DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

HMUI TUAMNA. PAKHAT CHÊNGSAWM

-

 HMUI TUAMNA, PAKHAT CHÊNGSAWM.

(Kan Polician-te aia kan mamawh chu!)


       A aw chu a chhang lek lekin ka hria, ka kal pel zet tawh a, ka let leh a, ka zuk leisak ta zawk a.


       "Hmui tuamna pakhat chêngsawm," tiin a lo au lauh lauh a, naupang tè a ni a, Dawrpui kawng thlang lam aṭanga kawng chhak lam pawh chhohna rahka sirah a lo ṭhu a. Ka han dinchilh a, a thil zawrh ka lei zawhah ka han besawm a.


       "Mama, eng chen nge i awm ṭhin, i awm rei ṭhin em?"


       "Rei vak ngai lo, inkhel kan en phawt a, ka awm rei mai mai."


       Ka kal dawn chuan a thil zawrh ka leisak avangin lawmthu a sawi sap a. Hmui tuamna kha ka mamawh hran lo, Sialsuk, 'Hmunchung Tlang' kan tlawh dawn niin ka ṭhiannuin Jacket a lei a, chumi chhawm hmui tuamna var ngat chu ka la nei reng; mahse, kha naupang kha ka zah tlat a ni.


       Kutdawh nazawng hi ka khawngaih ve miah lo, khawngaihthlak tak tak an awm tih erawh ka hre ve tho a. Kha naupang kha chuan amaha sum thawh chhuah a zir a, sumdawn leh puitlin a zir tel nghal dawn a ni. Mi hausa fa tam takin an tluk loh naupang a ni tlat, thil a kal sual hle a nih loh chuan mi puitling takah a chhuak ang.


       Kan ram hian Politician thu sawi thiam kan mamawh lo. Ram Hruaitu ṭawng chapo kan mamawh lo. Sem policy bak vision mumal nei lo kan mamawh lo. Hna thawktute zah a, mahnia thawk chhuak thei leh thawh chhuah tum tlatte thawhrimna zahsaktu tur kan mamawh zawk a ni. Thawh hmaa sem tum ngawt mai rilru hian mipui 'moral' a ei chhe zo tawh.


       Hualtu-ah khian serthlum huan, ṭinthum hmun vel, kung sangkhat chuang awmna kan nei a, a hun lai khan kan hahpuiin min ei da ve hle a, kei hian Aizawlah ka chhuksan ta a, tunah hian kum 8/9 an ni chho ve ṭan a, a rah kan seng ve dawn ṭan mek a ni. Pathianin min venpui zela an hrisel ṭhat zel chuan man man takin kan la ti ral ve zel thei ang. Hman deuh khan NLUP an tih kha min dawntir ve an tum a; mahse, ka pain, "Ka duh mai mai lo, 'NLUP' avanga hlawhtling,' te hi min la ti palh reu reu ang e," a lo ti zék a. Ka pa hi ka va ṭan tak. Thawkkhat chu Sawrkar scheme thila hma lakna entir nan, hma an lak miah lohna kan serthlum huan thla chu an zuk la a ni awm e! Zahthlakin!


       Chanchinbumi ten politician-te an han kawm a, awihawm taka politician-te thu sawi hnial kalh emaw, a theih loh dan tur dap emawa han chhaih buai an tum mang miah lo hi chu a mak ka ti! Kan politician-te dang nalah an tlu bu ang nghut nghut a. Kei mai thu sawi hi tun lo la na lo se, Journalist tak taka chhiar tlak hi kan awm sup sup ṭep tawh ang em le?


       Pu Zoramthanga emaw, Pu Lalthanhawl emaw Pu Duhawma emaw kan mamawh lo, he naupang nungchang hi kan ram hian a mamawh zawk a ni. Kan ram hian khawi lam nge a pan dawn tih thu-ah mawhphurhna kan nei sang hle mai. Inti changkang kan mamawh lo va, rim taka hna thawh phawt a, a rah chhuah thlir ṭhin mihring hi a ni kan Ram mamawh chu. 

       NLUP leh SEDP hmangin Vawk vulh thlang ila, TV leh Frigde lei teh ang aw! Aize!


Chhantea Pautu

RIAHBÛK VÀNRAM 

Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more