan inbe lo chiang khawp mai,a cho erawh kan in cho over tih chu ka hai lo. Remchang hmasa berah ka la nuai deuh ang maw le,ka bialnu ex ve mai mai leh nghal.

Zan dar 12.00pm ah pawh tumah mah chu haw kan tum lo. Chupa lah chuan Mercy chu a in ti ta tu em em mai leh nghal,"Naktuk chu aw i lo theihnghilh a nge aw,ka haw phawt a nge,"a ti a,a tho nghal nulh a. Mercy chuan pawn thleng a va thlah a,duh aiin an in thlah rei mah mah a ni. A rawn let leh chuan min rawn nuih var var a,"Zanin chu min va surprise ve a,"tih pahin ka bulah chuan a rawn ṭhu a. "Kha pa kha tunge? Tinge a lo len ve ziah a?,"ka lo ti nghal hmawk hmawk a. "Ka ex a nihkha i hriat ve vek kha,tunlai chu ngaihdam min rawn dil leh vel a. Ka be ṭha ngai lo hrim hrim,i lo thîk a ni maw? I van duhawm tak,"tih pahin ka bengah a rawn khawih a. "Thîk lo e,naktuk chuan khawnge in kal dun dawn a?,"ka ti leh hmuk a. "A nau birthday a nia,min lo sawm ve nihkha. I tel lo chuan khawiah mah ka kal duh teuh lo mai,"a ti a,min rawn ngheng a. 

Mahse,ka luhlul a chhuak tlat,"In kal dawn nia,keipawh naktuk chu chhuahna tur ka nei ve tho lawm. Hei a tlai tawh si,ka haw ve phawt ang aw,"ka ti a,ka ding nghal awt a. "I mak thei e mai,la leng ve rih la,"Mercy chuan ka banah min vuan a. "A tlai tawh ka haw dawn,i nu a rawn tho a nga Anṭam a rawn chhum leh palh ang,"ka ti a,kawngka lam chu ka pan phei nghal a. "Hmm nih i tih tlat chuan le,"tiin kawngka bul thleng chuan min thlah phei a. "Muttui aw,"a rawn ti zawi sap a,"Muttui le,"ka ti a,ka bike chu ka ti nung a chak lutukin ka tlan nghal vûk vûk a.

In ka thlen veleh Dintei chu ka text nghal a,a lo meng ve reng nia. Ka van in thiam lo tak e aw,;

"I mu tawh em?,"

"Aih mu lo e,ka lo nghak che a,"

"Tihpalh lutuk aw duh aiin ka lêng rei a,"

"Aih a pawi lo nia,ka exam tur ka en pah bawk a. A lo welcome ṭha che maw?,"

"In lêng dang a lo nei ve khang lang a,a ex a la ni zui,"

"I thinrim nimaw? Hmeichhia a nia,nula a nih bawk chuan in lêng te chu a nei ve bawk ang chu,"

"I ṭan zawk dawn a mi a?,"

"Ṭan zawk leh ṭan zawk loh pawh a ni lo,"

"I ṭan tho tho,"

"Tho tho lo😝,"

"Tho tho☹,"

"Ka ṭan feeee che aw,"

"Min ṭan pit lo min hau,"

"Hau lo che,"

"Tak takin a tlai tawh sia,nangpawh mu tawh la aw,"

"Ka mu nga i mu ve dawn lo mi?,"

"Mu dawn e le,i mut hunah ka mu ang,"

"Imm nih ka mu dawn e aw muttui suk suk aw😴😴,"

"Imm muttui suk suk le,"

"I phone chu engtiknge a ṭhat dawn a?,"ka ti deuh hmuk a. "Aww ka hre bik hleinem,niminah ka zawt a. A part thlak a ngai a,chah a ngai an tia,"Mercy chuan a lo ti vat a. "I pa in sum a ngah tehreng nen,phone 1 lek man tur te chu dil ve mai la,"ka ti leh kher a. Min melh râm râm mai a,"I van mak tak ka phone kha ka ui ve tho lawm,"a lo ti deuh hmuk a. "Hmm nihchu i ex te kha i be duh lo mi?,"ka ti let kher a,a run ngang mai,"Huiham tinge kan inhauh reng a? Ka rilṭam tawh nia,thil ei ang,"a ti a,amahin a kal vûk vûk a. 

"Kha lamah khan ei tur a awm mi?,"tih pahin ka ûm zui nghal vat a. "Aw awm e,"tih pahin a kal thla zel a. Kawng sirah chuan Momo hi an lo zuar,"I duh ve em? Keichu ka rilṭam tawh lutuk,ka ei ṭeuh dawn,"tih pahin ₹50 man a pack tir nghal a,"Aww duh ve tho e,ka pi engzat man tur nge?,"ka ti a,ka wallet ka phawrh nghal a. "Keiman ka lo pe mai ang,"tih pahin ₹500 note hi a rawn phawrh a. Momo zuartu nu chuan,"₹50 man a nia,a nawi ka van neih loh hmel ve Bawihi,"a lo ti vat a. "Ka pi,hei a nawi ka nei hlauh e,"ka ti a,₹50 note thar tawk chu ka pe nghal thak a,"Kan lawm e aw Bawiha,"tih pahin pawisa chu a la a,"Awle keini pawh kan lawm e,"ka ti a,Mercy chu ka um zui leh nghal a.

"Nge nangmahin i lo kal vûk vûk zel a? Min lo nghak ve ṭhin la,"ka ti a,Mercy bul ka thleng chu ka rin loh leh beisei loh lutukin a ex nen khan an lo ding dun chu ni in. Sawi tur ka van vân tak êm! 

Mercy chuan,"Kha ei ve rawh,"tih pahin a momo ken chu min rawn pe a,"Aih ka duh lo mai,ka ril a ṭam lo,"ka lo ti mai a. Ka in ngaihtuah nasa khawp mai,ka hawsan daih mai dawn mawn le? Nge haw ka rawt zawk dawn? Huihammmm....he nu hian min lo kawp reng zawk em ni le? Ngaihtuahna a van buai tak êm! Hmeichhe 1 hian Mercy ex chu a rawn kai a,"Duat,ka zawng nasa tawh lutuk che. Khitah chuan min kalpui tawh la,"a rawn ti ham ham a. Mercy ex chuan chu nu chu ngawi rengin a zui a,"Kha i hmu em? Min ringhlel ve ringawt zel a,ka duh tawh loh hnu a nihkha,"a rawn ti nghal vat a. Mahse,100% in ka thla a la muang thei lo,"Khawmaw Momo chu,"tih pahin ka ei nghal mawlh mawlh a.

"Kan inhauh reng chhan i hre duh em?,"tiin Mercy chu ka melh a,min ngaihsak miah lo tih ka hre thei. 

"A mak e mai,min ngaithla ve la,"ka ti hrawk a,"Imm ka hre vek a lawm,sawi la,"a rawn ti nghal a. "Kan inhauh reng chhan chu maw? Bul kan ṭan dan a ho êm a lawm tiraw?,"ka ti ta nge nge a. "Engnge a ho na?,"a lo ti vat a,"Aww ngaihtuah ve ta che,i bialpa angin lem ka chang a. Chumi hnuah nangma duhdan in i bialpa tak ka ni leh ringawt a,"ka ti a. Mercy chu a nui hawk hawk a,"Hmmmp a hma pawn min star ṭhin tho kha,bul kan ṭan dan chu a ṭhat lohna ka hre ve lo,"a rawn ti ve thung a. "Nia ka star che tih chu ka pha lo e;mahse,star satliah ve mai a nihkha,"ka ti leh kher a. "Maw? Star satliah maw? Min hmangaih emaw ka lo ti a sin,ka na hle mai,"leh lam a hawi a,a mittui a hru zauh a;a ṭap a ni tih ka hre thei nghal a. Thlem dan tur ka van hre lo tak,ka ṭhu ngawi reng ringawt a. Ani lah chu lungchhe takin a in sut a in sut tawh mai bawk si,a tawp a tawpah chuan ka thiam ang tawkin ka thlem ve ta. 

"Ṭap tawh lo teh,ka tihpalh a nihkha. I ṭah chuan nuam ka ti lo a nia,"tih pahin ka va kuah ve ngei a,awithaww ka van zei lo ṭhin tak êm! A mittui ka hru hul ve ngei;mahse,a eyebrow ka hru pherh vek,"Mawla,ka eyebrow i hruk pherh vek hi. Zei lo thei lutuk mai,"tiin min la vin hrep zui hit lo thei sia.

"I la fawp lo maw?," Jo leh Mawia chuan min nuih kiah kiah mai a. "Aww ka fawp ngam hleinem,"ka lo ti mai a. "Hairaww mahni bialnu te pawh fawp ngam lo,i van nep tak e aw,"Mawia chuan min nuih nasa mai a. "Awww engnge ka zak ve tho lawm,amah pawn min fawh a tum bik hleinem,"ka lo ti nghal vat. Jo chuan nui hak hak chungin,"I va han hahthlak ṭhin tak e aww. Hmeichhia chuan bul an ṭan hmasa ngai lo,mipa in an ṭan hmasa tur a ni. In chhuah dun leh hun hunah fawp tawh ngei ngei ang che aw. I la fawh ngam loh cheu chuan,i tuai tihna ni mai aw,"tih pahin meizial chu a zu hlat hlat a.

 "Awww min hrethiam ve u la,bialnu ka vawikhat neihna nia ka zâm ve tho lawm,"ka lo ti vat a. Mawia chuan,"Mipa chuan a bialnu chu a fawp ngam tur a ni,"a lo ti ve bap bap bawk a.

Vawiin chu ka fawp tawh hrim hrim ang,tia ngaihtuah rân chungin Mercy nen chuan kan chhuak dun leh ta a. 

Kan kal tumna a ṭhiannu te chu an chhungte mitthi an awm vangin,an khuaa an lo haw daih a. Kalna tur dang kan hre si lo,Mercy chuan,"Kan chhuak ta ro ro Hildai te Inah va leng mai ang,i peih em?,"a lo ti a. "Immm peih tho e,pawi hleinem,"ka lo ti ve vat a,Hildai te In lam pan chuan kan in phur phei leh rih a.

"Awiii,nangni 2 teh hlawl chu,tinge engmah sawi lawk lova in rawn lan thut a,"Hilda chuan chhuat a lo nawt malh malh a. "Nia,Maruati te Inah kal kan tum a an lo awm si lova,kan lo leng tawp a nih hi,"Mercy chu a ṭhu nghal a,ngawi rengin a bulah chuan ka ṭhu ve leh mai bawk a.

"Awiii tikhan lo ṭhu lawk ru aw,vawiin chu ka buai lutuk a. Inhnuai garage ah insuk sa zar tur ka dah ṭeuh a,ka zu zar pharh lawk a nge aw,"a ti a,min chhuahsan nghal daih a. Hun remchang tak niin ka hria;mahse,engtinnge bul ka ṭan ang? Huihammm....hmeichhia ka la fawp ngai si lo. Zawite in a kut chu ka vuan a,"Nizan vang khan ka tihpalh lutuk aw,"ka ti sap a,"A pawi lo a ho lutuk,i thiam loh pawh a nih loh kha,"a lo ti vat a. Tlemin ka ṭhut hnaih deuh a,a kut chu ka hmer vang vang a ka rilru in," 1..2...3,"ka ti a,ka mit ka chhing a ka fawp ve thawr mai;mahse,min nam sawn rang ngei mai. 

"Mawla,ka hnarah i fawp,"tih pahin ka áwmah min chum pawp pawp mai a,ka van zak tehkher ve le. Engmah ka sawi ngam tawh lo,chet pawh ka che ngam lo ka thaw ngam ṭawk a ni. "Tiang em em hian i zei lo ang tih ka ring pha ngai lo,"a la ti zêk zui a. "Ka tihpalh lutuk,"ka ti zawi sup a,"Ka fiamthu nihkha,"tih pahin amah zawk chuan min rawn fawp a,Aw Lalpa a van zei tak êm! Van ah te,chhumah te hian ka thlawk del delin ka hria.

[23/03, 07:53] Rs Thangluah: 

*KA LEI VANTIRHKOH*

BUNG-19 NA

By:- *Rs Thangluah{Remz}✍🏻*

Mercy nen chuan kan in zui nghet ve tawh viau mai. Mahse,zan lamah erawh ka lêng ṭha ngam mang lo,a nu hi a ham strick thei lutuk a lên dawn pawn inkhawm dress nen a ngai zel a,a buaithlak thei teh a sin.

"I nu hi a ham strick thei lutuk a,tiang chuan rawn lên reng pawh ka inthlahrung tawh. Zawhna a ngah thei ropui si,"ka ti ve ngei a. Mercy lah chu a lo nui vur vur thung a,"Engnge i nuih a? Fiamthu ka thawh mi?,"ka ti nghal vat a. "A hlauhawm loh ka tih mawlh mawlh kha,nêl deuhin bia la i nêl ve zel mai ang,"a lo ti thung a. "A teuh lo mai a nui ngai bawk si lo,nêl a har e mai. Nangmah pawh hian i nêl ka ring bik lo e a,"kan ti leh hram a. "Nêl i tum lo ve hrim hrim nihkha,ka nu a nia keichuan ka nêl lutuk,"a rawn ti hlak hlak a,a titau deuh reuhin ka hria. Hmeichhe titau thlêm vel hi ka peih vak lo a sin maw le,"Aww nih ka tihpalh,thildang sawi tawh ang,"ka ti a,thu dang ka sawi pui ta daih a.

"I ṭhiannu kha i la be ngai em?,"a rawn ti chhuak hlawl a. "Dintei maw?,"ka lo ti vat a,"Aw ni e,i rîm ziah ṭhin kha,"a ti kher a,ka van ngei tak. "Ka rîm ngai lo,kan in kâwm ṭhin,"ka ti ve hmak a. "Nang pawn ka ex rawn lên apiangin a rím che i ti ve ziah ṭhin tho lawm,"a rawn ti khang lang a. "Ex leh ṭhian a in ang a mi? Dintei chu ka ṭhian a nia,khapa kha chu i ex a ni,"ka ti ve hmak a. A rawn thinrim ṭan a,"Nihchuan tinge zan tin an Inah khan i lên si?,"a rawn ti leh,huiham hmeichhe ho thîkthu chhiat theih zia hi. "Awww midang ṭhian ka nei si lova,zanah In a awm tawp aiin ka ti a an Inah ka lêng ṭhin,a tawk em? In hnial reng ka ning,"ka ti vin hlar mai a. "Keipawn ka ning ve tho lawm,nangma thiam loh vek a nih hi,"a ti tûn tûn a. Heiham ka chhang peih tawh lo,a peih chhung chu âng teh se,"Khuta i awm chhung khan engtiang takin nge in khawsak ang tih pawh ka hre hleinem. Mipa chuan hmeichhe dang in biak hlekin ka ṭhiannu in tih loh leh ka cousin in ti thûl. Eng ber hi nge rin tur a rin loh tur tih pawh ka hre nek love,"a phone chu a khawih a khawih a,"Ninawm net lah hi muang ropui si,"tih pahin a vawm ṭhuai mai chu(h),ka phu chiang ngei mai,"Eng thil nge i tih a? I thin a van chhe tak,insûm ve ta che,"ka ti nghal bawrh bawrh a. A phone chu ka chhar nghal a,a screen chu a khi ṭhawt ṭhawt mai a. Power button ka hmet a,a êng thei miah lo leh nghal,"Hei i tih chhiat leh tawh hi,hmanni lawkah i siam tir a. Pawisa tam tak sêngin i khul chhuak leh a,tunah i ti chhe leh a. Tiang chuan eng phone in nge daih seng ang che,"ka van ṭawng hnem hman tak. Mahse,pawi ka ti lo ka ngawi rei tawh êm a tin ni. Mercy lah chu a ṭhu tûm bâr mai bawk si,a tih ngaihna tak pawh ka hre lo e a.

"Kha tui hi in la,kan haw dawn nia,"ka ti a,tui bottle chu ka pe a,ngawi rengin a la a a in ve mai a. Mahse,engmah a sawi lo a phone chu a ak a,ngawi rengin ke in a kal leh vûk vûk ta. He hmeichhe rilru lian lutuk hi chu aw,ka bike chu ka ti nung a ka ûm nghal vat a. "Rawn chuang rawh,ke a i kal chuan i hah lutuk ang,"ka ti a,a bulah ka ding a. Mahse,en pawh min en duh lo,"Aih,"a ti a,min kal pel leh nghal vûk vûk a. Heiham engtia tih chi nge mawn le? 

A vawihnih nan ka thiam ang tawkin ka thlem leh a,"Rawn chuang rawh hei a tlai zel a nia,ke a i kal chuan i thleng har lutuk ang,"ka ti leh a,lungawi lo tih hriat tak hian min rawn melh khui khui a,"Ka peih lo,"a ti leh hmuk a,hetiang reng reng chuan kan in thlem lungawi dawnin ka hre lova. Ka bike chu ka stand a,a hma zawnah chuan ka ding chat mai a,"Bike ah hian i rawn chuang dawn nge ke in kan haw dawn?,"ka ti ve ngat a. A ngawi vang vang a,"Ke a kan haw in tunge bike hi rawn khalh haw ang?,"a rawn ti vat a,"Chu vang chuan a lawm rawn chuang rawh ka tih. A nih loh chuan ka tlansan che nga,nangmahin ke in i rawn kal a nga. Ramhuaiin an rawn zawn daih mai ang che,"ka ti a,kan sawiṭhaih vel a a hlauh hmel pawn ka hre lo e a. "Nih kal ang,"a ti a,ka bike awmna lam chu a pan phei nghal a ngawi rengin kan in phur haw leh ta nge nge a.

Zanah chuan Dintei chuan min rawn call a,ka chhang rang khawp mai;

"Aw Dinte,"

"Naktukah ka rawn chho dawn sin,in Ina in nghah chu a rem tak tak dawn em?,"

"Aw rem e,ka lo hmuak ang che. Ka nu bulah pawh ka sawi vek tawh a,a rem a nia aw,"

"Nihchuan ka lawm lutuk nia aw,"

"Ṭhian leh ṭhian inkarah lawmthu an sawi ngai lo,sawited by Nangmah,"

"Hehe i va ho tak e aw,naktuk chu min lo hmuak hman tak tak ang maw?,"

"Aw hman dawn chiang kuang e,"

"Nihchuan ka ring ang che aw,"

"Imm counter ah ka lo hmuak dawn che nia,"

"Awle nih ka dah phawt aw,naktuk ka thil ken tur vel hi pack a ngai a. Ka hman hunah ka lo text ang che aw,"

"Awle tehreng mai,"

"I bialnu chu i fawp ve ngam tawh maw?,"tih pahin Mawia chuan a bag aṭang chuan Local fun 3 hi a rawn phawrh chhuak a. Jo chuan,"Ngam loh tur thu awm hleinem. Mipa nihchuan hmeichhia chu fawh ngam ngei ngei tur,"a rawn ti ve bawk a. "E leee ngam tawh e le,chil in thleng pawh ka thiam tawh,"kan ti mai chu(h),min nuih nasa teh e. Mawia chuan,"A sehhmeh te kha?,"tih pahin a nui vur vur a. "A seh hmeh chu Jo-a tum tur a ni lo mi?,"ka lo ti vat a. An pahnih chuan min kawk a,an nui bawk bawk mai a,"Huiham mipa chu i ni ve sia maw?  Tuna kan sehhmeh tur kan sawi lo,i bialnu i kiss paha a sehhmeh kha lawm kan sawi chu,"Jo chuan min nuih nasa ngang mai. Ka la hrethiam thei chuang lo reng reng,"Eng sehhmeh maw?,"ka lo ti deuh hû a. Mawia chuan,"Awww a sehhmeh chu maw? A naute chaw bawm kha a ni mai,"a rawn ti ve leh bawk a,heiham ka bo telh telh mai,"Naute pawh a la nei si lova,naute chaw bawm a keng hleinem,"ka lo ti heu mai. Mawia chuan,"Huiham tiang chuan ram ropui kan thleng lo ang. A ruh lang rawwtin kan hrilh ang che aw,i bialnu i fawh chuan a sehhmehah a hnute i khawih ṭhin tur a ni. Tikhan a chiang tawh em?,"tih pahin dispo cupah chuan zu chu a thli chhuak nghal a. "Nhaaa ka ngam teuh lo mai a,a fawh pawh kan fawp ngam ṭawk a nia,"ka lo ti vat a. Jo chuan,"Tiang chuan hmeichhia in tuai an ti mai ang che. Hnute khawih mai mai te chu a ho lutuk,"tih pahin no khat chu a tlak deuh pawp a. "Keichu ka in tam vak duh rih lo a nia aw. Mi hmuah tur ka nei bawk sia,zu rim nam chunga ka hmuah chuan a thinrim lutuk palh ang,"tiin no 1 chu kan in ve a. Mawia chuan,"Tumaw?,"a lo ti vat a,"Aww ka ṭhiannu an exam dawn a,kan Inah a rawn in nghat dawn a. Vawiinah counter ah lo hmuah a ngai dawn a,"ka lo ti vat a. Jo chuan,"Nihchuan zanin chu rawn len a ngai nihchu,"a lo ti fiamthu hlut a,"Nia pawi miah lo,in hmelhriat pah ni mai a. A fel lutuk;mahse,tuman ngaihzawn ka phal lo,"ka ti nghal ringawt a. "Eee eee i hauh nghal bur mai a,a chi dawn mawn le? Mercyi'n a hriat phei chuan aw,a sa teh ang chu,"Mawia chu a nui hawk hawk a. "A ho ee duh leh hria se,nge pawi nge hek? Nge har? Hahaa,"kan nui ho dar dar a.

Tlaiah chuan Counter lam panin ka in khalh chhuak ta a. Counter ka thlen hnu chuan Dintei chu ka call nghal a;

"Aw M,"

"Ee khawilai nge in rawn thlen tawh a?,"

"Vaivakawn kan rawn thleng chho tawh,i awm tawh mi?,"

"Imm awm tawh e,ka thleng deuh chiah,"

"I va rang leh si ve,"

"Nia hehe,in rawn thlen hma in thil ka la ei hmang ang a? Ka rilṭam lutuk a,"

"Ei hman ang,lo va ei rawh. Hei Jamah kan tang rei tawh lutuk,kan rawn thleng chho har ang,"

"Awle nih ka dah aw,ka thil ei hlan a in rawn thlen palh hlauh chuan min rawn call mai dawn nia aw,"

"Awle i ei ṭeuh dawn nia aw,"

"Awle nih ka dah aw,"

"Awle,"

Tlai lam dar 4.00pm velah Dintei te chuanna Sumo pawh chuan Counter a rawn thleng ve ta. Mipa dang vak an awm loh vangin hlan thlak ngai ho ka hlan thlak pui hnuah,Dintei nen chuan haw mai kan tum a. Mahse,a bungrua chu rin aiin a lo tam si,Bike ah chuan kan in phur leng dawn si lo. Ka nu ka phone a,kan driver chu rawn tlan chho turin ka ti ta ringawt a. Dintei erawh a lo in thlahrung leh pek tawh a,"Taxi in ka rawn kal mai dawn lawm,i chah chho duh kher a nihkha,"a lo ti vat a. "A ho e mai,ka nu bazaar a a chhuah loh phei chuan tih tur vak a nei hleinem. Bungrua zawng hi phur thla se,keini chu bike in kan in phur thla mai dawn nia,"ka lo ti vat a. "Min thlauh tawh êm lo ang chu maw?,"a rawn ti zauh a,"Engmaw?,"ka lo ti vat a;a nui sen sen a,"Aaa engmah ni lo,khua a lum ka ti,"a lo ti vat a. "Ka thlauh tawh lovang che,"tih pahin ka nui vur vur a,"Hmmm i hre reng sia,nge min zawh nawn kher a?,"tih pahin min rawn nghawk zauh a. "Ka zawt nawn mai mai châk che a,"ka ti a,kan 2 chuan kan nui dun hawk hawk a.

In kan thlen chuan ka nu te chuan an lo lawm thiam khawp mai a. Ka pa pawh chuan a lo be ṭha khawp mai,a room tur te ka kawhhmuh hnu chuan inbual turin bathroom lamah min luh san ta rih a.

Ka û chuan,"I ṭhiannu chu a fel hmel hle mai a,a ṭawngkam leh che zia vel kha a dik thlap vek mai a,"a lo ti vat a. Ka lawm ru veng veng mai,"Nia a fel lutuk,a puitling em em bawk a,"ka lo ti vat a. Ka pa chuan,"Chhunah tih tur i nei chuang lova,a exam hunah chuan i hruai ṭhin dawn nia,"a lo ti ve khauh mai a,ka rin loh deuhin ka pa chu a rawn ṭawng a mak ka ti ang reng khawp mai. "Nia,pawi hleinem engmah tih loh aichuan a ṭha daih zawk a lawm,"ka lo ti ve vat bawk a. Ka nu pawh chuan,"Dintei hi chuan a nu a chhun a,a fel khawp mai. A nu pawh kha a nulat lai chuan kan khaw nula fel leh hmelṭha tia an sawi a ni ṭhin a lawm,"a lo ti ve bawk a. Ka pa chuan,"Nangmah zawk a nihkha,"a lo ti vat,ka û chuan min rawn melh a ka pa hmuh loh laiin kan nui dir char char a.

Zanah chuan Jo leh Mawia chu an rawn leng tak tak a,Dintei pawh chuan ṭha deuhin a lo kawm a. Rin aiin an in nêl phian leh nghal a,"Zanin chu Mercy te Inah i leng dawn lo mi a?,"Dintei chuan min rawn melh zauh a. "Aih Sunday zan bak ka leng ngai tawh lo. A nu a dead e mai,ka regu deuh chuan ka leng ngam tawh lo,"ka lo ti vat a. Jo chuan,"Mercy nu chu Hitler-i a ni ringawt a lawm,"tih pah chuan a lo nui hawk hawk a.

(Zanin chu duhthusâmin a sei lo maithei. A chhanchu ka ziah lai hian ka buai lutuk a,min lo hrethiam dawn nia aw. Tawi deuh mah se,min lo chhiar chhuah sak leh hram hram dawn nia aw. Rawn dah ngei ka duh bawk sia,duh ang pawn ka ti sei thei lova,min lo hrethiam hram hram mai ru aw.)

[23/03, 07:53] Rs Thangluah: *KA LEI VANTIRHKOH*

BUNG-20 NA

By:- *Rs Thangluah{Remz}✍🏻*

Dintei chuan ka nu eirawng bawl chu a pui malh malh a. Ka û te 2 erawh an hna lamah an buai em em thung a,ka nu chuan a ti ti pui malh malh a. Sitting room aṭangin ML khelh pahin an ti ti chu ka lo ngaithla reng a,ka nu leh Dintei chu an in kawm ngaih/ngeih(ngaih nge ngeih tih tur ka chiang lova,a hre chiang in awm chuan min lo hrilh dawn nia aw)khawp mai.

"Ka hman e,"tih pahin Dintei chu a rawn nui var var a. Ka nu chuan,"Ṭha deuhin i chhang dawn nia aw,ka lo ṭawngṭai pui reng dawn che nia,"a lo ti ve nghal vat bawk a. Dintei chuan,"Awle tehreng mai,ka lawm lutuk e,"a ti a,a nui var var a,an examna hmun tur pan chuan kan in phur chhuak leh ta a.

"Tunlai hi Mercy chanchin i van sawi ngai love a,in ṭha vak lo mi a?,"ka kawngah chuan dimtein a rawn vuan a. "Ṭha e,a phone a tichhe leh tawh a,"ka lo ti vat a,"A siamṭha tawh i ti maw ka tia,"a ti leh a. "Imm siamṭhat chu siamṭha tawh e,hmanniah amah bawkin a vawm chhe leh nihkha. A thinchhe lutuk a,buaithlak,"ka lo ti vat a. "Nangman i zir lo niang chu,"huiham henu tak hi chu(h) min ṭan ve ngai lo reng reng,"Hmm tikhan i ti ve ziah mai,"tih pahin a brake chu ka hmet deuh thut a,a hnute chuan ka hmungah min rawn do nghal âl mai. Mahse,a thinrim rapss,"Suala,khatia tih kher pawh kha a ngai lo,"tih pahin ka nâk nêmah chuan a rawn piai hlak hlak a. Kei lah chu ka lo nui hawk hawk a,"Ka thlauh/thloh(hei pawh ka hrechiang leh ta lo,thloh nge thlauh? Min lo hrilh zel mai ru aw)leh che i hlau a ni maw?,"ka ti zui ham ham a. Dintei lah a thinrim nasa mai si,kei lah ka nui hawk hawk thung a.

An examna hmun tur chu kan thleng ta,bike aṭang chuan a chhuk tharh a,"Tlaiah chuan taxi in ka lo haw mai ang,min lo nghak duh lo mai rawh,"a la ti zui a. "Ngati maw? I lêngkual duh mi? I lênkual duh pawn ka kalpui thei che lawm,"ka lo ti vat a. "Aih lêng kual duh hran love,nangmah zawk kha hmun dangah i chhuah duh takin ka ti maw le,"a ti leh a. "Hmun dangah kalna tur ka nei lo,tah hian ML khelh pahin ka lo nghak ang che,"ka ti a,ka bike chu ka park ṭha a. Kawng sir ah chuan ka ding a,"Kal tawh rawh,i tlai a nge. Hei a tlai tawh nia,"tih pahin ka nui suk a. "Awle nih ka kal aw,bye,"a nui var var a,"Awle bye ṭha deuhin chhang dawn nia aw,"ka ti a,ka thlir zui vang vang a.

Parking fee khawntu pa ṭhutna bulah chuan ka ṭhu ve thawr a. Min lo nuih var var a,"In inhmeh lutuk,"a lo ti ringawt a. "Maw? Keimahni maw?,"ka lo ti hâ mai a,"Imm in inhmeh tawp,ka lo en reng chu lawm. Chuan,amah kha a hmelṭha khawp mai,"a la ti zui a. Haire kan in ngaizawng emaw a ti ni maw? "Ka ṭhiannu lawm,"tih pah chuan ka nui ruh ruh a. "I ṭhiannu a ni tak tak maw?,"a ti leh a,min en ho mai a ka thusawi chu a awih loh hmel khawp mai. "Aw ni e ka ṭhian ṭha ber a nihkha,"ka lo ti vat a,"A mak hle mai,"a ti sup a. "Nia keini chu kan in ngâi ve hrim hrim a,"ka ti leh a,"Ni e a dik ang chuan,hmeichhe fel tak a niin ka hria. Pasal ṭha tak a neih ngei ka beisei tlat a ni,"a la ti zui a. "Nia ka ṭhiannu mah nise ka fak ve a sin,"ka ti a,kan fak ve luam a.

Chawhnu lam dar 2.00pm ah chuan a rawn chhuak ve thei ta. "Awiii ka ril a ṭâm tawh lutuk,thil ei ang aw,"a rawn ti nghal mawlh mawlh a. "Imm i duhna berah kan ei dawn nia,i chhang ṭha em?,"ka lo ti ve nghal vat a. "Imm beisei chu pha chiah lo mah i la,ka chhangṭha thawkhat chuan ka hria,"tih pahin a nui var var a,parking fee khawna nui var var chungin kan bulah a rawn kal a,"I chhang ṭha maw?,"tih pahin a rawn nui var var a. "Aww chhangṭha thawkhat e,"Dintei chu a nui sen sen a. Ka ṭhutna sir a ka helmet dah chu ka la a,"Kan kal mai dawn mi?,"ka ti a,ka ding nghal a. Parking fee khawntu chuan,"Nangni chu parking fee ka laksak lo ang che u,i ṭhiannu hi a hmelṭha ê mai. A hmelṭhat manah vawiin chu in free thei ang,"ka beng bulah chuan min rawn hrilhru sû sû a. "Aaaa a chi dawn mi? Ka ding rei bawk si,a tih chi loh e mai,"ka ti a,ka pawisa chu ka phawrh a pek ka tum a. Mahse,a la duh miah lo mai,"In rawn kal leh hunah a ni mai,"a ti a,bike dang ding ho chu a buaipui nghal daih a. "Ka kalna apiangah ka hruai zel tawh dawn che,"tih pahin Dintei hnarah chuan ka piai zauh a. "Anaaa suala,"a lo ti hluk a. Ka bike chu ka nawr chhuak a,thil ei turin kan in phur chhuak leh ta rih a.

"Vawiin chu ka lo treat ang che aw,"tih pahin nui vur vur chungin pawisa chu a rawn phawrh a. "A ngai lo hmeichhia ka in treat tir ngai lo,"ka lo ti vat a. "Hmm tunah chuan hmeichhia ang ni lovin,i patea angah min ngai mai rawh,"a ti a,a nui vur vur a. "I va ho tak e aw nihchuan,vawiin bak chu khawiah pawh kal i la ka treat char char tawh ang che aw,"ka lo ti ve thung a. "Immimm...vawiin bak chu i thu thu a ni mai,"a ti a,kan ei man chu a pe nghal a. 

U Rintei chu dawhkanah chuan a lo in phawrh hnawk nuai mai a,"E in lo haw tawh ni maw? I chhang ṭha em?,"a lo ti nghal vat a. Dintei chuan,"Aww chhangṭha ni mai e,kha i van buai awm ve a?,"a lo ti nghal vat a. U Rintei chuan,"Nia buai ve ang reng khawp mai,office aṭang ka rawn haw leh lawm. Heng ho hi office ah ka ken theihnghilh a,ka lo thliar fel si lova. Ka thliar chawp leh a nih hi,ka haihawt man ka tuar a nih hi,"a lo ti duah a. Dintei chuan,"Puih theihna che ka neih chuan ka pui thei reng che nia,"tih pahin chair chu a pawtchhuak a,a ṭhu nghal chat a. U Rintei chuan,"Nia a pawi miah lo min lo puih peih chuan,heng ho hi a date in dawtin dah a ngai a,"a lo ti vat a,Dintei leh ka û chuan hna an thawk dun malh malh a. Kei erawh ML ah bawk ka bur leh tawh a. Khelh laklawh lai laiin Mercy-i'n min la rawn call zui,lak loh theih si loh ka van ngei tak êm!;

"Aww engnge?,"

"Nge i rawn vin nghal ngawt a?,"

"Aww ML ka khel laklawh lawm,nakinah ka rawn call back mai ang che,"

"Aih tunah ka sawi duh,"

"Engnge sawi vat vat teh,ka AFK nge aw,"

"Ninawm ML ti reng ringawt mai,"

"Ka ti reng kher lo,"

"I ti reng,in biak apiangin i sawi ziah lawm,"

"Hmm a nihchu a,i sawi duh chu engnge?,"

"Vawiinah khawnge i chhuah?,"

"Dintei ka hruai,"

"Hmmm,"

"Engnge?,"

"Engmah ni love,ML chu khel leh tawh rawh. Keini chu kan pawimawh ve lo a nih hi,"

"Huiham i thîk leh tawh mi?,"

"Thîk lovee kan thîk phak pawh a ni hleinem,"

"I ṭawngkam kha fimkhur teh aw,ka thin i rim a nge,"

"A nihchu ka dah nia,"

A dah nghal daih nia,hetiang em em a hmeichhe thikthuchhia hi ka hre ngai lo. Ka rin ang ngei ngeiin ka AFK hman tak tak nia,ka van ngei tak e aw vawi 2 ka lo thi leh nghal a.

Chaw ei lai chuan phone call ka dawng leh tawh,Mercy bawk a lo ni a. A phone a siam tir tawh mawn le? Ka la duh rih lova;mahse,a rawn call nawn tluk tluk takah chuan ka chhang ve leh ta nge nge a;

"Aww chaw kan ei a,"

"I chaw eikhamah ka message kha min rawn reply nghal ang che,"

"Aw ka dah nia," ka dah nghal hmak a,ngawi rengin chaw chu ei chhunzawm nghal mawlh mawlh a.

Ka room veranda-ah chuan ka chhuak a,meizial ka ṭan a ka fawp vang vang mai a. Mercy message pawh chu ka en duh lawk lova,min rawn call leh hun ka nghak a ni. Dintei zawk chuan min rawn call thung a,ka chhang rang ngei mai;

"Aw min va call hnai ve,"

"Nia i online thei silova,online lawk la ka message kha lo en lawk mai aw,"

"Awww ka room-ah rawn phei la,kan sawi dun dawn nia. Ka online peih rih lova,"

"Imm nih ka rawn phei dawn nia,"

Rei vak lo hnuah ka room kawngkhar chu a rawn ri rawk a,Dintei chu a rawn lut nghal a,"I lung a leng mi a?,"a rawn ti nghal luam a. "Leng em em love,hetah hian rawn kal ve daih rawh,"ka ti a,ṭhutna tur ka lo pe nghal a. "A lo zu leh pâwt pâwt ta,i khuh nasat sat nen nghei ve rih la,"a rawn ti leh nghal zat a,ka rin ang chiah a ni. A bula meizial ka zuk chuan min hau ngei ngei zel,"Imm hei chiah hi ni mai. Chuan,i sawi tur chu,"ka lo ti nghal vat a. "Vawiin tlai khan Mercy tiraw rawn call tu che kha?,"a ti nghal a,"Aw ni e,tinge?,"ka lo ti nghal vat a. "In inti thiamlo leh tawh mi a? Nge keimah vang zawk?,"nuam lo a tih hmel khawp mai. "In ti thiam lo turin kan la in ti lo hrim hrim a,"ka ti a,ka nui zui hak hak a. "Hmm i van sual tak,lo la kawi kher lo la. Min chhang ṭha ve mai teh,"tih pahin ka ban bulah chuan a rawn chûm taih taih a,"Tak takin a thinrim chhan pawh ka hre lo. Vawiina ka thil tih min zawt a,ka thlah thu che ka hrilh a,"ka ti a,meizial chu ṭan tumin ka tintuah leh mek a. "A tawk zu tawh rih lo teh,chuan sawi zel teh,"tih pahin ka meizial fawh lai chu min rawn pawhthlak sak a. "Nangmah vanga thinrim a nih leh nih loh chu ka hre lova;mahse,ka thlah che tih ka sawi hma pawh khan a rawn thinrim tawh lawm,"ka ti leh a. "Nangmah hian i zir lo a niang,ngaihsakin duat ve ṭhin la a thinrim reng lovang,"a lo ti vat a. "Hmm hei bak bak chuan ka thiam lo e a,a message pawh ka la en peih lo,"ka ti a,meizial chu a dang ka phawr a, ka ṭan leh hraam a.

