DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Post a Comment

NAKTUK ATAN VAWIIN

-
       Ngwi renga i tawrh a ṭul hun a awm a! I puanzar hun a awm a. Natna i tuar a ṭul chang a awm a. I hmachhawn a ngaih chang a awm. I ṭah a chhuah chuan ṭap rawh! I mittui kha a tla reng dawn lo.

Rose kung hian pâr mawi tak leh hling a chhuah thei ve ve a; mihring nun pawh hi mawi takin a pâr thei a, hling pawh a pai ve bawk! Rose hling chhun aiin mihring hling chhun a na fê zawk!

Ih maw Duhtak,
I laka ka tihsualte kha ka siam ṭha thei tawh lo vang; mahse, hun remchang hmu ni ila, i laka thil ṭha ti turin theihna ka nei asin.

I tawrhna, khatia i awm chhan kha hriat thiampui i nih si loh chuan; hriat thiamtir tum duh suh. Kal la, fianrial panin va tuar rawh, i tawr chhuah hun chuan chakna hmuin i puitling sawt ngei ngei dawn a ni.

Kan la ṭap zel ang; kan nui zel bawk ang. Kan la na zel ang; kan dam leh bawk ang. Phatsanin kan awm ang; tu emaw chuan min la pawm leh bawk ang. Khua a var hmain thim chhah bîk a awm ang hian, nunah thim chhah bik kan pal tlang zawhah khaw var kan la hmu ang.

A thil tih sual rahchhuaha mawhphurhna la ngam lo mihring chu, ti mai ngam zel mah se mi dawihzep ai pawha hnuaihnung zawk a ni.

Kan thunun phak bâk thil a lo thlen hian; chu chuan Pathian min belhtir ṭhin. Ṭahna leh lungngaihna ramah rûmin awm mah ila, heta dam khawchhuak tura leilung luah hi kan ni!l. Lo boral ta pawh ni ila, chawlhna nuam kan tan tiamin a la awm cheu. Kan chauh tawpkhawk a lo thlenin chawlhna kan zawng a; Pathian kan ngai ṭhin.

Nun lairilah hian thu tam tak a inthup a ni. Ngai reng siin, “Ka ngai che!” i ti thei si lo. Ṭah chhuak kha i insum a, tuma’n an hriatpui lo che. Tih tawh chu tih tawh a nih avangin siam ṭhat theih a ni lo va; thil pawimawh chu, ‘Eng nge kan tih tur?’ tih hi a ni zawk.

Thli a thawt heuh heuh hian, ‘thlifîm’ kan ti a; a thawt nasat hian, ‘thlipui’ kan ti ṭhin. Thlipui kan kawl vek a; thlifim erawhin min ti thlandai ṭhin!

Eng kim a ṭha leh vek ang.

Tukin achin hnunglam zawng, hun kal ta, kan hun hman tawhahte khan, tih sual leh tih dik loh tam tak kan nei a, tih loh tam tak pawh kan nei. Zawng ila, hai ila, bih ila, chhiar ila, chhui ila, ngaihtuah ila, en chet chet ta ni ila; chutiang chuan han ti ngat ta ila chu, hlim lohna chhan tur hi kan va han ngah dawn tak em; mahse, vawiin hi naktuk atan kan pal tlang ang a, naktuk atan kan hmachhawn ang a, sual tak leh tling lo tak kan ni chunga ni thar kan hnena pêk hi- HLIM TAKIN KAN HMANG DAWN A NI.

Chhante Pautu

Comments

Post a Comment

Popular posts from this blog

DA MUSE: The Adventures of Remruatfela

-
Image
 DA MUSE The Adventures of Remruatfela ©Chhantea Pautu  Prologue Remruatfela chuan hmeichhe hmangaih em em a nei a, an induhin an inngâi a, an inthlahlel tawnin, inhmu lo leh inbe lovin an awm thei lo a ni ber. Ni tin zan tin an inbia a, an inhmuh loh karin Phone hmang talin video call hmangin emaw, voice call hmangin emaw an inbe reng ṭhin. Amah chu mipa sa nghet lam, hmel ṭha viaua sawi tur aia hmel pa lam pang zawk tak, hmel chhia ni chuang si lo, rilru pawh nghet ve tawk tak, thinlung nêm tak ni si, hmeichhia a kawp tawh vekte laka a rilru leh thinlung pe bur chi a ni a. Hmeichhe pakhatah a nghet a, a lerh lo va, a rinawm pawh a rinawm; a thîkthu erawh a chhe ve hle. Hmeichhe lakah a induh ve thiam lo va, hei vang hian harsatna a neih phah ṭhin a, a na zawkah a ṭan phah ṭhin a ni; mahse, a lakah hmeichhia zawk chu eng ang pawhin rawn che hmasain rawn be hmasa mah se, a ngai nêpin a nin phah ve ngai lo va. Amah hi adventure lam thila tui tak, a la hriat ngai loh leh a la ta...
Read more

KAWHTEBÂWKA(Mizo Pasalṭha Thawnthu) Bung 3-Na

-
KAWHTEBÂWKA BUNG 3-NA Sukte Râl Tawlh Thlu        Kawhtebaâwka chuan in lam a pan ta a. Karkhat chuang zet a lo vah tawhna mûal leh rùam, kawr kùam leh lui khawkrawk tak takte khan a lung an ti awi a, a tân chuan a thinlung chenna hmun thawveng a ni.        A rilru kawm chunga a kal thoh thoh lai chuan, nui awr awr ri hi hriain a inhria a. Hlauh vang ni miah lo hian a han ding chat a, a ṭhianpa Ṭhohliana aw niawm tak hi vawithum  a han hre leh a, a vawithumnaah phei chuan a hming ngeia ko ni hian a hre nghe nghe a; chu chu, ni dang pawha a chhungrila a lo hriat ṭhin, a ṭhianpa nen thinlung lama an inzawm ngheh em avanga an inhriat pawhna râlkhel aw ri, ri miah si lova a hriat ṭhin ri ngei chu a ni.        A ngaih chu a ṭha thei ta tlat lo. Rilru-a helhkam nei run chung leh, hmanhmawh ru em emin in lam chu a pan ta hmawk hmawk hmawk a. * * * * * * *        Chhum a zîng chûai a, Mualvùm khawp...
Read more

INTAWNG LEH NGEI ANG AW

-
Image
INTAWNG LEH NGEI ANG AW. - Chhantea Pautu Sangtei:        Muanawma'n Aizawl a rawn thlen thlak ni chuan, ka lo hriat dan leh Rintei'n min hrilh dan hmehbela hmuh ka lo tum a; mahse hmuh ka tum dan ang ngawt chuan ka hmu lo.        Rintei khan Muanawma hnenah a chanchin lungchhiatthlak tak pakhat hrilh turin min ti ṭhin a. Muanawma'n hre ngei se a duh si, ama'n a hrilh ngam si loh vang a ni a; khatia Rintei a boral tâkah chuan hrilh ngei ka duh a, amah Muanawma lah tih tur eng emaw a neih avanga Aizawla a rawn kal remchan lai tak a lo ni hlauh a. Amah la hmu lo mah ila a hming ka lo hre fo tawh a, kan Ina a rawn kal ṭum pawh chuan han zah em emna ka nei lo. Kan Inah a innghat nghal a, karkhat zet a cham a ni.        Amahah mipa zia dik tak ka hmu: a luhlul ruk riaunate, chutih laia hmeichhia a care em em site chu ka hriat loh karin ka lo hmuh hmaih miah lo va; a awm chhungin amah chu ka thinlungah ka khung fel ...
Read more