"A message te chu en sak ve em em la. I ti khawngaihthlak e mai,"a ti a,min melh rum khawp mai. "Awle kan en a nge,"ka ti a,whatsapp-ah chuan ka lut nghal a,Mercy message chu a lo tam khawp mai;

"Vawiinah khawnge i chhuah?,"

"Vawiinah tu nen nge in chhuah a?😠,"

"Min chhang ta che misualpa😡,"

"I van châk dawn lo tak e aw😡😡,"

"Misualpa,vawiinah tu nen nge in chhuah ka tih chu?😠😠😡,"

"Immh pawi love min chhang tawp suh,ka tel lo pawn i lo hlim theih khawp kha tiraw?😡😠😩,"

Mercy message chu ka seen vek a,ka reply rang kher mai;

"Ka tihpalh i duhtawkin min hau mai rawh🙏🏻🙏🏻,"

Chhanna ka dawng mai lo,Mercy erawh a online reng si. A thin a la rim a ni ngei ang,Dintei chuan nui var var chungin,"Ka va phei tawh nge aw,ṭha deuhin in inbe dawn nia. Muttui aw,"a ti a,ka room aṭang chuan a chhuak nghal daih a.

Mercy chu ka call ve leh ta nge nge a;mahse,vawikhat a ring naah chuan a la duh bik lova. Vawi 3 naah a la ve chiah a;

"Aw engnge?,"

"Ka tihpalh aw,"

"Eng maw?,"

"Vawiin vang khan maw le,ka kalna tur leh ka tih tur ka hrilh lo che a,"

"A pawi lo a ho lutuk,a liam vek tawh lawm,"

"Nihchuan i thinrim tawh lo tihna mi?,"

"Imm rim tawh love,"

"Ka lawm e hmelṭhanu,"

"Hmm,"

"Nge i duh lo mi?,"

"Duh lo,"

"Nih hmelṭhalo nu,"

"Imm tikhan ka duh zawk,"

"Nihchuan whatsapp-ah inbia i la,"

"Nia i thu vek lawm,"

"Nih ka dah aw ka message kha min lo reply la aw,"

"Awle,"

Ka meizial zuk bung chu a awm leh nuai tawh mai. Mercy message chu ka nghak reng a;mahse,a rawn thleng har khawp mai. Rei feee ka nghah hnuah a message chu a rawn thleng ve thei hram e;

"Net muang lutuk a,tihpalh aw,"

"Imm a pawi lo nia,i thinrim tawh lo tiraw?,"

"Imm rim tawh love,"

"Vawiin kha chu hrilh ngaihna che a awm miau si lova,min hrethiam mai rawh aw. Chuan,i phone a ṭha tawh mi?,"

"Aih ṭha lo e vawiinah a thar ka lei a,a hlui kha chu siam ngaihna an hre tawh lova,"

"I ui em?,"

"Ui ve e;mahse,tih ngaihna awm tawh si lova,"

"I thin a chhe e nihkha,"

"Nia dik lawm ka chhun zo tawh che nih hi,"

"Nhaaa i zak lo e aw,"

"A ni lawm kan nih hma chuan tiang em em hian ka thin a chhe lo aw,"

"Ka van awih🤭,"

"Suala,"

"Imm engnge ni ta?,"

"Naktukah engnge i tih dawn?,"

"Ka hre lo le khawvar hma chu ka tih tur ka sawi lawk thei lo,"

"Engmah tih tur i neih loh chuan min chhuahpui la,scooty en ka duh a min enpui la,"

"Nia ka hman ang ka ring,"

"Chuan,i ṭhiannu kha ka hmu ve chak nia,"

"Nihchuan naktukah kan 3 a kan chhuah a ngai dawn nihchu,"

"Timaw?,"

"Naktuk bak chu an exam char char tawh dawn a,"

"Nihchuan pawi hleinem,rawn hruai la,"

"Nia awle,"

"Mu dawn i la keichu ka mut a chhuak tawh,i mut a la chhuak ve lo mi?,"

"Chhuak vak lo e,nia i duh chuan mu tawh mai rawh. Keichu ML ka khel leh lawk ang,"

"Ti leh ta,meng rei lo la aw,"

"Awle duhtak,i thu ang zelin ka chungah thleng rawh se..eeeh😊😝,"

"Van over thei tak nih ka mu dawn nia,ka out aw muttui phawt😘😘😴,"

"Awle muttui le😘😘😴,"

Mercy nen kan in text zawh hnu chuan ML ah bawk ka bur leh nghal a. Mahse,ka khelh ṭan hma in Jo phone call ka dawng hlawl mai. Tun ang huna in call chu a pawimawh viau a nih ka ring nghal a,ka chhang rang khawp mai;

"Aw Bawiha,"

"I mu tawh em?,"

"Aih mu love,ML khelh ka lo tum mek a,"

"Out rih teh tunah thlanmualah rawn kal rawh,"

"Maw? Engnge thleng a?,"

"Ricky te ṭhian ho an nia,3 an nia keimah chauh ka ni sia. Rawn kal vat vat teh,Mawia hi ka call a chhang thei bawk si lo,"

"Awle ka rawn kal nghal ang,lo thlaphang reng reng suh aw ka rawn kal nghal a ni mai,"

Pheikhawk ka bun sawk sawk a,ka phone chu ka ak nghal a. Ka bike chahbi ka la a,hmanhmawh deuh si thâwm dîm tak chung siin ka room aṭang chuan ka chhuak ṭhem ṭhem mai a. Ka nu zan zung tur velin min lo hmu ang tih chu ka hlau ve khawp mai,zawite in kawngkharpui kalhna chu ka hawng a ka chhuak nghal a. Garage a ka bike chu ka nawr chhuak a,kan in bul aṭanga ka tih nun chuan a thawmah ka chhungte an harh ka hlau si. Kan In lan theih lohna thlengin ka nawr mai chu(h) ka hah ve det mai,mask ka vuah a. Ka bike chu ka ti nung nghal a thlanmual lam pan chuan ka tlanthla nghal fua fua mai a.

Thlanmual aṭanga hla vak lovah ka bike chu ka ti thi a,kawngchhuk hlir a nih tawh vangin switch on lovin ka tlan thla a. Hla vak lova mi 3 ding leh mi 1 kawngpuia let reng chu ka hmu nghal thei a. Ka thin a rim kher mai,ka bike chu ka hung ṭha sauh sauh a chumi te awmna chu ka pan phei nghal hlawk hlawk a.

An bul ka thlen chuan min lo dinhual nghal tuau  a,Jo chu chau tih hriat takin lei charah chuan a let reng bawk a. "Zawng ho,mipa in nih chuan a fair in aw. Mipa chuan a fair a insual a ngam tur a ni,ka ṭhianpa hi in lo khawih rawn vel maw? Lo kal u la,"ka ti nghal khur khur a. Ricky chuan ngeiawm zet hian min rawn nuih a,"Ve khanglang a che,nang ang hi 10 pawh awm mah u la kan hlau lo che,"a rawn ti vei phar phar a. He mihring dawihzep leh phakar lutuk hi ka khawih dawn khawp a lawm,"Chuti chu ti i la,"tih pahin Ricky bekah chuan ka kuttum chu a thlawk phei nghal fua a,a pai chawn chawn a a let nghal tawp a. A ṭhiante 2 chuan min rawn beih rawn ve leh ta,ka ban vei lam chu a hmaa a tliah tawh vang khan ka duh angin ka hmang ngam tawh lova. Mahse,ka dinglam erawh duthusamin a kutthlak a na,ruihhlo ka khawih loh lai tak a ni bawk a. Rei lo te hnuah Ricky-a kid te 2 pawh chu kawngpuiah chuan an vial ngawl ngawl hlawm a. Ricky chu ka kai tho a,a kawr âwmah ka ṭham a,"I hria em? Nangmaha insual i ngam ve hunah chiah mi i sualpui ve ṭhin tawh dawn nia aw. I nep zia hi ka hre nawn reng duh tawh lo a nia,"tih pahin a tawp nan tiin a hnarah chuan ka hnek leh pawp mai a,a thal chiang ngei mai.

Jo chu ka buaipui nghal vat vat a,"Bawiha,i ṭha tiraw? Damdawiina kal i duh em?,"ka ti a,ka kaitho a kawng sir lamah chuan ka kuah phei a. "Aih damdawiina kal chu a ngai lo a nia,ka ṭha mai ang,"a rawn ti a. Mahse,a hliam ka en chuan damdawiin lama kal vat a ngai a ni tih ka hrethiam nghal a. "Bawiha,khawnge i bike?,"ka ti leh a,"Ka keng lova,"a lo ti a. "Nihchuan ka bike ah hian kan in phur chho mai dawn nia aw,kal ang aw,"ka ti a,ka kaitho a ka bike dinna lam pan chuan kan in kuah phei a.

Casualty ah chuan rin aiin mi an lo tam lova. Nurse 1 chuan Jo chu a lo buaipui nghal mawlh mawlh a,"Nang hi Rintei nau i ni em?,"min ti hlawl mai a,mak ka ti kher mai,"Aaa aw ni e engtinnge min hriat a?,"ka lo ti vat a. "Rintei te nen chuan class kan kal ho ṭhin a,a whatsapp status ah in unau thlalak a hman hi ka hmu ṭhin a lawm,"a lo ti vat a,Jo hmaia thisen vel chu a hrufai mawlh mawlh a. "A nihchu U Rintei chu kan upa ber a nia,"ka ti ve mai a. 

Ka nu in min rawn call ta,lak loh chi a ni tawh si lo;

"Aw Nu,"

"Khawnge i awm Bawiha?,"

"Nu,damdawiinah,"

"Enga? I ṭha em? Tinge tun ang hunah te i chhuah a?,"

"Nu,keichu ka ṭha lawm ka ṭhianpa zawk hi a nia,"

"Tu? Jo nge Mawia?,"

"Jo a nia,an lo khawih rawn a rin aiin a hliamna ang reng a,"

"Nangmah i ṭha maw? I pa nen kan lo kal ang aw,"

"Aih Nu,a ngai lo nia,"

"A ngai lo tak tak maw Bawiha?,"

"Aww ngai lo e,kan ṭha lawm Nu,"

"Aww nih kan lo nghak dawn che nia aw,"

"Awle kan lo haw har dawn lo nia aw,"

"Awle nih ka dah aww,"

"Awle nih le,"

[23/03, 07:54] Rs Thangluah: *KA LEI VANTIRHKOH*

BUNG-21 NA

By:- *Rs Thangluah{Remz}✍🏻*

Jo chu an In lamah ka thlah haw leh te te phawt a,chumi hnuah kan In lamah chuan ka haw ve ta a.

Ka chhungte ho chu an lo mangan hmel hlawm khawp mai a. An vaiin sitting room-ah an lo ṭhu ṭhap a,Dintei pawh a lo awm hle hle thei bik lo. Ka nu chuan,"Khawimaw? Hliamte i nei em? I ṭha tiraw Bawiha?,"a lo ti nghal mawlh mawlh a,ka hmai vel chu tlem a pilh ve nual tih loh chu engmah hliam ka nei hran lo. Ka pa ve thung erawh chuan,"I rui em?,"a lo ti bung nghut a,"Aih rui love,"ka lo ti ve nghal vat a. Ka nu chuan ka bianga chûl pahin,"Bawiha,min ti hlauthawng thei lutuk mai. Tiang hian awm tawh miah suh ang che,en teh hei i û te leh i ṭhiannu pawh hi an mangang takzet a sin,"a ti leh mawlh mawlh a. "Ka tihpalh Nu,tiang hian ka awm tawh lovang,"ka ti zawi sup a. Ka pa chuan,"Awle a ṭha e hei a tlai zel dawn,mut zai rel tawh mai ang u hmiang,"a ti a,room lam pan chuan a phei nghal nul nul a. Ka nu chuan min kuah a,"Bawiha,i hmai hi a na em? A nat chuan min hrilh rawh aw,"a ti leh mawlh mawlh a,"Nu,a na hleinem damdawi min hnawih sak tawh a a na tawh love. Min ngaihtuah suh ka ṭha nia,tui deuhin i mu dawn nia,"ka ti a,ka nui suk a. Ka û te 2 leh Dintei chu ka en a,"Nangni pawh min ngaihtuah lutuk suh u aw,mipa ka nih hi ka ṭha nia,"ka ti leh a. Ka nu chuan,"A nih ka mutsan ang che u aw,muttui u le,"a ti a,room lam pan chuan a phei ve nghal a.

Ka û chuan,"Mipa ni mah la kan ngaihtuah tho che lawm. Tiang hian awm tawh reng reng suh ang che,ka nu rilru i ti hah lutuk,"a lo ti ve bawk a. Dintei erawh chuan engmah a sawi lova,ngawi rengin mahni mutna hmun ṭheuh kan pan hlawm a.

Ka mut chu a chhuak lo khawp mai,ka tih tur hre lo chuan ka phone ah bawk ka ṭuan leh a. Whatsapp-ah ka lut nghal a,Jo message a lo awm vang mai a;

"Bawiha,ka lawm lutuk nia aw. Puih ka ngaih châng apiangin ka bulah min pui turin i awm ziah ṭhin a,ka lawm lutuk a nia aw. I chhungten an hau che em?,"

"Ṭhian leh ṭhian inkarah lawmthu an sawi ngai lo nia. Khate chu ka tih tur ve reng a lawm,ka chhungte chuan min hau lo e. I hliam te chu engnge a an tawh a?,"

A muhil tawh a ni ngei ang,ka message chuan chhanna a hmu thei lo. Chat list ka check thla zel a,Dintei message pawh a lo awm ṭeuh tawh mai a;

"M-a,khawnge i awm a? I chhungte an mangang lutuk a nia,phone call i chhang thei bawk si lo😭,"

"Huizzz,i ṭha ang tiraw? Ka ngaihtuah lutuk che tih hi i hre miah lo mi?😥,"

"Khawngaihin min chhang teh,khawnge i awm?😥😭,"

"I ṭha ang tiraw? Khawngaihin phone call kha chhang teh,i nu te an mangang tawh nia😥,"

"Misualpa,ka ngaihtuah zia che hria la tiang hian i awm miah lo ang. Ka ngaihtuah lutuk che a sin,i hria em?😭😡,"

A ṭhen chu damdawiin ka awmhnua a message te a ni hlawm;

"Damdawiinah maw i awm? Engnge i chungah thleng a😭😭?,"

"I nu in i ṭhat thu min hrilh a,ka lawm lutuk lo haw vat rawh aw,"

A message zawng zawng chu ka chhiar vek a,ka reply rang kher mai;

"Tihpalh lutuk aw,engmah ka hrilh loh vang che in ka tihpalh lutuk aw,"

A la online ve vangin min reply rang khawp mai;

"Tiang khan awm tawh suh ang che,i hria maw?,"

"Imm ka hria e,ka tihpalh ka tih chuu🙏🏻🙏🏻,"

"Huizzz,ngatinge tihpalh tih ngai reng hian i awm ṭhin le?,"

"Kei pawh hi tihpalh vanga piang ka lo ni mial maithei a sin. Ka nu leh pa dik tak pawh ka hriat loh hi😔,"

"Tiang khan sawi ziah suh,i nu leh pa te lo hi tunge i nu leh pa nise i tih a?,"

"Ka hre lova zawn chhuah ka duh,"

"Kha i ngaihtuahna âtthlak tak kha paihbo tawh teh,"

"Paihbo te chu ka duh ve tho a sin;mahse,a harsa a nih hi,"

"Imm engpawh ni se,mutthilh tum phawt teh. Hahdam i mamawh a nia,"

"Awle nangpawh muhil nghal ang che aw,"

"Imm muhil nghal dawn e,"

"Nih muttui phawt aw,"

"Awle nangpawh muttui le,"

Dintei leh Mercy nen kan 3 chuan kan chhuak ho ve ngei a. Mercy leh Dintei pawh chu ka rin aiin an innêl a,motor khalh thiam ve tho mah i la ka pa hian ka khalh chhuam rem a la ti si lo. Mercy leh Dintei pawh taxi in ka chhuahpui leh ta nge nge a.

"Lalrammuana hi a lerh vaih chuan hau hrep zel ang che aw,"Mercy chu a nui har har a. Dintei chuan,"Tehreng mai a lerh vaih chuan a châk lo viau ang. Mipa lerh hi chu ka haw tehmai nia,"a lo ti ve bawk a,Mercy chuan,"Dik chiah mipa lerh hi chu huat tûk tur,"a lo ti ve bawk a,kei erawh chuan ngawi rengin an inbiakna ka lo ngaithla thung a.

"Vawiin chu ka treat ang che u,vawikhat kan chhuah hona te a ni bawk sia,"Mercy chuan a phone a rawn phawrh a,"Selfie zuai zuai lawk ang aw,zanin status tur. Chuan,Dinte,i number ka duh ve nghal a nia aw,"a ti zui nghal mawlh mawlh a. Kan selfie zawh chuan eitur kan order ho pawh chu an lo dah tawh a,kan ei nghal mawlh mawlh a.

Thil kan ei zawh hnu chuan Dintei chuan,"Wash Room-ah ka va kal lawk nge aw,ka rei lovang,"a ti a,a tho nghal vut a. Mercy chuan,"I ṭhiannu chu a fel hle mai,a hmel pawh a ṭha e. Bialpa a nei lo mi a?,"a ti zui nghal vat a. "Aih bialpa chu nei love,mipa tumah a rin tawh loh thu min hrilh tawh lawm. A bialpa tu emaw berin a phatsan tawh a nih hmel,"ka lo ti vat a. "In in hre ṭha viau emaw ka tia,"tih pahin Mercy chu a nui suk a,"Nis hriat te chu in hre ṭha tehreng mai. Mahse,hmeichhe tam tak chuan midangin an hriat ve loh tur thuruk an pai ṭeuh ṭhin a lawm,"ka ti a,Mercy chu ka bialnu ni mah se,ka ṭhiannu chanchin zawng zawng a kip a kawi a a hriat ve kher chu a ṭulna ka hre lo a ni. 

Mercy nen kan ti ti mawlh mawlh lai chuan Dintei pawh a rawn let leh tawh a. "Min lo nghak rei tawh em?,"tih pahin a rawn nui var var a. "Aih rei love a la hma lawm,"ka lo ti vat a. Mercy chuan,"Kan hman tawh chuan kal i la,bazar kan la ngâi sia kan tlai lutuk palh a nge,"a lo ti thung a.

Manager bulah chuan Mercy chuan kan thil ei man chu pek a tum a;mahse,Manager chuan,"In thil ei man hi chu pek sak vek in ni tawh a,"a lo ti mai si. Mercy chu a hawi â ho tawh mai,"Keichuan ka la pe miah lo che a,tu in nge kan thil ei man chu pe che a? Khawngaihin min hrilh thei a ngem?,"tiin a zawt nghal a. Manager chu a ngawi vang vang a,"Aman sawi lo tura min tih vangin ka hrilh thei lo che u a ni e,min hrethiam mai teh u,"a lo ti thung a. "Nihchuan,ka pu kan thil ei man min pek saktu chu a rawn kal leh hlauh a nihchuan,lawmthu min lo hrilh ngei ngei ang che aw. Kan lawm lutuk a nia,"ka ti ve nghal mawlh mawlh a. Dintei erawh a ngawi tlat thung a.

Restaurant aṭang chuan kan chhuak a,thui pawh kan kal hma in,"Ehee kan thil einnah khan ka earphone ka theihnghilhin ka hria. Ka va la leh lawk aw,tah hian min lo nghak mai ru aw ka rei lovang,"ka ti a,kan thil eina hmun lam pan chuan ka tlan phei nghal dawr dawr a.

"Ka pu,min lo hrethiam lawk mai,"ka ti nghal ringawt a. Manager chuan,"Awww engnge ni ta?,"a lo ti vat a; "Nichin a kan thil ei man min peksak tu kha khawngaihin min hrilh thei hram a ngem?,"ka ti leh thawr mai a. Min en vang vang a,"Aman sawi a phal lo a sin,"a ti muang fan raih a; "Aww khawiahmah ka sawi chhuak lovang,khawngaihin min hrilh hram teh. Min hrilh loh chuan i dawr chhungah hian buaina ka siam a ni mai,"ka ti vel a,nui huah huah chungin,"I che nuihzatthlak hle mai. Vawiina i rawn kalpui te kha khawi zawk nge i bialnu min hrilh ve phawt la,"a ti ve mauh mai. "Awle ka hrilh ang che,kawrfual sen ha zawk kha ka bialnu chu a ni e,"ka ti nghal vat a. "Nihchuan in ei man pe tu chu i bialnu lo zawk kha,"a ti mai chu(h) mak ka ti ngei mai; "Ka pu,i ti tak tak em?,"ka ti leh hê hâw a,"Aww ti tak tak e;mahse,amah khan sawi chhuah a phal lova. I awih loh chuan CCTV kan vuah vek a,i duh chuan i en let leh thei ang,"a lo ti leh a. "Aaa ka pu,a ngai love ka lawm lutuk e aw,"ka ti a,ka chhuak leh nghal daih a.

"Nu,zanin chu Jo ka va kan ve dawn mawn le?,"ka ti a,ka nu bulah chuan ka ṭhu a. Ka nu chuan,"Nia a pawi hleinem;mahse,rawn haw har lo la aw,"a lo ti nghal vat a; "Aww chuan maw Nu,Dintei pawh hi a rawn kal ve duh a,i phal chuan,"ka ti leh a. "Eee aw phal tehreng e le,va kan rawh u. Dam loh nikhuaa ṭhianten min rawn kan hi chuan kan dam sawng sawng ṭhin a nia,kha hei ₹500 hi keng la,ei tur te in lei sak a nga,"a ti a,₹500 note 1 chu min pe a. Ka pa chuan,"Rawn haw har lo u la aw,"a lo ti ve sup bawk a; "Aw Pa,kan lo haw har lovang,"ka ti a,Dintei nen chuan ṭhianpa Jo dam lo kan tur chuan kan in zui chhuak ta a.

Kan tlan laklawh lai chuan ka phone ah chu a rawn ri nghawr det det a,"Te,ka kekawr veilam ipteah khan ka phone ka ak,phone call a awmin ka hria lo chhang mai teh,"ka ti a,Dintei pawh chuan a lo la ve nghal mai a,"Mercy nih hi,ding lawk la be mai la,"a lo ti vat a. "Ngai lo a pawimawh vak lo ang,tikhan ring quit tir mai rawh,"ka ti a,ka tlan dan pangngai pâtin ka tlan par par a. Kawng ngil deuh kan thlen chuan,"Min kuah rawh le,ka tlan chak dawn nia,"ka ti a,ka phit thut mai chu(h) Dintei chu a ṭe ṭhawt a,min kuah rang ngei mai,"Vak vak a che,i bike ri hi a bengchheng ropui si,"tih pahin ka nâk nêmah chuan min rawn piai hlak hlak a. Kei lah chu ka nui hak hak thung a.

Jo te In kan thlen chuan a phun nuah nuah a,"Tianga chak khan min tlanpui leh dawn ai chuan ke in ka haw a ni mai,"a ti nuah nuah a. Kei lah chuan a banah ka kai a,"Haw lamah chuan kha aia chak khan aw,"ka ti zauh a,min melh rum ngang mai.

Jo pawh sitting room ṭhutthleng seiah mu chungin TV a lo en a,a chhungte ho chuan an lo ṭhutpui ṭhap bawk a. Ka hmel a hmu chu a hlim hmel khawp mai,"Eehe Bawiha,nangni in ni maw? Lo ṭhu rawh u,Dintei pawh chu i van fel ve a,"a lo ti nghal mawlh mawlh a.

Kan thil lei vel te chu a mutna bul dawhkantêah chuan kan dah ruih a,"Aww hetiang te chu rawn lei pawh a ngai lo a sin. Nangmahni in rawn kal chuan a tawk lutuk a lawm,"Jo chu a rawn ṭhu chhuak a. Dintei chuan,"Ee kan tih ve theih tawk a nih hi,i natna kan chhawk thei si lo che a. Ei tur lamah kan ṭuan mai loh chuan,"tih pahin a lo nui var var a. Jo chuan,"Nangni 2 in rawn lan tawh hi chuan nâ te hi chu a dam sawng sawng ṭhin a nia. Bawiha,Mercy hi tunlai a va reh ve min rawn kan ve te pawh ka lo beisei ve deuh a,"a rawn ti nghal vat a. "Ee nichinah khan min call tak e,ka chhang hman si lova. Kan call back chhin nge aw,"ka ti a,ka call nghal a. Mahse,chhanna a awm thei lo,vawi 2 ka call hnuah pawh chhanna ka dawn theih loh takah chuan ka call nawn tlut tlut duh ta bik lova.

"A chhang thei na nge,"tih pahin Jo chu a lo nui var var a. "Imm lehkha a chhiar a niang,a hman hunah min rawn call back ve tawh mai amg chu a,"ka lo ti vat a. Dintei chuan,"Nichin khan i chhang duh si lova,a thinrim tawh niang,"tih pahin a nui suk a.

Zan dar 9.30pm velah kan haw phei a,"Mercy chu be vat ang che,"Dintei chuan a ti nghal mawlh mawlh a. "Nhaaa i mak thei e,vawi 2 ka call tawh a. A chhang duh lova,ka be tawh áwm bik lo e,"ka lo ti nghal vat a. "Aww khatia i tih ṭhin vang kha lawm a thinrim khum ṭhin che. Ṭha deuhin be ve ṭhin la,hetianga i tih reng chuan a ning mai ang che,"a ti leh a. "Ho eee nge pawi? Ka hmangaih leh hmangaih loh pawh ka hrethiam lo e a,a hmelṭha ka ti a ka star ringawt a ni mai,"ka ti ve thung a. "Huiham bialnu nei chi pawh i nih tawp loh hi a,"a ti hmuk a. Ka nui hawk hawk a,"Ni lo reng e,amah chiah hi bialnu ka la nei bawk. Bialnu neih aichuan ṭhiante nen a ruih mai mai pawh a nuam daih zawk. Bialnu neih chuan duh hun hunah pawh kan rui ve thei lova,hahthlak,"ka ti zuah zuah a. Dintei chuan,"Awiiii bialnu neih loh pawn ruih kher kha a ṭul ber lo aw,Misualpa,"tih pahin ka nâkah a rawn piai leh hlawk hlawk a,kei lah chu za lutuk in ka lo nui hak hak thung a.

Mut pahin ka Whatsapp chat ka check leh nuap nuap a,Mercy message pawh a lo awm leh ṭeuh tawh mai;

"Engvanginnge phone call i chhan theih lohva?😡,"

"Khawi lam hmeichhia nge i chhuahpui leh tawh a?😡,"

"In duh duhnaah chuan va leng kual vel teh u,keipawh ka duh duh ka lo be kual vel ang,"

"Huiham....tinge engmah hre chiang lo hian i lo thinrim leh nghal ringawt zel a? Jo te Inah kan kal a lawm maw le,"

A online reng sia,ka message a seen duh miah lo nia;

"I online reng sia,ka message pawh i seen duh si lova. Muttui mai aw,keichu ka thinrim lo nia tikhan i peih chen chen lo thinrim rawh. ML ka lo khel ang aw,"

Ka out nghal a,ML ah bawk chuan ka bur leh nghal a. Ka khelh hnu rei lo teah chuan min rawn call leh nghal a;mahse,ka chhang duh tawh bik lova. Vawi 3 vel a rawn call hnu pawh chuan ka chhang duh lova,ka reject char char a whatsapp lamah a message a rawn lut zut zut a. Mahse,ka chhang duh tawh bik lova.

[23/03, 07:54] Rs Thangluah: *KA LEI VANTIRHKOH*

BUNG-22 NA

By:- *Rs Thangluah{Remz}✍🏻*

"Tinge engmah i sawi lohva?,"Dintei chuan hrilhhai hmel zetin min en a. "Eng chu maw?,"a lo ti vat a,"Aww hmannia kan chhuah ho khan,"ka lo ti mai a. A nui a,"Eng thu nge sawi i tum a? Sawi ṭha ve mai la,"a ti leh a. Ka wallet ka phawrh a,₹500 note ka phawrh a,"Kha hei la rawh,"ka ti a,a kutah chuan ka hmehbel nghal chawt chawt a,"I exam zawhah ka rawn lam leh ang che aw,ṭha deuhin i chhang dawn nia bye phawt,"ka ti a,ka bike ka ti nung a engmah a sawi ve hma in ka tlansan nghal daih a.

"I van rei ve a,ka nghak rei tawh lutuk che,"Mercy chu a lo tûm bûr tawh mai a. "Tihpalh Dintei ka thlah phawt a,"ka ti chiah chu,a ter at mai,"Khanu kha i engnge a nih a? Kei aiin i ngai pawimawh hmasa ziah mai,ka lungawi tawh lo,"a ti vin hlak hlak a. "Ani kha ka ṭhian a ni a,ka unaunu a ni bawk. Vawiin chu an exam hun an sawn hma a,chuvang chuan ka thlah hmasa nihkha. I duh leh thinrim la,i duh leh thinrim suh i thu thu ni e,"ka ti ve hmak mai a. Ngawi rengin ka bike ah chuan a rawn chuang kai a. "Khawiah nge kan kal dawn?,"ka lo ti bul hmuk a. "Da-i te Inah,"a lo ti zawi sap a,"Awle,"ka ti a,ka bike ka ti nung a a ṭhiannu te veng lam pan chuan kan tlan chhuak leh nghal a.

Da-i te In kan thlen chuan Da-i leh pa 1 upa lam tawh hi an lo awm a. Da-i chuan min lo nuih var var a,"In rawn thleng thei maw?,"a lo ti nghal vat a. Kei chuan ka chhang lo,a bula ṭhu mipa chu ka en a hmuh tawhna ka nei tlatin ka hria a ni. Ngawi rengin ka ṭhu a,chupa pawh chuan min lo en chîk lutuk tih ka hre thei mai. Aww ka hrechhuak ta,ka mumanga ka hmuh kha a ni. Ka pa bulah ka fapa min ti tu pa kha a nih hi,hetiang thil hi engtinnge a thlen theih a? Da-i chu ka va en a,ani pawh chu ka mumang lama ka nu leh pa te fa dik tak ka ni lo tih min hrilhtu ngei kha a ni si. A mak tih bak sawi ngaihna vak ka hre lo,"Da-i,khawnge bath room? Ka zung lawk duh a,"ka ti a. Da-i chuan,"Saw lamah sawn a awm,"tih pahin min kawh hmuh nghal a.

Ka rilru a vâk thui hman khawp mai,ka nu chu ka call a nga ka nu leh pa dik tak ka zawt mai dawn mawn le tiin ka ngaihtuah hman tawh a. Mahse,rilru fîm ka pu vat a ka nu pawh chu ka be ta rih lova. Rilru erawh a nuam tawh hauh lo mai le,ka mumang rama ka tawn ngei chu a tak ramah ka tawng ta si. 

"Lalrammuana maw i hming?,"nui var varin chupa chuan min chibai tumin a ban a rawn phar chhuak a. Ngawi rengin a kut chu vuanin ka lo chibai ve mai a,"Aw ni e,"ka lo ti vat a. Da-i chuan,"Ka patea nia,tun kum chhung chu kan bulah hun a hmang rih dawn a,"a lo ti vat a. "Aww a nihchu,"ka ti ringawt a,sawi tur dang ka hre thlawt lo a ni. Da-i chuan,"Tikhan lo inkawm ru aw,Mercy nen eitur kan va siam a nge,"a ti a,choka lamah min phei san daih a.

Chupa chuan min en chîk khawp mai,"Mama,i nu leh pa te an dam maw?,"tiin bul a rawn ṭan a. "Aw dam e,ka nu leh pa te i hria mi a?,"ka ti nghal ngawt a. "Ee hria ang chu nangpawh hi i tet lai bak kha ka hmu leh ta miah lo che a,i lo tlangval ve uaih tawh a nih hi. Lehkha te i la zir em?,"a ti leh a. Mak ka ti telh telh mai,"Aih zir tawh love,thla thar vel aṭang hian ka pa in sumdawnna lamah bul min ṭanpui a tum a,"ka ti leh mai a. A nui huah huah a,"I pa chuan sumdawng hausa takah chher chhuah che a tum a ni maw? I tui em ni?,"a ti a,meizial chu a pak khu hluah hluah a. "Aww lehkha zir aichuan ka tui zawk a,"ka lo ti mai a,"Imm a ṭhat nasat chu,sumdawng hausa tak nih ngei tum ang che aw,"a ti nghauh nghauh a.

Mercy te ṭhian dun chuan ei tur chu an rawn chawi phei a. Da-i chuan,"Hei kan thil siam hi a tui tehmai nia aw. Lalrammuan,i lei kha lo ṭawn ang che aw. Chuti lo chu i lei i lem tel palh ang,"a ti a,a nui zui har har a. Eng thil nge an siam pawh chu ka hre ngai lo;mahse,a tui ve zêk a. Mercy chuan phone a rawn phawrh a,"Selfie lawk ang u aw,kan ei tur siam te hi status ah ka hmang nasa dawn lutuk. Awii a van nuam tak,"a ti a,a hmet nghal char char a. Da-i chuan,"Keipawn status ah kan up nghal a nge,"a ti a,an ṭhian dun chuan phone an khawih nghal mawlh mawlh a. Sana ka en a,Dintei lam a hun ṭep tawh si. Tuna ka chhuah chuan Mercy a thinrim leh dawn si,huiham a van buaithlak ṭhin tak êm! Dintei zawk chuan min lo call hlauh mai,ka chhang a thlang lam veranda-ah ka chhuak nghal daih a;

"Aw Dinte,"

"Min lo lam leh lo mai rawh aw,"

"Ngati maw?,"

"Hei ka ṭhianpa in min thlah dawn a,"

"Tu i ṭhianpa maw?,"

"Kan class a mi nia,hlim deuhin lo inkawm rawh u aw,"

"Ka rawn kal a ngai lo tak tak maw?,"

"Aw ngai lo e,hei kan kal dawn a ka dah phawt ang aw,"

"Aw awle,"

Vawiin ni taka ṭhianpa te a rawn sawi a,ani khan khawia mipa mah ṭhian a nei lo a nge a. Min tihder a ni hrim hrim ang,"Tunge i biak a? Tinge pawnah i chhuah kher a?,"Mercy chuan min lo melh salaa leh ṭan tawh,"In chhungah chuan a ṭawng ka hre thei lova,ka ṭhianpa nia bike chungchang a nia,"ka lo ti nghal vat a. A vawikhatna atan Mercy hnenah dawt ka sawi ve ta;mahse,pawi ka ti lo. Thudik ka hrilh chuan a thinrim leh dawn si a,chu aichuan dawt tlemte hrilh chu pawi ka ti ta lo a ni.

Da-i patea chuan,"Bazar lamah ka va teihawi ve mai mai teh ang,"a ti a,a ding nghal uaih a. Da-i chuan,"Pate,lo haw tlai suh aw,"a lo ti vat a,apatea chuan,"Aw lo haw tlai lo ang,"tih pahin a chhuak nghal a. Ka mumang chungchang chu Da-i bulah chuan ka sawi duh a ngem aw? Nge ka nu bulah ka sawi zawk ang? Huiham rilru a vak kual leh ṭan a,thinlungah zawhna 1 chhan theih si loh chu ka in zawt nawn tlut tlut a. Chu zawhna chu kei hi tu fa nge ka nih? tih hi a ni. He zawhna hi ka in zawt nawn fo a;mahse,chhanna erawh ka nei thei si lo. Rilru a buai map map khawp mai,harsatna lian tak ka tawk mek niin ka hria.

Mercy  chuan ka hnung aṭangin min rawn kuah a,"Bawih,engnge i ngaihtuah a? Tunlai chu ngawi rengin i lo awm leh veng veng ṭhin a,"a rawn ti a. Mercy kut chu ka lo chelh vat a,"Eng ni love,ka ṭha lawm,"ka lo ti vat a,Mercy hmachhawn zawng chuan ka inher vat a. Min lo nuih var var a,"I cool lutuk hian min ti â vekin ka hria,"tih pahin ka hmuiah chuan min rawn fawp nghal a. A nuam veng veng mai,a nui sen sen a,"Ka hmangaih che,"a rawn ti sap a,ka ṭek chhuaiin ka hria,"Keipawn ka hmangaih che,"tih ve mai ka tum a;mahse,ka sawi thei tlat lo. Ngawi rengin Mercy chu ka kuah a,ka âwmah ka pawm vawng vawng ringawt a.

Zanah chuan ka room veranda-ah chuan ka ṭhi chhuak a,Whatsapp-ah Mercy nen chuan kan inbe char char a;

"Zanin chu rawn leng ve tawh la,"

"I nu awm lo mi?,"

"Awm tho e;mahse,lo leng tho la,"

"Nhaaa i nu awm chuan ka duh lo,"

"Tianga i tih zel chuan engtikah nge i rawn lên ang le?,"

"Hre lo le😁,"

"Ka ngai ve em em che a,i sual thiam e mai aw😩,"

"Mahse,a tlai tawh em hi,"

"Tlai lo dar 8.00pm a pel chauh nih hi,"

"Awle nih kan insiam nge aw;mahse,i nu kha nhaaaa....☹,"

"A mak,lo kal la ni mai. I rawn kal loh vaih aw,i rawn kal loh chuan ka titau char char ni mai aw☹☹☹☹,"

"Imm nih ka rawn kal ang,ka insiam dawn nia aw,"

Room-ah ka lut a,ka insiam nghal sawk sawk a. Ka insiam mek lai chuan Room khawngkhar chu an lo kik karh karh a,"Aw lo lut rawh,"ka lo ti nghal vat a. Dintei chu ngawi rengin a rawn lut a,"I va inchei nasa ve,khawnge i kal dawn a?,"a lo ti vat a. "Mercy te Inah ka leng dawn a,engnge ni ta a?,"ka lo ti vat a. "I chhuah dawn chuan a ngai lo mai. I lo haw hunah ka hrilh mai ang che,"a ti a,chhuah leh mai a tum a. "Aww tunah sawi mai la,ka lo haw hunah chuan i lo muhil tawh maithei a sin,"ka lo ti vat a. "I lo haw huna ka lo mutthilh tak leh naktuk lamah a ni mai,va kal rawh,"a ti a,min chhuahsan leh daih a. Engmah dang ka ngaihtuah thei tawh lo,ka phone ka ak a. Ka bike chahbi leh ka helmet ka la a,ka nu bulah ka lênna tur hmun ka sawi a ka phit chhuak nghal a.

Mercy chu a nu nen TV an lo en mek a,min hmuh chuan a lo nui nghal var var a,"Lo ṭhu rawh,"a lo ti nghal vat a. A nu chuan,"Tunlai chu i hmel a fai vûk mai,i rui ngai tawh vak lo a ni maw?,"a lo ti kher a,ka van ngei ṭhin tak êm! "Nia rui ngai tawh lo e,"ka lo ti ve mai a. Mercy chuan nui chungin,"Nia Nu,a fel tawh lawm. An ṭhian ho zingah pawh a fel ber tawh,"a lo ti vat a,Mercy nu chuan,"A hmain an ṭhian ho zingah a sual ber ṭhin a ni maw?,"a ti leh kher a nih chu. Mercy nu tak hi chu aww,punching bag ni se ka van ti tak êm! Mercy chuan nui chungin,"Aaa sual ber bik chuang love,"a lo ti vat a,mi chu a ṭan ve khawp mai.

Zan dar 10.30pm velah chuan meng ve rengi pawh a muthlu deuh lawp lawp tawh mai a. Mercy chuan,"Nu,va mu tawh la kha i muthlu reng a nia,"a tih takah chuan a mu ve mai dawn emaw ka tia;mahse,"Eehee ka chengkawl chhum tur ka lo mangnghilh leh tawh. Ka va chhum leh lawk a nge aw,"tiin choka lamah chuan phei chhut chhut a,heiham zanin bak chu ka leng tawh pit lo ang. Hetiang em em a mahni fanu te hauh mai chu,nula dang rîm tur hmu lo pawh ka ni bik hleinem tiin ka in hrosa vel a. Mercy chu ka en a,ani pawh chuan a phone a lo kheuh malh malh a mi â ang maiin amahin a lo nui vur vur a,"Hey...engnge i nuih vur vur a? Ka haw dawn nia,"ka va ti a. "A la hma em hi,nakin deuhah haw la,"tiin min ui beh a tum ve khawp mai. Mahse,ka haw awm chiang e mai,"Ka haw dawn ka tih chuan ka haw dawn a ni mai,"ka ti a,ka tho vut a ka kal nghal nul nul a. Mercy chuan min rawn umzui rang ngei mai,"Suala,luhlulpa muttui aw,"a rawn ti nghal bawrh bawrh a. Ka lo nui suk a,"Zanin bak chu in In chhung ka rawn rap leh tawh lo ang. Tihpalh thil thu a,ka lo rap palh hlauh a nihchuan ka lo rap palh a ni mai. A nih muttui phawt aw,"ka ti a,ka bike chu ka ti nung a,Mercy te In bul aṭang chuan chak lutukin ka phit chhuak leh nghal a.

In ka thlen chuan a lo reh ṭhap tawh mai a,ka nu pawh tui takin a muhil tawh a ni ngei ang. Ka pa erawh hna thilah kar 1 chhung châm turin thingtlang lamah min zin bo san thung a. Ka û te pahnih pawh an muhil tawh a ni ngei ang,an room a ṭheh ṭhap tawh mai. Ka room-ah pawh lut hmasa lovin Dintei mutna mikhual room lam chu ka pan phei nghal a,room kawngkhar chu ka kik nghal ringawt a. Rei vak lo hnuah a rawn ri rawk a,Dintei chuan,"Lo lut rawh,"a lo ti zawi sup a. "Min hrilh tur chu engnge?,"ka ti nghal ringawt a. Dintei chu khumah chuan a ṭhu a,a thaw halh a,"Ka pa chungchang a nia,"a ti sup a. "Imm sawi la,"ka lo ti vat a,"Ka nau te 2 hi a bulah hruai a tum a. Mahse,ka rem ti si lova,"a ti zuai raih a. Ka khawngaih ngei mai,tih theih lah hi ka nei tlem ve sia,"I pa chuan a rawn bia che mi?,"ka lo ti nghal vat a. "Aw bia e,court ah kal a tum a ni awm e. Ka pa bula an awm chuan,nuhrawn an hrawn a nga. An damchhungin in thlahrung reng rengin hun an hmang a nga. Ka pa lahin a ngaihsak dawn lo tih ka hre chiang bawk si,huiham ka rilru a hah takzet a ni. Hnathawh mumal engmah ka la nei bawk si lo,Pathianah chiah ka in nghat tawh a nih hi,"ka lên hlan khan amah chauhin hrehawm takin hun a lo hmang a ni âwm sia. Ngatinge ka mawl em em le? Ka lên dawn a,ka room-a a rawn luh te khan lo hriatthiam daih tur a nia. "Ka tihpalh aw,i ṭhianpa ve hi ka nep si,"ka ti a,ka kuah a,"Naktukah ka nu bulah engkim ka hrilh a nga,ka nu in puih dan che a hre em em ang. Lungngai suh aw,i bulah ka awm reng dawn nia,"tiin ka thiam ang tawk chuan ka hnem ve malh malh a.

"Nu,hrilh tur che ka nei a i hman lawk em?,"tiin ka nu eirawng bawl lai chu a beng bulah ka va hrilh ru sâ sâ a. Ka nu chuan,"Aw hman a ni mai,engnge ni ta a?,"a lo ti vat a. "Ka room-ah aw,"ka ti a,ka nu chu ka hruai phei nghal a. Ka nu chuan,"Bawiha,eng thil nge ni ta a?,"tiin mak tih hmel tak hian min en ho mai a. Ka nu bulah chuan Dintei te unau chanchin chu ka hrilh nghal vek a,ka nu chuan,"I pa lo haw phawt se,puihdan dan a awm mai ang. Lungngai lo phawt rawh aw,ani pawh vawiin a exam zawh ni tiraw?,"a lo ti nghal vat a. "Aw ni e,naktukah haw mai a tum leh nghal a,"ka ti nghal vat a. Ka nu chu a ngawi vang vang a,"Imm eng pawh nise,vawiinah va thlah leh la. A haw lam pawh va lam leh ngei ngei ang che,niminah pawh 2 wheeler taxi in a nihkha a lo haw,"a ti a,min hau deuh ti tih a. "Maw? 2 wheeler taxi in maw a lo haw a? He nu tak hi chu aw,vawiin chu a hmunah ka nghak ngat ngat tawh mai ang,"ka ti zui mawlh mawlh a.

Dintei exam tur nen chuan kan in phur chhuak leh a,"Niminah engvanginnge dawt min hrilh a?,"ka ti nghal thawr mai a. "Dawt ka hrilh lo che,"a lo ti nghal vat a,"Min hrilh i ṭhianpa in a thlah loh che kha,"ka ti leh a. "Ka ṭhianpa lawm,"a la ti ṭang ṭang nia,"Taxi khalhtu kha i ṭhianpa maw? In class a mi maw?,"ka ti vin deuh ṭhawt a,ka in thiam lo leh ang reng. "Aw ni e,"a la ti ṭalh nia,"Engvanginnge dawt min hrilh?,"ka ti leh a. "Mercy nen in awmdun tih ka hria a,in hlimna kha tih chhiat ka duh hleinem,"a ti ta nge nge a. "Kan hlimna i tichhia mi?,"ka ti leh ngat a,"M-a,duh tawk tawh teh,"a lo ti zawi sap a. "Aih kan hlimna i ti chhia mi?,"ka ti leh a. "Ti chhe love;mahse,in hlimna ti chhe tu nih ka duh lo. Mercy khan min thîk ṭhin tih hi min hrilh lo mah la,ka hre ve vek a sin,"a tawp a tawpah chuan a sawi ve ta. He hmeichhia hi eng hmeichhia nge a nih bik le? Ka hlimna tur chuan dawt min hrilh pawh pawi a ti miah lo;mahse,ka ṭhian a ni miau si. "Ka lawm e aw,"ka ti zawi sup a,"Ṭhiante bulah lawmthu an sawi ngai lo,"a lo ti nghal vat a. 

An examna hmun kan thlen chuan rin aiin a lo tlai tawh a,bike aṭang chuan a chhuk thla nghal thak a,"Vawiin pawh keimahin ka rawn haw leh mai ang aw,"tih pahin a kal nghal nal nal a. "Nangmahin i haw tawh lo ang,"ka ti zawi sup a,ka bike chu ka hung ṭha a ṭhutna remchang laiah chuan ka ṭhu a nghah pahin ML ka khel leh nghal char char a.

[23/03, 07:54] Rs Thangluah: *KA LEI VANTIRHKOH*

BUNG-23 NA

By:- *Rs Thangluah{Remz}✍🏻*

Chawhnu lam dar 2.00pm velah chuan Dintei te exam pawh an rawn zo ve tawh a. Amahin exam hall aṭang chuan a rawn chhuak hnak hnak a,a hmuh theih lohna aṭangin ka lo thlir reng a. Ka bike bulah chuan a ding vang vang a,a hawi kual ruai bawk a. Min zawng a ni tih ka hre nghal mai;mahse,ka la bihruk san rih dawn. A tawp a tawpah chuan min rawn call ta nge nge a;

"Aww in zo tawh mi?,"

"Aw zo tawh e,khawnge i awm a? I bike chiah ka hmu sia,"

"Maw? Ka bike tah khan a awm maw?,"

"Aw awm e khawnge i awm zawk a?,"

"Ka haw daih tawh lawm,"

"A van awihawm loh ṭhin tak e aww,"

"A ni lawm ka bike chu ka van theihnghilh chiang tak,min lo nghak rawh aw ka lo kal ang. Mahse,traffic jam nasa lutuk a ka rei deuh maithei aw,"

"Awiii i ti tak tak mi a?,"

"Aww min lo nghak rawh aw,ka rawn kal nghal ni mai,"

"Imm awle ka lo nghak ang che,"

"Ka lo kal nghal aw,"

"Imm ka dah aw,"

"Awle,"

Dintei chu ka bike bulah chuan a ding ran mai a. A hnung lam aṭangin ka pan phei a,a mitah ka hupa a phu nasa teh e. "Lalrammuan,i rim aṭang hian ka hai che ring suh aw,"a rawn ti mai,he nu tak hi chu aww. "Suala,min tihder kher ngai mi?,"tih pahin ka ngalah a pet nghal chawrh a,a van na tak,"Aiiahh...ka ngal hi thir a ni bik lo nia aw,"tih pahin ka tuai nghal vut vut a. "Dawt min hrilh man nihkha misualpa,"a la ti zek zui a. Kei lah chu ka nui huah huah a,"I thinrim khan kan veng nula senior U Kungi nen in inang lutuk,"kan ti leh hram pek a. "Suala,ka rilṭam tawh teh mai nia aw,"a lo ti leh a. "Awle awle kan ei ang,thil kan ei ang. Tunah Sanpiau ei turin kan lo chhuak ang,jhaldi,"kan ti vel a,a nuihza bawk si thinrim bawk si chuan ka hnungah min chum taih taih a,"I nghal dan em em hi chu aww,ka ṭhianpa chu ni lo la ka kawm peih tawh miah lo ang che,"tih pahin ka sam chu a rawn tuai leh kher a. Henu tak hi chu a bulah hian nalh deuh pawn a awm theih loh,hairstyle zawng zawng a ti chhe vek zel,"Ṭen ṭen kal ang aw,"ka ti a,ka bike chu ka her kual a,ka ti nung a kan phit chhuak leh nghal a.

Zanah chuan ka nu in an room-ah Dintei nen min ko lut a,"Dinte,eng harsatna pawh i chungah thleng se pui tur che in kan in peih reng tih hria la. Tin,Pathian kan lamah a ṭang bawk a,lungngai reng reng suh aw,"tiin a ṭawng thlamuan mawlh mawlh a. Dintei chu a lawm kher mai,"Ka lawm lutuk a nia aw,ka chunga in ṭhatna hi ka theihnghilh ngai lo ang,"tiin lawmthu a sawi ve mawlh mawlh a. Ka nu chuan,"Naktukah i haw dawnah pawh Bawiha hian Sumo Counter thleng a thlah che a nga. I haw thlak hunah pawh chanchin min rawn hrilh zel la,i pa chungchang pawh min rawn hrilh zel la. Rawn chhuk a ṭul a nihpawn kan rawn chhuk mai ang,kan rawn chhuk thla thei lo a nihpawn ka nau a awm tho a. Ani khan engkimah a pui thei ang che u,"a ti leh mawlh mawlh a. Dintei chuan ka nu chu a kuah a,"Ka lawm lutuk,ka lawm takzet a ni,"a ti a,lungchhe takin a in hnit nghal hlawp hlawp a. Dintei ṭap hmel chu hmuh a nuam lo khawp mai,ka nu chuan a âwmah a pawm a a samah a chûl sak heuh heuh a,"Kan tan chuan kan fanu i ni tih hre reng ang che aw,"a ti leh mawlh mawlh a. Ka nu hi chuan hmangaihna leh khawngaihna hi a lo van ngah tak êm! Ka chhuangin ka ngaisâng tak zet zet a ni.

Dintei nen chuan ka room veranda-ah chuan kan ṭhu dun a,kan ti malh malh a,"M,ka lawm lutuk aw nang ang ṭhian ṭha ka nei che hi ka lawm takzet a ni. Ka chungah i thil tih zawng zawng hi engtikah mah ka rûl seng dawn lo che a nih hi,"a ti mawlh mawlh a. "Het ṭhian leh ṭhian inkarah lawmthu an sawi ngai lo. Keichuan,hlim deuha i awm hi ka duh ber a ni,"ka lo ti ve vat a. A nui sen sen a,a mit aṭang chuan mittui a rawn hnâm chhuak ṭiam ṭiam a,"Misualpa,ka tan chuan i ṭha ber mai. Ka Super Man,ka Hero i nih hi hre reng ang che aw,"tih pahin min kuah nghal vawng vawng a,min la kuah nghet em em zui a. Engmah pawh ka sawi thei tawh lo,ngawi rengin a luah chuan ka tuai a,a chalah ka fawp a ka nui suk ringawt a. Phone call ka dawng ta,Mercy bak a nih ka ring lo a ni tak tak. Ka chhang duh lo lui a,"Chhang ta che a titau leh palh ang. Chhang vat rawh,"Dintei chuan nui sâng hian min lo en a. "A a ho e mai a,ka be peih rih lo,"ka ti zo chiah a,a rawn call nawn leh a. Dintei chuan,"Chhang rawh i sual thei lutuk,"a lo ti leh takah chuan phûr lo zetin ka chhang ve leh mai bawk a;

"Aw,"

"Engnge i tih a? Tinge phone i chhan theih lohva?,"

"Hei ka chhan theih reng che hi,"

"Engnge i tih?,"

"Eng ti love,"

"Online la ka message kha min rawn reply nghal vek ang che,"

"I van zak lo pah pah ve a,i thuhnuaia kun ka ni mi a?,"

"I ni ka ti mi? Nichin aṭang tawhin ka rawn text char char che a,min chhang thei lo nihkha,"

"Ka online loh chuan hrethiam ve mai la,ka last seen te kha en ve ta che,"

"En en e ka en ve bawk e ka dah dawn nia,ka message chu min rawn reply ang che,"

"I thu lo i dah hma in ka dah ang,"

Ka phone chu ka hmet thi nghal a,"Zak thei lo lutuk mai a,"ka ti hluk a. Dintei chuan,"Khatin bialnu te an be ngai lo,online la a message chu chhang vat rawh. A thinrim hunah chuan bia be mah la,a chhang tawh lo ang che,"a lo ti thung a. "Amah nihkha order deuh deuhin min bia nihkha,tianga order deuh deuh a in biak hi ka duh dan a ni lo,"ka ti hluk hluk a. Dintei chuan,"I ngaihdan kha i duh dan a ni lo mi?,"a ti a,a lo nui var var a. Thinrim lai laiin he nu tak hi chu aww,"Dei,ka reply dawn reng,"tih pahin Whatsappah chuan ka lut nghal a,Mercy message chu a lo tam tawh ngei mai;

"Engnge i tih a? Zanin chu min chhuahpui lawk la,"

"Min reply ve ta che,"

"Huiham game i khel leh tawh mi a?,"

"Min chhuahpui dawn loh chuan midang pawh an awm tho nia aw,"

"Khanu nen khan in chhuak leh tawh mi?,"

"Min chhang ta che😡😡,"

"Min chhang tawp suh,in duh duhnaah chuan chhuak vel teh u😡,"

Ka reply nghal vat a;

"Khawiahmah kan chhuak lo,ka nu in min ti tipui a ka chhang hman lo che nihkha tihpalh lutuk aw🙏🏻🙏🏻🙏🏻,"

Ka message chuan chhanna a la hmu rih lo,min chhan hma chu ka text chhunzawm duh tawh bik lova. Group velah ka lut kual zuai zuai a,ka ṭhiante ho status ka view vek bawk a. Chumi hnuah ka message a seen nge seen lo tiin ka check leh a,a online reng a ka message a seen miah lo. Huh,pawi tawp hleinem hmeichhe titau thlem tura khuanu ruat pawh ka ni bik hleinem,ti rilru chungin ngawi rengin ka out ve leh mai a. 

"In in ngaizawng ve hi in hahthlak ee,rilru in ti hah. In inhau reng a,in induh tho bawk si,"Dintei chuan Lays ei mawlh mawlh pah chuan a rawn ti a. "Nia tiraw? Ka ngaihtuah neuh neuh ṭhin a,kan bul ṭan dan kha a ho bawk êm a tin ni,"ka lo ti mai. Dintei chuan,"Eee ni e bul in ṭan dan min la hrilh miah lo nia aw,"a lo ti nghal vat a.  "Hria la chuan ho i ti ngawt ang,"ka ti a,ka nui hak a. "Aww sawi la ho ka ti lo maithei sin,"a lo ti vat a. "A hma chuan hmeichhia hian ka rilru an luah ngai lo hrim hrim a. Ruih tur ka neih chuan ka lawm em em ṭhin;mahse,Mercy ka hmuh chiah khan ka rilru  zahve vel hi chu a inthlak thawk a ni ber mai. Hmeichhe ngaihsak ngai reng reng lo khan,Mercy chu ka vei ta em em a ka mumang thleng thlengin ka hmu zui a. A rukin ka star em em ringawt mai a ni,han ngaihzawn tak tak tumna rilru erawh ka nei hran lo. A chhanchu a mizia leh ka mizia hi a in phû thlawt lo a ni. Mahse,ka ṭhianpa nen kan inchawinaah ka chak ta si lova,ka bem a ngai ta. Mahse,ka bem hman lo bem ka tum niin amah zawkin a bialpa lem a ṭang turin min sawm a,ka lo rem ti ve mai a. A ṭhiante zawng zawng bulah chuan in ngaizawng kan ni a,a takah erawh kan ni si lo. Chuan,in khuaa ka lo zin khan a bialpa lem ni tawh lovin a tak ni turin min rawn sawm a. Ka lo rem ti ve leh nghal mai a;mahse,ka beisei phak bakin kan hlim lo a ni,"tiin ka sawi teh duah a,hehe. Dintei chuan,"I hmangaih em?,"a rawn ti nghal chat mai a,chhan ngaihna ka hre lo hle mai. Ka ngawi vang vang a,"Ka hre lo,"tiin ka chhang tawp a,min en ho mai a,"Hmangaihna hi engne a nih i hria em?,"a ti leh a. "Aih hre lo,"ka lo ti vat a. "Hmangaih i la tawng lo a nihchu,hmangaih i tawn hunah chuan i hre ve mai ang,"a lo ti thawp sut a.

Mut hmunah chuan ka in ngaihtuah nasa khawp mai a. Mercy chu ka hmangaih em? Amah hian min hmangaih em? Lo in hmangaih lo ve ve ta i la,kan in ngaihzawn chhan hi engnge ni ta ang? In duhna ringawt em ni ang le? Ka khumah chuan ka let ka let a,ka muhil thei reng reng lo. Thil tam tak ka ngaihtuahnaah a rawn lut leh ṭan ta,ka nu leh pa te bawk an ni. Tu fa nge ka nih le? 

Kan sitting room-ah chuan ṭawng bul bul thawm ka hre ta tlat mai,sana ka bih a zing lam dar 1.30am a lo ni tawh a. Ka khum aṭang chuan ka tho chhuak ṭhem ṭhem a,ka room kawngkhar lamah chuan thawm dim tak chungin ka phei a. Sitting room a ṭawng ri ka hriat chu ka nu âw ngei a ni,tunge a biak erawh ka hre lo. Mahse,phone hmanga inbia an ni tih erawh ka hre nghal thei;

"Tunah a lian tawh a,a tha te pawh a chhawr thei tawh a i awt ta deuh em ni?,"

"Home a seilian tura kalsan tu kha tunge? Nangmah ngei hi i ni tih ka hria a sin. Tunah chuan kan ta,kan fapa a ni tawh i duh leh court ah chuan kal ta che. I duh lohva i kalsan tawh a nih hi,"

"Eee i duh duh chu ti ta che,kan hmaah pawh hian rawn in lan tawh lo la duhthusam a ni. Bawiha hi ka fapa ti pawn rawn sawi ve tawh suh,i thluakah khan sum bak a awm lo,"

"Kan pa pawh bia la,ka chhan ang tho che hian a chhang ang che,"

"Imm i duh chuan rawn kal rawh. Lalrammuana hian amah hmangaih lo tu pa hi a mamawh lem lo,"

"I thil tih ṭhin zawng zawng pawh kan hre vek tawh. Khawchhak lam aṭangin damdawi i tawlh ṭhin tih pawh kan hria,hman aṭangin tun thlengin nang hian sum bak ngaihtuah i nei lo,"

"A tawk e i duh chu ti la,keinin kan duh kan ti ang,"

Ka nu chu a reh vang vang a,a thusawi ka hriat chuan min ti na kher mai. An fapa dik tak ka ni lo tih ka hre chiang ta,hei baka chiang chuan hriat pawh ka duh tawh hek lo. Chuan,kha mihring ka fapa tia min chhâl tu kha ka hua a ni. Engvanginnge fahrah nun tem turin min kalsan? Ka lu chu a hai mum mum a,engtiklaiin nge ka khum ka thlen phei pawh ka hre lo. Ngawi rengin khumah chuan ka ṭhu a,tunah tak chuan ruih chhum hmawk mai ka châk a ni. Ka nâ a ni,ka na takzet a ni ka thu hriatte kha a tak a ni si. Ka pa chuan engvanginnge tunah kher min rawn zawn chhuah le? A hma pawn min hawisan tawh si a,ka nu sawi kha a dik thei mai a ngem le? "A puitling ve tawh a,a tha i awt a mi?,"a tih kha,ka tet lai zawng zawng leh enkawl ka hautak lai hun zawng zawngin min kalsan a. Mahse,tunah a rawn lang leh si chuan,ka pa chuan damdawi a tawlh ṭhin bawk maw? Lalpa,engtinnge ni ang? Heng harsatna zawng zawng hi keimah mai chuan ka hmachhawn ngam lo a ni,min pui mawlh teh.

"Bawiha,harh teh Bawiha,a tlai tawh nia. Dintei i thlah a ngaih kha,rawn tho vat teh,"ka nu chuan min lo sawi nawk nawk a. Peih lo zetin ka tho ṭual ṭual a,nizana thil thleng erawh kha chu ka la zep rih phawt a ngai a ni. Engmah hre lo angin ka awm a,"Aww ka hman a ni nghal mai,kan in phih fai lawk a nge aw,"ka ti a,khum aṭang chuan ka chhuk a bath room lam ka pan nghal a. Ka nu erawh chuan ka puan vel chu a lo thlep ṭha mawlh mawlh thung a.

Dintei chu a lo in peih fel diam tawh a,sitting room-ah chuan ka û te nen an lo ti ti malh malh a. U Mawitei chuan nui hawk hawk chungin,"Dintei hi Scooty ṭangin i thlauh a ni maw?,"a rawn ti mai chu(h) min lo nuih ṭhaw hlawm a. "Awih awm loh e,"kan ti vel a,ka û te lah chu an lo nui bawk bawk hlawm a.

"Kan hman tawh chuan chaw ei dawn i la,hei Dintei hi dar 9.00am ah a chhuah a ngai bawk sia,"ka nu chuan a rawn ti a. Ka û te 2 leh Dintei chuan chaw ei an siam nghal a. U Mawitei chuan,"I thlen veleh min rawn hrilh nghal ang che aw,"a ti ve a. Dintei chuan,"Imm hrilh ngei ngei ang che u,"a lo ti nghal vat a. Ka nu chuan,"Ka sawi kha hre reng ang che aw,harsatna i neih chuan min rawn hrilh hreh suh ang che aw. Engtik hunah pawh pui tur che in kan in peih reng a nia aw,"a lo ti ve bawk a. Dintei chuan,"Ka lawm lutuk a nia aw,ka chunga in ṭhat na hi ka dam chhungin ka theihnghilh tawh ngai lo ang,"a lo ti ve mawlh mawlh bawk a. Chaw eikhamah chuan ka nu leh ka û te chuan min thlah liam a,Sumo Counter lam pan in Dintei nen chuan kan in phur leh ta vûk vûk a.

[23/03, 07:54] Rs Thangluah: *

KA LEI VANTIRHKOH*

BUNG-24 NA

By:- *Rs Thangluah{Remz}✍🏻*

"M,i duh leh min hawsan rih mai la,"Dintei chu a nui suk a. "A la hma lawm ka thlir liam ang che u,"ka lo ti ve thung a. Sumo Counter bul Waiting Shed ah chuan kan ṭhu dun a,ei tur te ka lei a ti ti malh malh pahin kan ei dun a. 

"Lelee kan kim e,mahni seatah ṭheuh khan lut ang aw,"tiin Driver chu a rawn âu lauh lauh a. Dintei pawh chu a tho ve vut,"Kal tawh la,"a lo ti leh a,"Kal rawh ka lo thlir liam ang che,"ka ti leh a,Sumo lam pan chuan kan in zui phei a. Driver chuan,"E khai rawn zui thla ve leh mai la,"tih pahin a lo nui hak hak a. Dintei chuan,"I ho e a,"tih pahin Sumo chhungah chuan a lut nghal a. Kei lah chu ka lo fiamthu zui ve nghal a,"In hnungah ka rawn zui dawn che u lawm,"ka lo ti vel ham ham a. 

Sumo chu a che hrut a,a ri thûm nghal vut vut a,"Tluang deuhin in kal dawn nia aw,in thlen veleh min rawn hrilh theihnghilh lo la aw,"tih pahin Dintei te chuanna Sumo chu ka thlir liam ta a.

Dintei chu ka ngaih ve reuh khawp mai;mahse,ka ngaihtuahnaah chuan nizan lama ka nu thusawi bawk chu a rawn lut leh a. Ka ngaihtuahnaah chuan ruih chhum hmawk a,engmah hre lova chahthlak daih mai chu ka châk a,Mawia ka call nghal a;

"Aw Bawiha,"

"Inah i awm em?,"

"Aih ka chhuak lawk a,tinge?,"

"In tur i nei em?,"

"Mak ee i dry maw ka tia,"

"Dry tho e mahse,ka in chak lawm. I nei lo mi?,"

"Inah chuan nei e,ka lo haw ṭep a i duh leh Inah min lo nghak la. Ka pi leh ka nau an awm ang,"

"Awle rawn haw har suh aw,"

"Immm Pheikhawk ka lei lawk a,ka lo haw har lovang,"

"Nih in Inah chuan ka lo nghak ang che aw,"

"Awle,"

Mawia te In lam chu ka pan ding nghal a,ka thluak chuan ruih bak a châk a nei lo a ni ber mai. Ka nu leh pa fapa diktak ka nih loh vang pawh chuan ka rilru a nâ a,ka thinrim hlur tawh mai. Engvanginnge fahrah ni tur hian ka lo pian kher kher le? Nu leh pa te duh loh ka ni a,fahrah hringnun hmang tura kalsan ka ni bawk. Chutiang tam tak ngaihtuah chung chuan ka tlan vûk vûk a,keimah min tawk zawnga Taxi rawn tlan nen chuan kan in tâi ri bur mai a. Ka phu nasa kher mai,Taxi driver chuan,"I nâ em?,"a rawn ti nghal mawlh mawlh a. "Aih na love in ṭha em?,"tih pahin ka bike min delh rûn tu chu ka nam che hrut a;mahse,a bak ka che thei lo. Mipa 2 hian ka bike chu an rawn tung nghal bawk a,"I na em?,"an rawn ti leh a,"Aih na lo e ka ṭha lawm,"ka lo ti leh mai a. Mahse,ka ban veilam chu ruh tliak tawh a nihvangin a rawn na vawng vawng mai a. Taxi chu va en a,a bumper hi a lo tla a a dang erawh chu chhia a awm lem lova. Taxi driver kha a fel khawp mai,"Hei hi chu a chhe ve tawh hrim hrim a,engmah a dang chhia a awm lo nia aw. I bike kha chhia a awm em?,"a lo ti nghal mawlh mawlh a. "Aih engmah chhia a awm lo e,a bumper thlakna man tur chu ka lo chawi ang. Keima thiam loh a lawm,ka lo khalh chak mah mah a,"tih pahin ₹1000 chu pek ka tum a;mahse,a la duh miah lo nia,"Aih a ngai lo nia hetiang te chu mi zawng zawng chungah a thleng vek thei a lawm. Tihpalh liau liau a nihkha,hliam i nei lova a lawmawm lutuk. Kan kalsan mai zawk ang che aw,"a ti a,Taxi chhungah chuan min luhsan a an tlan nghal daih a. Ngawi rengin ka thlir liam a,lawmthu sawi nachang pawh ka lo hre lo a ka van â ṭhin tak ém! Kawng sira ngawi renga ka din lai chuan Mawia'n min lo call a;

"Aw Bawiha,"

"Khawnge i awm a? Ka nau in a la rawn kal lo a ti che sia,i thlen daih tawh ka ring a,"

"Ka rawn kal mek,Taxi nen kan in tai a ka rawn thleng lawk thei lo lawm,"

"A van buaithlak ṭhin e aw,engnge i an a? I nâ em?,"

"Aih na love ka rawn chhuk aw,"

"Awle ka lo nghak ang che,"

Phone chu ka ak a,Mawia te In lam pan chuan ka inkhalh thla leh nghal a. Ka ban chu rin aiin a na zek a;mahse,ka hre lo lui tlat a. Mawia te In pawh rei lo te hnuah ka thleng thla ve bawk a,ka thaw huai mai.

"Engmah nâ i nei lo tak tak maw?,"Mawia chuan min thlêk nasa khawp mai. "Aih nei lo ka tih chu kan intai palh ringawt lawm. Khawnge thil chu?,"ka tih zawm nghal zat a. "Hahdam phawt la aw,ka nau leh ka pi hi Khatla-ah chaw ei turin an kal dawn a. Taxi ka chânpui phawt a nga,chumi zawhah chuan kan in dawn nia aw,"a ti a,a nau leh a pi pawh chu room aṭangin an lo chhuak a. Taxi chang tur chuan an in zui chhuak a,kei erawh ṭhutthlengah thatchhe deuhin ka ṭhu âwn duai thung a. Ka Jacket ka phelh a,ka ban chu ka en chhin a a vûng deuhin ka hria a. Mahse,a dam leh mai beiseiin ka ngaihtuah zui duh lem lova.

"Bawiha,duhtawk tawh teh i in hnem tawh lutuk a nia aw,"Mawia chuan ka zu no dawm lai chu min rawn lak sak a tum a. "Min lo khap suh ka chahthlak hma chu ka in dawn,"ka lo ti bah nuai mai a. "Kha i nu in a rawn call che nia aw,i chhan loh chuan i nu a ngaih a ṭha dawn miah lo nia aw,"a ti a,ka phone chu ka en a ka nu chuan min rawn call ngei mai;mahse,ka chhang duh lo,"Bawiha,lo chhang mai teh,"ka ti a ka in leh nghal pup pup a. "Engtinnge ka sawi a nga?,"a lo ti vat a,"Aww i duh dan dan khan sawi tawp rawh,"ka lo ti nghal vat a. Mawia pawh chuan ka nu chu a lo chhang ve mai a;

"Aww,"

"Mawia ka nia,hei kan Inah awm a. A muhil a,ka kaitho duh rih lova,"

"Awle ka lo hrilh dawn nia,"

"Bawiha,i nu in rawn haw turin a ti che nia aw,"tih pahin ka phone chu min rawn pe a. Ka ṭhianpa chu hmuh pawh ka hmu ṭha thei tawh lo,"Ba..awiha...ka..haw..pe..ih rih lo,"

Ka harh leh chuan ka khumah ka lo mu reng tawh a,ka nu chuan mit khap miah lovin min lo en reng a. A mit a sen danah chuan a ṭap nasa a ni tih ka hre thei nghal mai a,"Nu,"ka ti zawi sup a. "I ban hi engtia i tih nat nge a? A vûng vek a nia,vawiinah in insual a mi?,"a lo ti nghal mawlh mawlh a. Ka lu lah chu a na em em mai leh nghal a,"Aih insual love Taxi nen kan intâi a,"ka nu hi dawt ka hrilh duh lo a ni. "Eng a? Hliam dang i nei em? Tinge engmah i sawi lohva? Chubakah rui tawkin Mawia'n a rawn hruai haw bawk che a,tinge tunlai i mizia hi a danglam leh tak em em mai le? Bawiha?,"ka nu rilru na hmel chu hmuh a nuam lo takzet a ni. "Nu,ka tihpalh,"ka ti leh ringawt a,"Naktukah i pa a lo haw tawh dawn a,hetianga i lo awm leh hi a hriat vaih chuan engtinnge a tih ang che? Bawiha,puitling tak hian awm ve tawh teh,"a ti leh mawlh mawlh a. Ni e puitling taka awm chu a hun ve tawh a lawm;mahse,ka hun tawn mêk hian min ti puitling thei hlawl lo a ni. "Nu,ka va inbual lawk a nge aw,Dintei'n a rawn be tawh che em?,"ka ti a,ka tho nghal ṭuih ṭuih a. "Aw be tawh e an la thleng lo deuh a,dar 3.00pm velah kan thleng ang a tia. Va inbual harh la,eitur ka lo siam sak dawn che nia,"a ti a,ka room aṭang chuan min chhuahsan nghal a.

Ka ruih lai kha chuan engmah ka hre lova;mahse,ka ruih a reh a a ngai te bawkin thinrimna leh rilru natna chuan min rawn ûmzui leh a. Ka nu hi ṭha deuhin ka titi pui a nga,thudik min hrilh turin ka ti mai dawn mawn le? Mahse,thudik chu hriat ka châk rual rualin ka hre ngam bawk si lo. Ka rilru a van insual buai nasa tak êm! Ka inbual zawh chuan choka lamah ka phei a,ka nu chuan Pazzta min lo siam sak a,"Hei a la lum vut vut a nia aw,lo ei rawh,"tih pahin dawhkanah chuan min lo chhawp sak a. Ngawi rengin ka ei mial mial a,ka nu chuan thildang a ti emaw ka tih laiin ka thil ei lai chu ngawi rengin min lo thlir reng chu niin,"Nu,i ṭha em?,"ka ti nghal vat a. Za vak lo hian a nui a,leh lama hawi a a mittui chu a hru zauh a,"Aww ka ṭha lawm puar deuhin i ei dawn nia aw. Pangpar tui ka va pe lawk a nge aw,"tiin Veranda lamah chuan a kal phei nghal a. Ka nu hi chuan a fapa dik tak ni lo mah i la,a fapa ang tak takin min en tih ka hria a. Keimah vang hian rilru na takin a awm ṭhin tih pawh ka hria,tunah pawh keimah vangin a nâ a ni tih ka hrethiam ve a ni. Mahse,kei ngei pawh hi ka nâ a ni.

Rilru hah lai laiin Mercy phone call a rawn kal leh ta,lak loh chuan a thinrim  leh dawn si;

"Aw,"

"Message te kha min reply ve ta che,"

"Ka buai lutuk a tihpalh,ka rawn reply dawn che nia,"

"Ka nghak che nia,"

"Khawiah maw?,"

"Dineout turin,"

"Eng a? I â mi?,"

"Â love,"

"Ka hman lo,"

"I hman lo maw? I bialnu hi min chhuahpui hman lo maw? A ṭha lawm,"

"Min hrilh lawk ve ta che,"

"Surprise che ka duh vangin ka hrilh lâwk duh lo che lawm,"

"Hmmmp,"

"Engnge i duh loh chuan pawi hleinem,"

"Nih min lo nghak rawh,kan insiam a nge? Tunah khawnge i awm?,"

"Kiki-i te Inah ka nghak che,rawn hmanhmawh ang che,"

"Awle kan insiam a nge,"

Ka nu pawh hrilh lem lo chuan ka insiam malh malh a,engmah sawi lovin chhuah mai ka tum a. Mahse,ka nu chuan min lo ko rang khawp mai,"Bawiha,khawnge i kal dawn?,"a lo ti vat a. "Mercy nen kan chhuak dawn a,"ka lo ti nghal vat a,"Tun ang hunah maw? A tlai tawh viau sia,"a lo ti leh nghal vat a. "Aw kan dineout dawn a,ka lo haw har lo ang aw,"ka ti a,ka nu thu min chah pawh chu ka hre zui tawh lo. Hmanhmawh tawkin Kiki te In lam chu ka pan nghal a.

[23/03, 07:54] Rs Thangluah: *KA LEI VANTIRHKOH*

BUNG- 25 NA

By:- *Rs Thangluah{Remz}✍🏻*

"Min ti thinrim ziah kher ṭhin tawh suh aw," Mercy chu a lo âng nghal tawn tawn a. Engmah chu ka sawi duh lem lova;mahse,a ṭhiante awm laia min ânkhum chiam hi chu ka lungawi vak lo tih hre ve se ka duh vangin,a ṭhiante pawh tumah ka be duh lova.

"Tinge i ngawih reng a? Ṭawng ve la,ka tan a nuam lo nia,"Mercy chuan min rawn nghawk zauh a;mahse,ka hre lo der tlat a,"Kal tawh i la i hmanhmawh viau kha,"ka lo ti thung a. Min melh rum ngei mai,a ṭhiante ho pawh chuan min ngei ve hmel hlawm khawp mai. Mahse,pawi ka ti hrep love a hmeichhia zawkin ṭhiante karah min vin hluk hluk reng mai hi chu ka tuar dai thei bik lo a ni. "Da-i kan la nghak a lawm,"a lo ti heu mai. Hmanhmawh deuhin min rawn tur a,tunah ve lem a ṭhiannu an la nghah thu a sawi leh si. Kan 2 a dineout tur kan ni emaw ka tih laiin,a ṭhiante ho nen kan dineout dawn reng chu niin huiham keimah chiah mipa ka la ni zui.

Kiki te Inah chuan kan ṭhu rei tawh khawp mai. Sana ka en a tlai lam dar 4.00pm a lo pel daih tawh a,ka phone ka phawrh a whatsapp message ka check nghal a Dintei message pawh a lo awm reng tawh a;

"M,kan thleng chiah aw. Ka chau lutuk a,ka mu nghal daih dawn zanah ka lo be dawn che nia aw,"

"Tluanga deuhin in thleng chu lawmawm lutuk nia aw. Tui deuhin i mu dawn nia,"

Mercy ṭhiannu 1 chu ka vawikhat hmuhna a ni,a la zaktheilo em em zui leh nghal a. Meizial a zu pâwt pâwt a,beer a la in zui a la hmelchhe em em mai leh nghal a. Hmelṭha deuh tal se chuan ka la hrethiam,kaikuang râl a ang heng ho te nen hian kan dineout dawn chu a ni si a huiham. 

"Da-i chuan kawnah min lo nghak a nihchu,kan kal thei tihna,"tiin Mercy chuan min rawn melh zauh a,ka lo nui ringawt a. Ka helmet ka la a,kan in zui chhuak nghal hlawm a. Midang ho chuan kan hnungah Car in min rawn zui a,ka phur tehchiam lo khawp mai.

"Ka ṭhiante kha tinge i biak duh miah lova? Ka tan a nuam lo ka tih mawlh mawlh kha,"Mercy chuan a rawn ti ṭha leh a. Engmah ka sawi duh rih lo,ngawi rengin a ṭawng ri chu ka ngaithla ringawt a,"Kp-i phei kha chuan a vawikhat hmuhna che a nia,biak pawh i lo be duh lova a tan pawn a nawm i ring a mi?,"Kp-i a tih chu a ṭhiannu hmelchhe zet kha a ni ngei ngei ang,engmah ka la sawi duh chuang lo. "Tinge i ngawih reng a? I ṭawng thei tawh lo mi a? Ṭhiante bulah min ti zak lutuk,"a tih takah chuan ka ngawi reng thei ta bik lova. "Khatiang khan i ṭhiante bulah khan min vîn vak vak lo la chuan maw tiang hian ka awm bik lo ang,"ka ti ve ngat a. "I thiam loh hmasa nihkha,ka message reply duh hek lo che,"a ti leh hlak hlak a. "Online loh chuan in reply a har khawp ang,chubakah i ṭhiannu Kp-i ber pawh chu ka hre hleinem,"ka ti leh a. "Midang zawng i hri a a,vawiina hmelthar i hmuh kha Kp-i chu a ni mai lawm. Kiki phei chuan a lo ngei lutuk che'Ṭhen daih rawh'min ti a sin,"a la ti ta deuh deuh a. Ka sa zak mai,ka bike chu ka ti ding chawt a,"I duh leh min ṭhen la ti nia,"ka ti ve hmak mai a. "Ka ṭhen dawn che ka tih loh che kha,tlan mai mai teh,"he hmeichhe chapo lutuk hi chu ka tei thei ṭhak lo a ni,"I duh chuan i ṭhiante motor ah sawn i chuang thei ang. Ka bike aṭang hian chhuk rawh le,"ka ti ram hmak mai a. Ani pawh chu engmah sawi tawh lovin ngawi rengin ka bike aṭang chuan a chhuk a,"Hun hman deuh in hmang dawn nia,"tih pahin ka tlansan nghal vang vang a.

In ka thlen chuan ka room ah ka lut tlang nghal a,ka chetdan chu a nunrawng thlak ka ti leh hnuhnawh a. Mahse,ani pawh a chet dan a mawi lo vei nihkha,ka thiam loh hmasa pawh ni hlei lo tiin ka in thiam chawp leh a. Ka phone chu a rawn ri ṭang ṭang a,Mercy phone call a lo ni a ka chhang duh rih lova. Mahse,a rawn call nawn sek takah chuan phur lo zetin ka chhang ve mai a;

"Ka tihpalh aw,khatiang em em khan i thinrim ang tih ka ring lo a ni,"

"Engmah sawi tur ka nei lo,"

"Khawngaihin min ngaidam thei lo mi?,"

A ṭap feih feihin ka hria;mahse,ka luhlulna min kaih thawh sak vei a. Engang pawn ṭap nasa mah se,ka engahmah a thawk lo a ni;

"Sawi tur ka nei lo,"

"Khawngaihin Duata,"

"Tunah chuan ka be duh rih lo che,"

"Ka message kha lo en ang che aw,ka hmangaih che,"

A inhnît faih faih ri chu ka hre thei;mahse,khawngaihna leh lainatna chhete mah ka nei miah lo nia. A message pawh chu ka en lem lova,choka lamah ka phei a ka rilru tawt lutuk tih thawven nan ka nu eirawng bawl chu ka va pui ve bawrh bawrh a.

"Nu,Dintei'n a rawn be tawh che em?,"ka ti a,Alu chu ka vel malh malh a. "Aw be tawh e,a rawn be ve lo che mi?,"a lo ti vat a. "Be tho e ka zawt mai mai che,"ka lo ti leh mai a,"A hrim hrimin in dine out pawh chu in va rei love,ei pawh in ei hman a mi?,"tih pahin a nui kur kur a. "Kan inhau a ka rawn haw san daih,"ka ti a,ka nu chuan,"Aw haww tiangin bialnu te an haw san ngai hleinem. I van ti ho tak e aw,va kal leh la ngaihdam va dil rawh,"a lo la ti zui. "Nhaaaa Nu,ka thiam loh pawh a ni bik lo. A ṭhiante awm lain min vîn vak vak nihkha,"ka lo ti leh vat a. "Chu pawh nise mipa zawk an titau ngai lo,"a lo ti leh a. "Nuu,ka titau pawh ni lo,"ka ti leh a,min en a,"Titau lo ni la i rawn haw leh dawn mi? Message ah tal ngaihdam dil ang che,"a la ti zui. Ka nu tak hi chu aww,"Aih ka dil dawn lo,hmeichhe bula ngaihdam dil hi ka tum ngai lo nang tih loh chu,"ka ti hmuk a,room lamah ka phei leh nul nul a. Ka nu chuan,"I luhlul lutuk hi engtia tih chi nge mawn le?,"a tih nuah nuah chu ka la hre phak a.

Zanriah ei khamah chuan Mercy message chu ka open chiah a,a lo tam hman khawp mai;

"Duata,ka tihpalh lutuk aw min ngaidam hram teh😭,"

"Duata,khawngaihin min ngaidam thei lo mi? Ka hmangaih luat vang che hian ka duh loh thleng thlengin ka lo che leh ṭhin a. Ka tihpalh lutuk aw,"

"Duata,min kalsan dawn tihna mi? Min kalsan chuan engtinnge awm se min tih a? I tel lova ka awm theih loh zia hre chiangtu i nihkha. Khawngaihin Duata🙏🏻🙏🏻😭😭😭,"

"Ka hmangaih che❤😭,"

"😭😭😭😭😭😭,"

"I message ka lo ngai chang reng dawn a nia aw,"

A van hahthlak tak ve,Mercy message chu ka chhiar vek a. Ka thinrim chu reh tawh mah se,ka luhlulna hian min la control hneh si a ni. Mercy pawh chu text loh tawp aiah tiin bung deuh deuhin ka text ta ringawt a;

"Engnge i tih?,"

"I message ka lo la nghak char char a nih hi,i la thinrim em?,"

"Rim tawh love,"

"Tak tak em?,"

"Immm,"

"Ka van lawm tak ka hmangaih lutuk che,"

"Lehkha i zir dawn lo mi?,"

"Tun ang boruakah hian lehkha ka zir theih i ring a mi?,"

"Ring tho e,"

"Lo leng la,"

"Teuh lo ka rawn leng tawh nguar ang,"

"A nu a awm lo lawm,"

"Chu pawh ni se,"

"Ka ngai che sin vawiin khan i haw leh daih sia,keipawh ka haw ve daih,"

"Tinge i haw ve kher a?,"

"I tel lova dineout chu ka peih lo lawm,ka ṭhiante bulah chhuanlam ka siam a ka haw daih lawm. Kan inhau tih tuman an hre lo,i haw chhan pawh dawt ka hrilh vek,"

"Tinge i ṭhiante bulah dawt i sawi a?,"

"Kan inhau tih an hriat ka duh hleinem,"

"Hmmp,"

"Lo leng tak tak la awww...,"

"Imm ka lo tum dawn nia;mahse,ka rank hi ka up phawt ang aw. Dar 9.00pm hnu lamah ka rawn lan loh chuan ka rawn kal dawn lo tihna ni mai aw,"

"Nhaaa i la ML dawn mi?,"

"Aw ka rei lo ang aw,ka out phawt aw,"

Min chhan leh hma in ka out nghal daih a,ML ah chuan ka bur nghal char char a. Game 3 vel ka khelh hnu chuan Mercy te Ina leng tur chuan ka insiam leh ta nge nge a. Ka nu bulah ka lênna tur ka hrilh a,Mercy te In lam pan chuan ka in khalh chhuak leh ta nge nge a.

Mercy nu chu a lo awm lo tak tak a,a vanneih thlak hle mai,"I nu chu khawiah maw a kal a?,"tih pahin meizial chu ṭan mai ka tum a. "Kan chhungte dam lo an awm a,a kal a. Meizial kha chu ṭan rih lo teh,ka pa a awm bawk si,"tiin min lo khap nghal vat a. "Awle,in chhungte dam lo chu khawi damdawiinah nge an awm a?,"tih pahin ka meizial pawh chu ka ak ṭha leh nghal a. "Aizawl Hospital-ah a nia,a riak maithei a,"a lo ti nghal vat a,ka van hlim tak êm! "A ṭhat hloh chu riak daih rawh,"ka lo ti pek a,Mercy chuan min nuih sen sen a,"Imm hei a riak dawn nih hi,whatsappah min lo hrilh e,"a lo ti nghal vat a,kan van hlim dun teh kher ve le. Mahse,ka inthiam lo leh deuh mi dam lo riahpui tur chu kan lo lawm em em ringawt mai a,a zia lo e.

"Duata,vawiin vang khan ka tihpalh takzet aw,"Mercy chuan ka kut chu a rawn vuan a,ka darah a lu a rawn nghat a. "Hriat reng tlak pawh a nih loh kha,a ho lutuk,"tih pahin a chalah chuan ka fawp zauh a. "Ka hmangaih lutuk vang che hian awmdan chin tawk ka lo thiam lo ṭhin a,pawi ka ti lutuk aw,"a ti leh mawlh mawlh a. "A ho lutuk tunah chuan ka thinrim tawh hleinem,keipawh ka tihpalh,"ka ti a,a khabeah chuan ka dawm a a hmui sen tai tekah chuan ka fawp nghal vawng vawng a. 

"Eeee eee,khatiang sound track kha kan In chhungah hian hman kan phal vak lo a sin,"Mercy pa chu an room kawngkhar bulah chuan a lo ding teu mai a. Kan inthlah rang chiang a sin,tumah mah chu ka ṭawng ngam tawh lo. Mercy phei chuan a pa chu melh melh pawh a melh ngam lo,chhuat chu a bih ngar ngar ringawt a. Kei lah chuti bawk,ka tha hi a khur ru der der maiin ka hria. Kan hma zawnah tak chuan a rawn ding a,"Min en rawh u,"a ti bung nghut a,rang lutukin Mercy pa chu ngam leh ngam lovin kan melh a. "Hetiang tih nan hian kan In chhung hi kan phal lo a sin. Tlangval,nang hi Pu Dailova fapa kha i ni tiraw?,"a ti chang fak mai a. "Aw ni e,"ka lo ti thawp sut a,"Hetiang tur hian em ni i pa hian a enkawl che a?,"a ti kher chu ka thin a khei zak mai,ka insum hman lo teuh kher mai. Mahse,ka insûm hram hram a ni,"Aih ni lo e,"ka lo ti zawi sup a,ka kut chu ka hum a ka hlauh vang ni lovin ka thinrim vang zawkin ka khur ngat ngat mai. "Chuti chu hetiang hian tunge enkawl che a? Nu leh pa enkawl loh fa ang maiin kan In chhungah hian i rawn khawsa ziah mai a,"a la ti ta deuh deuh a. Chutah zet zawng Mercy pawh a insûm thei tawh bik lo a niang,"Pa duhtawk tawh teh,"a lo ti ve bawk a. Mahse,a fanu thusawi chu hrelo ang hmak a ni,"Hetianga i khawsa leh dawn a nihchuan rawn leng tawh lo la,a lawmawm viau ang,"tih pahin a kut hnung suihin a vei kual thauh thauh mai a. "Awle,"tih pahin ka tho nghal a,kawngkhar lam pan chuan ka kal nghal nul nul a,vawikhat mah ka hawi let lo. Ka bike chu ka ti nung a,Mercy te kawmthlang lam kawngpuiah chuan ka tlankual thla leh a. Ka theih tawpa chakin ka tlan a,tichuan an In zawn ah chuan vawi 5 vel ka tlan kual ka tlan kual hnu chuan ka haw ve ta a.

Ka nu leh ka û te 2 chu sitting room-ah ngawi rengin an lo ṭhu ṭhap a. In chhung ka luh chuan min lo en ṭhap mai a,"Mam,ka thusawi kha i hre tawh lo mi?,"a lo ti nghal ringawt a. Mak ka ti deuh a;mahse,Mercy pa khan kan awmdan kha a lo va report a nih ka ring thiam nghal a,"Ka tihpalh,"ka ti ringawt a. U Mawitei bawk chuan,"I theih hram chuan kalsan tum ang che,tunlai chu inkawm pawh kan inkawm tam vak tawh lo. Nang nen in lo in zui ve khanglang tawh bawk si;mahse,ka hrilh che kha an chhungkua saw keini ang chhungkaw tan chuan an sâng lutuk,"a ti leh a. Ka nu erawh chuan engmah a la sawi lova,"Keichu Dintei kha fel ka ti a sin,"U Rintei chuan a lo ti daih thung a. "Hmm ani kha chu ka ṭhiannu nihkha,"ka lo ti vat a. Ka nu chuan,"I pa pawh a lungawi lo khawp mai,tiang em em a fate nuna in rawlh mai chu a tih ve nuah nuah kha. Mahse,Bawiha lungngai suh aw engkim a ṭha leh vek mai ang,"tiin min hnêm thung a. "Ka pa chungchang a rawn sawi kha chu ka sa ve phat a lawm. Mahse,ka in sûm ve hram hram a ni,Mercy pa ni lo phei se chuan ka hnek duh hial ang,"ka ti ve bap bap a. Ka nu chuan,"Khaih khaih khaih khatin an ti ngai lo a nia. Eee Dintei'n min rawn bia a,a pa chuan a nau te chu a la rawn chuh buai ṭalh a ni awm e. Mahse,an khaw V.C.P te leh N.G.O ho in an pui a,court thlen kher ngai lovin an tihfel theih hmel,"tiin thudang a rawn sawi kai daih a. "A ni maw? A van lawmawm ve a,a pa chu ka hmu ve chak hle mai. Vawikhat tal ka piai hlak chak a nia,"ka lo ti nghal vat a. Ka nu chuan,"A ti leh ta tiang lam kha lo sawi ziah suh,i phone kha check la Dintei message a awm ang,"tih pahin min nuih suk a. "Awle nih ka mut san che u nia aw,muttui u aw,"tih pahin ka room lam chu ka pan ding nghal a. Ka nu chuan,"Game khel tawh lovin mu hma ang che,"a rawn ti zui hram a,nui vur vur chungin room-ah chuan ka lut a. Mut pahin Dintei message chu ka check nghal mawlh mawlh a,Mercy message pawh 5 vel a lo awm hman a;mahse,ka open duh rih lova;

"M,tinge i ruih a? I nu in min thlah hnu a i awmdan min hrilh a,min ti thinrim khawp mai,"

"Suala,tinge i ruih a? I nu rilru i tih hah zia kha i hria em?,"

"I hman hunah min chhang ang che aw,"

Dintei bulah hian ka thil hriat kha ka hrilh mai dawn em ni le? Nge sawi chhuak lovin ka pai reng zawk dawn le? Ka in ngaihtuah nasa khawp mai,tuna ka nu hi ka nu tak tak ni lo mah se,ka tan chuan ani tluka nu ṭha hi ka tan an awm leh tawh kher lo ang. Mahse,tinge a fapa diktak  ni lova a fa lak ni tura ka lo pian le? Ka rilru chu a rawn na thar leh a,ka mittui te chu ka hriat loh karin a rawn tla vel a. Dintei message pawh ka reply theihnghilh ṭep a ni;

"Tihpalh lutuk🙏🏻,"

"I hnen aṭang hian tinge tihpalh tih ṭawngkam hi ka dawn reng a ngaih a?,"

"Ka hre bik lo ka tihpalh lutuk,"

"I ṭha meuh maw?,"

"Imm ka ṭha lawm,nang zawk?,"

"Imm keichu ka ṭha e,ka nau te pawh ka bulah an awm chhunzawm theih ka ring,"

"A lawmawm nasat chu i pu a damṭha maw?,"

"Aw damṭha e,a tlangval lutuk,"

"A ṭhat nasat chu mahse,min hau tawh lo la,"

"Hau ang che Mercy nen in ṭha em?,"

"Ṭha teuh lo mai a,"

"Ngatinge a? Van zia lo ṭhin,"

"Zanin khan ka zu leng a,apa in min councelling hrep a lawm. Ka lêng tawh lo chiang ang chu aww,"

"Tinge a?,"

"Sawi chi pawh ni lo zahthlak😬😝,"

"Eee englo mi?🤭,"

"Imm tiang vel kha😆,"

"Mercy'n engtinnge tih a?,"

"Ka thlavang chu a hauh ve ngei a lawm. Mahse,a pa khu dead lutuk,anu pawh a dead a nia huizz. I hrethiam mai em? Hitler-a leh Hitler-i te nupa an ni ringawt😁,"

"Awii em em chuan a,"

"A ni lawm ka dam chhung hian an In khu ka rap leh tawh lovang,"

"Ti leh ta,"

"Tun hi chu ka fiamthu lo,a hmasaa ka sawi kha chu fiamthu deuh reuh a nia. Mahse,tun ṭum hi chu ka ti tak tak tawh,"

"Tak taka nia i sawi dik ve tho,fate khuahkhirh lutuk pawh hi a ṭha ber lo a nia,"

"Nia dik chiah lawm,i mut chhuak tawh em? I chau awm sia,mut hma te i duh em?,"

"Nia pawi hran lo khawp mai,nang pawh mu hma ang che aw,"

"Imm mut hma in Mercy ka be leh lawk nga,ka mu ang,"

"Awle good boy,muttui aww😴😴,"

"Ve che muttui le Best Girl😴😴🤭,"

Dintei chu a out nghal daih a,a out veleh Mercy message chu ka open nghal a;

"Duata,pawi ka ti lutuk ka tihpalh lutuk aw,"

"Duata,ka ngai lutuk che nia aw,"

"Tun hnai deuhah chuan in hmu tawh rih lo mai ang aw. Mahse,ka ngai dawn che e😭😭,"

"Duata,ka message hi i hmuh hunah min reply kher suh aw. A chhan chu a pa in ka phone a kawl dawn a,kan inbiakna hi ka clear vek dawn a. I number pawh hi ka delete rih dawn nia aw,naktukah Kiki phone ṭangin ka lo bia ang che. Lo in enkawl ṭha ang che aw,ka hmangaih che nihphawt aw😭😭😘😘,"

Huiham,Mercy message ka chhiar zo chu ka ni deuh nghulh hian ka hria a. A van hrehawm tak êm! Lehlamah Mercy ngaihtuah a ngai a,lehlamah fa lak ka nih vangin ka na em em a. Dintei erawh ka ngaihtuah ngai lovin amahin a in ngaihtuah fel thei thung a,he hmeichhia zet hi chu ka tluk lo hul hual a ni. Kei aiin kum 1 in a nau a,ani chuan a nau te 2 leh a pu a enkawl thei a ni a. Kei ve hi engnge ka tih ve theih? Nu leh pa te thawh chhuahsa ringin ka nung a,ka rui a,in la class deuhin thuamhnaw chhuak thar apiang ka lei zel a. Bike ni se ka pa min lei sak a ni bawk a,heti chung hian ka nu rilru ka la ti hah ṭhin em em zui leh nghal a. Dintei hi chu ka tluk lo a ni,eng kawngah mah ka tluk ngai lo ang.

[23/03, 07:54] Rs Thangluah: *KA LEI VANTIRHKOH*

BUNG-26 NA

By:- *Rs Thangluah{Remz}✍🏻*

Ka pa chu zing chaw eikham ah a rawn thleng a. A zinna aṭanga a thil rawn hawn thlai thar lam deuh deuh te chu kan dah fel sawk sawk a. Ka nu chuan,"I inbual nghal dawn nge?,"tih pahin ka pa bag vel chu a khai a. Ka pa chuan,"Aww nakin deuhah ka inbual ang Bawiha,min lo zui teh aw,"a ti a,veranda lamah chuan a chhuak phei nghal a. Mercy nen kan inkar min sawipui dawn a nih ngei ka ring,ngawi rengin ka pa chu ka zui phei a. Kut hnung suih in min hnung chhawn zawngin a lo ding a,"Nizan chung chang bakah thu dang sawi pui che ka duh a,"a lo ti thawp sut a. "Aw ka pa,sawi la,"ka lo ti vat a,a sirah chuan ka va ding ve nghal a. A âw a thian kharh kharh a,kan hma zawna In ding pe tuar ho chu a thlir vang vang a,"Thla thar aṭanga i ṭan turin sumdawnna lam tih sak che ka duh a. Dawr luah tur leh bungraw lakna tur vel pawh ka be fel vek tawh a;mahse,nangman i inhuam loh chuan kan ti lo ang. I inhuam leh huam loh a ni mai,"a ti charh charh a. Ka ngawi vang vang a,mahni chauha sumdawnna bul han ṭan chu ka huphurh ru ang reng khawp mai. Mahse,keima tan a ni tih ka hria ka tih ngei a ngai a ni. Thawh chhuah nei lova ruih vel mai mai aichuan a ṭha zawk hrim hrim,"Aw ka pa,ka inhuam a lawm,"ka ti ve tawl mai a. "Awle a ṭha e bul chu ka ṭanpui che a nga;mahse,a bak zawng chu i kutah a tla ve thung ang. Chawhnu lamah dawr luah tur pawh chu kan 2 in ka va en dawn nia aw,"a ti leh a. "Awle ka pa,ka lawm lutuk a nia,"ka ti mawlh mawlh a. "Chuan,nizan chung chang kha aw,"a sawi zawm leh nghal a,"Mercy pa saw kan rawlthar chhuah aṭanga min haw tu a ni a. Kan tunhma nun hi naupang ho hian hre ve kher turin ka duh ngai lo che u a;mahse,tunah chuan tlem i hriat tur ka hrilh ang che,"a ti a,a âw a thian leh kharh kharh a;a kekawr ipte a zen a hma lam a en ngar a,"Mercy pa nen hian Class-Vii aṭangin kan in pawl rual chho char char ṭhin a. Kan class mipaah chuan a lian pawl kan ni ve ve a,a thiam thei pawl kan ni ve ve bawk a. Exam apiangin 1-na kan in nih chhawk zak zak ṭhin. Mahse,Mercy pa hian min lo er lutuk a lo ni a,keiin ka el laiin ani erawh chuan min lo er zawk si a. Kan sir te bulah examnaa entawn ṭhin angin min lo report a,kan sir te'n engmah min zawt chiang lo leh thil chhui chiang lovin School aṭangin min hnawtchhuak nghal a. Min hnawhchhuah chhan hriat ngei ka duh si,kan sir te lah chuan min hrilh duh si lo. Mahse,a tawpah chuan ka hre ta tho a tun thleng hian kan la inhmuh sakhi phah ta a nih hi. Ka ngaihtuah let leh chang hian ka thin a rim thar leh ṭhin;mahse,hun liam tawh chu hriat reng ka duh ngai lova theihnghilh ka tum hram hram ṭhin. Tun thleng pawh hian ani chuan min la hua tih ka hria;mahse,keichuan ka haw hran lo. Mahse,ngaihdam min dil hma chuan an chhungkaw lakah hian ṭhat chhuah ka tum bik lo. A fanu pawh saw i thlah theih chuan thlah i tum dawn nia,anni nen a in zawmna neih ka duh lo a nia,"a ti a,a sawi chhung zawng chuan a mit a khap miah lova, a en ngai a en ngai a en char char a. A hmelah chuan a rilru a nâ a ni tih a hriat theih mai,sawi tur ka vân hle mai. Ka pa bulah chuan ngawi rengin ka ding zum zût ringawt a,"Ka va inbual a nge,nang pawh chawhnu lama chhuak tur chuan lo in ring la aw,"a ti a,ka pa chuan In chhung lamah min luh san nghal a.

Ka room-ah chuan ngawi rengin ka awm a,a khât tawkin Mercy message a rawn thlen leh thlen loh ka check reng a. Mahse,a rawn thleng har khawp mai,a pa hian chhuah a phal lo em ni le aw? Nge a ṭhiannu hian phone hman a lo phal sak lo zawk le? Huiham rilru a van buai tak em,rilru tih thawven nan ML khelh tumin ML ah chuan ka lut leh ta ringawt a. Mahse,ka khelh ṭan hma in number hlang aṭangin phone call ka dawng hlawl mai. Mercy a nih tawh ngei ka ring a,ka chhang rang khawp mai;

"Aw,"

"Duata,keimah aw i lo ṭha em?,"

"Ka ngai che tih loh chu ka ṭha a ni mai,nang zawk?,"

"Imm ṭha ni mai e,kan inbe rei hman dawn lo a nia aw. Ka pa in chhuah a phal rih lova,tunah pawh dawt ka sawi a ka chhuak thei chauh a nih hi,"

"Heiham,engtiknge pangngai deuhin kan inbiak leh theih ang le?,"

"Ka hre lo le ka ngai lutuk che nia aw. Zanah i chhuak hman ang tiraw?,"

"Khawiah?,"

"Kiki te Inah hian,inkhawm turin ka rawn chhuak a nga in hmu ang aw,"

"A tih chi dawn mi?,"

"Aw tuman an hre dawn hleinem,dar 7.00pm ah ka lo awm ang aw rawn tlai suh ang che,"

"Awle tlai lo ang,"

"Nih ka dah phawt ka hmangaih che,"

"Awle in enkawl ṭha ang che aw,"

"Awle nang pawh aw ka ngai lutuk che nia,"

"Kei pawn ka ngai lutuk che,dah tawh mai rawh. I pa in rei a ti lutuk palh ang che,"

"Awle nih ka dah tak tak aw,"

"Awle."

Kan inbe zo chu ka thaw huai mai;mahse,rilru ti buai tu chu a ruka kan in hmuh a ngai tur hi a ni. Eng emaw chhung chu a ruka kan in hmuh a ngai dawn si a,a tir kha chuan ka chhungte pawh khan min khap lo a sin. Mahse,ka pa rilru an ti na thar leh tlat si a. Ka pa in a phal loh thil chu tih luih ngam a ni lo;mahse,Mercy hi chu ka thlah thei rih lo a ni. 

"Ka fapa,i lo tlangval ve tawh hle mai a. Vawiin aṭang chuan i pa hian ka enkawl ve tawh ang che aw,"tiin ka banah chuan min lo kai a. Ka pa chuan,"Ani kha thlah rawh ka fapa a nihkha,thlah rawh,"a rawn ti tuarh tuarh a. Mahse,ka pa chu mipa 3 hian an man bet a an hnek nghal pawp pawp mai a. Ka pa na tuar chu ka ngawi rengin ka thlir liam lo tawp ang,"Nang hi ka pa i ni ngai lo ang,min thlah rawh,"ka ti a,min kaitu kut aṭang chuan ka tal pît thut a ka pa khawihtu te chu ka va pawng beih ve chiam mai a. Mahse,1 lekin patling 3 beih chu hneh an har khawp mai,a tawpah chuan ka pa nen chuan thi hnuangin lei charah chuan kan let reng mai a,"Bawiha,ka lak aṭang hian tuman an la bo ngai lo ang che. An lak bo che ka rem ti ngai lo ang,ani khan eng pawh chu sawi rawh se. Nang hi ka fapa i ni a,kei hi i pa ka ni Bawiha,ka hmangaih che,"ka pa chuan ka kut chu a rawn vuan a. A hmai vel chu thisenin a bual vek tawh a,"Ka pa,keipawn ka hmangaih che,"ka ti zawi sap a,ka pa chu a rawn nui a. Mahse,kha mihring ka pa nia in chhaltu ngei khan ka pa chu dimna tel miah lovin a nakah a rawn vit sawk sawk mai. Ka pa nâk aṭang chuan thisen a rawn chhuak nghal puat puat mai a,ka thin a sa phat mai ka chakna zawng zawng sawm khawmin ka in beng kang a;mahse,heng mi nungrawng ho hian ka kâ hupin min rawn man bet a motorah min luhpui ta daih mai a. Ka pa chu amah chauha thi turin kan kalsan ta,"Hmel ho,kei pawh hi min that ve law law mai rawh u. Mi dawihzep ho,ka pa chunga in thil tih man hi chu in la hmu ve khawp ang,"tiin ka âu tuarh tuarh mai a. 

"Bawiha,i ṭha em? Bawiha,i harh em?,"ka nu chuan min lo sawi nawk nawk mai a. "Ni lo khawnge khang uicho ho kha? Ka pa phuba ka la dawn,"ka ti a,thawh mai ka tum a;mahse,ka pa chuan,"Bawiha,engtizia nge ni ta? Mangchhia i mang em ni?,"tiin ka darah chuan min lo kuah vat a. Ka hawi kual a,ka bulah chuan ka nu leh ka pa an lo ṭhu a kei lah chu thlanin min bual huh vek bawk si. Ka thaw hluam hluam a,"Ka pa,i ṭha tiraw?,"ka ti leh ringawt a. Ka pa chuan a lu a lo bu nghut nghut a,"Aw Bawiha,ka ṭha lawm i mangah engnge i hmuh a? I nu nen hian min han hrilh teh,tun chauh ni lo nidangah pawh tiang hian i awm fo mai a. I mangah hian tibuai tu che an awm niin ka hria,engmah zep lovin min han hrilh teh,"a ti a,ka hnungah chuan min beng thak thak a. Ka nu pawh chuan,"Ni e Bawiha,i vawikhat awmna pawh a ni tawh lo. I mumang lamah hian engnge i hmuh ṭhin le?,"a lo ti ve bawk a. Ka mumang chu ka nu leh pa bulah hian ka sawi duh a ngem? Sawi ta i la engtinnge min chhan ang? Ka sawi loh chuan ngaihṭha lo deuhin ka siam dawn bawk si. Hrilh rih lo phawt ang,a thleng leh a nih erawh chuan ka hrilh tawh zawk mai ang tiin rilru ka siam fel ta a,"Engmah ni lo e ka ṭha nia,min ngaihtuah suh u,"ka ti thla ngawt a. Mahse,ka pa ngaihdan a ni ta lo,"Engmah ni lo se tiang khawp khan thlan in a bual lo che nga,tiang khawp khan i âu ring lo bawk ang,"a ti mauh mai. Heiham ka pa hian ka hrilh hma chu min zawt reng dawn tih ka hria. A tawp a tawpah chuan ka mumanga ka thil hmuh ṭhin leh ka mi hmuh ṭhin te ngei chu a takah ka hmuh ṭhin thu te chu ka hrilh ta vek mai a. Ka pa chuan,"Bawiha,mumang mai mai a nihchu engatanmah ngai suh aw. I nu leh pa te chu keini hi kan ni,chu chu hre reng ang che aw,"tiin ka kokiah chuan min rawn kuah a. Ka nu pawh chuan,"Ni e i pa sawi ang khan,mumang mai mai chu ngaih pawimawh duh vak loh tur. I nu leh i pa kan ni tih hi theihnghilh lo ang che aw,"tiin ka kutah chuan a rawn vuan a. "Ni e mumang mai mai a lawm,"tiin ka lo nui liam ve mai a. Mahse,kan 3 chuan eng emaw helhkamtu kan nei vek tih ka hai lo. Ka mumang ka sawi aṭanga ka nu leh ka pa hmel danglam dan pawh ka hai lo. Mahse,engkim hi ka hriat loh der a ngai rih a ni.

Dintei te unau pawh court-a kal lovin an buaina chu chinfel a ni ta a. A nau te chu lungmuang takin a enkawl chhunzawm thei dawn a ni,ka lawmpui rual rualin a dinhmun chu hahthlak ka tihpui takzet a ni. Rilruah Dintei a awm lai takin min rawn call hlauh mai;

"Aw Dinte,"

"I ṭha em? Tunlai chu kan inbe khât hle mai tiraw?,"

"Nia inbe khât khawp mai,ka ṭha e. Nang zawk i ṭha maw?,"

"Aw ṭha e kar leh ah kan result a chhuak dawn a,"

"Ni maw? I pass ang tiraw?,"

"Ka hre lo le,pass turah in ngai phawt ang. Ka pass chuan kan miss in hna min offer dawn a,"

"Ee a van lawmawm ve aw,i pass ngei a ngai nihchu aw,"

"Ni e pass ngei ngei a ngai chuan,Mercy nen in ṭha em?,"

"Ṭha teuh lo mai a,a ruka kan in hmuh a ngai tawh,"

"Maw? Ngatinge a?,"

"A chhungten a phone an hren sak a,zanin pawh a ṭhiannu te Inah kan inhmu dawn. Ka pa in thlah turin min ti ve bawk sia,buaithlak khawp mai,"

"Ngatinge a? A tir khan engmah an sawi si lova,"

"Nia a dik lawm;mahse,thil hi a mak khawp mai. Nakinah hun thawl hek hawkah ka la hrilh ang che,"

"Awle tehreng mai,naupang inkhawmpui an ngai a min nghak reng tawh mai. Inkhawm kal hma in ka rawn be zuai che nih hi. Ka dah phawt ang aw,"

"Awle inkhawm nuam u le,"

"Nang pawh lên nuam le,"

Ka pa chu a inkhawm bik lova,midang erawh an inkhawm vek thung a. Ka pa bulah chuan Jo te Ina leng turin ka in sawi a,Mercy hmu tur chuan ka chhuak ta a.

Kiki te Inah chuan Mercy leh Kiki chiah an lo awm a. Mercy'n min hmuh chuan engmah sawi lovin min lo kuah nghal vat a,"Min lo nghak rei tawh em?,"ka lo ti vat a. "Aih rei love ka thleng ve deuh chiah,"a lo ti vat a. Kiki chuan,"Hun in nei tam lo a nia,room-ah ka lo va awm dawn nge? Room-ah in awm dawn zawk?,"a lo ti ve bawk a. Mercy chuan nui chungin,"Room-ah kan lo va awm mai nge,"a lo ti nghal vat a. Kiki chuan,"Nihchuan hmanhmawh ru,inkhawm ban hma i haw leh vat a ngai dawn nia,"tih pahin min rawn melh zauh a. Ka lo nui mai a,ngawi rengin Mercy nen chuan room-ah chuan kan inzui lut nghal a.

"Nizan vang khan pawi ka ti lutuk aw,tiang thil kha a thleng dawn tih ka hre bik si lova,"Mercy chuan ka kutah a hmer vawng vawng a. "I thiam loh a ni hleinem,nuam lo ti duh suh,"tih pahin a samah chuan ka chûl sak a. "Duata,heitianga a ruka in hmuh reng chu a van hahthlak dawn tak,"a rawn ti sap a. "Ni e,tih theih dang a awm miau si lova. Phone i kawl bawk si lo,i duh hun hunah i chhuak thei dawn bawk si lo,"Mercy chu ka kuah a,ka âwmah ka bei tir a,"Eng pawh tawkin,eng pawh kan chungah thleng se in phatsan lo ang aw,"ka ti mawlh mawlh mai a. "Imm ka phatsan ngai lo ang che,ka hmangaih che,"min kuah nghet khawp mai,"Kei pawn ka hmangaih che,"a biang tawn tawnah chuan ka dawm a,a hmui nêm tak leh sen vam ham maiah chuan duhthaw tak leh venthawn nei miah lovin min ka fawp vawng vawng mai a. Venthawn tur awm ta lo na na na chu tlemin ka ngampa ve ta,ṭhianpa Jo leh Mawia te'n pâ lo min tih kha ka hre reng a. In ti pa tak leh in la confi tak chungin Mercy kawr âwm chhungah chuan ka kut chu ka zen lut zal zal a(😬🙈🙈). Mercy pawh chuan min dang lem lo,Kiki khumah chuan kan ṭhu reng thei bik lo. Mutna tura siam khumah chuan ṭhut reng thu awm hek suh. Mercy nen chuan thlamuang takin taksa insi rialin kan mu a,"Duata,ram ri pel lovin aw,"tiin ka beng bulah chuan a rawn ṭawng sep sep a. A van duhawm chiang tak êm! "Ka hmangaih che lawm,engmah ka ti dawn hleinem,"tih pahin ka lo nui vur vur a;mahse,a hmuia fawh paha a naute chaw bawm khawih chu ka hmaih phal lo a ni🙈.

Room kawngkhar chu an rawn kik dawt dawt mai,ka in perh tho rang a sin aww. Mercy chuan zai zirin engmah sawi lo turin min ti a,a rawn kik leh dawt dawt a. Ka phone chu a rawn êng vût vût a,Kiki phone call a ni ka la nghak vat a;mahse,a off leh daih a. Thil dik lo a awm a nih ka ring nghal a,whatsapp-ah ka lut nghal a Kiki message a lo awm reng tawh a;

"Khum hnuaiah khan lut vat rawh. Mercy pa lo kal nia thuai vat vat,"

Ka hmui phunin Mercy chu ka bia a,a pa a rawn kal thu ka hrilh a rang lutukin khum hnuaiah chuan ka lum lut nghal a. Mercy pawh hrilh kher ngai lovin khumah chuan a muhil der nghal vat a,room khawngkhar kik tu chuan a la rawn kik nasa khawp mai. A tawp a tawpah chuan Kiki âw ka hre ta,"Mercy,...Mercy,i la muhil a mi?,"a rawn ti lâng lâng a. Rei feee hnuah Mercy pawh chu khum aṭang chuan a tho chhuak a,"Ngati vak vak nge?,"a va ti nghal thawr a. Mercy pa chuan,"Khawnge kha pa kha?,"a rawn ti nghal hluk hluk a. Mercy chuan,"Tumaw Pa?,"a hrethiam lo der vel a,"Hre lo der vel suh aw,kawtah sawn a bike pawh a din reng saw,"a ti vin hlar a. Ka thin a lo phu dup dup mai,engtinnge ka bike a ni tih a hriat theih le. Min man chhuak ngei dawn a nih hi ka tih rilruk laiin,"Aw saw chu a bike chu ni e. Mahse,kan Inah a lo kal lo hrim hrim hmanniah kan inhau hrep a. Khata ṭang khan kan Inah hian a rawn kal duh tawh lo hrim hrim a lawm,"Kiki chuan dawt a sawi bik hauh lo. Ka thluak ka vawrh ve a ngai ta,Jo chu ka text  nghal vat a;

"Bawiha,kan Inah va kal la ka nu bulah ka bike chahbi spare va dil la,Kiki te In bula ka bike hi rawn la rawh aw. A bak chu nakinah ka hrilh ang che,in Inah i lo dah mai dawn nia aw,"

"Ngati maw? Min hrilh ve phawt la,"

"Chutianga in hrilhfiahna hun pawh a nih loh hi. Hmanhmawh deuhin va la vat vat mai teh,i ṭhianpa hian i puihna ka mamawh a nih hi,"

"Awle ka fiamthu nihkha ka kal nghal e,"

Mercy pa chu room chhungah chuan a tei kual vut vut a. Kiki leh Mercy pawh chuan sawi tur vak an hre tawh lo nge ni an ngawi dâk mai a. Kei lah khum hnuai ah thaw dêp dêpin ka awm bawk a,a van hahthlak tak êm! 20mins vel a ral tawh ang tih ah chuan ka bike ri ka hre ta,"Kan misualpa chu a lo tlanchhuak hman a ni maw?,"tih pahin room pawnah chuan a pen chhuak nghal hlawk hlawk a. Kiki chuan,"I phone kha ngaichâng reng la,lo chhuak rawh ka tih hma chu rawn chhuak suh ang che,"tiin hmanhmawh deuhin room aṭang chuan a chhuak ve nghal a. Room aṭanga Mercy pa a chhuah hnu chuan ka hahdam huai mai. Mahse,Kiki chuan chhuah hun tur min rawn hrilh har khawp mai. Khumhnuaiah chuan ngawi rengin ka awm reng ringawt a,tih theih dang ka nei si lo a khat tawkin Kiki message a rawn thlen leh thlen loh ka en leh zauh ṭhin a. Khum hnuaiah darkar chanve vel zet ka awm hnu chuan min rawn text ve hram a;

"Lo chhuak tawh la,an haw tawh e,"

"I chiang maw?,"

"Immm lo chhuak vat vat rawh,"

"Awle,"

Khum hnuai aṭang chuan ka bawkvak chhuak zal zal a,mipa 1 room ah chuan a rawn lut thut mai chu(h) kan va in phâwk chiang teh kher ve le!

[23/03, 07:54] Rs Thangluah: *KA LEI VANTIRHKOH*

BUNG-27 NA

By:- *Rs Thangluah{Remz}✍🏻*

"Khumhnuaiah khan engnge i tih a?,"chupa chuan min melh rum khawp mai. Chhan mai dan tur ka hre lo,ka ngawih vung vung lai chuan Kiki chu rawn lut a,"Awiii Pa,ka ṭhiannu bialpa nia,"a rawn tih takah chuan ka thaw huai mai. Mahse,a lungawi loh hmel khawp mai,"Khum hnuaiah khan engnge i tih a?,"a ti leh a. Kiki bawk chuan,"Pa,kinah ka hrilhfiah ang che. Muante,haw tawh mai rawh,"tih pahin min mitmei zauh zauh bawk a. Ka jacket bal paw thuk chu ka beng fai thak thak a,"Aww a nih muttui phawt u le,"ka ti a,ka chhuak nghal nul nul a. Kiki chuan engtin tak sawi ang maw? A chet chukchu theih hle mai,ke in Jo te In lam chu ka pan  nghal hlawk hlawk a.

"Enga? Khum hnuaiah i biru maw? I van che chukchu thei tak,"tih pahin Jo chuan min nui vak vak a,ka van ngei reuh tak. "Chahbi spare i lak khan engtinnge chhuanlam i siam a?,"ka lo ti thung a. "A bike chahbi a ti bo a,ka ti mai,"a lo ti ham ham a. "I van zei lo tak,chutiang lo deuh pawh chuan chhuanlam i siam thiam reng awm si a. Chhungte bulah mark a chhe leh dawn ni mai,"ka ti nang nang a. Jo chu a nui hak hak a,"I duh duh danin chhualam siam rawh i ti nihkha,an hau lo ang che. I rui hleinem,lungngai suh,"tih pahin ka darah chuan min rawn kuah a,"Saturday chu lo kal ve ngei ngei ang che aw,"a tih zawm leh zat a. "Khawiah maw?,"ka lo ti vat a,"Aww picnic naah,nuam dawn rupss,"a ti ham ham a. "Nia ka lo tum dawn nia,ka va haw phei phawt a nge aw,"ka ti a,ka helmet leh chahbi ka la a;ka ding nghal uaih a. Jo chuan,"Ee Mawia chanchin kha i lo hre ve tawh em?,"a rawn ti leh a. "Aih hre nang,tunlai chu ani hi a reh khawp mai. Ngatinge a?,"ka lo ti nghal vat a. "Damdawi a lo vawrh ve ṭhin a niang,niminah an man a. Mahse,case an siam sak lo a nih hmel pawisa erawh an chawi tir a niang,"a ti nghal mawlh mawlh a. Mak ka ti hle mai,damdawi ruih ve zauh a hrat tih chu ka hria a;mahse,a vawrh kher chu a tih ka ring pha miah lo,"A mak hle mai a,chuvang chu niang a zanah te hian amaha chhuah a hrat em em,"ka ti leh hnuhnawh a. Jo chuan,"Nia a niang remchangah kan la kawm dawn nia,"a lo ti ve bawk a. "Nia a ṭha lawm,nih ka va phei a nge aw muttui phawt aw." . ,"Aw muttui le," Jo te In aṭang chuan ka in khalh haw nghal a.

Ka nu chuan sitting room-ah min lo la nghak ran mai a. Min lo en chîk khawp mai,midang erawh an mu tawh a ni ngei ang an reh ṭhap hlawm a,"Engtinnge i bike chahbi chu i tihbo theih a?,"a lo ti nghal vat a. "Ka ipteah ka ak ṭhelh a niang. Mahse,a hnuah kan zawng leh a hei kan hmu tawh e,"tih pahin chahbi chu ka khai lang ve ve a. Ka nu chuan,"I ṭhianpa chanchin pawh kan lo hria a,a zia lo khawp mai,"a ti thawp sut a. Sawi tur a vang hle mai,"Aww nia,"ka ti tawi tuk ringawt a,"Nang chu i fihlim tih ka hria,"a ti leh sap a. "Nia a dik a lawm,"ka lo ti vat a,"Imm hei a tlai tawh si a,mu dawn tawh i la tiraw?,"a ti leh a. "Imm nia a pawi hleinem,nih muttui aw,"ka ti a,ka room-ah chuan ka lut nghal a. Mut pahin Whatsapp message ka check nghal a,Dintei message a lo awm nual mai a;

"M,i buai em? Ka van be duh che,"

"I buai a nih ka ring,ka rawn call buai lo law law mai ang che aw,"

 Dintei message chu ka reply rang kher mai;

"Aw tihpalh lutuk,ka leng daih a. I mu tawh em?,"

Ka message chuan chhiartu leh chhangtu a hmu lo,rei fe ka nghah hnu pawn chhanna ka dawn theih loh takah chuan mutthilh tumin ka mit ka chhing vang vang a. Ka mit ka chhin apiangin khapa hmel kha ka mitthlaah a lo lang ziah leh nghal a,mut chhuak pawh a bo leh vek tawh. Zan a rei telh telh a,ka harh telh telh a ngaihtuahna ṭha lo deuh deuhin min rawn zui nghal a. Khawiah emaw mahni chauha awm a,rilru hahna te leh natna te hrikthlak chu ka châk ber a ni.

Zanlai pelh hret dar 12.15am velah chuan number hlang hian min rawn call ta tlat mai. Lak tur nge lak loh tur aw ti a ka ngaihtuah lai chuan a in ring ral hman a;mahse,rei a rial lo khawp mai a rawn call leh nghal a. A pawimawh viau a nih dawn hi tiin ka chhang ve nghal a;

"Aw tunge aw?,"

"Keimah,"(hmeichhe âw a ni).

"Tunge keimah chu?,"

"Engmah sawi buai lovin MC kawtah tunah rawn kal rawh,"

"Ka hriat ngai loh ka pan ngai lo,"

"Rawn kal phawt la,min hriat leh hriat loh chu kan hre dawn lawm. I rawn kal dawn nge dawn lo?,"

"Dawn lo,"

"A ṭha lawm mualpho taka awm i duh loh chuan rawn kal ang che. Zanin hian i rawn kal lo a nihchuan i thinlunga zawhna tam tak kha chhanna i hre ngai lo ang,"

"Engnge awmzia?,"

"I thinlunga zawhna tam tak awm kha,chhanna ka pe ang che,"

"Tunge maw i nih le? Engtinnge ka thinlunga zawhna awm te chu i hriat theih a?,"

"I thinlunga zawhna awm chu engnge a nih chu ka hre lo. Mahse,i thinlungah khan zawhna tam tak chhanna i hriat chak si,chhanna i hmuh theih si loh tam tak a awm tih ka hria lawm,"

"Tunge i nih sawi phawt rawh,"

"Rawn kal ang che,ka dah nia,"

A dah daih nia,ka kal dawn nge dawn lo aw? Tiin ka in khâp ka in khâp a,a tawp a tawpah chuan kal turin ka insiam ta nge nge a. Kekawr dum ka ha a,converse dum ka bun a,jacket dum ka ha a,lukhum dum ka khum bawk a. Zawitein room aṭang chuan ka chhuak ṭhem ṭhem a,kawngkharpui chu dim thei ang berin ka hawng a. Garage lamah ka phei nghal a,ka bike chu ti nung lovin ka nawr chhuak a,a hahthlak hle mai. Kan In aṭanga ka lan theih tawh loh thleng chuan ka bike chu ti nung lovin ka khalh thla a. Kawngpui hi tlemin a chhuk deuh a,a zia khawp mai. Kan In a lang theih tawh lo tih ah chuan ka ti nung a,chak mangkhengin MC lam pan chuan ka phit chhuak nghal a.

Thim zing aṭang chuan a rawn faifuk rât a,ka va hawi phei vat a. Hmeichhe 1 hi a rawn chhuak a,ka bul a rawn thleng chiah chu mak tihna in ka khat a ni ber mai. Ka hmaa hmeichhe ding chu Mercy ṭhiannu,ka mumanga min chhaih buai ṭhintu Hilda-i ngei kha a ni. Ka meng kawk kawk a,"Na...nang hi?,"ka ti bah deuh nuai a. A nui sak a,"Engnge mak i va tih hmel ve,hmuh thiang lo hmu ang mai a i men phawk vak vak a?,"a lo ti zui ham ham a. Khua chu a vawt viau e ti lo chuan ka thaw te chu a rawn sa a,ka chalah chuan ka thlan fim a rawn bawl ṭuam ṭuam mai a.

"I nu leh pa dik tak i hre duh a ni lawm ni?,"a rawn ti zawi sap a,"Mahse,he thu hi Mercy bulah engmah ka la hrilh lo a nia aw,"a tih zawm leh nghal zat a. Sawi mai tur pawh ka hre lo,ka bîng mup mup ni ber hian ka hria. "En rawh hei i nu leh pa te chu,"tih pahin thlalak 1 hlui tawh deuh mai hi a rawn phawrh a. Mipa naupang 1 leh a nu leh pa an ni,ngawi rengin ka en a,"Hepa hi chu i patea kha a nih hi,"ka ti zawi sup a. "Ni e ka patea chu i pa a ni,i nu erawh pasal dang neiin khawiah emaw a bi bo ta a nih ka ring,"tih pah chuan a nui leh hak a. "Ani hi ka pa a ni lo,a ni ngai lo ang,"ka ti mawlh mawlh a. "Thil hi a ruh lang rawta hrilh kher hi ngai ṭhin suh,"tih pahin ka darah chuan min rawn vuan a,"Min khawih suh,"ka lo ti vin ṭhak mai a. A phu deuh zawk a,min thlah rang ngei mai,"Tuna i nu leh pa te sawn hman ṭangkai atan bak an duh lo che,"tih pahin ngeiawm zet hian a nui har har a. "Min zui rawh,"tih pahin a ban rekah ka kai lawk a,ka bike awmna lam pan chuan ka phei pui hlawk hlawk mai a,"Khawnge min hruai dawn a?,"a ti zui nghal mawlh mawlh a. "Ka nu leh pa bulah i thu hriat hi i sawi dawn nia,"ka ti a,ka bike chu ka ti nung nghal dut dut a,"Rawn chuang rawh,"ka ti bung nghut a,ani pawh chu ngawi rengin a chuang ve mai bawk a.

Thinrim ṭûn chungin bike chu ka khalh a,chak theih pa tawp in ka tlanpui vûk vûk mai a,"I tlan chak lutuk,tlan zawi deuh teh kan tlu a nge,"tih pahin ka nakah chuan min rawn ṭham tawn tawn mai a. Mahse,ka hnunga ka hmeichhe phurh thusawi chu ka ngai pawimawh lem lo khawp mai. Bike chu ka khalh dan pangngai patin ka khalh ngat ngat a,ka khalh zawi lem lo khawp mai.

Kan In bul kan thleng chuan ka ding thut a,a ṭe ṭhawt a,"Hmela,khati em em a chak khan tlan a ngai mi? Tuman an an thlen khalh lo ang che,"tih hlak hlak pahin a chhuk nghal a. Engmah sawi lovin ka bike chahbi ka phawi a,a banah ka kai a kan In lam pan chuan ka kal phei pui leh hlawk hlawk mai a. "Thil âtthlak engmah ti suh ang che,"a ti zawi sap a,"Eng thil âtthlak mah tih tur ka nei lo,"ka lo ti bul hmuk a. Kawngkhar ka hawng a,sitting room-ah chuan ka nu leh ka pa,ka û te 2 chu an lo awm ṭhap a. Ka hmel an hmu chu mak min tih hmel hlawm khawp mai,ngawi rengin min en ṭhap hlawm mai a. "Le, i thil hriat chu sawi tawh rawh le. Ka chhungte awm lai hian han sawi ta che,"tiin a ban ka vawnna chu ka thlah a. Da-i rawn ṭawng chhuah hmain ka pa chuan,"Nang nu bawk maw? Ka fapa bulah hian eng thu nge i lo sawi a?,"a lo ti nghal bawrh bawrh a. Ka pa chuan Da-i chu a lo hre sa tawh a ni maw? A va mak leh zel ve maw le aw,ngawi rengin Da-i bulah chuan ka ding khawng reng a. Da-i chuan zam lo tih hriat zet hian ka pa chu a melh a,"Lalrammuana hi engnge fa atan i lak chhan?,"a ti nghal sak a. Ka pa chuan,"Chu zawng i hresual a nih ka va ring ve. Ka fapa a ni a,ka fa lak a ni lo e,"tiin fiah deuhin a lo chhang fak mai a. Da-i pawh a zam bik lo,"I ṭhianpa fapa a ni tih hi hrilh nawn leh kher i ngai ziah mai. DNA test i ngam em?,"a ti ta sak sak mai le,ka û te 2 chuan engmah an sawi ve lo. Mahse,mak an tih ve hmel khawp mai,ka nu chuan,"Nula,khawngaihin min lo va chhuahsan tawh mai ta che aw. Mi chhungkaw tihbuai hi a ṭha ngai lo a nia,"tiin dam thlap hian a rawn ti a. Da-i chu ngei awm zet hian a nui a,"Mi chhungkaw tibuaitu chu nangni hi in ni. Zak hle rawh u Lalrammuan,engkim i hriat fiah hunah chuan min dem hauh lo ang. Hepa hi mi duhâm leh sum duh a nih hi,"tih pahin ka pa chu a kawk sawk sawk mai a. Chutianga ka pa a ânkhum chiam chiam mai chu ka thin a khei zak mai,"I duhtawk thei tawh a ngem? Kan In chhungah hian i awm ve reng na chhan tur a awm lo,"tiin a banah ka kai a,pawn lam ah ka kai chhuak nghal hlawk hlawk a,"Ka mit hmuhah rawn in lan tawh ngai suh ang che,"ka ti a,In chhungah ka luh san a kawngka ka kalh nghal a.

"Thudik ka hre duh,kei hi in fa lak chu ka ni nge ni lo?,"ka nu leh ka pa chu ka melh tawn sek mai a. Ka pa chuan,"Bawiha,ka fapa i ni lawm,"a rawn ti vat a,"Thudik chiah ka hre duh,"ka ti leh a. Ka nu chuan,"Bawiha,khawngaihin tiang khan awm lo teh,"a rawn ti thâm ṭiak a. Ka û te 2 chuan sawi tur an haihchham hle mai,ngawi rengin min lo thlir ve tawp a ni mai.

"Ka tihpalh lutuk,ka ngaihtuahna hi ka thunun thei si lo a ni. Ka mu tawh a nge,nangni pawh mu tawh rawh u min ngaihtuah su aw ka ṭha nia,"ka ti a,room-ah chuan ka lut phei nghal a. Thudik chu hriat châk viau ṭhin mah i la,thudik hre turin chakna ka nei si lo a ni. Mutthilh a har hle mai,mut chhuah a hnekin ka harh tulh tulh mai si. Hemi zan hian chhin khat mah ka chhing miah lo nia.

Zing chaw ei lai chuan tumah kan inbe lova,ngawi rengin kan ei mawlh mawlh hlawm a. Ka pa chuan,"Miin i hnenah eng thu pawh sawi se,ka fapa i ni tih hi hre reng ang che,"a ti leh a,"Awle ka pa ka hria lawm,"ka lo ti vat a. "Thla thar aṭang chuan nangmahin sumdawnna i ṭan ve a ngai tawh dawn a. Chutih hunah chuan puitling taka i awm a ngai dawn nia aw,"a ti leh a. "Awle ka pa,ka hria lawm ṭha taka hnathawh ka tum dawn nia,"ka lo ti ve nghal vat a. "Vawiin chuan ka hna lamah ka buai dawn sia. I nu nen dawr vel chu lo va en leh u la,siam ṭhat ngai te a awm chuan hlawhfa la u la in lo siam tir mai dawn nia,"a ti leh mawlh mawlh a.

Chaw eikhamah chuan Dintei chu ka call a;

"Aww M,"

"I buai em?,"

"Buai lo e,i damṭha maw?,"

"Aw damṭha e,nizan kha tihpalh lutuk aw. I sawi duh chu tunah hian sawi a rem em?,"

"I buai lo mi?,"

"Buai love,chaw ka eikham chiah a. Nakin deuhah ka nu nen kan chhuak ang,"

"Mazuala chung chang a nia,"

"Engtin?,"

"Nimin piah ṭang khan min rawn be leh a,a ngai te bawkin ngaihdam min rawn dil leh a,"

"Chuan,i lo ngaidam ta tihna mi?,"

"Ka ngaihdamna chu a rei tawh. Mahse,ka pawm thei tawh loh thu ka hrilh a,"

"A ṭhat nasat chu,i ti ṭha lutuk a nia,"

"Mercy nen in ṭha maw?,"

"Aw ṭha ve zel a,kei pawn hrilh tur che ngah lutuk a sin,"

"Eng lam nge a? Min lo hrilh ve la,"

"Keima chungchang a nia,hmanah ka hrilh tawh tho che kha,"

"Immm...fa lak tih vel kha ni em?,"

"Aw ni e,"

"Nihchuan sawi la,"

"Ka mumanga ka hmuh ṭhin hmeichhia nen khan nizanah kan in hmu leh a. Fa lak ka nih thu min hrilh chiam hnuah Inah ka hruai haw a,ka pa nen an in hnial hrep a,"

"A thusawi chu i awih a mi?,"

"Ka hre lo le thudik hriat ka duh a,thudik hre turin chakna ka nei leh si lo a nih hi. Lo piang ve lo law law i la ṭha zawk tur a nia,"

"Tiang rilru kha pu tawh lo teh,lo piang lo ta la ṭhian ṭha tak pawh ka nei dawn lo a sin. Kei chuan ka awt ṭhin zawk che a sin,nu leh pa fel tak nangmah hmangaih leh duata em em tu che i nei a. Kei hi min en teh,nu leh pa te duh loh ka nih hi,"

"Kei pawh nu leh pa te duh loh fahrah chawmna aṭanga an lak ve mai ka nih hi,"

"I ni ziah lo,"

"Ka hria sin,tuna ka nu leh pa te hi ka nu leh pa tak ni lo tur chuan ka ring phak bik lo a sin. Mahse,an ni miau si lo,"

"M,tiang khan ngaihtuah tawh suh. Thil chu a êng zawng in thlir hram hram tum ang aw,"

"A har a nih hi,"

"Ni e a harsa tih chu ka hria. Mahse,hnung tawlh zawnga kal hi a fuh ber lo a nia,"

[23/03, 07:54] Rs Thangluah: *KA LEI VANTIRHKOH*

BUNG-28 NA

By:- *Rs Thangluah{Remz}✍🏻*

Zing dar 6.30am velah chuan Dintei phone call chuan min ti harh a,tho phang zetin ka lo chhang a;

"Aw Te,"

"I la mu ni maw? Kan result vawiinah a chhuak dawn a,"

"A ni maw? I pass ang tiraw?,"

"Hre lo le pass ve turah chuan ka in ngai. Chuan,nizan lam i mutui em?,"

"Imm tui ni mai e,nang zawk?,"

"Imm tui lutuk,ei rawng ka bawl dawn a. Kan result chu a chhuah hunah ka rawn hrilh leh dawn che nia aw,"

"Awle tehreng mai,"

"Nih ka dah phawt aw,"

"Aw awle,"

Ka nu leh ka û te  chuan rawng an lo bawlh malh malh hlawm a. Ka pa chu sitting room-ah ṭhu in chanchinphek a lo chhiar a. U Mawitei chuan,"E khai thawh i hai mi a? Tukin zing chu i va rawn tho hma ve,"tih pahin min lo nuih vur vur a. Ka nu leh U Rintei pawh chuan min lo nui ve hak hak bawk a,"Thawh hma ka zir tawh dawn lawm,"ka lo ti sam et thung a.

Chhun lamah chuan tih tur em em ka nei hran lova. Ka pa leh ka û te 2 chu an hnaah an kal tawh a,ka nu nen chuan In lamah kan lo awm thung a. Ka nu chuan,"Bawiha,pangpar pot ho hi min lo hun sawn pui ta che aw,"a lo ti a,"Awle,"tih pahin ka nu chu ka pui ve nghal a. Ka nu chu zawh duh ka ngah takzet a ni;mahse,bul ṭan dan tur ka hre mai si lo. Ngawi rengin ka nu chu ka pui mawlh mawlh a,pangpar pot kan hun sawn zawh hnu chuan ka nu chu ti ti pui ka tum ta a. Mahse,ka nu ka biak hma in Dintei hnen aṭangin phone call ka dawng leh ta si. An result a chhuak tawh a nih ngei ka ring a,phur takin ka lo chhang vat a;

"Aw Te,"

"Kan result chu a chhuak tawh a,ka pass ve a sin. Ka lawm lutuk,"

"A ni maw? A van lawmawm ve,a lawmawm lutuk,"

"Tun lawk khan kan Miss in min lo hrilh a,ka lawm zia chu a. Sawi ngaihna pawh ka hre lo,ka lawm a ni tawp mai,"

"Chuan,i hna tur chu?,"

"Imm a sawi nghal a,thla thar aṭangin ka join theih tur thu min hrilh a. Mahse,Aizawlah ka awm a ngai dawn si a;ka pu leh ka nau te hi ka ngaihtuah a ni,"

"Lungngai suh ka awm hi,tih dan a awm mai ang,"

"Kan Miss pawh chuan Aizawl lamah kan awm duh chuan,In luah tur pawh min hmuh sak tawh tho a. Mahse,ka pu ber hian kan khua hi chhuahsan a hreh dawn lutuk a,"

"Nia nih chu ni ve tho mai;mahse,lungngai lo phawt la aw,"

"Ni e Pathian kutah engkim ka dah tawp rih. Ka pu hian Aizawl awm chu a duh loh chuan ka hna tur pawh ka thawk lo a nga. He lamah engtin tin emaw ei ka zawng ve mai ang,"

"Tih dan a awm mai ang ka tih chu,"

"Ka pu hi hmun dangah ka awmbo san thei lo. Kan exam chhung ringawt pawh kha rei ka ti a sin,"

"Ni e,awle awle ka hria e i pu chu a damṭha hrim hrim em?,"

"Aw damṭha ve zel e tunlai chu a tlangval khawp mai. Zan lamah pawh ka nau te lehkha zir pawh a menpui ve reng ṭhin a,"

"A nih chu a ṭhat nasat chu,lo damṭha zel teh se. I pu chuan i result chu a hre tawh hrim hrim em?,"

"Aih a muhil a,a thawh hunah ka hrilh ang,"

"A hriat hunah chuan a hlim ve khawp ang,"

"Ni e kei aiin result chhuah hun tur pawh a nghakhlel a lawm,"

"A hlim dawn lutuk tih ka hre mai,e chuan kei pawh thla thar aṭangin dawr chu ka hawng ve tawh dawn a,"

"A va lawmawm ve puitling deuha i awm a ngai tawh dawn a nia aw. Rui thle mai mai tawh reng reng suh aw,"

"Awle tehreng mai,ka fel tawh ngawt ang,"

"A ṭha good boy,awii hei ka pu chu a rawn harh chiah e. Ka dah rih phawt ang aw,nakinah ka rawn be leh dawn che nia aw,"

"Awle awle,"

Ka nu bulah chuan ka tlan phei nghal a,"Nu,Dintei chu a pass ve nih chu,"ka va ti nghal mawlh mawlh a. Ka nu pawh a lo hlim khawp mai a,"A ni maw? A va lawmawm ve aw,a pu pawh a lawm khawp ang,"a lo ti ve bawk a. "Nia an lawm ngawt ang,hna a nei nghal dawn leh nghal ka lawmpui tak tak a ni,"tiin an Miss in hna a offer vel chu ka hrilh nghal a. Ka nu pawn a lawmpui khawp mai.

Tih tur em em a awm tawh lo bawk a,room lamah mu zal turin ka nu chu ka luh san a. Mut zâl mai mai pahin ML ka khel mai mai a,match 4 vel ka khelh hnu chuan mut chhuak in min rawn zêm ṭan a. Rei lo te hnuah ka muhil ta a ni ngei ang,mumang te ka lo nei hman nia.

28 continues 

Chawhnu lam dar 2.30pm velah chuan ka harh hlawl mai a,thawh mai tuma ka in bengkan lai tak chuan sitting room-ah chuan mipa ṭawng thawm ka hriat vang chuan ka tawp chawt a. Mipa âw chu ka hriat tawh hnu a ni ngei mai,Hilda-i patea ka pa tia in chhâltu ngei kha a ni. Ka nu nen chuan an inbia tih ka hria,an ṭawng erawh ka hre fiah thei vak lova. Ka room kawngkhar lamah chuan ka phei a,an ṭawng chu hriat tumin ka beng ka chhi ta rân mai a. Ka nu chuan thinrim tih hriat takin,"Khawngaihin min rawn tibuai tawh lo teh. I duh lova,i kalsan tawh a ni lawm ni? Tunah tinge i rawn buaipui leh tâk chiam a? A têt laia i thusawi kha i la hria em? 'Ka enkawl peih lo,ani aichuan sum ka duh zawk' i ti a ni lawm ni? I fapa hian nang ang pa duhâm leh sum duh a nei che tih hi hria se,a rilru a nat loh i ring em ni? Khawngaihin a nun hi rawn tih chhiat sak lo hram teh,"a tih chu ka hre thei a,awm ngaihna tak pawh ka hre lo. Ka bîng mup mup ni ber hian ka hria,ka thlanfîmin min rawn bual nghal a. Ka nu leh chu pa inbiakna chu ka ngaithla zui ngam tawh lo,veranda lamah ka chhuak a. Thinrimna,natna,hrehawm tihna,beidawnna leh huatna chuan min hual vel niin ka hria. Tiang tur hian mi khawvel êng hi ka lo hmuh ve a? Tinge ka vanduai bik em em a? Nu leh pa duh loh leh fahrah hringnun hmang tur hian em ni Pathian hian min lo siam? Ka hriat loh karin ka biangah chuan mittui a lo luang a,hlauh vang leh vawt tih vang ni lovin ka taksa chu a khur der der a. Ka hmaa thil awm pawh chu ka hmufiah thei tawh lo,ka mit sulh a ka tlu deuh chawrh tih bak chu engmah hriat zawm ka nei tawh lo.

Ka harh leh chuan damdawiinah ka lo awm reng tawh a. Ka nu leh ka pa,ka û te pahnih chuan min lo kîl bial laih bawk a,"Bawiha,i ṭha em? I ṭha tiraw?,"ka nu chuan ka kutah a lo vuan nghal a. Ka nu hi chuan min hmangaih takzet a ni,ka nat a phal ngai lo tih pawh ka hria,"Aw Nu,ka ṭha lawm. Mahse,engtinnge hetah hian ka awm ringawt nachhan?,"ka ti hê haw a. Ka nu chuan,"I taksa chau tawngkhawng vangin nikhaw hre lovin i tlu a,damdawiinah kan hruai nghal che lawm,"a lo ti vat a. Ka pa chuan,"I harh tawh bawk a,a lawmawm e. Doctor ka va ko lawk a nge aw,"tih pahin a kal nghal a.

Zep lo chuan ka pa hi chu ka nêl tehchiam bik lo. Mahse,ani pawh hian a fa ang tak takin min en tih ka hria a. Engkim hi ka ṭhatna turin a ti ṭhin,ka ṭhatna turin thu ṭha tinreng min hrilh a. Kei hian ka zawm lo mai chauh zawk a ni,ka û te 2 pawh an fel in ka fak khawp mai. An nau ni mah i la,mipa ka nih angin kawng engkimah min zah ve em em ṭhin.

Damdawiinah chuan kan awm rei vak lova. Drip te min khai sak hnuah kan haw ve leh mai a,ka û te 2 leh ka pa pawh an hna lamah an kal leh nghal a. Ka nu erawh chuan min ṭhutchilh deuh chawt a ni ber mai,"Bawiha,tunlai chu zan lamah i mu ṭha vak lo a ni maw? Hahdam i mamawh a nia aw,"tiin ka kutah chuan a vuan a. "Aw nu,ka hria lawm ka ṭha mai ang. Min ngaihtuah leh lutuk ṭhin a,"tih pahin ka lo nui a. Ka nu chu a rawn kun hnai a,"Eng pawh thleng se,ka fapa i ni tih hi theihnghilh ngai suh ang che aw,"tih pahin ka chalah chuan a rawn fawp zauh a. "I fapa ka ni lawm,chuan ka nu i ni bawk,"ka lo ti ve nghal mawlh mawlh a. "Ka fapa,ka hmangaih che nia aw. Hrehawm taka i nun hi ka phal ngai lo ang,ka lak aṭang hian tuman an la hrang ngai lo ang che,"tih mawlh mawlh pahin ka nu chuan min kuah a. Ka nu âwm ngheng a,thlamuang taka  awm tluka nuam hi a awm tawh ngai lo ang. 

Dintei te pawh Aizawl lama awm turin an chhungkua in an rawn chho ve dawn ta. An Miss in In luah tur a hmuh sak chu kan veng chhungah a lo ni hlauh a,ka van lawm tak. Kei pawh thil dang ngaihtuah buai tawh lovin,ka dawr lamah ka rilru pek hram hram ka tum a. Mercy nen erawh kan inbe khât ta khawp mai,a khât tawkin Kiki phone ṭangin min lo text zauh ṭhin tih loh chu kan inbe ngai meuh lo a ni. A pa in a phone a la hren sak a nih ngei ka ring a,a ruka in hmuh dan tur ka dap kual nasa ve hle mai. 

Sunday zing a ni a,Kiki chu ka text a;

"Kiki,vawiinah i ṭhiannu khan hun a nei thei ngem le?,"

"Ka hre lo le,i ngâi tawh ni maw?🤭,"

"Aww ngai ve bawk ang chu,"

"Ka lo be dawn nia aw,a hman theih dawn chuan kan Inah mi?,"

"Aw ni leh mai;mahse,khum hnuaia luh kha chu ka apply peih tawh lo a nia aw😆😝,"

"Nia apply tawh lo ang,inkhawm kal pahin ka lo zawt a nga. Inkhawm banah ka hrilh dawn che nia aw,"

"Awle,i fel lutuk e good girl🤣,"

"Hmmmp,ka insiam dawn nia aw. Nihphawtssss😚😝,"

"Awle,"

Kei pawh Inkhawm turin ka in siam ve nghal malh malh a. Ka insiam zo room aṭanga ka chhuak chu Dintei te unau an lo awm reng tawh a,"Ee in inkhawm ve dawn ni maw? In van fel em em,kal rual ang u aw,"ka ti nghal luam a. Dintei chuan,"Nia kan lo nghak che a,nula in chei chen zet i in chei ve ziah mai,"tih pah chuan a nui hawk hawk a. "Tunlaiah nula leh tlangval incheiin hun bi tuk an nei tawh lo,"tih pahin ka lo nui ve hawk hawk a. Ka pa chuan,"I hman chuan kal i la,i û te chu an kal tawh a. Dintei te unau nen a hnungah ṭhu u la,i nu nen a hmaah kan ṭhu a nge,"tih pahin car chahbi chu a la a,a chhuak nghal a.

Inkhawm banah chuan Kiki chuan ka hnung lam ṭangin min rawn kheuh zauh a,"Lo kal lawk,"a rawn ti a. Kiki chu ka zui phei nghal a,"Mercy chu a hman loh hmel,saw en teh a nu leh pa in an veng leh tlat tawh,"tih pahin Mercy te awmna lam chu a melh phei a. Mercy chu a nu leh pa chuan an lo din chilh rân mai a;mahse,khapa kha ka hmu leh tlat mai. Mercy nen chuan an inbia a,an in huat loh hmel khawp mai,"Awle a pawi hleinem,"ka ti a,Kiki bul aṭang chuan ka kalsawn nghal nal nal a. 

Car bulah chuan ka pa te chuan min lo nghak ṭhap tawh a. Ka nu chuan,"Hei Dintei hian an In thar lawm nan tlaiah chaw eiah min sawm a,"a lo ti nghal vat a. "Ee a ṭhat nasat chu ei phei diak i la ni mai lawm,"ka lo ti sam êt a,ka pa pawh chuan,"Ni e kan va ei phei dawn nia,haw hma i la eirawng te i bawlpui loh chuan. I û te pahnih hi an hman hmel si lova,"a lo ti ve bawk a. Car chhungah chuan ka nu leh ka pa chu an lut tawh a,Dintei te unau pawh an lut tawh a. Ka lut ve dawn chiah tih chuan Mercy leh khapa kha Bike in an rawn in phurthla ta mai,hmuh loh pawh tum i la ka hmu chiang nasa mai si. Ka thinrimna leh ûm zui ka châkna chu a in zat rengin ka hria. Ngawi rengin car chhungah chuan ka lut a,Dintei chuan min lo en chîk lutuk tih ka hria. Ka theih tawp chuan in thup ve ka tum a;mahse,Dintei hi chuan min hre chiang tawh khawp mai,"Kha tui hi in rawh,"tih pahin tui chu min rawn pe vat a,ngawi rengin ka la a ka in ve mai a. A tih ṭhan dan a ni hrim hrim a,ka thinrim tih a hriat chuan tui min in tir vat ṭhin,"Thinrim lai chuan tui in ṭeuh tur,"a ti ṭhin.

Ka nu leh ka pa chu chawhnu inkhawm an la duh vangin chawhnu inkhawm turin an kal leh a. Dintei te nau te pawh chawhnu inkhawm ṭhulh an duh bik loh vangin ka nu te rual chuan an kal ve leh a. Kei ni erawh eirawng bawl turin Dintei te In lamah kan in phur phei thung a. 

Mercy leh khapa kha keimahni min tawk zawngin an rawn in phur leh ta. Dintei chuan ka kawngah min kuah a,"I bulah ka awm tih hre reng ang che,"a rawn ti zawi sap a. Mercy ten kan bul an rawn thlen chuan Mercy phurtu pa chuan horn pek tuarh pahin a kutzungchal a rawn ti pir vel a. Dintei chu phur lo i la chuan ka ûmzui a nga,ka sawp hrep ang maw le. Mahse,Dintei chuan ka beng bulah,"I bulah ka awm tih chiah ngaihtuah ang che,"a rawn ti leh sap a. Ka ding dawt a,"Tihpalh ding lawk ang aw,"ka ti a,ka helmet chu ka phelh a. Dintei chuan,"Mipa i nihkha hre reng rawh. Tuar zuau deuhin awm suh ang che,"a rawn ti nghal mawlh mawlh a. "Ni e mipa ka ni lawm mipa ka nih hi,"ka ti mawlh mawlh a. Ka helmet chu ka khum leh a,Dintei te In lam pan chuan kan tlan phei nghal vang vang a.

"Naktuk chu i hna banah ka dawrah rawn kal kawi ve tawh la. Hmanni khan i hman ta si lova,"ka ti a,vawksaa thlak tur Anṭam chu ka thian malh malh a. "Nia ka rawn kal kawi tawh ngei ngei ang. Hmanni kha chu ka laklawh lutuk a,ka rawn kawi hman ngang lo a nihkha,"a lo ti ve bawk a. Room aṭang chuan Dintei pu chu a rawn phei chhat chhat a,"E Mamte,in lo bang tawh a ni maw? Khawnge i nau te hi?,"tih pahin ka bula chair chu a rawn pawt chhuak a,a rawn ṭhu ve nghal a. "Chawhnu an inkhawm leh a,In pawh an rawn haw thleng lo. Muantea te Inah thingpui kan in a,Muantea pa te nen an kal ho leh nghal daih a. Keini chu eirawng bawl turin kan lo haw phei a nih hi,i mutui em?,"tiin Dintei chuan a lo chhang nghal vat a. Dintei Pu chuan,"Ee mutui khawp mai,engnge in siam dawn a? Puih te in ngai em?,"a rawn ti leh a. Dintei chuan,"Aih Pu,ngai love i hah lutuk palh ang,thingpui ka lo siam ang che aw,"tih pahin thingpui chu a siam nghal mawlh mawlh a.

"Mercy chu a mak hle mai,"ka ti chhuak hlawl a. Dintei chuan ka darah min lo kuah a,"Ngaihtuah tawh rih suh,i hlim lo hmel kha hmuh a nuam lo a nia. Ani pawn a ngaihtuah loh che chuan,i ngaihtuah lo ve thei tih hre reng rawh,"a lo ti leh a. "Ni e a dik a lawm,a tel lo pawn ka hlim ve thei e mai a,"ka lo ti ve bap bap a. Mahse,ka chhungril chu a na ve a ni. Tiang khawp khan atan ka rinawm ve a,ka nuna ka hmeichhe tawn hmasak ber a ni bawk nen ka la na ve takzet a ni.

Bath room-ah chuan ka lut a,meizial ka pet vang vang a. 'Ka kalsan ngai lo ang che'ti a min hrilh lai te kha ka bengah a rawn ri nawn leh a. Ka nâ a ni,ka na takzet a ni hmeichhia vang hian ka mittui hi a tlak ka ring ngai lo. Mahse,tun ṭum zet chu ka mittui hi ka dang zo lo a ni,a van hrehawm tak êm!

"M,i ṭha em? M-a,i ṭha em?,"bath room-ah chuan duh aiin ka lo awm rei deuh a ni ngei ang. Dintei chuan kawngkhar kik pah chuan min lo ko mawlh mawlh mai a,bath room kawngkhar chu ka ka va hawng a ngawi rengin min en tawp ringawt a. Kei pawh chuan engmah sawi mai tur pawh ka hre bik lo,Dintei hmaah chuan ngawi rengin ka ding khawng reng ringawt a. Chutia rei fe ngawi renga kan din dun hnuah chuan Dintei chu a rawn ṭawng a,"I hmai kha phih la,lo kal rawh. Inkhawm an bang tawh nia,i pa te pawh an lo thleng ṭep ang. Khatiang hmel pu chung khan an hmuh che i duh mi?,"tih pahin a kal leh nghal daih a. Ni e,tiang hmel pu chung hi chuan ka nu ten min hmuh a rem lo a ni. Ka hmai chu ka phih a,Dintei chu a rawn let leh a facetowel min lo pe a,"Mercy chu ngaihtuah tawh rih lo ang che aw,"a ti leh sap a. "Awle ka ngaihtuah tawh lo ang,"ka lo ti ve mai a;mahse,ka thinlung aṭang erawh chuan a bo thei rih lo a ni.

[23/03, 07:54] Rs Thangluah: *KA LEI VANTIRHKOH*

BUNG-29 NA

By:- *Rs Thangluah{Remz}✍🏻*

Mercy chu ngawi rengin ka rehsan dawn nge? A ṭhiannu phone ah message ka hnutchhiah dawn le? Huiham,rilru a va buai map map ve. Chawhnu lam dar 2.30pm velah chuan ka nu te pawh an rawn thleng phei ve tawh a.

Ka thil tawn mek vang chuan ka nâ a,hrehawm ka ti a ni. Dintei chuan min hrethiam a,a khât tawkin ka rilru lâk pen tumin min rawn be leh zauh ṭhin a. Mahse,ka thinlung chu a tawp up up ni mai hian ka hria. Ka thil châk ber chu ruih a ni;mahse,tunah rih chuan a rem si lo. Kan chhungkua kan kim vek a,Dintei te chhungkua an kim vek bawk a. Chhuanlam tur engmah ka nei lo a ni,ka rilru tih thawven nan tiin game ka khel ta ringawt a. Mahse,chu pawh chu awmzia a awm lem lo khawp mai. A tawpah chuan Jo ka text ta nge nge a;

"Bawiha,in tur i nei em?,"

"Nei miah lo,tunlai chu ka dry a,"

"Sad ve Mawia hian a nei ngem le?,"

"Mawian a in ngai tawh lo,"

"Tinge?,"

"Damdawi a ei a,zu chu a in ngai tawh lo. Mahse,i mamawh viau chuan ka ngaihtuah sak thei ang che,"

"Yes a ṭha lutuk ka rawn kal ang aw,tunah,"

"Mahse,kan Inah ni lo aw thlanmualah kan in hmu dawn nia,"

"Awle,tunah ka rawn kal nghal dawn sin,"

"Imm thlanmualah chuan min lo nghak la,ka rawn thleng thla har lo ang,"

"Awle,"

"Nu,Jo te Inah ka va kal lawk aw,ka rei lo ang,"tih pahin kal mai ka tum a. Mahse,ka pa chuan,"Engnge i tih dawn a? Chaw ei a hun ṭep tawh sia,"a lo ti nghal vat a. "Bike an en duh a,kan awmna lai hi an hre si lova. Ka va pan mai ang,"ka tih takah chuan ka chhungte pawh chuan ngaihṭha takin min kal tir ta hlawm a. Mahse,Dintei erawh chu a ngaih a ṭha zân lo tih ka hria. Whatsapp-ah message min lo hnutchhiah leh hman tawh nia;

"Rawn haw har suh aw,"

"Awle haw har lo ang,"

Ka chhungte leh Dintei chu dawtin ka bum leh ta. Engtiklai ṭang khan nge dawt sawi hi ka lo hrât tak em em le? Ka rilru chhungril berah chuan ka in thiam thei lova;mahse,"A ho e mai,mi tih loh dan pawh a ni bik hleinem. An fa tak pawh ka ni chuang lova,min ngaihsak tak tak awm lo e mai a,"tiin mahniin thiam ka in chan chawp leh rih a. Ngaihtuahna mumal pawh pu lem lo chuan thlanmual lam pan chuan ka in khalh thla leh ta vûk vûk a.

Thlanmualah chuan ka awm ran tawh mai. Jo lah chu a rawn thleng har ang reng si,ka tih tur hre lo chuan meizial chu ka zu ka zu ta ringawt a. Rilruah Mercy bawk a rawn lut leh a,ka thinrim thar leh thut a. Ka phone ka phawrh a,Kiki chu ka call nghal a;

"Aw Muante,"

"I ṭhiannu khan min hmu hman lova. Mahse,midang nen an in phur chhuak leh tho sia tiraw?,"

"Tu nen nge an in phurh a? Ka hre miah lo,"

"I ṭhiannu a nia i hria ang chu,"

"Ka hre lo tak tak,inkhawm ban khan ka hawsan daih a,"

"A nihchu a i hmuh hunah lo hrilh ang che. Kei nge kha mihring kha a thlan dawn?,"

"Awle ka lo be dawn nia,ka lo hau hrep ang,"

"Ka dah nia,"

Jo chu ka bulah a lo awm reng tawh a,"Mercy nen in buai leh tawh ni maw?,"a lo ti nghal a. "Ka tan hun a nei lova,khapa tan kha chuan a nei leh tho sia,"ka ti ram hmak a. Jo chuan,"A ex kha mi?,"a lo ti vat a. "Aw ni e,a ex in la class deuh kha,"ka lo ti leh hmuk a. Jo chuan,"Ngaihtuah tawh suh,hei in pawp la ṭha vek ni mai. Hmeichhia chuan min phatsan ṭhin;mahse,zu chuan min phatsan ve ngai lo. Kei pawn ka in leh dawn,ka dry tawh dawn lo,"tih pahin a bag aṭang chuan a sen chi um 1 leh dispo cup a rawn phawrh a. A sehhmeh turin hairep a rawn keng ṭeuh bawk a,ka van phûr tak êm! Jo chuan a thli nghal karh karh a,"Bawiha,Mercy chu break daih rawh a ho e mai. Bialnu neih aiin ruih a nuam zawk,"a lo ti ve chhen bawk si. Mahse,ṭhen hmasatu nih chu ka duh bawk si lo,nui hak hak chungin zu chu ka lem ve khalh a. No hnihna tur ka thlit leh mek lai chuan ka nu in min rawn call leh ta,hei ham,"Bawiha,ka nu hi lo chhang mai teh,"tih pahin Jo chu phone ka pe a. Jo lah chu lo phûr em em mai leh nghal,"Awle,"tih pahin a chhang nghal a;

"Aw He..lllo,"

"Aw keimah Jo,mihring fapa Jo,"

"Ee aw Bawiha chu ka bulah hian a awm lawm,"

"A be duh rih lo che nih chu,"

"Awle ka pee d..awn e,"

"Bawiha,kha i nu in a be duh che,"tih pahin phone chu min rawn pe leh a. Ka lo kâi ve tawh nen,ka nu phone call chu ka chhang ve nghal mai a;

"Aw Nu,"

"Khawnge i awm?,"

"Jo te Inah,"

"I awm lo i û leh Dintei an kal a,i awm lo,"

"Nuuuuu,"

"Sawi rawh khawnge i awm?,"

"Hetah Thlanmualah kan lo haw ṭep,"

"I pa a thinrim khawp mai aw,"

"Kei pawh ka thinrim ve tho,"

"Thinrim chhan tur i nei ve lo,tunah rawn haw nghal rawh. Dintei pawn chaw ei turin a la nghak che,"

"Awle," 

Phone chu ka dah a,ka switch off nghal a. Jo lah chu kei aiin a lo kai tawh a,"Bawiha,haw tawh i la Bike hi i khalh thei a ngem?,"ka va ti a. A lo meng chiai tawh mai a,"Eeee mipa ka ni lawm,ngahnge maw kan khalh theih loh lem ang le,"tih pahin a tho nghal vut a. Jo hi chu a mak ve na em em chu,zu hi rui chhe viau ṭhin mah se,bike hi chu a khalh thei tho zel. A chesual ngai bik miah lo nia,kan pahnih chuan kan in zui chho leh dut dut mai a. Veng chhung kan luh chuan kan kalna tur lam ve ve kan pan nghal a,kan chhungte chuan engtin tak min lo hau ang maw?

"Lalrammuan,hetah rawn kal teh,"ka pa chuan min melh rum khawp mai a. Ngawi rengin ka pa awmna lamah chuan ka phei a,"Kan vaiin dawt min hrilh a,min bum ngam a maw?,"a ti bawrh bawrh mai a. Ka ngawi ngul a,midang ho lah chuan min lo thlir tawp mai bawk si. Dintei nau te 2 leh a pu erawh ka hmu ve hauh lo mai,"Lalrammuan,min en rawh. Engvanginnge min bum?,"a ti vin ṭhak mai a. Chutia ka pa in min vin tak hrep takah chuan,ka zu rui lungpuam chu ka ṭah a chhuak ta tlat mai,"Nangni pawn min bum ve tho lawm,i fapa pawh ka ni lo,"ka ti ve piap piap mai a,ka ṭawng te chu ka sehchilh nuaiin ka hria. Ka pa chu a rawn ding a,"Engmaw i sawi kha? Sawi nawn leh teh,ka fapa i ni lo maw? Ka fapa i nih loh chuan tu fapa nge i nih a nga? Lalrammuan,min chhang teh,"a ti vin tuarh tuarh mai a. Ka hnuk a ulh ṭan a,ka ṭap deuh ṭuau tawh mai a,"Ka hre vek ka hre ve vek,kei hi i fapa ka ni lo. I ṭhianpa fapa ka nih hi,kei hi tuman min hmangaih lo bawk,"ṭap ṭeuh chung chuan ka rilrua thu awm ang ang chu ka chhak chhuak pawp pawp mai a. Ka nu chuan,"Bawiha,tiang thu kha sawi tawh suh khawngaihin,"a rawn ti thâm ṭiak a. Mahse,ka nu thusawi pawh chu ka ngai pawimawh duh lo,"Engkim ka hre vek tawh,ka pa diktak pawh ka hmu tawh. A tir aṭangin nangni hian min bum char char a ni,in fapa ka ni lo min..,"ka sawi zawh hma chuan ka pa chuan ka hmaiah min rawn beng chawrh mai a. Chu tak chuan ka rilru a ti na zual a,"Kut min thlak maw? Min beng leh rawh,i fapa pawh ka ni hleinem. I duhtawkin kut min thlak rawh,"ka ti ve pawp pawp a. Ka pa chuan ka khabeah a rawn dawm a,"Lalrammuan,min en rawh i pa ka nih hi i hria em? I pa ka nih hi,"tih pahin ka mitah tak chuan min en kal mai a. "A tawk,engmah ka hre duh tawh lo. Thi i la engkim a fel vek mai ang,"ka ti a,ka pa chu ka nam kiang a pawn lamah ka tlan chhuak nghal phut a. Ka nu leh midang chuan min rawn ûm zui nghal a,min âuh lawm lawm ri pawh chu ka hre thei. Mahse,ka beng ka chhi ngawng lui tlat a ka bike chu ka ti nung a. Pan tur lam pawh hre chuang lovin ka hma zawnah chuan ka tlan vak ringawt a.

Waiting Shed 1 ah chuan ka ṭhu a,ka awmna hi khawilai nge a nih pawh ka hre lo. Light 1 êng lo zet hi a lo in khai a,ka bul velah chuan tumah mihring hmuh tur an awm lova. Sana ka bih zauh a,tlai lam dar 6.00pm a lo ni reng tawh a. Ka ruih pawh a reh deuh tawhin ka hria,chu lai hmunah chuan ngawi rengin ka ṭhu a. Ka chunga thil thleng chu ka ngaihtuah let a,vanduai ka in ti a mahni in khawngaihna in ka khat a. Ka lung a rawn chhe ṭan a,in sûm ka tum viau na in ka mittui chu ka dang zo lo a ni.

Chu lai hmunah chuan rei fe ka awm hnu chuan,hmeichhe 1 upa tawh lam hi a rawn kal hlawl mai a,"Tlangval,enginnge i rilru ti hah a?,"a rawn ti nghal tawl mai a. Mak ka ti kher mai,"Min hria mi a?,"ka lo ti nghal ringawt a. Chu nu chu a nui a,"Hre hran love;mahse,he lai hmuna rawn kal reng reng hi chu eng emaw rilru hahna nei an ni ṭhin a lawm. Nang pawh rilru hahna tam tak i nei tih ka hria a sin,"tiin nui sâng chung chuan min en a. Mak ka ti kher mai,"He lai hmunah hian i cheng a mi a? In ka hmu bawk si lova,"tiin ka zawt ve thung a. A lo nui suk a,"Cheng bik lo e;mahse,rilru hahna leh lungngaihna ka tawh châng apiangin hetah hian ka kal ṭhin a lawm,"a lo ti ve mai a. "Khawiah nge i chen a?,"tiin ka zawt leh a. "He lai aṭanga hla lo te ah hian ka chêng a,"a ti leh a. "A nihchu nangmahin mi i chên a?,"ka ti leh a,dîl chhut min maithei a ni. Mahse,ka hre chiang châk tlat si,"Ka fanu nen kan cheng a,"tiin min lo chhang leh vat a. Chu nu nen chuan kan ti ti tui khawp mai a,kan duhtawk kan sawi zawh meuh chuan zan dar 9.00pm a lo pêl thuak tawh mai a. In lama ka chhungte chu an mangang tawh khawp ang le;mahse,haw mai chu ka tum bik lo a ni.

In lama tlawm deuha haw leh ai chuan chu nu chenna Ina riah mai chu ka duh ta zawk a. Amah chuan an Ina riak ve mai turin min sâwm ve bawk nen,In lamah chuan an buai buaiin lo buai mai teh se tiin chu nu chênna In lam pan chuan kan in phur phei ta a. Rin aiin an In chu a lo nuam zêk a,a fanu chu kum 8 vel a nih ka ring ringawt a. Dawhkantêah hian lehkha a lo zir malh malh a,anu nen Ina kan lut pawh chu hre âwm pawhin a awm lova.

"Ani saw ka fanu chu a nia,a lehkha zir lai hi chuan a rilruah thildang a lut thei ngai lo. I mut nghal duh chuan mutna ka siam sak nghal ang che aw,"tiin nui sâng hian min be leh nghal bawrh bawrh a. "Aaa aw nia,a pawi hleinem,"ka lo ti vat a,room pakhatah chuan kan in zui lut nghal a. Hemi zan tluka muttui leh rilru thâwl taka ka mut hi ka la hre lo,eng emaw ti takin chu In chu a nuam veng vengin ka hria.

Zinga ka harh chuan nî pawh a lo tlângsang tawh khawp mai. Muang chângin ka tho a,sitting room-ah chuan ṭawng ri ka hria a ka tawp chat a. Mipa leh hmeichhe inbe ri a ni,mipa chuan,"I va inthlak tawh ve a. Tunah hian min puih na ka mamawh a sin,tinge tiang hian i awm a?,"a ti bul bul a. Hmeichhia chuan,"Ni e ka danglam tawh tih chu ka hria. Hmana i hriat ṭhin ang kha ka ni tawh lo,mithar ka ni tawh. Khawngaihin min kalsan rawh,"a lo ti a. Mipa âw chu ka pa(ka pa tiin sawi tawh mai ang. Ka pa tak tak zawk kha) âw niin ka hria,mak ka ti hle mai,"Tun chiah a ni mai,tunah hian min chhui mek a. Nang chu tuman an ringhlel dawn lo che a,khawngaihin ka bungrua hi i Inah hian ka thukru duh a ni,"a ti mawlh mawlh mai a. Mahse,hmeichhia chuan,"A teuh lo lutuk ka pui lo ang che. Ka thil tihsual te siamṭhat tumin ka bei mek a,chumi ah chuan min pui thei dawn lo a nihchuan min rawn hmu tawh suh,"a ti ve hmak mai a. Ka pa pawh chu a bei a dawng ngang a niang,"Hmmm a ṭha lawm,khang i thil tihsual tak te kha engtikah mah i siamṭha thei tawh ngai lo ang,mangṭha le,"a ti a,kawngka a in khar ri bur a. Kawtlaia motor chu a ri thûm vut vut a,a tlan chhuak nghal a. Ka thil tawn mek chu a mak tih bakin sawi dan tur pawh ka hre lo,tuna ka awmna nu leh ka pa kha engtinnge an in hriat le? Huiham...engkim hi buaina a ni vek maiin ka hria.

"Ka kalsan phawt ang che u,chaw chu ka ei lo mai ang,"tiin kal mai ka tum a. A fanu tereuh chuan,"Aû,hei i lem ka ziak a,"tih pahin ka muhil lai lem a ziah chu min lo pe a. A nalh kher leh nghal a,"Ehee i van thiam em em ve a,engzatinnge ka lei sak ang che,"ka lo ti nghal a. "Aih,lei turin ka ziak lo,thilpek a nihkha,"tih pahin a nui sâng a. "Nihchuan,ka lawm lutuk e aw. Remchang hmasa berah ka lo lêng leh dawn nia aw,tunah chuan ka kal a hun tawh a,"ka ti a,a biangah chuan ka piai zauh a. A nu chuan,"Chaw chu i ei lo tak tak ang maw?,"a lo ti ve thung a. "Aw ei lo mai ang,ka lawm lutuk a nia aw,"tiin kan in thlah fel ta a.

Kan veng lam pan chuan ka in khalh haw leh rih phawt a. Mahse,kan Inah lut hmasa lovin Dintei te Inah ka lut hmasa a. Dintei pawh office a lo kal lo hlauh a,min hmu chu a hlim kher mai. Mahse,zawhna a ngah khawp mai,"Nizanah khawnge i riah bo a? Mawh,i nu leh pa rilru i tih hah zia hi i hre miah lo mi? Tinge tiang hian i awm a,i phone lah switch off tlat bawk si,"a lo ti nghal mawlh mawlh a. Engmah sawi lovin Dintei chu ka kuah ringawt a,"Ka lawm e aw. Mahse,ka ril a ṭam tawh lutuk,"ka ti nghal thawr a. Dintei lah chuan,"Inah haw phawt rawh,i nu ka phone dawn nia,"tih pahin dawhkana phone chu a ban nghal a. "Chaw chu min ei tir ve phawt la,"ka lo ti ve chhen a,"A ngai lo,hrem deuh i ngai,"tih pahin ka nu chu a call nghal a.

"Aw Nu Ma,hei M-a chu a lo haw tawh aw. Kan Inah a awm,chaw a ei a nga a rawn phei ang aw,"

"Aw awle tehreng mai,"

"Chaw chu ei vat vat la,kan pahnih in kan phei dawn nia,"tih pahin chaw ei chu min siam sak nghal sawk sawk a. "Khawnge naupang?,"tih pahin chaw chu ka ei nghal mawlh mawlh a,"School kal turin an chhuak tawh,kei pawh i chaw ei chhungin ka lo va insiam a nge aw,"a ti a,room lamah min phei san nghal daih a.

(Tun ṭum chu duh ang pawn ka rawn ti sei thei lova. Min lo hrethiam hram hram dawn nia aw,phone-ah ka type ṭhin bawk sia ka kut hian a tlin lo ṭhin a. Min lo hrethiam hram hram mai dawn nia aw,ka kutzungpui hi a chawmawlh vek tawhin ka hria.)

[23/03, 07:54] Rs Thangluah: *KA LEI VANTIRHKOH*

BUNG-30 NA

By:- *Rs Thangluah{Remz}✍🏻*

Ka phone pawh chu ka la on chuang lova. Dintei nen chuan kan In lam pan chuan kan in phur phei nghal a. Kan In chhung luh leh chu ka in thlahrung ve khawp mai;mahse,hei lo In dang ka nei si lo. Dintei lah chuan min hau char char mai bawk si,In kan thlen hunah ka chhungten engtin tak min lo hau ang maw?

"Lalrammuan,chhuatah khan ṭhingṭhi la min en teh,"ka pa chu a thinrim takzet tih ka hria. A mit meng chu a sen rûm a,keimah vangin a hnaah pawh a kal loh phah tih pawh ka hria. Ka û te pahnih erawh an hna lamah an lo kal tawh thung a. Dintei pawh a hnaah kal a ngaih tawh vangin min kalsan ve nghal a,ka nu lah chu a ṭap nasa tih hriat ngawih ngawihin a lo meng sen râm bawk a. Ngawi rengin ka pa hmaah chuan ngawi rengin ka ṭhingṭhi a,ka pa hmel pawh chu ka en ngam tawh lo. Hnuai lam ka bih ngar ngar a,"Ka nu,ka pa ka tihpalh lutuk,"ka ti zawi sap a. Ka pa chuan a âw a thian kharh kharh a,"Nimin tlaia i thusawi zawng zawng kha i la hre vek em?,"a ti hul hak a. "Aw hria e,"ka lo ti zawi sap a,"Khatiang thu kha ka beng hriatah hian vawikhat pawh i sawi leh a nihchuan,keimah ngei hian kan In aṭangin ka pet chhuak ang che. Nang hi ka fapa i ni a,i pa ka ni bawk tih hi hre reng ang che. I nu hi enteh,nizanah chhinkhat pawh a chhing lo a sin. Engtiang takin nge a rilru a hah pawh i hre lo ang tiraw?,"a ti bawrh bawrh mai a. Ni e,ka pa min hauhna chu ka hrethiam khawp mai. Kei hi a fapa diktak ni lo mah ila,a fapa ang chiahin min en a min hmangaih bawk a. Ka chhiatna tur engmah a duh ngai lo bawk,chutiang bawkin ka nu pawn min hmangaih a. An duh loh zawnga ka awm hian an rilru a na ṭhin tih pawh ka hria. Mahse,ngatinge fahrah hringnun hmang turin hian ka lo pianchhuah ve reng reng le?! Ka nu chuan,"Bawiha,miin i bulah eng pawh sawi se,kan fapa i ni tih hi hre reng ang che aw. Keini lo hi nu leh pa dang i nei lo tih hre reng ang che aw,"tiin ka kutah chuan a rawn vuan a. Ka pa chuan,"Tho la,va inti fai la dawr va hawng nghal ang che,"a ti a,engmah thudang sawi tawh lovin room-ah a lut nghal daih a.

Ka inbual pah chuan thil tamtak ka ngaihtuah a,ka nu leh pa dik tak te khan tinge min duh lova min kalsan le? Kei hian ṭangkaina ka nei lo em ni? Tinge kalsan ka nih? Nun pangngai taka hman hi ka phû ve lo em ni? Mahni in khawngaihna in ka khat a,ka nun hman mek vang chuan keimah leh keimah ka in khawngaih a. Ka hriat loh karin ka biangah mittui a lo luang a,ka nu leh ka pa chu ka dem a. Pathian hial pawh ka dem a ni,tinge hetianga vanduai tur hian min siam bik? Nu leh pa dik tak neih hi ka phû ve lo em ni? Chutiang thil tam tak ngaihtuah chung chuan,ka inbual zo ve thei hram a. Dawr kal pawh ka phûr lo khawp mai;kal ngei a ngai si. Phûr lo zetin ka insiam a,rilruah Mercy a lo lang leh a. Ka chunga thil thleng vang chuan ka na nawn awn awn a ni ber mai. 

"Bawiha,vawiin chu dawr ka lo nghahpui ve ang che aw. I pa in In lo nghak ve thung se la,"tiin ka nu pawh chu dawr kal turin a lo in peih fel ât tawh a. Ka pa chuan,"Ni e vawiin chu i nu in a puih mai che a ngai a ni. Nangmah ringawt chuan i tlin lo ang,i chau awm si,"a lo ti ve bawk a. "Awle,a pawi hleinem,"ka ti a,ka nu nen chuan dawr hawng tur chuan kan in phur chhuak ta a.

Chawhnu lam dar 1.00pm pelh hretah chuan Kiki phone call ka dawng hlawl mai a;

"Aw Kiki,"

"Keimah Mercy,"

"Engnge i duh a?,"

"Nimin thil thleng kha sawifiah ka duh a,"

"Sawifiah vak tur a awm mi?,"

"Awm e i ngaih ang khan engmah a awm lo a nia,"

"Engnge ka ngaih ang chu?,"

"I thinrim tih ka hria lawm,ka tihpalh aw,"

"Sawifiah ngai a in awm a nihchuan engtin emaw in awm tihna a ni mai,"

"A mak e,chutiang a ni lo,"

"Chutiang ni lo chu engnge? Ka tan hun nei lo tu khan midang tan chuan hun a nei leh si,"

"Nhaaa mak e,tiang zawng khan ngai lo teh,"

"A tawk engmah ka hre duh tawh lo,"

"Zaninah Kiki te Inah ka lo nghak ang che. Min hmangaih a nihchuan i rawn kal ngei ang,"

"Ka dah nia,ka buai dawn,"

Ka phone chu ka off a,ka ak nghal a. Ka nu chuan ṭhenawm dawr aṭangin ei tur a rawn chawi lut a,"He lai thingpui dawr hian an siamtui hmel khawp mai. Hei a la lum vut vut a nia aw,a lum lai hian ei ang,"tih pahin a ei tur lak chu dawhkanah chuan a rawn chhawp a. "A man i pe nghal a mi?,"ka lo ti nghal vat a,ka nu chu a nui var var a,"Aw pe nghal e,i nu hian pawisa ka nei ve tho a lawm,"tih pahin a ei nghal mawlh mawlh a. "Aww ka lo pe mai dawn lawm,tinge i lo pek duh a?,"tih pahin ka ei ve nghal a,"Tikhan ka treat ve che ni mai,tui ti tak khan ei la a dik vek a ni mai,"tih pah chuan a nui leh var var a. Ka nu hlim hmel ka hmuh hi chuan ka lo hlim ve veng veng ṭhin. Mahse,he ka thinlung sak tak hian'Ani chu i nu tak tak a ni lo,'tiin min rawn hrilh leh ṭhin a. A fapa diktak ka ni lo tih hi ka hre chhuak leh ṭhin si a nih hi. Mahse,nu dang erawh ka mamawh lo,ani tluka nu ṭha hi khawvelah an awm tawh chuang lo ang.

Zanah chuan Kiki chuan min rawn text a;

"I rawn kal dawn em? Hei a nghak reng tawh che nia aw,"

"Ka hre lo le,"

"Tunah ka hre lo tih a hun a mi? I rawn kal dawn loh chuan sawiṭha ve mai ṭhin rawh😡,"

"Awle ka rawn kal dawn nia. Mahse,ka rei deuh maithei aw,ka chhungte hian chhuah an phal lova. A ruka rawn chhuah a ngai dawn a,"

"Awle kan lo nghak char char mai ang che,"

"Awle ka rawn kal hunah ka hrilh dawn che nia,"

"Awle,"

Ka chhungte chu sitting room-ah chuan an ṭhu ṭhap hlawm a. A tu a pawh chuan ka chhuah an hlau em em vek ni hian ka hria. Tihdan dang ka ngaihtuah ta a,a ruka chhuah aichuan chhuanlam siam dan tur ka ngaihtuah ta a.

"Nu,zanin chu Dintei te Inah ka leng dawn nia aw,"ka ti nghal thawr mai a. Ka nu in min chhan hma in,ka pa in min lo chhang vat a,"Engnge i tih dawn?,"a lo ti nghal vat a. "Aaaa tihtur em em pawh awm chuang lo. Lên harh ka duh mai mai a,"ka lo ti nghal vat a. Ka nu chuan,"Va kal la rei suh ang che aw,"a lo ti vat a. Ka pa chuan,"Tunah dar 7.30pm a ni a,dar 9.00pm hma in lo haw ang che aw,"a lo ti hmak a. "Awle ka lo haw har lo ang,"ka ti a,helmet leh Bike chahbi ka la a ka chhuak nghal a.

Dintei te Inah chuan ka kal hmasa a,Mercy nen in hmuh kan tum thu te chu ka hrilh nghal vek a. A lungawi lo kher mai,"Tinge i tlawm em em a? Mipa i nihkha,a duh duh a a control theih turin awm mah ta che,"a ti zêk a. Nia,Dintei hian a sawi dik ve reng;mahse,ka nuna hmeichhia ka tawn hmasak ber a ni a awlsam tak chuan ka thlah thei bik lo a ni. Dintei pawh chuan,"Tun bak chu a koh theihin awm tawh suh ang che aw. Ka ti tak tak a nia,nimina i rilru nat zia te kha ka hai bik lo a sin. Mahse,i hlimna tur a nih si chuan va kal ta poh che,"tiin min thlah liam ve thei hram a.

Kiki te Inah chuan mipa 1 hi a lo awm ve a. Mahse,Kiki chuan,"Hei ka ṭhianpa a nih hi,in hmelhriat hrim hrim rawh u. Mazuala a nia,chuan Mazual,hei hi Mercy ṭhianpa Muantea a nih hi,"tih pahin a lo nui har har a. Mazuala chu ka hmuh hnu a ang ka ti reng a ni,Dintei thinlung tihnat saktu kha a ni maw? Mahse,min hre âwm pawhin a awm miah lo. Min hre tawh lo nge,min hre lo der zawk le? Engpawh nise,han inbiak chhiat ngawt thu awm suh,"Aww i va fel ve a,"tih pahin ka chibai ve mai a. A nui suk a,"Nang a lawm fel,"a lo ti ve vat a;mahse,Mercy ka hmu miah lo,"Khawnge?,"ka ti ringawt a. Kiki chuan,"Eee room-ah a lo nghak che. Ka room-ah va phei mai rawh,"a lo ti vat a,phûr zetin Kiki room  lam pan chuan ka phei nghal a.

"Duata,ka tihpalh lutuk aw min ngaidam thei ang tiraw?,"Mercy chu a ṭap feih feih a,a kun lap a a mittui chu a hru mawlh mawlh bawk a. Han tih vak ngaihna ka hre lo khawp mai,"Nimin thil thleng kha chu theihnghilh ang aw,tunah chuan hlim deuhin awm ang,"ka ti a,ka kuah a. "Ka lawm e ka hmangaih che,"tih pahin min lo kuah let ve nghal vat a. Mahse,zanina Mercy awmdan hi zan dang a ang tlat lo,"Duata,inru mai ang,"a rawn ti hlawl mai. Mak ka van ti tak êm! Ka thu hriat chu ka hresual emaw ka ti hial zawk a,"Maw? Engthu nge maw i sawi le?,"ka lo ti deuh hâ mai a. "Min nei duh ang tiraw? Kan inruk loh chuan engtikahmah ka chhungte hian kan inneih an remti dawn chuang lo,"a ti mawlh mawlh a. "Aih in ruka bul ṭan chu a ṭha lo. Chubakah nu leh pa te rem tihna lova inneih pawh a ṭha chuang lo,"ka lo ti thung a. Mercy chuan min en a,"Min hmangaih em?,"a rawn ti a,"Aw hmangaih e,"ka lo ti ve mai a. Chu veleh a hma aia nasa in min rawm kuah a,min fawp bawk a,"I ta ka nih hi tunah hian i duh duh ti rawh. I tan chuan engkim ka hlan phal,"tih mawlh mawlh pahin ka kekawr dawr lam chu a rawn dap ṭan a. Mahse,ka lo dang vat a,"Aih ni love,ka hmeichhe hmangaih chu ka khawihchhe phal lo. Ka hmangaih che a,khawihchhiat che hi ka duh lo,"ka ti a,ka nam sawn deuh a. Thâwk ka la halh a,insûm chu a har ve khawp mai. Mahse,engtinmah ka ti lo ang tiin ka rilru ka ti sak lui tlat a,"Hei a tlai tawh si,ka hawsan phawt ang che aw. Remchangah kan in hmu leh dawn nia,lo inenkawl ṭha ang che aw ka hmangaih che nia,"tih mawlh mawlh pahin a chalah chuan ka fawp a. Mercy chuan engtinmah min chhang lo,a kun lap a a ngawi reng a,"Ka hmangaih che nia,ka haw a ngai lo in enkawl ṭha ang che aw,"ka ti a,a hmuiah chuan ka fawp leh zauh a. Hreh tak chungin ka chhuahsan ta a.

Kiki te In ṭang chuan Dintei te In lamah ka phei leh phawt a. Dintei chu amah chiahin a lo meng tawh a,a pu leh a nau te chu an lo muhil tawh. Min lo nuih var var a,"In ṭha maw?,"a lo ti vat a. "Immm ṭha ni mai e,ka chhungten an lo call mial che em?,"ka lo ti thung a. "Aww i nu in min lo call a,tinge phone i chhan theih lohva? Nangmah vangin dawt ka sawi phah a nia aw,"tih pahin ka sam chu a rawn tuai leh a. "Ka lawm e mifel nu,nakinah ka la pua ang che. Ka va haw phei tawh nge aw,ka haw tlai lutuk chuan min brass leh palh ang,"ka ti a,kan nui dun hawk hawk a. "Nia,fel deuh khan awm tawh la,engkim chu a ṭha vek a ni mai,"tiin ti ti mawlh mawlh chungin an kawngka bul thleng chuan min thlah a. 

Ka nu leh ka pa chu sitting room-ah an lo ṭhu a. An hmel aṭang chuan thil dik lo a awm tih ka hrethiam nghal mai,"Nu,engnge thleng a? In ṭha em?,"ka ti nghal vat a. Ka pa chuan mit meng dul raih hian min lo melh a,"Bawiha,lo ṭhu teh,"a ti a,ka nu nen an inkarah chuan min ṭhut tir a. Ka ngaih a ṭha lo telh telh mai,"Ka pa,engnge thleng a?,"ka ti leh a,ka nu chuan,"Bawiha,engpawh thleng se i nu leh i pa kan ni tih hi hre reng ang che aw,"tih pahin ka kut chu a rawn vuan a. Ka ngaihtuah chu a chawmawlh vek in ka hria,"Nu,in fapa ka ni lawm,"ka lo ti zawi sap a. Ka pa chuan,"Kha chen kha kan lo enkawl tawh che a. Kei chuan ka hlata i awm hi ka phal ngai lo ang;mahse,Bawiha,..."a tawp chat a,a hnuk a ulh in ka hria. Ka nu chu a in sût ri hraih a,"I pa in min lo bia a,ka sawi awmzia chu nangmah hringtu che i pa a nia,"a ti zuai raih a. Ka nu leh ka pa chuan thudik min hrilh ta;mahse,an fa tak ni lo mah ila min hmangaih tih ka hria. Ka nu leh pa tak tak aiin an ni hian min hmangaih a ni. Mahse,ka pa keimah min hringtu ngei chuan min rawn lak hran a tum thu min hrilh a ni. Sawi mai tur pawh ka hre lo,ka pa chu ka en a a chal a dawm a,a kun tlawk tlawk mai a. Ka nu lah chu rilru nâ tih hriat ngawih ngawihin a hmel chu a ngui em em mai a. Kei hi an fapa ang tak takin min en a,an hlata ka awm tur hi an ngaingam lo a ni. 

Ka pa chuan a âw a rawn thian leh kharh kharh a,"Bawiha,thudik hi i hriat loh tam tak a la awm a sin. Mahse,tunah rih chuan i hriat a la rem rih lo a ni,"a rawn tih leh ngat phei chuan ka tliak hnawp ni berin ka hria. Ka vai ruai a,ka awmdan pawh ka hre lo. Rei fê kan 3 a kan ṭhut ngawih reng hnu chuan,ka in thingharh a,"Khawiah emaw ka kal dawn a,min ngaihtuah su aw. Naktuk zingah ka lo let leh ang,"ka ti a,ka ding nghal uaih a. Ka pa chuan,"Khawiah nge i kal dawn?,"a lo ti vat a,"Ka pa,hei chu thuruk a ni a. Ka kal phawt a nge,min lo ngaihtuah su aw ka ngaihtuahawm loh a nia. Nu,ka hmangaih che,ka pa,nang pawh ka hmangaih che nia,"ka ti a,ka chhuak nghal a. Ka nu in min auh zui lawm lawm pawh chu ka haider lui tlat a. Ka bike chu ka ti nung a,ka phit chhuak leh nghal a.

Zan hmasaa ka kalnaah bawk khan ka kal leh a. Waiting Shed-ah chuan khanu kha ngawi rengin a lo ṭhu a,"Tlangval,tun angah te engnge i rawn tih dawn a?,"tiin mak tih hmel zet hian min lo en a. "Ka rilru hahna paih thawl turin ka rawn kal a nih hi,"ka ti nghal vat a. Min en vang vang a,"I rilru hahna te chu ka hriat ve a rem em? A rem loh chuan min hrilh kher pawh a ngai lo a nia aw,"a ti a. Ka ngawi vang vang a,ka thaw leh halh ṭhin a. Chu nu chuan ngawi rengin min en a,min khawngaih hmel hle in ka hria. "Zaninah in Inah riah leh i phal em?,"ka ti thawr mai a,"Ee phal teh reng mai,i duh chen chen i rawn riak thei ang,"a lo ti nghal vat a. "Ka lawm e aw,ka lawm lutuk a nia. Ka hringnun hman mêk hi a buai a ni,In ah phei ila engkim ka hrilh ang che,"tiin an In lamah chuan kan in phur phei leh ta a.

(Tun ṭum chu a sei vak lo maithei aw. Min lo hrethiam hram hram mai teh u aw,ka dam sam meuh lova. Mumang nen ka rawn ziak leh hram hram a nih hi,ka story ziah te min lo chhiarsaktu te chungah khan ka lawm ṭhin khawp mai. Tin,ka tih dik loh te a dik zawk min hrilh ṭhin a,ka lawm lutuk bawk a nia. A leh pekah chuan a sei deuhin tih kan tum tawh dawn nia aw.)

[23/03, 07:54] Rs Thangluah: *KA LEI VANTIRHKOH*

BUNG-32 NA

By:- *Rs Thangluah{Remz}✍🏻*

(Tun ṭum chu sei deuhin tih kan tum a nge aw)

"Mahni in ti hlum duh khawpin mi i dawihzep a? Mipa i ni lo mi? Engvanginnge i harsatna te hi i tlanchhiat san zel a?,"tiin mittui parawl kiang chuan min ânkhum bawrh bawrh mai a. Sawi tur engmah ka hre lo,leiah chuan ka ṭhu hnawk a ka in dawm kun tlawk tlawk mai a. Dintei chuan min rawn kuah a,"M,i tan ka awm reng ang ka tih kha i hre tawh lo mi? I chungah hiang eng thil ṭha lo mah a thlen ka rem ti ngai lo ang. Ka theih chhung chu ka venghim zel ang che,"a ti mawlh mawlh mai a. He hmeichhia tak hi chu aw,ka awmna te hi engtinnge a hriat pawh ka hre lo e a. "Te,vanduai tur hian Pathian in min siam bik a mi? Tinge hetiang em em a vanduai hian ka nun hi ka hman bik a?,"ka ti a,ka in sûm peih tawh bik lo ka mittui chu a tla ve zawih zawih mai a. Dintei chuan,"Ni lo e vanduai tur bik in Pathianin tumah min siam lo. I vanneih zia hi i hre duh lo mai zawk a ni,fahrah i in ti a. Vanduai bik riauah i in ngai a ni tiraw?,"min ti a. "Imm a dik a lawm,"ka lo ti sap a,"En teh,i vanneih zia hi i hria em? Nu leh pa ṭha tak i nei a,an hmangaihin an duat em em bawk che a. Mahse,nang chuan chu chu i haider tlat si a nih hi,"tiin a thiam ang tawk chuan min han hrilhfiah ve a. Mahse,ka nun hman mekah hian vanduai bik ka la in ti tho tho. Hreh hle mah ila,Dintei chuan In lamah min hruai let leh ta nge nge a.

Ka pa chuan engmah sawi lovin min lo en reng ringawt a. Ka nu chuan min lo kuah nghal vawng vawng a,"Bawiha,khawiahmah i kal ka rem ti lo. Ka bulah i awm reng ang,"a lo ti mawlh mawlh bawk a. Ka pa chuan,"Bawiha,ka tihpalh aw. I pa hian pa nih ka tlin lo êm a tin ni,"a ti a,min lo kuah a. Sawi tur a vâng hle mai,ka û te pahnih pawh chuan mittui tling pamin min lo thlir a. Dintei lah chuti bawk,"Bawiha,kan fapa i ni a. Kan bulah i awm kumkhua ang,"a lo ti leh a,ka van lawm tak êm! 

"Mercy chanchin pawh kha engmah i hre lo ang tiraw?,"tih pahin ka û chuan min rawn melh a. "Nia,kan inbe khât tawh khawp mai. Kan inkar pawh hi ka hrethiam tawh lo,a chanchin phei chu engmah ka hre lo,"ka lo ti a. Ka û chuan,"A rai a,a raina pa lah khan a nei duh lo leh nghal,"a la ti zui. A mak ka van ti tak êm! Khati khawp khan kan inzui ve nasa a,min duh ve viau pawn ka hria. A chhungte phal loh thleng thlengin a rukin kan in hmu a. Mahse,tunah hetiang thil hi a thleng leh si,nat chu ka na ve khawp mai. Ka û bawk chuan,"Mam,i ṭha tiraw?,"tih pahin ka samah chuan a rawn tuai a. "Imm ka ṭha lawm,ka chhuak lawk ang aw. Min lo ngaihtuah lutuk su aw,ka ṭha nia,"ka ti a,ka bike chahbi leh helmet ka la a ka chhuak nghal a. Ka û chuan Garage thleng min rawn zui a,"Khawnge i kal dawn? Tun dinhmunah chuan nangmahin chhuak rih lo teh,ka lo zui ve ang che,"a ti a;mahse,keimah chauha hun hman ka duh a ni,"Ka ngaihtuah awm loh ka tih chu,ka kal hla dawn lo. Ka phone pawh ka off lo ang,ka kal aw,"ka ti a,ka tlan chhuak nghal a.

Ka nu te(ka nu tak zawk) te chênna lam chu ka pan ding leh nghal chawt a. Mahse,ka nu bulah chuan engtinnge ka sawi ang? Kei hi a fapa ka nih thu ka sawi tawp dawn em ni? Nge ni a ka hmeichhe hmangaih berin min phatsan thu chu ka hrilh zawk dawn? Huiham,rilru a va buai tak êm! Eng pawh nise ka nu bula kal hrim hrim chu ka duh a ni.

Ka nu te kawngkhar chu a lo in khar ṭhiap a,muang changin kawngkhar lam chu ka pan phei a. Kawngkhar chu ka kik karh karh a,In chhung lam aṭang chuan an rawn hawng ri rak a,"Eee lo kal rawh,tehhlawl che chuan,"tih pahin ka nu chuan min lo nuih var var a. In chhung ka lut chu beisei loh leh rin loh deuhin Dintei ka hmu hlawl mai. Ani pawh chuan min hmu thut chu mak a tih ve hmel khawp mai. Kan in en hê haw a,"Engnge i tih dawn a?,"kan ti rual ṭhawt a,ka nu lah chuan mak ti takin min lo en bawk a. Kan vai mai chuan mak kan ti vel vek ni maiin ka hria. 

Ka nu chuan,"Tikhan lo inkawm u la,thingpui kan lum a nge aw,"a ti a,choka lamah min pheisan daih a. Dintei chuan,"Hetah hian engnge i rawn tih ve a?,"a ti leh a,ka nui var var a,"Engnge i tih ve zawk a?,"ka lo ti leh thung a. "Ka rilru hah apiangin ka kal ṭhin,"a lo ti sam et a. "Kan inang a nihchu,kei pawh ka rilru a hah chuan hetah hian ka kal ṭhin,"ka lo ti ve vat a. "Enginnge i rilru ti hah leh tawh a? Ka hriat ve a rem em?,"a lo ti a. "Imm rem e,Mercy nia,"zawi supin ka lo ti a. "Nia ka hria lawm keichuan,ka hrilh ngam lo che a ka tihpalh aw,"a ti a,a meng dul ruih a. Kan ti ti malh malh lai chuan ka nu chu thingpui no 3 leh a hmeh tur chhang chawiin a rawn phei a,"Nang ni pahnih hi in lo in hre reng a ni maw?,"a rawn ti nghal vat a. Kei lah pek chuan,"Imm hria ang chu ka bialnu a nih hi,"ka lo ti fiamthu hlut a. Dintei lah chuan min lo chûm dawt dawt a,"Hepa han nghal dan em em hi chu aw,"nui hawk hawk chung chuan a rawn ti a.

Ka nu chu a fâla ti ti pui ka duh vangin ka ko hrang a,"Nitin mai hian vanduaina hian min tlakbuak ni mai hian ka hria. Engtinnge ka nun hi ka hman zel dawn pawh ka hre lo,"ka ti a. Ka nu chuan ka kutah a rawn vuan a,"I harsatna chu eng pawh nise,Pathianin kan tawrh zawh tur bak harsatna min pe ngai lo. Tu pawn harsatna chu kan tawk vek thei,chumi hmachhawn tur chuan keimahni kan pawimawh ber a. Pathian kuta kan in nghah ngam hi a pawimawh em em bawk a ni,"tiin dam thluam chuan min hrilh malh malh a. "Pathian pawh hian min hawisan tawh niin ka hria,"ka ti leh a. Ka nu chuan ka mitah tak min en a,"Pathian in a hawisan lo che,nangmah hian i hawisan mek zawk a nih hi,"a ti leh a. "Ni lo min hawisan tawh a ni,fahrah hringnun hrehawm tak min hman tir a. Tunah ka hmeichhe hmangaih ber chu ka lak aṭangin a la hrang leh a. Engkim hi ka tan chuan vanduaina thlentu hlir an ni,tuman min ngaihsak lo bawk a. Tuman min hmangaih hek lo,"ka ti buan buan mai a. Engvanga hetiang thu hi chhak chhuak chiam nge ka nih le? Ka nu chuan min kuah bet a,"Aih i ngaihdan hi engmah a dik lo. Fahrah hringnun chu i hmang ngei a lawm;mahse,khawvela nu leh pa ṭha berin an enkawl che a. Anni sawn an hmangaih lovin an ngaihsak lo che em ni? I tan engkim an huam a sin,"a ti mawlh mawlh a. "Mahse,an fapa diktak ka ni hleinem,"ka ti leh ṭalh a. Chutah zet chuan ka nu pawh a insûm thei lo a ni ngei ang,"Bawiha,duhtawk rawh. Min en teh kei hi i nu,nangmah hringtu chu ka ni ngei e. Mahse,ka thlahthlam che a,nun hrehawm tak hmang turin ka kalsan che a nihkha tiraw? Khawngaihin min ngaidam rawh aw Bawiha. Heng zawng zawng hi keima thiam loh vek a ni,"a mittui chu hruk sên lohvin a rawn luang zung zung a. Sawi mai tur pawh ka hre lo,ka hmaah ngei ka khawih theihin ka nu min hringtu nu ngei chu a awm reng a. Mahse,engnge a chhan pawh ka hre lo ka taksa hi a khawng vek ni mai hian ka hria. Ka nu chuan min kuah a,"Bawiha,kum 20 chhung ka zawng che a sin. Ka thil tihsual te siamṭhat tumin nitin ka hun ka hmang bawk a. Pathian hnenah ka hmuh leh theih nan che vawi tam dilin ka ṭawngṭai ṭhin a sin. Tunah chuan ka ṭawngṭaina chhanin a awm ta a nih hi. Bawiha,min ngaidam thei ang tiraw?,"a ti leh mawlh mawlh a. "Nu,ka lawm e nang chuan min venghim ṭhin tih ka hria lawm,"ka ti a,ka nu chu ka kuah a insûm tum viau mah ila ka biangah chuan mittui a lo luang leh leh nge nge a.

Tlaiah chuan Dintei nen chuan kan in phur haw a. Kawng chanve vel kan thlen hnu chuan,kan hnung lam aṭang hian Truck hian min rawn su chawrh mai a. Kan in ring hman tawh si lo,Dintei phei chu kawngpui lai takah nikhaw hre lovin a let ngât mai a. Min su tu Truck lah chu a tlan tlang daih mai bawk si,kei lan ka che thei bik si lo. Ka phone chu ka phawrh a,ka û ka phone a kan chanchin engkim ka hrilh hnu chuan engmah hriat zui ka nei ta bik lo.

Ka harh leh chuan Damdawiinah ka lo awm reng tawh a. Ka piahah chuan Dintei chu a lo mu ve bawk a,a nau te 2 leh a pu chuan an lo ṭhutpui a.  Hmeihhe 2 leh mipa 1 hian an lo ṭhutpui ve bawk a,a ṭhiante an ni ngei ang. Ka nu chuan min lo be nghal vat a,"Bawiha,i ṭha tiraw?,"a lo ti a,"Aw ka nu,ka ṭha lawm. Dintei zawk saw engnge a an a?,"tiin ka va melha. Ka nu chuan,"A la harh miah lova;mahse,a ngaihtuahawm hran lo ang,"tiin min chhang a. Ka taksa chu han tihchet mai ka tum a;mahse,ka chet thei miah lo mai. Ka nu chuan ka darah min lo vuan a,a mittui a sur nghal zung zung a. Ka pa lah chuan lungchhia tih hriat takin,men deuh puau chungin min lo en bawk a. Ka û te pahnih lah chu an ṭap feih feih reng bawk si,"Nu,engnge awmzia? Ngatinge tikhan in awm a?,"tiin ka zawt a. Ka pa chuan a âw a han thian kharh kharh a,"Bawiha,...,"a ngawi vang vang a,hnuai lam a bih ngar ngar a. Ka mutna khum bul sir a tui chu a in pawp a,"Bawiha,in Accident naah khan i spinal cord i sawh chhia a. I...kawng chin hnuai lam zawng hi a che thei tawh dawn lo,"ka kut chu a hmer vawng vawng a. "A awmzia chu kumkhua in ka ke in ka kal thei tawh dawn lo tihna a ni maw?,"tuman chhanna min pe thei lo. Ka nu chu ka darah a rawn bei a,a ṭap feih feih reng a. Sawi tur a van vâng tak êm!

Jo leh Mawia pawh an rawn lang ve hlawl mai. Ka chanchin kimchang an hriat hnu phei chuan anni pawn min tawrhpuiin min lainat ve khawp mai. Ka pa ber chu hmuh hrehawm ka ti a ni,a hmelah chuan in thiam lohna tam tak a ka hmu a ni. 

Dintei pawh a rawn harh ve ta. Ani pawh rin aiin a lo na zek a,a ke vei lam ruh a tliak a an cher khawng auh mai a. Dintei natna khuma a mu lai ka hmuh chiah chuan ka vanneih zia min hrilh ṭhin kha ka hrethiam ve ta. Kei chuan nu leh pa fel tak ka nei a,û 2 min ngaihtuah em em tu ka nei bawk a. Mahse,ani hi chuan ngaihsaktu tur nu leh pa a nei lova,amah ngaihsak tu te chu a nau te 2 kum la naupang tak tak te leh a pu tar tawh tak te chu an ni. A khât tawkin ka nu leh ka û te chuan va ṭhutpui ve ṭhin mah se,a mal zia ka hrethiam tulh tulh thung si. Ni e,Dintei chu ka tluk lo takzet a ni,hmeichhia mah nise ka tluk lo a ni. 

Ka nu te chuan ward pangngaia awm reng aichuan Cabin a insawn chu an dil ta a. Double Cabin-ah Dintei nen chuan kan awm ta ran mai le. Doctor te berin Damdawiina la awm rih tura min tih tlat vangin kan chhuah a la rem lo a ni. 

Chhun lamah chuan ka nu leh Dintei pu chuan min awmpui ber a. Ka ṭhiante pahnih Jo leh Mawia pawh an rawn lang ngun khawp mai,zan lamah erawh ka pa leh ka û te pahnihin min riahpui thung a. A châng chuan Jo leh Mawia te pawh an rawn riak ve lawp lawp bawk a,anni pahnih hi chu an felin an tlawmngai ngawt mai. Ka tan chuan ṭhian ṭha tak an ni a,an ni reng bawk ang. 

Chawhma dar 11:00am vel a ni a,Dintei pu chuan,"Ka mut a chhuak dawn tlatin ka hria. Pawn lamah ka va tei harh teh ang,"tih pah chuan a ding ṭuah ṭuah a. Dintei chuan,"Aww Pu,hei ka bulah te hian lo mu la,i chau ve tawh a nihkha,"a lo ti a. Mahse,Dintei Pu chuan,"Chau lo ee ka tei ve mai mai a nge,"tiin min chhuahsan ta rih a. Ka nu chuan,"I pu hi chu a felin a tlawmngai ve ngawt mai. A kum upat ang ai hian a la harh vang zek leh nghal a,"a lo ti ve a. Dintei chuan,"Nia kan khuaah khan la awm phei ila chuan,tun ai hian a la chak ang ka ring,"a lo ti ve bawk a.

[23/03, 07:54] Rs Thangluah: *KA LEI VANTIRHKOH*

BUNG-31 NA

By:- *Rs Thangluah{Remz}✍🏻*

(Vawiin chu gas chan pahin ka type dawn a,a sei thei lo maithei a nia aw.)

An Inah chuan a fanu te chuan thil lem a lo ziak leh malh malh a. Min lo hmuh chuan a lo nui var var a,"Aû,i lo leng leh a ni maw? I van fel em em,"tih pahin min lo kuah nghal a. Mak tak maiin he naupang hian min hmuh tirh aṭang khan min nêl em em mai a ni,"Zanin chu ka lo riak leh dawn a,"tih pahin ka lo nuih let a. An Ina ka riah tur thu ka sawi chuan a hlim kher mai,"Yess zanah lehkha min zirtir ang che aw,"tiin ka bulah chuan a rawn ṭhu nghal chawt a. "Awle tehreng mai,"tiin ka lo chhang ve nghal vat a.

Zan dar 8:00pm vel thleng lehkha kan in zirtir hnu chuan,chu hmeichhe naupang duhawm tak chuan mut mu a tuah ve ta a. Naute nu nen chuan kan ti ti leh ṭan ta a,"Bawiha,i hming pawh hi ka la hre miah lova min hrilh la,"tiin bul a rawn ṭan a. "Aww nia ka hming chu Lalrammuana a nia,"tia ka sawi zo chiah chu a rawn meng kawk mai a,"Maw? I hming chu Lalrammuana maw?,"tiin min zawt let leh a. "Aw ni e tinge? Mak i va tih hmel ve,"ka lo ti deuh hâ mai a. A nui a,"Aaa eng ni lo e,thil min hrilh tur kha i neiin ka hria. Min lo hrilh tawh la,"tiin thudangah a pakai daih a. Kei pawh chuan ka zawt zui tawh lem lova,ka chunga thil thleng leh thil thleng mêk te chu ka hrilh nghal mawlh mawlh a. Min lainat ve hmel khawp mai,"Tuna i nu leh pa te chuan an hmangaih lutuk ang che. I nu leh pa te tak tak erawh chuan an kalsan che a,zawn buai tum duh tawh suh,"tiin min hrilh a. "Mahse,ka nu hi ka la hmu ve lo a ni. Ka pa chu ka hmu tawh a,a dam ṭha tih pawh ka hria. Mahse,ka nu hi eng dinhmunah nge a din a? Khawiahnge a awm? A thi nge a dam tih hi hriat ka la duh fan a ni. Min hmangaih lovin min kalsan pawh nise,kei chuan zawn hmuh ka duh a ni. Ka nu chu ka theih tawpin ka zawng ang,he khawvelah hian a lo awm tawh lo a nih pawn a thlan tal hmuh ka duh a ni,"ka ti mawlh mawlh a,ka sawi zawng chuan ka hnuk a ulh hial a.(a takah pawh ka hnuk a ulh thei nia.) Ka bula ngawi renga ṭhu chuan mit khap miah lovin min lo en reng a,"Bawiha,i nu chu hmuh i duh tak tak maw? I hmuh hunah i chunga a thil tih vang hian phuba i la dawn lo em ni?,"tiin min zawt a. "Aih khawvel êng min hmuh tir tu a ni a. Ka nu khan thla 9 chhung zet hrehawm takin min pai a,chumi hnuah hrehawm takin min hring chhuak leh a. Fahrah hringnun min hman tir tu ni mah se,ka nu a nihna a bo chuang lo,"ka ti leh a. Chu nu chuan min en vawng vawng a,"Miṭha tak i nih hi maw le,"a ti sap a,hnuai lam a melh a a mittui chu a hru zauh a. Mahse,hmu angin ka awm duh lova,"Bath room-ah ka va lut lawk a nge aw,"tiin min kalsan daih a. 

Bath room-a a luh hlan chuan an sitting room banga an thil tar vel chu ka lo en mai mai a. Thlalak 1 chuan ka mit a la nghal khawp mai,en chian tuma ka bih hnaih lai tak chuan kawngkhar an lo kik karh karh a. Hawn sak pawh ka tum lem chuang lova,ka lênna nu chu bath room aṭangin a rawn chhuak a;kawngkhar chu a va hawng ri rak a,"Engnge i rawn tih dawn a? Ka hmu duh tawh lo che,"a ti nghal tawng mai a. An inbiakna chu ngaihthlak loh tum mah ila,hriat loh theih a ni si lo. Ngawi rengin sitting room aṭang chuan ka lo ngaithla reng ringawt a. Mipa chuan,"Tun chiah min pui hram rawh,sum chu i duh zat zat a ni mai. Ka fapa hi ka lak let leh ngei a ngai a ni,ani kha sum tam tak man a nih kha,"a sawi zawh rual rual chuan a ri deuh chawrh a,hmeichhia zawk chuan a hmaiah a beng a nih ngei ka ring ve tawp a,"Nang hian sum bak ngaihtuah i nei lo. I fapa hi engvanga la let leh duh nge i nih? Sum sum,i thluakah khan sum chiah a awm a nih kha. Ka pui lo ang che,hre rawh i rilru i thlak thawk a nih loh chuan min rawn hmu tawh suh ang che,"a ti bawrh bawrh mai a,ngaihthlak a nuam lo hle mai. Mipa chuan,"A ṭha lawm min pui thei lo mah la,keimahin ka ti ve mai ang. Ka fapa hi ka la let a nga,sum tam tak ka hai lut bawk ang. Chu chu ka tum ber a ni,ka tan chuan sum tluka hlu a awm lo,"a ti a,kawngka chu a khar ri ṭhuai a,a reh zui vawng vawng a. Chumi hnuah motor ri thum vut vut ri chuan a rawn zui leh a,chupa chu a tlan chhuak a nih ngei ka ring a. Sitting room-ah chuan ngawi rengin ka lo ding zum zut a,"Ka tihpalh aw,pawi ka ti lutuk. I mu duh tawh em?,"a rawn ti nghal mawlh mawlh a. "Aaaah aw nia a pawi chuang hleinem,"ka lo ti vat a,ka mutna tur min siam sak a,"Tui deuhin i rilru hahna zawng zawngte theihnghilh ṭhakin i mu dawn nia aw,"tiin min chhuahsan leh nghal a.

Zing lam dar 2:00am velah chuan chiang lutuk hian ka harh hlawl mai a. Room pawn lamah chuan ṭawng mawlh mawlh thawm ka hria a,tunge anih tih chu ka hre nghal mai a. Mahse,engnge a sawi erawh ka hre thei chiah lo ka in beng kang a zawi têin ka tho ṭhem ṭhem a. Room kawngkhar chu tlemin ka pawt kau a,ka thil hmuh chuan leh ka thil hriat chuan min van vel chiang tak êm! 

"Lalpa,ka fapa ka hmu let leh ta. Ka van lawm tak êm! Mahse,a nu ka ni tih hi engtinnge ka hrilh ngam tawh ang? Kha chen kha hrehawm takin ka siam a,ka kalsan a ni si a. A tan hian nu nih ka van tlin lo tak êm! Lalpa,ka thil tihsual te insiam ṭhatna hun min pek vangin ka lawm e aw. Eng pawh tawk ila,eng pawh thleng se ka fapa hi ka venghim zel tawh ang. A tan nu ṭha tak ni thei lo mah ila,ka aiawh zo tur nu ṭha tak i pek vang pawhin ka lawm e aw,"tiin ṭhingṭhiin ṭap zawih zawihin a lo ṭawngṭai a. Ani hi ka nu tak tak chu a ni maw? Engmah sawi lova va kuah vawng vawng mai chu ka duh a. Mahse,thil tam tak hriat duh ka la nei si a chuvang chuan,ngawi rengin ka mut san leh rih a;mahse,ka mut erawh a chhuak hlawl lo a ni.

Zingah chuan dar 7:00am velah ka harh a,ka mit chu a thip reuh hle mai. Muang changin ka tho a,chokaah chuan ka nu(ka nu tiin ka sawi tawh mai ang) leh a fanu hmeichhe naupangte chu an lo buai khawp mai. Ka hmel an hmuh chuan an lo nui var var a,"Eeee kha i rawn tho ṭha maw? Nizan lam te i mutui em?,"tiin min lo zawt nghal vat a. "Aw ka mutui khawp mai,nang ni in mutui maw?,"ka lo ti ve nghal vat a. "Aw mutui lutuk e,thingpui ka lo siam sak ang che aw,"tih pahin ka nu chuan thingpui chu min siam sak nghal a. Hmeichhe naupangte chuan,"Aû,i thingpui in lai lem ka lo ziak leh ang aw,"tih pahin min rawn melh zauh a,a ziak leh nghal malh malh a,"Aû,i lemah hian i hming ziah lan ka duh a. Engtinnge ka ziah ang,"tiin min rawn zawt a."Muantea tiin ziak mai rawh,"ka lo ti vat a,a ngawi vang vang a,"Iiiiih Aû M-a tiin ka ziak ang aw,"tih pahin a nui sen sen a. "Awle tehreng mai,i hming i ziak ve dawn em?,"ka lo ti nghal vat a,"Immm ka hming chu a hnuaiah hian ka ziak ang,"a ti a,min rawn en zauh zauh pah chuan a ziak malh malh reng a. "Eeee i hming min la hrilh miah lova,"ka lo ti thung a,"Ka hming chu maw? Lalruatdiki nia;mahse,anu chuan Bawihte tiin min ko ṭhin a,"a ti leh a,a nui sen sen reng a. A hmel hlim tak chu hmuh a nuam kher mai,"Immm nihchuan kei pawn Bawihte tiin ka ko ve ang che aw,"ka lo ti nghal vat a. "Awle tehreng mai,hei ka ziak zo aw,"a ti a,a thil ziah chu min rawn pe a. A ziak thiam kher mai,ka lu chung zawnah chuan Aû M-a tiin a ziak kuau a. A phek hnuai lam kil sirah chuan a signature ve deuh reuhin Ruatdiki tih chu a ziak bawk a,hmuh a nuam kher mai,"Bawihte,ka lawm lutuk e aw,"tih pahin a biang tawn tawnah chuan ka fawp a,"Aû,kei pawh ka lawm e,"tiin ka biangah chuan min rawn fawp ve bawk a. Hlim taka kan inkawm lai chu ka nu chuan ngawi rengin hmuhnawm ti takin min lo thlir reng bawk a.

Zing lam dar 9:00am velah kan In chu ka thleng a,ka chhungte chu an lo awm kim ṭhap mai a. Ka nu in min hmuh chuan min lo kuah nghal a,"Bawiha,Bawihte,i ṭha tiraw? Ka ngaihtuah lutuk che a sin,"a lo ti nghal mawlh mawlh a. "Aw ka nu,ka ṭha lawm min ngaihtuah suh,"ka lo ti mai a. Ka pa chuan,"Lo kal teh Bawiha,"tih pahin a bulah chuan min ṭhut tir a. Ka û te pahnih pawh chu an rilru a hah tih hriat ngawih ngawih hian an ngui nghiai mai a. Ka pa chuan,"Eng pawh nise Bawiha,keini hi i nu leh pa te kan ni tih hria la. Anni hi i û te an ni,kan hmangaih che a i hlim loh hi kan hlauh ber a ni ṭhin.Mahse,Bawiha,a lo hlim reng theih ṭhin si loh a nih hi,"a ti a,a hmel chu a ngui nghiai mai a. Ka khawngaih khawp mai,"Ka pa,eng pawh thleng se ka kalsan lo ang che u. Nang ni hi ka chhungte chu in ni a lawm,"ka ti zawi sup a. Mahse,ka pa chuan,"Bawiha,vawiinah i pa a rawn kal dawn a. A kiangah kum 1 vel awm turin a rawn hruai ang che,dawr erawh i enkawl reng thei tho a nia,"tia a sawi chiah chu ka tliak hnawp ni berin ka hria. Kha mihring sum duh lutuk bulah khan kei hi ka awm ang maw? A teuh lo lutuk,ka ngaihdan pawh min râwn lovin eng vangin nge thutlukna an lo siam? Ka thin a rawn rim thar leh thut a,"A ṭha lawm engmah min hrilh lovin,ka hriat miah lohvin thutlûkna in lo siam a. Ka hlimna duh ni u la,hetiang hian thutlukna in siam lo ang. Dawr pawh ka enkawl tawh lo ang,tu bulah mah ka kal lo bawk ang. Tumah hian min ngaihsak tak tak lo,"tiin ṭap ṭeuh chungin ka tlanchhuak nghal a. Ka nu leh ka û ten min auhna pawh chu ka ngai pawimawh duh tawh lova. Ka bike chu ka ti nung a,pan tur lam bik pawh hre lovin ka tlanchhuak nghal a.

Ka phone chu ka la on lova,ka awmna pawh hi ka hre lo. Ka nâ ngawih ngawih tih chiah ka hria a ni,ka kawchhung aṭang chuan min rawn hnawh up up ni ber hian ka hria. Ka hun tawn mek chuan min ti nâ a ni,thih mai pawh ka hreh tawh lo. Engmah ngaihtuah lovin World Bank road lamah ka tlan thla a,hemi ṭum tluka thih châk hi ka la nei lo ang. Bridge bulah chuan ka ding a,eng pawh ti turin ka in peih tawh a ni. Ka phone chu ka on a,whatsapp message a rawn lut nghal zut zut a. Dintei'n min la rawn call zui,ka reject zel a;mahse,a beidawng duh lo. Vawi 7 vel a rawn call hnu chuan ka chhang ve chauh a;

"Aw,"

"Khawnge i awm?,"

"I tan a pawimawh lo,"

"Khawngaihin i awmna min hrilh rawh,M,"

"Mangṭha aw Dinte,"

Ka phone chu ka off a,sim card ka phawi nghal a. Bridge ko tlangah chuan ka ding vang tawh mai a,ka mit ka chhing a,"Ka nu,ka pa,min ngaidam ang che u aw,"ka ti sap a. Mahse,ka hnung aṭangin tu emaw hian min rawn pawt her sawk mai a,"Mawla,eng thil nge tih i tum hi? Ngatinge nangmah chiah i in ngaihtuah a?,"Dintei chuan mittui parawl kiangin min en a. Sawi mai tur pawh ka hre lo,Dintei chu ngawi rengin ka en reng ringawt a.

[23/03, 07:54] Rs Thangluah: *KA LEI VANTIRHKOH*

BUNG-33 NA

By:- *Rs Thangluah{Remz}*

Ka nu chuan,"Aww kei hi damdawi lei ka ngai tak e a,in ngaihtuahawm loh ang tiraw? Damdawi ka zu lei lawk a nge aw,Canteen a lo awm si lova,"a ti a,a insiam nghal malh malh a. Dintei chuan,"Ngaihtuahawm love kan ṭha lawm,"a lo ti vat a. Ka nu chuan damdawi lei turin min chhuahsan ta a. 

"Ka sual man chu ka hmu ta a nih hi,"ka ti zawp sup a. Dintei chuan,"Tiang khan ngaihtuah tawh suh,mihringte hian kan sual man hi hmu zel dawn ila tumah dam khawchhuak tur kan awm lovang. Eng harsatna pawh hi mihring te chungah chuan a thleng vek thei a lawm,"tiin nui sen sen chung chuan min lo en a. "Mahse,ka dam chhungin ka ke hian ka kal thei tawh dawn lo tih chu i hai bik lo tiraw?,"ka ti leh a,"Ni lo e,i beidawng mai emni a? Engkim a ṭha leh vek dawn a lawm,"tiin ka kut chu a rawn vuan a. Mak ka tih em em ṭhin chu,Dintei hian eng harsatna pawh tawk se hrehawm ti hmêl a pu ngai lova. Engtiklai pawn hlim hmêl a pu reng thei hi a ni,"Ka dam chhungin ka ke hian ka kal thei tawh dawn lo tih i hre reng a. Chuti chung chuan,'Engkim a ṭha leh vek mai ang,'tiin min la hrilh maw? Nang chu,i ke ruh a tliak a ni mai a. Mahse,kei hi min en teh zeng ka nih tawh hi,"ka sawi zawng chuan ka âw te chu a khur der derin ka hria. Dintei chuan ka kut chu a hma aia nghetin a rawn hmer a,"M,tiang hian awm lo teh khawngaihin. Ka hmangaih che a sin,"a mittui chu a biangah chuan a rawn luangthla ngiai ngiai a. Sawi tur a van vâng tak êm! Room chhung chu a reh tlawk tlawk hi a ni ber mai,hriau pawh thloh mah ila a ri a ring viau maithei a ni. Dintei chuan a mittui chu a hru hul mawlh mawlh a,ka kut a vawnna chu a thlah riai riai a,"Ka tihpalh lutuk aw,ka sawi loh tur ka sawi a ni. Hre lo angin i awm dawn nia,"a ti a,ka khum aṭang chuan a khum lam panin a bai phei auh auh mai a. Ngawi rengin ka thlir a,engmah sawi tur ka hre lo a ni. Mahse,Dintein min hmangaih thu min hrilh chu ka bengah chuan a ri awn awn thung a.

Pathianni chhun a ni a,inkhawm banah chuan kan chhungkhat laina te leh kan ṭhiante ho chu min kan turin an rawn kal sap sap hlawm a. Na lutuk kan ni tawh loh vang chuan kan harh ṭha ve tawh khawp mai,Dintei thawhpui te ho pawh an lo lang ve ṭak ṭak hlawm a. Mahse,chawhnu lam ah chuan min haw san leh diak hlawm a.

Tlai lam dar 3:00pm ah chuan rin loh leh beisei loh lutukin Mercy a rawn lang hlawl mai. Mahse,rin aiin a dul chu a lo lian tawh a,hmuh a nuam vak lem lo khawp mai. Ka û leh ka nu chuan an lo be nghal vat a,a inthlahrung ve deuh nge ni a ṭawng tam lo khawp mai. Kei lah chuan ka lo be lem lo bawk a,Dintei erawh chuan ṭha takin a lo be thung a,"I van fel ve a,kan lawm khawp mai,"a lo ti ve luam a. Mercy chuan,"Nia aaa...a fel tak tak theih loh. Ka awm rei hman bawk si lova,hei hian ka rawn kan ve ang che u,"tiin ₹500 note 2 hi a rawn phawrh a. Midangin an lo chhan hma chuan ka lo chhang vat a,"A ngai lo kan mamawh lo,la let leh rawh,"ka lo ti bung nghut a. Nuam lo chu a tih ve hmel khawp mai;mahse,ka ṭawng chu a hre lo der niin ka hria,"Ka rawn kal leh khât tawh dawn sia,in mamawhnaah in lo hmang ve dawn nia aw,"tiin ka nu kutah chuan a hmehbel chawt chawt a. Ka nu in a biak leh hma chuan min chhuahsan nghal daih a. "I van ho tak khatikhan ṭawng khum kher a ngai mi? A inthlahrun tawh dawn sa teh reng nen,"tiin Dintei chuan min lo hau a. Ka û pawh chuan,"Dik chiah i ti khawngaihthlak lutuk,a ngai pawimawh che a a rawn kan ve ṭawk ṭawk che a lawm zawk ta che,"a lo ti zek a. Mahse,engmah ka sawi tawh lo ka nu chuan,"Imm duhtawk ang u,hei in damdawi ei a hun ṭep tawh nia,"tiin thil dang a lo sawi daih a.

Damdawiinah chuan thla 2 vel kan awm hnuah kan chhuak ve ta. Mahse,lawm a famkim thei lo a ni,kumkhuain ka ke in ka kal thei dawn si lo. Ka khawvel a van zîm dawn tak êm! Ka chan tur chu Wheel chair a ni mai si,bei a dawng ngawih ngawih mai a ni. 

Inah chuan ka nu chuan min awmpui chawt mai a. Ka dawr pawh ka enkawl chhunzawm thei tawh si lo,ka pa pawh a ruk tak chuan a mangang tih ka hria a ni. Mahse,tih theih a nei tlem ve bawk si,a tih theih awmchhun chu ka tan nitin ṭawngṭai a ni mai si. Mahse,keimah ber hi ka beidawng a ni,hetianga hun hmang reng aichuan thih daih pawh ka châk rum rum mai.

Ka nu nen chuan sitting room-ah T.V en in kan ṭhu dun a. Ka nu chuan Dintei fel zia leh puitlin zia sawi malh malh pahin, tlaia a chawhmeh siam tur maian a hik mawlh mawlh bawk a. Kei chuan Wheel Chair-a ṭhu chungin ML ka khel char char thung a. Ka nu thusawi chu ngawi rengin ka ngaithla char char a,ka game khelh pawh chu ka rilruah a lut lem lo. Chutia ka nu ṭawng ka ngaihthlak malh malh lai chuan bell a rawn ri ral ral a,ka nu chu kawngkhar lam panin a kal phei nghal hlawk hlawk a.

Reilote hnuah ka nu leh hmeichhe pakhat hi an rawn inzui phei a. Chu nu chu tudang ni lovin,ka nu min hringtu nu ngei chu a ni. Ngawi rengin min rawn pan a,"Ka tihpalh aw Bawihte,i nu hian ka ti hrehawm rei mah mah che a ni tiraw? Min ngaidam mawlh mawlh ang che aw,"a ti a,a mittui chu a rawn luang zung zung a. Sawi mai tur pawh ka hre lo,ngawi rengin ka nu chu ka en reng ringawt a. Ka nu(min enkawl seiliantu zawk tu) chuan a kokiah a rawn vuan a,"Hun kal tawh chu hun kal tawh a ni a. Siamṭhat leh tum mah ila kan siamṭha thei tawh lo,hun kal tawha in hambuai leh aichuan kan tun hun hman mek hi a pawimawh zawk a sin. Bawiha chuan a nu a hmu  a,a tan chuan a lawmawm lutuk zawk a lawm. I ṭap lai hmel kha i fapa khan a hmu duh lo a nia,"a rawn ti dam diai a. Ka nu(ka nu tak zawk) chuan,"Ka lawm lutuk aw,khang hun chhung zawng zawng khan ka hlim ngai lo. Zanah ka fapa hi ka mumangah ka hmu ziah ṭhin a,hrehawm ka ti thei lutuk a sin. Mahse,nangni ang a nu leh pa ṭha hian in lo enkawl a ka lawm takzet a ni,"tih mawlh mawlh pahin ka nu chu a kuah a. 

"Tunah hian apa khan a fapa hi rawn lak let leh tumin hma a la char char reng a. Mahse,kha mihring duhãm leh pamham lutuk bulah khan ka fapa hi a awm ka remti ngai lo ang. Ka pa khan a dam lai khan a ro zawng zawng hi kan fapa tan hian a dah tawh a. Chu chu kha mi duhâmpa khan a lo la hre reng a nihkha,engti kawng zawng pawn a fapa hi rawn lâk let a tum ang. Mahse,in kiangah hian a him tih ka hria khawngaihin min hum sak hram ru aw,"tiin ka nu(ka nu tak) chuan ka nu(min enkawl seliantu) bulah chuan a ngen mawlh mawlh mai a. Ka nu chuan,"Tehreng mai,lungngai reng reng suh. I fapa a ni a,kan fapa pawh a ni bawk a kan hmangaih a kan chân phal lo. Eng pawh thleng dawn se,kan bulah a awm reng ang,"a lo ti ve mawlh mawlh bawk a. 

Wheel Chair-a ṭhut ngawt ngawt a,vah chhuah theih si loh chu a van hrehawm tak êm! Jo leh Mawia pawh an hunâwlah an rawn lang ve leh zauh zauh ṭhin a. Mahse,a hma ang khan lêng kualin kan inkawm thei tawh si lo a khawhar thlak ve ṭhin khawp mai. Ka nu chuan ka khawhar lutuk hlau in lehkhabu chhiarturte min leisak a,chhun lamah chuan ka inchhiar nileng ve leh ṭhak ṭhin a. A châng chuan,ka nu(min hringtu)pawh a rawn lang ve leh zauh ṭhin. Phone a neih loh vangin kan Ina a rawn lên bak hi chu kan inbe thei lo,ka ngai ve ṭhin khawp mai. Ka nau te reuh pawh kha a ngaihawm khawp mai,ka lem a ziahte pawh kha ka la dahṭha vek a ka tan chuan an hlu takzet a ni.

Pathianni tûk a ni a,ka pa chuan chhung inkhawmnaah hun a hmang a. A bei rei khawp mai,sawi tur a ngah bawk a sermon puitling a ni ringawt mai hian ka hria. 

Chaw eikhamah chuan ka û chuan ka thuamhnaw hak tur min rawn thlak sak a,"Nizanah Dintein min rawn call a,i chanchinte min rawn zawt a. Vawiinah inkhawmbanah a rawn lên tur thu te pawh min hrilh a sin,kan va lêng leh ta miah lova ka inthiam lo ang reng tak tak a ni,"tih pah chuan thuamhnaw chu min hak tir malh malh a. "A ke a na tawh lo mi?,"ka lo ti vat a. "Imm na tawh vak lo a niang,'Rin aiin ka dam chak'a tia. A hrim hrimin a chanchin i van hre lo ve a,i be ve ngai lo mi?,"tiin min zawt let thung a. "Be vak ngai lo e,"ka lo ti ringawt a,ka û chuan,"Be ve ṭhin ta che,a ngaihsak ṭhin teh lul che nen. Whatsapp-ah hian nitin zantin i chanchin hi min zawt ṭhin a sin,"a la ti zui a. Ni e,Dintei hi chuan min ngaihsak tih ka hria a lawm. Min ngaihsak satliah mai a ni lo,min hmangaih a ni;mahse,min hmangaihna hi ka phû lo a ni. Ani ang hmeichhe fel leh ṭha hi kei ang hian ka phû hlawl lo a ni.

Ka pa chuan min pawm nawlh mai a,motor-ah chuan min ṭhut tir a. Ka û te 2 leh ka nu chuan min rawn zui nghal bawk a,ka wheel chair chu a hnungah an dah a. Biak In lam pan chuan kan dûk chhuak nghal par par mai a. 

Inkhawm banah chuan ka pa chuan motor ah chuan min pawm lut leh mai dawn emaw ka tia. Mahse,min kal pel nul nul mai,ngatinge mawn le tia ka ngaihtuah lai chuan ka hnung aṭang chuan tu emaw hian min lo nawr a. Ka hawi let chiah chu,Dintei chuan min lo nuih sen sen mai a. A van hmelṭha chiang kuang tak êm! Vantirhkoh hmu ang mai ka ni,ṭawng nachang pawh ka lo hre lo leh pek tawh a. Amah zawk chuan,"Tinge i va hawi â nasa ve? Hmuh thiang lo i hmu mi a?,"tih pah chuan a nui var var a. Ka hawi sawn rang teh a sin,ka tukhum thak miah lo chu ka hiat sawt sawt a,"Aaaaa aw aa engmah ni lo e,"ka ti bah deuh niai mai a. Huiham, hmeichhe hmelṭha deuh ka hmuh hian tinge ka buai vek zel le? Dintei chuan,"Vawiin chu kan 2 in kan haw dawn nia aw,"a rawn ti zawi sap a,muang changin min nawr lir ta a. Kan hnungah chuan ka û te 2 chuan min rawn zui bawk a,Dintei chu in dîm turin an rawn chah mawlh mawlh bawk a. Mahse,Dintei chuan nui chungin,"Keichu ka ṭha tawh lutuk a lawm,engmah nâ pawh a awm tawh lo,"a lo ti thung a. Hetianga Dintein min ngaihsaka min ngaihtuah hian,a ruk tak chuan ka hlim ve veng veng ṭhin. Mahse,heng zawng zawng hi kei ve tehlul hian ka phû lo takzet a ni.

Dintei chuan In thlengin min nawr thleng ve zak mai a. A mipa zawk enkawl ka ngai hi chu a tlawmngaih thlak ve ngawt mai. Mahse,a loh theih si loh,"Dintei pawh a hah tawh viau ang,thingpui ka han lum a nge,"tiin ka û chu choka lamah chuan a phei nghal a. Ka pa chuan,"I ke chu a na tawh lo tak tak a maw? La indîm deuh la chu a ṭha maw le,"a ti ve siam siam a. Dintei chuan,"Aw na tawh lo tak tak e,rin aiin a dam chak a,"a lo ti nghal vat a. Ka nu chuan,"I pu a ṭha zel maw? Kan buai buaiin kan buai a,kan rawn lang hman meuh lo a ni,"a lo ti ve bawk a. "Aww ka pu pawh a ṭha e,ni e in buai lutuk tih ka hria lawm. Lo lêng tur phei chuan ka phût lo che u,in naute hi a la damṭha si lova lên chhuah san daih chi pawh a nih loh hi,"tih pahin min rawn melh zauh a,a nui var var a. Ka sa pup pup in ka hria,ka hmai vel pawh chu a sen vek ngei ngeiin ka ring a ni. Ka nu chuan,"Ni e hei kan naute hi lên chhuah san chi miah loh,"tih pahin a lo nui ve hawk hawk a.

Ka chhhungte ho chuan chawhnu inkhawm turin min chhuahsan diak a. Dintei nen chauh chuan kan awm ta rân mai,ka lâi deuh ṭût leh nghal a,a van nuam lo ṭhin tak. Sawi mai tur pawh ka hre leh ta lo,amah zawk chu a rawn ṭawng hmasa leh nge nge a,"Nimin chu sawta kan inhmuhnaah khan ka va kal leh a,"tiin bul a rawn ṭan hmasa phawt a. Engtinmah ka chhang lova,a thusawi chu a rawn chhunzawm leh a,"Tinge engmah min hrilh lohva? Ani kha i nu a ni tih hi tinge min hrilh loh?,"tiin min zawt ta nge nge a. "Ka tihpalh lutuk aw,hrilh che ka tum ve reng a lawm. Mahse,tiang khan kan awm leh ta sia pawi ka ti khawp mai,"tiin ka thiam ang tâwkin thupha chu kan chawi ve a. "Ani khan he thil hi pe tur che in min ti a?,"tih pahin Sana hlui ve deuh tawh hi a rawn lek chhuak a,"A sawi dan chuan,i pu in a pek che a ni awm e,"a ti leh a. Ka pu chu eng ang hmelpu nge a ni tih hre lo mah ila,a tupa hi min hmangaih takzet a ni tih ka hria a ni. Ngawi rengin sana chu ka la a,"Thudang engmah sawi a nei lo a mi?,"ka ti leh a. "I pa chungchang a sawi a,police hnena report mai a duh thu te a sawi a,"a ti leh a. "Tinge?,"ka lo ti deuh hâ mai a,"Thah ah a lo vo ṭhin a ni âwm e,chubakah a sumdawnnaah hian hnuhluh ve phêt a tum a nih hmel,"a ti leh a,ka nu chu ka ngaihtuah khawp mai. Kha mi duhâmpa khan a that hreh miah lo ang,"Zaninah ka pa bulah engkim ka sawi a nga,ka nu chu kan kiangah hun rei lo te chhung awm turin ka lo dîl sak dawn nia,"ka ti ta a. Ni e,ka nu khan min tlanbo san mah se,ka nu a nihna a bo chuang lo. Ani chuan min hmangaih a,ka tan a ṭha tur a ngaihtuah ṭhin. Ka pa erawh chuan sum chiah a la ngaihtuah a. Tunah chuan ka nu hi ka venhim hmasak a ngai a ni.

Ka pa leh Dintei chu ka nu te nufa awmna lam pan chuan an in phur chhuak ta a. Ka nu nen chuan In lamah kan lo nghak thung a;mahse,vawiin ni hi engnge a chhan pawh ka hre lo. Ka chungah hian thil ṭha lo a thleng dawn tlata hriatna ka nei a,a rukin chhungrilah chuan ka nguai a ni. 

Tlai lam dar 4:00pm velah chuan ka nu chuan phone call a dawng ta,ka pa te an ni tawh ngei ang;

"Aw Bawiha pa,"

"Eng a?,"

"Awle awle,"

Ka nu chuan phone chu a dah a,pawnah a chhuak daih a. Mi tu emaw a bia a ni;mahse,a ṭawng erawh ka hre thei lo a ni. Rei vak lo hnuah a rawn lut leh a,min rawn pan a ka kut a rawn vuan a,"Bawiha,...,"a hmui a pet fan fan a. A thusawi tur chu a sawi hreh hmel khawp mai,thâwk a han la hak a,"I i nu chu tunah damdawiin lamah an kalpui mek a nihchu,i pa te chu an tlai hret a nih hmel khawp mai,"a ti chuai raih a. Ka nu thusawi chuan min van ṭhawng tak êm! Ka inrin hman hma in ka mittui chu a rawn tla nghal sawk a,ka nu chuan min rawn kuah a,"Bawiha,engkim a ṭha leh vek mai ang aw,i nu khan a kalsan dawn miah lo che a nia aw,"tiin min hnêm mawlh mawlh mai a.

[23/03, 07:54] Rs Thangluah: *KA LEI VANTIRHKOH*

BUNG-34 NA

By:- *Rs Thangluah{Remz}✍🏻*

Ka nu min hringtu ngei chuan min kalsan ta! A bulah rei tak pawh ka awm hma in min kalsan ta si. Ka nu lakah khan bat ka ngah a sin,ka hmangaih thu leh ka ngaih ṭhin zia thu pawh ka la hrilh hman si lo. A nunna laksaktu ka pa min hringtu ngei hi ka dam chhungin ka haw tawh ang. Mahni nupui te nunna la duh hial khawpa nunrawng pa ka nei hi ka zak khawp mai. Ka pa chu Police ho in an man rang khawp mai,a case pawh smugling leh tualthah case a ni. Rei tak chhung Jail-ah hun a hman ve ngei ka beisei a ni,ka pa an man rual chuan smugling lama a thurualpui ṭhin ho;Mercy ṭhiannu Hilda te unau leh Mercy fa paina pa ka lo thîk em em ṭhin kha man tel an ni bawk a. Chutiang thu ka hriat phei chuan mak ka tiin ka thin a rim lehzual a. Ka û in min hrilh dan phei chuan,Mercy pa pawh hi an rinhlelh leh an chhui zui zingah a tel ve a ni âwm e. Mak ka ti telh telh mai,mihring ngaihah chuan mifel kohhrana in hmang kohhran Upa hial a ni a. Mahse,kan lo hriat chian meuh chuan kan rin ang a lo ni leh si lo. Mihring hian kan nihna diktak hi kan lo va inthup thiam tak êm!

Ka nu chu kan veng thlanmualah vûi liam a ni a. Ka nau duhawm tak pawh kan hnena awmchhunzawm turin thu kan ti tlu ta a. Ka chhungte pawn an duat in an ngaihsak khawp mai;mahse,naupang na na na chu a tlangnêl ve har khawp mai. Ka bulah erawh a tlangnêl em em thung a.

Vawiin chu sawifiah thiam si loh in ka khua a har ngawih ngawih mai a. Ka hun liam tawh tam tak ka ngaihtuah a,kalsan ka nih a fahrah chawmna Ina hnutchhiah ka nih dan te. Ka rawlthar chhuak ka nghal hma zia leh ruihhlo ka khawih hma zia te,thildang zawng zawng aia ruihhlo ka thlan zawk ṭhin zia te. Ka nuna a hmasa ber atan Mercy ka tawn dan te,Dintei nen kan intawn dan leh tun thlenga ka tan a awm reng ṭhin te. Fa lak ka nih thu ka hriatchhuah dan te leh ka nunna hial lâk tum a ka beidawn hnuah,Dintei'n min rawn chhanchhuah dan te chu ka ngaihtuah nasa khawp mai. Engkimah chuan Dintei chu ka tan Lei Vantirhkoh a ni berin ka hria. Mercy nen kan intih thiam loh apiangin inrempui turin thurâwn min pe ṭhin a. Engkimah min ngaihsak em em thung a,ruihhlo ṭhat loh zia min hrilh châmchi tu a ni a. Beidawng ngai lo tur leh hma lam pan tura min hrilh ṭhin tu a ni bawk,khang zawng zawng kha min hmangaih vang a ni ka ti lo thei lo. Mahse,kei ang mihring hian ani ang hmeichhe fel leh rilru thianghlim hmangaihna kha ka phû lo a ni. Mahse,eng emaw châng hi chuan Dintei hi ka ngâi ve ṭhin,a hriat miah loh hian ka lo ngâi ve em em ringawt mai a ni.

"Bawiha,...Bawiha,"tia ka nu in min koh chuan ka phu deuh zawk a. "Aw engnge ni ta?,"ka lo ti vat a. "Hei In leng i nei a,"tih pahin sitting room lamah chuan pa pakhat nen hian an lo phei a. Chupa chuan min rawn nuih var var a,"I pu nen pawh in inang khawp mai. Kei hi i pu Ukil ka ni a,eng emaw ziahfel pui tur che ka nei a ka rawn kal a ni,"tih pahin a kut chu ka lamah a rawn phar chhuak a. "Aw a nihchu a va lawmawm ve,lo ṭhu la,"tiin ṭhutna te chu ka lo kawhmuh nghal vat a. Chupa chuan a file rawn ken chu dawhkanah chuan a pharh a,"I pu khan a ro zatve zawng hi i hmingin a dah a. Chumi chu rawn hrilh tur che a rawn kal ka ni a,hmanni deuh khan i pa leh a ṭhuihhruai te ho khan he lehkha hi min laksak tumin min rawn bei chiam mai a. Mahse,kei hi i pu tan kum 10 chuang ka lo thawk ve tawh a. Chuvang chuan khang mi duhâm ho khan i pu in hah taka a thawh chhuah sa hi an neih ka rem ti lo a ni. Tunah chuan a nei tu tur dik tak hnenah a awm tawh ang,hetah hian i hming i sign dawn nia,"tiin ka hming ka sign na lai tur chu min hrilh a. "Ka sign hma in khawngaihin ka pu thlalak 1 tal min entir tur i nei em? Ka pu hi a hmel vawikhat tal hmuh ve ka duh a ni,"tiin ka pu Ukil chu ka dil tawp mai a. Ka pu Ukil chuan a wallet aṭang chuan thlak 1 hlui zet hi a rawn phawrh a,"Hei hi nia i pu chu,"tiin thlalak chu min rawn pe a. Ka pu thlalak ka hmu chu ka phuzawk mai a,mak ka van ti kher êm! Dintei Pu nen danglamna engmah an nei lo,"Ka pu hi a la dam em?,"ka ti nghal vat a. Ka pu Ukil chu a nui suk a,"Mak i van tih hmel ve a,i pu chu a boralna a rei tawh a lawm. Mahse,i pu damloh laia enkawl ṭhintu fanu ang chiaha a en ṭhin chu a la dam,"tiin min hrilh leh a. Ka nu lam chu ka hawi a,"Nu,ani hi i hre ngai em?,"tiin ka pu thlalak chu ka entir nghal a. Ka nu pawh chuan mak a ti ve khawp mai,"Dintei pu nen danglamna engmah ka hre lo,"a ti ve bawk a. Ka pu Ukil chuan,"Eng pawh nise,hna dang thawh tur ka la ngah deuh a. Ka kalsan phawt ang che u,eng emaw hriat belh tur leh hriatthiam loh te in neih chuan hei ka number a nia min lo be mai dawn nia aw,"tiin a Business Card chu min pe a,min chhuahsan ta rih a.

Ka nu chuan thlalak chu a en nawn leh ṭhin a,"Dintei pu chu a nih ka ring chiah bawk si lova. Mahse,danglamna erawh an nei si lo,"a ti leh ṭhin a. Ka nu bulah chuan,"Nu,Dintei pa khan tinge Dintei nau te chiah kha rawn lak a tum a?,"tiin ka zawt a. Ka nu chuan mak tih hmel takin min en a,"Tinge chu thil chu min zawh daih a?,"a rawn ti a. "Aaa engmah ni love ka zawt mai mai che,"ka ti ringawt a. Ka nu chuan ka kutah a rawn vuan a,"Bawiha,he thu hi sawi chhuaktu nih ka duh ngai lo. Mahse,i hriat ve ngei a ngaiin ka hria..,"a ngawi vang vang a,a âw a thian kharh kharh a,"Dintei hi an fa lak a nia,fa an nei thei tawh dawn lo emaw tiin an beidawngin Dintei hi fa atan an la ta a lawm. Mahse,Dintei an lâk aṭanga kum 7 na velah hei fa an nei leh ta si a,"tiin ka nu chuan Dintei chanchin chu min hrilh ta a. Mak ka van ti leh zual tak êm! ,"Chuan,amah hian fa lak a ni tih a in hre lo mi?,"ka ti leh a. Ka nu chuan,"Hria e,ṭum khat a pa zu ruiin fa lak mai mai tiin a ânkhum hrep a. Chumi ṭum i Pitei bulah a rawn zualko a,i Pitei te nupa in an lo khawngaih sia. An Inah an awm tir rih a;mahse,kar 1 hnu velah ngaihdam te a rawn dil a. An in ngaidam a,chumi aṭang chuan a pa pawh chu a lakah a in thiam lo ve deuh a ni ngei ang. A zu in te pawh a sim a;mahse,Dintei nu in a boral san leh ta si. An vanduai a kaltluang emaw tih mai turin,a nu boral aṭanga rei vak loah Dintei pa chuan hmeichhe dang a ûm leh ta si a. An lainatawm a sin aw,Dintei hi awm lo phei se chuan an khawngaihthlak ang chu aw,"tiin ka nu chuan Dintei chanchin chu min hrilh malh malh mai a. Mak ka tiin Dintei ka tluk loh zia chu ka hre chiang em em thung a,"E ihmaww Nu,damdawiina kan awm lai khan Dintei chuan min hmangaih thu min hrilh a sin. Mahse,engmah ka sawi ve lo,"tiin ka nui suk a. Ka nu chuan nui chungin,"Ni e,a hmangaih che tih hi chu ka hria a lawm. A ngaihsak zia che pawh ka hria;mahse,nang hian i rilruah Mercy bak i dah thei si lo a nihkha,"a lo ti a. 

Dintei chu ka sirah chuan ngawi rengin a ding a. A hma zawn chu ngawi rengin a en ngawt ngawt ringawt a,kei lah chuan sawi tur vak ka hre si lo. A van hrehawm ṭhin tak êm! Chutia 5mins vel kan ngawih reng hnu chuan,Dintei chuan"Vawiin chu thil sawipui duh che ka nei a,"a ti leh a. "Immm sawi la,"ka lo ti mai a,ngawi rengin tui chu a in khalh khalh a.

Keimah pawh min en lêm lo chuan,a hma zawn chu ding takin a en a,"Engtikniah emaw chuan ka chanchin lungchhiatthlak tak hi i la hre ve dawn tho tho a. Chutih hunah chuan,hrihlhai taka i awm loh nan keimah ngei hian hrilh che ka duh a ni. Khawngaihin min ngaihthlak sak thei ang tiraw?,"a ti a. "Aw thei e,"ka lo ti vat a,Dintei chuan a chanchin lungchhiatthlak tak chu tihian min hrilh ta a;

"Nikhua ka hriat theih chinah ka pa khan duat taka min pawm emaw min puak emaw lai ka hre lo. Ka nu erawh chuan duat takin min enkawl a,hmangaih takin min enkawl ṭhin. Thu ṭha tinreng min hrilh in,tih tur leh tih loh tur te min hrilh ṭhin. Zan tin mut dawnah ka lu chungah kut nghatin a ṭawngṭai ziah ṭhin bawk a,ka lo ṭhang lian a ka pumrua te  a lo lian ve ta a. Ka pa chuan awihawm loh khawpin min duat ṭhin;mahse,kha min duatna kha pa in fanu a duat dan nen erawh a danglam daih thung si. Class-Viii ka zir kumin ka pa chuan 1st Term exam ka pass lawm nan tiin ka pi te(Ka pa nu)khuaah min zin pui a. Chumi ṭum chuan ka zahawmna leh ka thianghlimna chu tihluihna hmangin tihchhiat sak ka ni. A awmzia chu kha ka pa khan min pawngsual a ni,ka nâ a sin. Engtinnge a fanu hi min pawngsual theih? A rilruah khan engnge awm? Chumi ṭum chuan tih luihna hmangin vawi 3 sex min hman pui a. Ka nu bula ka sawi chuan min thah tur thu in min vo bet tlat bawk a,ka hlau a sin. Kan zin haw chuan ka nu chuan ka mizia chu danglam a tih vangin a chhan min zawt ngei a. Mahse,engmah ka sawi ngam si lo,a hrehawm a sin. Ka nu chuan a khât tawkin harsatna ka neih leh neih loh min zawt ziah a. Mahse,engmah ka sawi duh ngai lo. A chhan pawh,kha mihring nunrawng lutuk ka pa kha ka hlau a ni. Tichuan,hun remchang a hmuh apiangin min mutpui ta ṭhin a,thih mai te kha ka duh rum rum ṭhin. Mahse,dawihzep taka tlanchhiat erawh ka duh si lo. A tawpah chuan ka pa chu ka vo let ve ta a 'Hetianga min mutpui reng dawn chuan ka nu bulah ngaihzawng i neih thu hi ka sawi ang'tiin ka vo ve ta a. Khatih lai khan ngaihzawng a nei tih pawh ka hre lo,vo nan chiah ka hmang a ni. Mahse,ka rin loh leh beisei loh lutukin a lo nei ta si. Chumi ṭum chuan chaw einaah a zu ruiin min ânkhum chiam leh nghal a'Nang hi kan fa tak tak pawh i ni lo,kan fa lak i nihkha. He In chhunga awm ve tlak pawh i ni lo,'tiin min ânkhum chiam chiam mai a. Khami ṭum zet kha chu ka nâ a ni,ka chunga a thil tih engkim kha puan chhuak vek mai kha ka châk a. Mahse,ka nu ka ngaihtuah a,a rilru engtiang takin nge a nat ang? Chu aichuan keimahin hrehawm chu ka tuar tlang zawk mai ang tiin rilru ka siam fel ta a. Kan In aṭangin ka chhuak a,i Pitei bulah ka kal a ka pa min ânkhum dan pawh ka hrilh vek a. I Pitei te bulah chuan kar 1 vel ka awm hnuah ka pa chuan ngaihdam min rawn dil a. Chutianga pa in fanu te ngaihdam min dîl ta chu tiin ka lo ngaidam a,In lamah kan in hruai haw leh a. Ka nu bulah erawh zawhna ka ngah khawp mai,fa lak ka nih chung chang chu ka zawt nasa khawp mai. A tawp a tawpah chuan ka nu pawh chuan hreh tak chungin min hrilh ta a. Mahse,min en hran loh thu leh min hmangaih thu erawh min hrilh ngun mawlh mawlh khawp mai. Ni e,ka nu kha chuan min en hrang ngai lo tih ka hria;mahse,min dampui rei lo êm a tin ni. Ka nu in min boralsan hnu phei chuan ka pa chuan chhiahhlawh tlukah pawh min ngai lo. Ka pu leh ka nau te 2 erawh chuan min ngaina em em thung a,ka nu in min boralsan hnu rei lo te ah ka pa chuan nupui dang a nei ngei bawk a. Engkim chu ka kutah a awm vek a ni,ka hma hun chu a thim mup ni mai hian ka hre ṭhin. Khang hun lai khan Pathian âu ṭhin lo ila chuan tun dinhmun hi ka thleng miah lo ang,"tiin a mittui hruk zauh pah chuan a chanchin chu min hrilh ta a. Ka chan leh a chan chu ka khaikhin ṭhin a,ka van tluk lo tak êm! A thisen zawmpui ni miah lo chu a enkawl mêk a ni si a,hmeichhe ropui tak a van ni chiang tak êm!

"Chuan maw,thudang sawi tur ka nei leh a,"a rawn ti leh sap a. "Aw sawi la,"ka lo ti vat a. "Hei chu thu lawmawm lam a ni thung,i nu khan lehkha min hnutchhiah a. Kan boruak kha khatiang neihnuai kha a nih tak avang khan engmah ka la hrilh hman lo che a,pawi ka ti khawp mai. I nu lehkha min hnutchhiah chu hei hi a nia,"tiin lehkha chu min rawn pe a,ngawi rengin ka la a. Lehkhapkheka thu inziak chu ka chhiar ta a;

"Dinte,a hmasa in lawmthu ka hrilh duh che a ni. Hmangaih tak leh duhsak taka ka fapa thuṭha i lo hrilh ṭhin avang leh,ka pu leh ka nau fate i lo enkawl avangin i chungah hian ka lawm takzet zet a ni. I pu leh ka pa hi phir an ni a;mahse,an tet te aṭanga lak hran an ni a. Ka pa hian i pu hi a zawng reng ṭhin a sin;mahse,khawi lamah nge zawn tur tih leh a awmna chin a hre si lo. Ka bula i rawn kal hnuhnun ber ṭum a in chhungkaw thlakak min entir khan ka hre nghal a sin. Ka pa boral tawh kha a rawn tho leh tiin ka lo hlim ru lutuk a sin. Mahse,khami ni khan engmah ka hrilh hma che in thil dangah ka buai leh ta si a. He thu hi ka hrilh hman loh che ka hlauh êm avangin ka hunawlah i tan he lehkhathawn hi ka ziak ta a ni. Ka pa khan a unaupa chu hmuh a châk ṭhin thu te min hrilh nasa ṭhin a sin. Mahse,a hmuh hma in a boral ta si,a boral hma khan zawng chhuak ngei turin min chah a. Mahse,chu pawh chu ka tihpuitlin sak thei ta si lo. Eng pawh nise,ka fapa leh ka pa leh ka nau fate kha khawngaihin ṭha deuhin min lo enkawl sak dawn nia aw. Ka pa chuan,a unaupa tan engmah a hnutchhiah lo emaw ka ti a. Mahse,a ro chanve hi i pu tan a lo dah ve reng a ni tih a Ukil khan min hrilh a,ka lawmpui khawp mai. Kei erawh ka chanpual min pek chu ka pasal duhâm zet khan min laksak ta daih si a. Tihian,engmah nei lovin ka awm ta a nih hi;mahse,Vanah erawh rohlu ka khawlkhawm tawh a sin. Dinte,i chungah hian ka lawm lutuk a nia aw hlim deuhin awm reng ang che u."

Bawihtei Nu

Tiin a lo inziak a,a mak hle mai. Dintei pu leh ka pu chu phir maw an lo nih. Ukil pa khan tinge min hrilhfiah nghal mai loh le? Nge Dintei min hrilh hun hi a lo nghak zawk le? "Ka nu nen khan engtinnge in inhriat?,"tiin Dintei chu ka zawt thung a. A nui sen sen a,"Bawihtei leh ka nau te hi School khatah an kal a. Vawikhat an School in Parents Meeting an koh khan kan in kawm fuh hlauh mai a. Ka rin aiin biak a lo nuam a,a awmna te ka zawt a. Tichuan,ka rilru hah leh harsatna ka tawh châng apiangin ani chu ka pan ṭhin a. Ani chuan min lo hnêm ṭhin a ni,"tiin min hrilh a. A mak hle mai Khawvel hi,Dintei nen chuan cousin maw kan lo nih reng a. Ni lo,thisenah inzawmna kan nei hleinem,ani hi ka tana Pathian ruat chu a ni ngei ang.

"Ka hmangaih thei che a ngem?,"ka thusawi chu a âwm ang lo viau a ni. Dintei chu a nui a,"Chu zawng ka van hre lo ve aw,i duh chuan min hmangaih thei a lawm,"a lo ti a. Ka Wheel Chair chu ka kuai her a,Dintei hma chhawn zawng chuan awm a,"Ngatinge hmanah khan ka lo hriatthiam ngai miah lo le?,"ka ti zawi sup a. Dintei chuan,"Engmaw?,"tih pahin a rawn nui seih a. "Hmangaihna hi maw le,ka hrethiam chiah e. Ka hmangaih chu nangmah i ni,"tiin ka nui var var a. Dintei chu a rawn kun hniam a,"I thusawi hi i chiang maw?,"tih pahin ka samah chuan a rawn tuai a. "Aw Luka ziak tlukin ka chiang,"ka lo ti vat a. Dintei chuan,"Nih Luka ziah chu engnge?,"tih pahin a nui har har a. "Ka hre chuang nang,"ka ti a,ka nui zui hak hak a. "Kha i hriat miah loh kha,i thusawiah i chiang lo tihna nihkha,"tih pahin ka hnarah chuan a rawn pawt zauh a. "Aaaa nihchuan,ka hming leh i hming ka hriat tlukin ka chiang e,"ka ti leh a. Chutah zet chuan min hnial dan tur a hre ta bik lova,a thaw hak a. A inher vut a,min kalsan daih dawn emaw ka tia a rawn inher leh a,"Ka hmangaih che M,"tih pahin min rawn kuah a. Ka van hlim tak êm! Ka hlim lutuk hi ka biangah mittui a rawn luang hial nia. Engmah sawi lovin rei ngial chu kan inkuah vang vang a,"Ka hmangaih che Dinte,"ka ti zawi sup a. Dintei erawh chuan engmah a sawi thei tawh lo,a thinphu dup dup erawh ka hre thei thung a. Chu a thinphu dup dup chuan thu tam tak a sawi tih erawh ka hria a ni.

(Ti zawng kha ni leh phawt teh se aw,tih tawp kan tum ngial a. Ka ti tawp thiam leh tlat lo mai,ka ngaihtuah loh ang angin ka ziak a. Huiham...duh aiin a sei leh dawn a nih hmel. Next ah chuan ka ti tawp thiam tawh hrim hrim ang.🤭🤭)

[23/03, 07:54] Rs Thangluah: *KA LEI VANTIRHKOH*

BUNG-35 NA(LAST)

By:- *Rs Thangluah{Remz}✍🏻*

Ka thu hriat chuan min va ṭhawng tak êm! Mercy pa chu ka pa te nen an lo in thurual tih an hrechhuak leh ta zel a. Ani pawh Police lamin an la ve leh ta,kohhran rawngbawltu niin Kohhran Upa hian a ni a. A thil tih an hriat chhuah meuh chuan mi zawng zawng mak tih leh ti ti ti tamtu a ni. Mercy lah nise sáwn a pai mek a ni si a,ka lainat khawp mai. Anu erawh chuan a pasal thil tih chu a la pha mar char char thung a. Mercy erawh zah avangin pawn pawh a chhuak ngai meuh lo,a lainatawn ve khawp mai. 

"Mercy chanchin kha i hria em?,"tiin Dintei chuan message min rawn thawn a.

"Aih hre miah lo,tinge?,"

"In awhhlum a tum a;mahse,an chhan hman hlauh a. Tunah Civil Hospital-ah an awm,ka han chho ve a nge aw,"

"A va mak ve,aw nia han chho ve chhin la. Chanchin min lo hrilh leh la aw,"

"Awle nih ka kal aw,kinah ka lo call ang che,"

"Awle,"

Dintei rilru hi chu a van ṭha tak,mi tupawh mai hi a ngaihsak em em vek mai a. Ka tluk lo ve ngawt mai,ka tan chauh ni lo mi zawng zawng tan Pathian hian kan Lei Vantirhkoh turin a rawn tir a ni ngei ang. 

Dintei chuan min rawn call ta ngei e;

"Aw Dinte,"

"Damdawiin chu ka thleng tawh a. Amah chu a ṭha a;mahse,a naute pai lai hi a dinhmun a ṭha vak lo a nih hmel,"

"A va zia lo ve aw,midang an awm ve em?,"

"Aw kan awm nual mai,lo ṭawngṭaipui ve mawlh mawlh ang che aw,"

"Awle tehreng mai,"

"Nakinah chanchin ka rawn hrilh leh ang che aw,damdawi vel ka zu lei lawk a nge,"

"Awle awle,"

Huiham,khua a van var lo ṭhin tak êm! Ka nu chu ka bulah a rawn kal a,"Bawiha,Mercy chanchin kha i hre tawh em?,"a rawn ti ve bawk a. "Aw hre tawh e,Dintei'n min hrilh a. Naute dinhmun a ṭha vak lo a ni âwm e,lo ṭawngṭaipui turin min ti a,"tiin ka nu chu ka lo hrilh ve vat a. Ka nu chuan,"A van zia lo ṭhin tak e aw,Dintei chu a han chho ve mi?,"ka nu chuan a ti leh a. "Aw chho,nakinah chanchin min rawn hrilh leh ang,"ka lo ti leh a.

Rei vak lo hnuah chuan Dintei chuan min rawn call leh a;

"Aw Dinte,engnge chanchin?,"

"Naute chu an paih dawn a,zai turin an nawrlut chiah,"

"A van zia lo tak e aw,ka rawn lang ve thei bawk si lo. A van pawi tak,"

"Hei ka awm a lawm,ka awm chuan i awm ang a ni mai. Mercy nen pawh kan inbia a,rin aiin tuar dan pawh a thiam khawp mai. Lo ngaihtuah suh aw,a ṭha nia,"

"Awle awle nia,i awmnaah chuan engkim a ṭha vek zel tih ka hria lawm,"

"Imm nih ka dah rih phawt a nge aw,"

"Imm awle chanchin min lo hrilh zel la aw,"

"Awle,"

Ka û Damdawiin kal haw chuan,"Dintei chu kan tluk lo khawp mai. Vawiin pawh tirhkah berah an hmang a,a chau ngawt ang. Lei ngai awm se,amah hlirin a lei char char bawk si a fakawm ngawt mai,"a rawn ti nghal mawlh mawlh a. Ka nu chuan,"Ni e Dintei hi chu a fel ve ngawt mai. Kei tak pawh hian ka tluk lo ṭhin a sin,"a lo ti ve bawk a. Ka û chuan,"In zaina room-a Mercy an nawr luh dawna a thusawi te kha aw,Doctor leh nurse te meuh pawh an mittui a tla sin. Hei Video in ka lo la a,"tiin a phone chu a rawn phawrh a,Video chu kan en nghal a. Dintei chu Mercy bulah a ding a,tihian a sawi a;

"Mihring kan ni a,kan duh dan vekin kan chungah a thleng vek thei lo tih chu kan hre vek âwm e. Nang pawh i chunga thil thleng tam tak hi chu i duh dan a nih ka ring bik lo,kei ngei pawh hian ka chunga thil thleng hi ka duh dan a ni lo tih ka hria. Mahse,kan chunga rorel tu hian kan tana ṭha tur vekin engkim min rel sak ṭhin tih hi ka pawm thlap a. Chan tawka lungawi thiam dan te ka zir ṭhin,nang ngei pawh hian chu chu i pawm thiam a ngai a. Naute pawh Pathianin i neih rem a ti lo tihna a ni mai a,tuna i chunga thleng mek aṭang hian Pathian hian zirtir tur che a nei a ni ngei ang. Eng pawh nise,engkim a bul ṭanna leh a tawpna chu Pathian a ni tih hria la. Pathian kutah in hlan la,keini pawn kan lo ṭawngṭaipui mawlh mawlh dawn che nia aw,"tiin Mercy an zai tur chu a thlah liam a. Mercy pawh chuan a mittui a hru ve zauh mai,minute rei lo te an inkuah hnuah Mercy chu in zaina room lam panin an nawr liam ta a. 

"A thusawi chu a ropui hle mai,hun khirh tak a tawh lai pawh khan ani chuan Pathian a âu reng ṭhin a. Pathian pawh hian a theihnghilh lo a nih hi,ka tan chuan min vengtu KA LEI VANTIRHKOH a ni ka ti lo thei lo. Ka tan hian a hlu tak zet a ni,"ka ti ve mawlh mawlh mai a.

"M,kan intawn tirh khan hetianga kan awm hi i ring bik lo ang tiraw?,"tiin min rawn nui seih a,hetianga a nuih seih tawh hi chuan ka mur vek thei nia. "Aaa aw nia ring bik love. Mahse,hei hringnun hi a mak a nih hi tiraw?,"ka lo ti ve vat a. Dintei chuan,"Ni e a mak a nih hi,tunah chuan ka hrethiam ve ta. In hmangaih tak te chu Pathianin a intawn tir ṭhin tih hi,"tiin ka sam chu a rawn chûl a,a rawn kun hniam a,"Nang nen hian hringnun kawng kan zawh dun ang tih ka ring pha ngai lo. Sual ropui si,Scooty ten min thloh vel a,"tih pahin ka hnarah chuan a rawn pawt a. "Thil te hi i hre rei thei si,theihnghilh ve tawh em em rawh,"tih pah chuan ka nui hak hak a. "Teuh lo lutuk a,fa kan neih hunah kan fate bula ka sawi tur a nihkha,"tih pahin a nui zui hawk hawk a. "Kei hi pasal atan min nei duh a mi? Engmah ka nih loh hi,enkawl ngai ka nih hi,"ka lo ti vat a. Dintei chuan ka kut a rawn vuan a,"Ka mitah hian min en teh,kei hian i taksa mawina vanga hmangaih che leh duh che ka ni lova. I mizia vanga duh leh hmangaih che ka ni hek lo,ka hmangaih vang che a hmangaih che ka ni. I hria em? I thinlung kha keichuan ka duh a ni,"a ti a,ka mitah tak chuan min en kal mai a. Sawi tur ka hre leh ta lo,amah bawk chu a rawn ṭawng leh a,"I damchhungin enkawl ngai dawn mah la,pawi ka ti lo. Ka hmangaih ber enkawl tluka nuam a awm chuang dawn a mi? Nang hi ka tana Pathian ruat chu i ni,nang hi pasal ah ka nei lo che a nihchuan ka leng tar mai ang,"a ti a,engmah ka sawi ve hma in ka hmuiah chuan zawi te in a rawn fawp a,ka chhanglet rang teh a sin. Ani aia hmeichhe fel leh ṭha hi ka tawng leh tawh lo ang,tawn leh pawh ka duh tawh lo. 

"Ka hmangaih che,kumkhua in ka ta ni reng ang che aw,"tiin Dintei chu ka kuah vawng vawng a. "Kei pawn ka hmangaih che lawm. Kumkhua in i ta ka ni reng a nga,i bulah ka awm reng bawk ang,"tiin ka chalah chuan a rawn fawp a. 

Kumkhuaa awmdun reng tur leh in kalsan ngai lo tura in tiamin,lungsi taka hmangaih biahthu in hlanin tlai ni tla tur chu kan thlir liam dun ta a.

----A TAWP TA----

Ka story ziah te min lo ngaihhlut sak a,min lo chhiar chhuah sak ṭhintu te,comments ṭha tak tak min pe tu te leh ka tih dik loh lai te a dik zawk min hril ṭhin tu te zawng zawng chungah khan lawmthu ka sawi mawlh mawlh a. Link-a min dah luh sak ṭhin tu Boss J-a chungah pawh lawmthu ka sawi mawlh mawlh bawk e. In za vai leh Pathian chungah ka lawm mawlh mawlh e,remchang hmasa berah a thar rawn dah leh ka tum dawn nia aw.